رواية بنات ليلى الفصل الرابع عشر 14 بقلم أسماء السيد
رواية بنات ليلى الجزء الرابع عشر
رواية بنات ليلى البارت الرابع عشر
رواية بنات ليلى الحلقة الرابعة عشر
رهف : هي هتروح أمتي للدكتور
هنا : بكرا أن شاء الله بس انتوا لازم تذاكروا اوي عشان شهد تتبسط بيكوا ومتقلوش لريم حاجه عشان متقلقش
رهف : حاضر بس انتي هتعملي ايه هتنزلي جامعتك ولا تقعدي ولا ايه
هنا : سيبها لظروفها قوموا ذاكروا يالا
عند شهد بالداخل
شهد لنفسها : يارب انا دلوقتي نايمه ولا عارفه احرك حته صابع يارب انا راضية بكل حاجه بس اخواتي هيعملوا ايه يارب اخف بسرعه عشانهم هما مالهمش غيري وظلت شهد تبكي كثيرا علي حالها حتي غلبها النعاس
عند عمر
روح : ايه يا ولدي انت فين
عمر : انا في اسكندريه يا امي
روح : ليه خير البنات جرالهم حاجه
عمر : احمد تعبان فجايا اشوفه واقعد معاه لعند مايخف انتي عارفه يا امي أنه مالوش حد غيرنا
روح : فيك الخير يا ولدي طب هتعمل ايه في شغلك
عمر : واخد اجازه يا امي
روح : ابقي طمني عليكوا يا ولدي
عمر : حاضر يا امي
في مكان آخر
مجهول : الو مماتتش ليه يا حيوان
الشخص : انا خبطها زي ما انتي قولتي بس حظها ان هي مماتتش
مجهول : تجيبلي تقرير عليها كل يوم
الشخص : طب انتي بتعملي فيها كده ليه يا هانم
مجهول : وانت مالك انت ليك تقبض وتعمل اللي انا عايزه مفهوم يا حيوان
الشخص : حاضر يا هانم
فلاش باك
في المستشفى
شهد : انتي بتعملي ايه انتي اتهبلتي
سلمي : ملكيش فيه يا حلوه
شهد : انتي المفروض يتشال اسمك من نقابه الاطباء
سلمي : بيه اخفي من وشي ولو عرفت يا حلوه انك طلعتي من بوقك الحلو ده حاجه شوفي اللي هيحصلك
شهد : والله لبلغ عنك ده أرواح ناس يعني داخل يعمل الزايده تشليلوا كليه ويعني الممرضات اللي واقفين دول مبيكلموش ليه
سلمي : بدي لكل واحده فيهم رزقه من العملية انا باخد كليه وحطها لمريض تاني بفلوس كتير وكنت هأكلك الشهد من العملية ده بس يالا انتي وشك فقر
وأثناء ذلك الحوار كانت شهد تسجل عبر جهاز التسجيل اللتي تسجل به العمليات دون أن يعرف احد
شهد : انا هخرج مش هخش معاكي عمليات تاني
شهد لنفسها : انا لازم اطلع دلوقتي للمدير
طلعت شهد للمدير وارته كل شئ
المدير بعصبية : الزي ده يحصل ده لازم تتفصل حالا وهمسح اسمها من النقابه ده جريمه ميتسكتش عليها شكر لحضرتك يا دكتوره
وبالفعل تم إحالتها للنيابة و حذف اسمها من النقابه وتم سحب الكارنيه منها
باك
سلمي : أن مكنتيش تموتي علي ايدي مبقاش انا سلمي يا ستنا الشيخه ثم ضحكت كثيرا
في الصباح
عمر : السلام عليكم اخباركم ايه النهارده
هنا : الحمدلله كويسين شهد لسه نايمه
عمر : نايمه كتير كده ليه في حاجه حصلت امبارح
هنا : لأ مفيش حاجه حصلت كله تمام والأكل كان طعمه حلو
عمر : طب ماتخشي تصحيها كده
هنا : ده هي بتنادي علي اهي
عمر : هتصل عليكي كمان شويه
هنا : نعم يا حبيبتي
شهد : اتصلي علي ريم وادهالي
هنا : حاضر
شهد : ألو يا ريم اذيك يا حبيبتي عامله ايه
ريم : قاعده في السكن فاضيه مش وراي حاجه اه صحيح طنط روح اتصلت من عند يوسف عليا بتقولي تعالي اتغدي معايا
شهد : وانتي قولتلها ايه
ريم : قولتها هستأذن شهد وارد عليكي
شهد : وانتي عايزه ايه يا ريم
ريم : انا عايزه اروح اشوف البيت بتاعهم واتفسح شويه
شهد : خلاص اتصلي عليها قوليلها انك موافقة
ريم : يعني مفيش فيها حاجه اني اروح
شهد : لأ مفيش فيها حاجه طالما عمك جلال موجود يبقي كل حاجه تمام وعايزاكي بت بميه راجل
ريم : حاضر
أغلقت ريم الهاتف مع اختها ثم
فكرت قليلا هو يعني فيها حاجه لما اتصل عليه مفيش حاجه ده ابن عمي اتصلت علي يوسف
ريم : ألو ثم صمتت ريم
يوسف : ألو خدي ياامي كلمي
روح : ألو مين معايا
ريم : انا ريم يا طنط روح
روح : أيوه اذيك يا بتي خيتك وافقت
ريم : اه وافقت
روح : طب انا هبعتلك يوسف يخدك عشان تقضي اليوم معانا
ريم : ماشي انا هلبس اهو
لبست ريم وخرجت لكي تنتظر يوسف
يوسف : اتفضلي
ركبت ريم السياره
بعدما ركبت بفتره
يوسف : اوعي تفكري اني هتجوزك انا مبتجوزش واحده سهله زيك واليوم اللي دافعت عنك فيه ده عشان بس مبحبش الغلط
اخواتك اللي اكبر منك احسن منك بكتير علي الاقل مبيجروش ورا الرجاله هتقولي انا ابن عمك والكلام ده ميكولش معايا يا هانم يا محترمه شكل شهد معرفتش تربي
ريم بدموع غزيره : نزلني هنا لو سمحت
يوسف : مش منزلك انا هوديكي البيت الاول وبعدها تبقي تعملي اللي تعمليه وبطلي عياط انا بقول الحقيقة ولا الحقيقة الايام ده بتزعل انزلي يالا يا محترمه يا متربيه
نزلت ريم من العربية
روح : بتبكي ليه يا ضانيا
ريم : مفيش يا خالتي
يوسف : انا جبتهالك اهي همشي انا شغلي بقي
روح : ربنا معاك يا ولدي
بعد ما يوسف مشي
روح : ايه اللي مزعلك يا بتي
ريم : مفيش حاجه يا خالتي انا كويسه
ريم عملت نفسها بتتكلم في التليفون
ريم : ازاي الجدول يتلغبط كدا مينفعش يعني هناخد النهارده الساعه1 طب تمام هاجي أن شاء الله مش هغيب
جلال : في ايه يا ريم
ريم : طلع عندي محاضره الساعه ١ فلازم امشي تتعوض أن شاء الله مره تانيه
جلال : يا طلعت انت يالا
طلعت : نعم يا بيه
جلال : شغل العربية يالا
طلعت : حاضر
جلال : هوصلك يا بتي بدل ما تروحي لوحدك
ريم : شكرا لحضرتك يا عمي
ركبوا العربيه
وقبل أن تنزل ريم من العربية
جلال : خدي يا بتي خلي دول معاكي
ريم : شكرا يا عمي معايا والله شهد بتبعتلي
جلال : وانا اللي المفروض اصرف عليكوا انتوا مسألوين مني وده فلوسكوا
ريم : عمي انا لسه معايا وقت ممكن نقعد في الكافيه ده وتحكيلي حضرتك دوننا علي الكل بتهتم بينا
جلال : ماشي يا لا يا بتي
جلسوا في الكافيه وطلبوا مشروب
جلال : انا هبدألك من الأول
فلاش باك
الحاج صالح جد البنات من الام
صالح : انا عارف يا ولد انك لساتك متخرج من الكليه بتاعتك بس انا مش عارفه لسه في عمري اد ايه وانت عارف الكبد مبهدلني ومش مطول انا هكتب كل حاجه بإسمك عشان خايف علي مراتي وبنتي من العيله ومش هقولك اتجوز بتي عشان عارف انها هي صغيره اوي بالنسبة لك بس خلي بالك منها كأنها اختك واي فلوس يحتاجوها تديهم يا ولد انا عارف انك عمرك ما هتاكل مال اليتيمه والارمله عشان كده بقولك انت دلوقتي ومتعرفش حد خالص انا معرف ناديه بس
جلال : بعد الشر عليك يا خال متقولش علي نفسك أكده انت اللي هتربي بتك وتجوزها كمان
وبعد ما خالي كتب كل حاجه بٱسمي واطمن مات بعدها بيومين
بعدها بسنه انا اتجوزت خالتك روح و عرفتها علي امك و ستك وبقوا أصحاب قوي وقولتها السر عشان لو موت في يوم من الايام
وجه مصطفى اخوي عايز يتجوز امكوا
روح : لأ يا جلال مصطفى شديد ومش هيسعد ليلي
جلال : ده اخوي ولو قولت لأ الحرب هتقوم من اخوالي وهيقولوا اني عايز اتجوزها
روح : بس مصطفى مش هيسعدها
جلال : ما انا مش عارف انا هسأل ليلي و اللي تقول عليه هعمله وكده يبيقي مشلش ذنب قومي البسي يالا نروح ليهم
روح : حاضر يا خويا
في البيت
جلال : يا ليلي مصطفى طالب يدك مني والقرار بيدك انتي
ليلي بكسوف شديد : وانا موافقة يا خوي
الحاجه ناديه : لأ يا بتي مصطفى لأ مصطفى شديد
ليلي : انا بحب مصطفى يا اما
روح : فكري يا ليلي بجد
ليلي : ما انا مفكره كويس يا مرت اخوي
جلال : خلاص على خيره الله
ناديه : جلال لأ ولدي
جلال : اعمل ايه يا مرت خال بنتك رايداه اللي انتوا عايزينوا اعملوا انا تحت امركم
نظرت الحاجه ناديه الي ابنتها ليلي فنظرت ليلي بترجي
ناديه : خلاص يا بني موافقين
جلال : مرت خال عايزك فموضوع جوا
في الداخل
جلال انا هاخدك كمان يومين انتي وليلي تجيبوا اللي انتوا عايزينوا في الجهاز كله
الحاجه ناديه : ربنا يخليك يا بني
جلال : يعني انتي محسساني أنها فلوسي ده فلوسكوا يا مرت خال
الحاجه ناديه : الحاج صالح عمل الصح لما امنك يا ولدي ابقي هات مرتك معانا
جلال : حاضر من عنيا
خرج جلال للخارج
جلال : فرحك كمان شهر يا ليلي ماشي يا مرت خال
الحاجه ناديه : ماشي يا ولدي
واتجوزت امك ابوكوا وبدأ ابوكي يزعل امك من بعد ما عرف أن مفيش ورث وذاد كل شئ لما امك خلفت اول بنتين بس اشهد للحق امك كانت مستحمله كل ده وراضية عشانكوا بس ابوكوا هو اللي كان قليل الاصل
باك
جلال : وانتهي كل شيء بموت ليلي ولما ماتت ليلي انا كنت عايز اخدكوا واخد ستكوا كمان تيجوا تعيشوا معايا هو ده كل حاجه يا بتي وانتوا ليكوا معايا كتير وشغلتلكوا الفلوس وربنا يعلم اني مخدتش منهم جنيه اي ربح كان كنت يا اعمل بيها مشروع يا بحطها في البنك يالا عشان متتأخريش وتلحقي محاضرتك
★★★★★★★★★★★
عند شهد
قبل ما الساعه تيجي اتنين
عمر خبط علي الباب
هنا فتحت الباب
عمر : شهد جاهزه ولا لأ
هنا : اه جاهزين
دخل عمر
عمر حمل شهد من الكرسي
عمر : انا مش لامسك اهو عشان متفتحيش ليا محضر
وصلوا الي دكتور المخ والأعصاب ودخلوا سريعا
الدكتور : انتي اللي في ده مؤقت ممكن علي أقل من شهر مع العلاج والعلاج الطبيعي هتكوني كويسه واهم حاجه أن نفسيتك تبقي كويسه
بعدما خرجت شهد من عند الدكتور
قابلتها سلمي
سلمي مالت علي شهد
: حبيبتي ايه اللي جرالك ده ثم همست في أذنيها
عشان تبقي تلعبي في عداد عمرك كويس
ثم وقفت سلمي بإبتسامه وهي تنظر إلي عمر مش هتعرفيني بالحلو ده
بتقعي واقفه
*******
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية بنات ليلى)
