رواية بعت نفسي الفصل الأول 1 بقلم نسرين

رواية بعت نفسي الجزء الأول

رواية بعت نفسي البارت الأول

رواية بعت نفسي الحلقة الأولى

الشخصيات
ادهم الشرقاوي 36 سنه صاحب اكبر شركات صناعة قطع غيار السيارات بتوكيل من جدو رحيم الشرقاوي
و سلسه مطاعم السمك ورثها عن ابوه وامو بعد وفاتهم
شخصيه معقده جدا وصعب التفاهم معاه مغرور وكلمتو من راسو
ودا طبع ورثو من جدو
_____________
رحيم الشرقاوي
راجل عصامي بنا نفسو بنفسو راجل مافيش في قلبو رحمه رغم ان اسمو رحيم
علي مشارف 70
ولسه بصحه جيده وهو الامر الناهي في عيله الشرقاوى
كبير العيله وكلمتو مسموعه وحفيدو ادهم اخد طبعو
مراتو هربت من تصرفاتو ومعاملتو الوحشه
________________
عصمت هانم
بنت رحيم الشرقاوي علي مشارف 50
ست اللي يتقال عليها قادره بكل معني الكلمة فارضه شخصيتها علي الكل واولهم جوزها اللي الناس مسمينو راجل الست
كل همها في الحياه الفلوس والسفر و الشوبينج و
استغلال نفوذ والدها وفلوسو
ست شيك بمعني الكلمه واخدا جمال امها اليونانيه
_______________
سيف حكمدار
55 سنه
جوز عصمت بيشتغل مع ادهم في مجموعه الشركات
زير نساء وعينو زايغه بس واخد بالو لا مراتو تعرف هههه
____________________
كاميليا دلوعه جدها و ابوها وامها
30 سنه هدفها في الحياه هو ادهم الشرقاوي بتحبو حب جنون او ممكن نقول بتحب الفلوس اللي عندو ومنصبو ومكانتو في المجتمع
من صغرها امها حطت في دماغه انها حاتبقا مرات كبير العيله بعد جدها
عملت المستحيل لحد ما اتجوزت ادهم الشرقاوي
وجابت بنوته عسل ملك ابوها صمم علي الاسم دا رغم اعتراض عصمت هانم
عندها 5 سنين
_________________
بطلتنا اسمها مليكه الرشيدي
عندها 27 سنه
ام لي احلي توأم خالد وخلود سنهم 9 سنين
مليكه عاشت في جو اسري بين امها اللي ماتت بحسرتها علي بنتها الكبيره
واخ واخت انتقلوا لي اسكندريه بعد وفاه ابوهم كانت مليكه المعيل لي اسرتها وهي صغيره 17 سنه طلعت سوق الشغل عشان تصرف علي امها العيانه وعلي اخوها واختها
بعد موت امها طلعو من الحاره الشعبيه اللي كانو عايشين فيها فوق السطوح
حاليا عايشين في حي شعبي في شقه شبه متواضعه اشتغلت ليل ونهار عشان تصرف علي ولادها واخواتها
جمالها الطبيعي الاسمر يلفت انتباه اي حد علي الرغم ان هي شايفه نفسها وحشه لعدم وجود وقت و فلوس تعتني بي بشرتها ولبسها بنت بسيطه جدا جدا بس الزمن علم عليها نفسيا علي طول حزينه وشايله الهم ونفسها تعيش من غير خوف وتربي ولادها بعد ما نجحت في تربيه اخواتها
___________________
عبد الرحمان الرشيدي
25 سنه بحب اختو مليكه جدا بيعتبرها أمو اللي ربتو وصرفت عليه لحد ما اتخرج واشتغل مهندس في شركه في القاهره اللي انتقلوا ليها بعد وفاه امهم
_________________
سهي الاخت الصغرى لمليكه وعبد الرحمن
20 سنه بنت متهوره ومجنونه بتفكر مليكه لما كانت في سنها بس الزمن قسي عليها عشان كده خايفه عليها اوي اوي من شخصيتها مستهتره
فرحانه بشعرها المنكوش حلم سها تطلع مودلز مشهوره
______________
البارت 1
في قصر الشرقاوي
علي السفره الفطار
_ادهم صباح الخير يا جدو
_رحيم صباح الخير يابني مراتك فين؟
_ادهم بتنهيده المدام يا جدي راجعه وش الفجر من سهرتها مش حاتصحي دلوقتي وحتي لو صحيت حاتعمل ايه يعني
_رحيم انا اسف يابني خليتك تتجوزها غصب عنك
_ادهم ياه يا جدي انت بتعتذر مني وفهمت أنو كان غصب عني
_رحيم يا بني انت مش بس حفيدي انت اغلي حاجه عندي حتي من ولادي اللي مش بيسالو عني
_ادهم جدي ارجوك حاول تصلح علاقتك بي عمامي بلاش تسمع كلام عمتو
_رحيم قولي ولاد عمك لسه علي تواصل معاك؟؟
_ادهم الحمدلله علاقتنا فضلت كويسه من غير اكرم وفارس وعدني انو ينزل مصر
_رحيم بجد يابني
_ادهم اه يا جدو كفايه علاقتي اللي بازت مع اكرم
_رحيم ماتجيبش سيرتو قدامي
_ادهم ليه؟؟ عشان …
_رحيم بعصبيه اه عشان كان بدور عليها ويملا رأسك بكلام فارغ
_ادهم ليه يا جدي مايمكن كلامو صح
عصمت كانت نازله من فوق
_رحيم قفل علي الموضوع عمتك نازله
_عصمت صباح النور عليكم
_ادهم صباح الخير
_رحيم جوزك فين ؟
_عصمت نزل بدري عندو شغل كثير
_رحيم بنتك كانت سهرانه فين؟
_عصمت عادي وحده من الشله كانت عامله حفله
_ادهم بقولك يا عمتي وحماتي كلميها عشان انا زهقت وقوليلها تخلي بالها من بنتها اللي رامياها مع الدادا
عن اذنكم رايح شغلي
وطلع من القصر
**عصمت عاجبك كلام حفيدك المدلل ؟؟
**رحيم عندو حق يا بنتي انت مش شايفه تصرفاتها كفايه دلع فيها كفايه انها مش عارفه تجيب ليا حفيد تاني دا حتي بنتها مش عارفه عنها حاجه
**عصمت بعصبيه ايه يا بابا حفيدك شحنك علي بنتي وبعدين الخلفه من عند ربنا بنتي مالهاش يد فيها وكمان حفيدك مش مدي وش لبنتي بيهملها جدا ومش مديها حقوقها الشرعيه حاتخلف منو ازاي
رحيم ضحك بطريقه مستفزه
**رحيم بتتكلمي علي الحقوق هو عارف يتلم عليها وهي علي طول سهرانه ومش واخدا بالها من جوزها كفايه انو اتجوزها غصب عنو ومحافظ عليها ومدلعها بنتك حياتها سفر وسهر واخر اهتمامها جوزها وبنتها كفايه انو مستحمل كل دا لو راجل تاني كان كل يوم مع ست شكل
**عصمت لا والله هو دا اللي ناقص بنتي مستحمله ادهم بكل قرفو وعقدو في الدنيا من ساعه ما …
**رحيم خلاص كفايه انا طالع عندي اجتماع مهم
**عصمت اجتماع ايه؟؟
**رحيم اسألي جوزك
سلام عليكم
في بيت الرشيدي
**مليكه يا سها اصحي بقا
**سها اوف سيبيني انام
**مليكه يا بنتي مش قولتي عندك انترفيو يلا يبقا
وطلعت من اوضه
**عبد الرحمن لسه مش عايزه تصحي؟
**مليكه لا المصيبه عندها انترفيو
**عبد الرحمن معلش يا حبيبتي تاعبينك معانا
**مليكه لا والله يلا يا بكاش
**خالد صباح النور يا مامي
**مليكه يا صباح الفل والعسل علي احلي خالودي في الدنيا اختك فين ؟
**خلود راحت تجري علي مليكه حضنتها صباح الورد يا مامي
**مليكه يا خواتي علي احلي بنوته
يلا علي الفطار
**مليكه حبيبي النهارده عندي ورديه و حتأخر شويه يعني لو ينفع تيجي بدري البيت عشان الولاد انت شايف سها اخاف تصحي وتنزل وتنسا زي عوايدها
**عبد الرحمن ان شاء الله
**مليكه مافيش جديد في الشغل ؟؟
**عبد الرحمن والله لسه انا دفعت في كدا شركه ومستني
عارفه ان الشركه تغير نشاط في اخر لحظه و يستغنو عننا
**مليكه الخير في ما ختاره الله ماتقلقش ربنا حايكرمك من وسع دا انت احسن مهندس ميكانيكا فيكي يا مصر
**عبد الرحمن بضحك ربنا يخليك ليا علي طول بتشجيعيني
**مليكه انت الراجل اللي طلعت بيه من الدنيا
**خالد كده يا ست ماما هو انا مش مالي عينك
**مليكه بضحك لا يا حبيبي انت راجل وسيد الرجاله
يلا يا حبايبي عشان ما نتاخرش علي المدرسه
عبد الرحمن انا صحيت بدري وعملت ليكم الغدا انت تسخنو وتتغدو من غير ما تستنوني
انت عارف انهارده جرد المحل
**عبد الرحمن ربنا معاكي اسف تقلت عليكي في المصاريف والله اول ما اشتغل
**مليكه من غير ما تكمل انت طول عمرك جنبي وبتساعدني وحتي لما كنت شغال بتصرف معايا
يلا حبايبي عشان نمشي
في شركه الشرقاوي
**ادهم مافيش اخبار ؟؟
**طارق سكرتير شخصي لي ادهم
لا يا ادهم بيه
**ادهم حاتجنن طول السنين مش عارفين نوصل لي حاجه
**طارق معلش يا ادهم بيه ماضي وخلص
**ادهم بسهوله دي اكيد جدي ليه ايد في الموضوع دا
**طارق اعمل ايه دلوقتي ؟؟
**ادهم سألت في البلد ؟؟
**طارق سألت ومافيش حاجه جديده والله يا ادهم بيه انا مش ساكت
**ادهم مش حوصيك الكلام دا يفضل بينا
**طارق اكيد يا ادهم بيه نسيت اقولك بعد ساعتين في اجتماع ورحيم بيه حايحضر
**ادهم غريبه
ماقاليش حاجه خالص
طيب امشي انت دلوقتي وشكرا علي كل حاجه
في القصر
**عصمت كامي يلا اصحي
**كاميليا يوه يا ماما سيبيني
**عصمت قومي بقا عايزاكي في موضوع مهم
**كامي بعدين يا ماما
**عصمت بصوت عالي قومي يلا
**كامي في ايه الواحد مش عارف يرتاح في الزفت دا
**عصمت زفت علي دماغك يلا قومي خودي دوش فوقي وانزيليلي الجنينه
بعد ساعه نزلت
**عصمت كل دا عشان تنزلي
**ملك مامي وحشتيني
**كامليا حلي عن دماغي انت كمان
**عصمت انا اتجننت ازاي تكلمي بنتك كده
**كامليا اوف يا ماما انا راسي بيوجعني ماشبعتش نوم
بصوت عالي انت يا زفته جبيلي فنجان قهوه
**عصمت يا دادا تعالي خدي ملك اوضتها
**كامليا في ايه يا ماما؟؟؟
**عصمت في ان جوزك بيشتكي منك وكمان جدم اداني درس في الأخلاق
**كامليا وايه الجديد
**عصمت الجديد ان شكل ادهم عرف حاجه عن الماضي وبدور فيه وانت فاهمه وانا فاهمه
**كامليا انت بتقولي ايه؟؟
**عصمت بقولك انك نايمه علي وذانك ونسيتي جوزك مش هو دا ادهم اللي كنتي حاتموتي عليه وانتحرت عشانو ولا خلاص وصلت اللي انت عايزاه
**كامليا عمرو ما حايوصل لي حاجه ماتخفيش خلاص انا حاتصرف ماما ادهم ما بحبنيش حاولت كثير معاه انت ماتعرفيش هو صعب قد ايه
**عصمت رغم ان شايفه العكس جوزك بيحترمك عمرو ماقل من احترامو ليكي قدامنا عايشه عيشه الكل بيحسدك عليها بتسافري وتطلعي لحد مانسيتي انك ام انت عارفه ايه عن بنتك ؟
قوليلي اخر مره سافرتي مع جوزك ؟ ولا طلعت معاه
سيبك من دا كلو
أمتي اخر مره كانت بينكم علاقه ؟؟
**كامليا مش عايزه افتكر هو انت فاكره اني مبسوطه ادهم انا مش فارقه معاه خالص مش بعيد بكون بخوني ولا متجوز عليا
**عصمت متخافيش مش بخونك انا عامله مراقبه عليه ولا متجوز عليكي
بس مش بعيد يتجوز ما جدك عايز حفيد عايز وريت ليه فوقي يا بنتي
**كامليا ماما هو انت بتهزري ؟ انت عارفه وانا عارفه ليه تفتحي الموضوع دا
**عصمت ما عشان عارفه لازم نتصرف
**كامليا قولتلك حاتصرف
**الشغاله القهوه يا مدام
**كامليا بعصبيه اتاخرتي ليه ؟؟
**الشغاله معلش اصل ادهم بيه اتصل كان بيسال ادا صحيتي ولا لا
**كامليا ماشي يلا غوري
**عصمت شوفتي بقا يكلم الشغاله عشان يسأل عليكي
**كامليا اشرب قهوتي واطلع اغير اروح عندو الشركه واعزمو علي الغدا
**عصمت كامي انت اللي ليا في الدنيا ماتخليش اللي عملناه يروح كده
اعقلي خففي سهرك وحاولي ترجعي علاقتك بيه