رواية انتقام مجنون الفصل الثامن 8 بقلم عادل عبدالله

رواية انتقام مجنون الجزء الثامن

رواية انتقام مجنون البارت الثامن

رواية انتقام مجنون الحلقة الثامنة

: مش هبعد عنك ابدا علشان انا بحبك ، انا معرفتش طعم الحب الا منك ومعاك يا اسامة ، مش ممكن ابعد عنك ابدا يا حبيبي .
وكانت دي اول مرة اغلط فيها بعد جوازي !! انا رغم الحرمان العاطفي من جوزي لكن عمري ما فكرت اعمل كده ، لكن انا لقيت جوزي بيطعني بخنجر في ضهري ، مش خنجر واحد لأ عدة خناجر ، خنجر الخيانة ، خنجر الذل والاهانة ، خنجر الابتزاز والفضيحة بأنه يصورني وانا معاه !!! كنت ممكن اسيطر علي نفسي لو كان اهلي سند ليا في ضهري لكن حتي اهلي عمرهم ما كانوا سند ليا !!
الوحيد اللي لقيته بيحبني وبيقف جنبي هو اسامة علشان كده كنت قررت خلاص اني لازم اكمل حياتي معاه !!
لقائنا مكنش لقاء غريزة علي قد ما كان لقاء حب ودفا وحنين واشتياق ، كل معاني الحب اللي عرفها العشاق كانت ما بينا في الوقت ده .
بعدها حسيت بندم !!! لكن مش ندم علي الغلطة دي ، ده ندم علي الحب والمشاعر الجميلة اللي ضيعتها مني بغبائي سنين كتير وانا اخترت مكانها مشاعر الذل والاهانة والكره والقهر !!!
كل دقيقة وانا بين ايديه كانت احسن من عمر كامل وانا بعيد عنه .
وعيشنا انا وهو اجمل يومين عسل ممكن اي اتنين عشاق يحلموا بيهم .
بعد يومين اسامة قالي : انا لازم ارجع النهاردة .
: ترجع !! ليه ؟
: علشان شغلي ، ومتخافيش انا هفضل علي اتصال بيكي علطول ولو احتاجتيني في اي وقت مسافة السكة هكون عندك .
: انا محتاجالك دلوقتي ، محتاجالك تفضل جنبي .
: انا جنبك ، حتي لما امشي هكون جنبك بردو .
: طيب انا هرجع معاك .
: وهتعملي اي ؟؟ مش خايفة تقابلي معتز هناك ؟ مش خايفة يكون نفذ تهديده وفضحك وكل اللي تعرفيهم شافوا الفيديو ؟؟
: جوزي ده حيوان ، ولا عمره هيقدر يعمل كده .
: انتي كرهتيه بسبب الفيديو اللي عمله ده ؟
: انا بكرهه قبل كده بكتير ، ده ذلني واهاني ومسح كرامتي ، مش عارفة اتحملت كل ده ازاي وهو كل يوم كان بيتفنن في اذلالي !!!
: وناوية تعملي ايه ؟
: اللي هتقولي عليه هعمله يا اسامة ، انا مطمنة علي نفسي وانا معاك .
: عايزك تطلقي منه وتبقي معايا بتاعتي انا لوحدي .
: ياريت يا حبيبي .
: طيب خليكي هنا النهاردة وانا هرجع هشوف مكان تقعدي فيه هناك علي ما تتطلقي منه .
: بس انا خايفة اقعد هنا لوحدي .
: متخافيش هكون معاكي علي الموبايل طول الوقت .
: طيب سيب لي فلوس انزل اشتري شاحن للموبايل علشان فاصل من باليل وهشتري شوية حاجات .
: حاضر .
مشي اسامة وعلي قد ما اليومين اللي كان اسامة معايا فيهم مروا بسرعة علي قد ما كان اليوم ده طويل اوي .
كل شوية كنت بتصل به علشان يفضل صوته معايا محسسني بالأمان .
بالليل اسامة كلمني و قالي : انا خلاص اخدتلك شقة تقعدي فيها ، جهزي نفسي وتعالي الصبح هكون في انتظارك .
: انت بتتكلم بجد ؟
: ايوه طبعا .
: ينفع اجيلك دلوقتي ؟
: ياريت بس الدنيا ليل واخاف عليكي .
: انا بحبك اوي يا سمسم ، ده معتز عمره ما كان بيخاف عليا كده زيك .
: بلاش سيرته بقي ارجوكي .
ضحكت اوي وقولتله : انت بتغير عليا منه ؟
: ايوه طبعا .
: لكن ده لسه جوزي .
: مش هيفضل جوزك كتير . بقلمي / عادل عبد الله
: انت متأكد كده ليه ؟
ضحك وقالي : قلبي دليلي .
: انا خايفة لأني عارفة انه مش هيطلقني بسهولة .
: انا لو قولتله يطلقك هيطلقك .
ضحكت وقولتله : ايه الثقة الزيادة اوي دي ؟!!!
: انا بتكلم بجد يا قلبي و متأكد من اللي بقولهولك .
: طيب خليك معايا علي التليفون طول الليل علشان اكون مطمنة .
: مش هينفع لأني هكون في البيت .
: حاول تتصرف ، انا خايفة اوي .
: متخافيش ، المهم اقفلي الباب كويس ونامي ، وهي مسافة الليل بس .
: حاضر .
: الصبح قبل ما تمشي كلميني علشان تاخدي باقي فلوس الايجار من السمسار .
: حاضر يا حبيبي .
وبعد ما قفلت معاه كنت زعلانة من نفسي اوي ، ازاي اضيع واحد زي ده من ايدي واتجوز الحقير اللي اتجوزته ده !!
عدت الليلة عليا بصعوبة وانا خايفة وكنت كل ساعة اقلق من النوم علي اي صوت حتي لو كان ضعيف .
وقبل الفجر بشوية صحيت من النوم علي صوت الموبايل !!
قولت في نفسي ده اكيد اسامة اللي بيتصل علشان يطمن عليا .
لكن لما مسكت الموبايل اتصدمت لما شوفت معتز اللي بيتصل !!!
خوفت وحسيت بالرعب وقومت قعدت مكاني مش عارفة اعمل اي !!!
كان عندي كلام كتير كنت عايزة اقوله للحيوان ده علي الفيديو اللي صوره ، لكن خوفت اوي !!!
انا اتصلت به كتير ومردش عليا ابدا ، ليه بيتصل بيا دلوقتي ؟!!!
معقول بيتصل علشان يطمن عليا ؟؟ معقول عايزني ارجعله تاني بعد اللي عمله ؟؟ ده اكيد يبقي مجنون !!!
الاتصال انتهي وبعده بثواني كرر الاتصال تاني !!!
ايه اللي يخلي معتز يتصل بيا في الوقت ده ؟؟ كان يتصل بالنهار لو عايز يصالحني علشان ارجع !!
ولا يكون عايز يهيني ويذلني شوية زي ما هو متعود !!!
انا مش هرد عليه واحسن حاجة اقفل الموبايل خالص !!!!!
قفلت الموبايل وقعدت افكر في سبب اتصال معتز بيا لكن مش قدرت اوصل لنتيجة مقنعة .
كان الصبح طلع وانا لسه بفكر في اتصال معتز وعايز مني ايه ويا تري هيرضي يطلقني بسهولة ؟؟
طمنت نفسي مادام اسامة جنبي يبقي اكيد هيساعدني وخصوصا انه كان بيتكلم بثقة انه هيقدر يخلي معتز يطلقني .
النهار طلع واكيد اسامة زمانه صحي وهينزل كمان شوية ، فتحت الموبايل لقيت رسايل كتير من معتز !!
فتحت الرسايل وبدأت اقراها كانت كلها اهانة وقلة ادب لدرجة أني مش قدرت اكملها !!!!!
خلاص مش قادرة اتحمل اهانات تاني اكتر من كده .
جهزت الفطار وقعدت اكل وانتظرت اسامة يكلمني .
اسامة اتصل اخيرا : صباح الخير يا قلبي .
: صباح النور يا حبيبي ، اتأخرت كده ليه ؟ من بدري مستنية تتصل بيا .
: معلش يا حبيبتي لسه خارج حالا من البيت .
: حصلت مفاجاة مش هتصدقها ابدا يا سمسم .
: حصل ايه ؟ جوزك اتصل بيكي ؟
: انت عرفت ازاي ؟
: عادي ، انا كنت متوقع كده ، المهم رديتي عليه ولا لأ ؟
: لأ خوفت و مش رديت ، ولما اتصل كتير قفلت الموبايل للصبح ، لكن لما صحيت لقيت القذر باعتلي رسايل .
: وشوفتيها ؟
: مش كلها ، قريت كام رسالة كلهم اهانات وقلة ادب قفلتها ومش كملتها .
: طيب لما تنزلي وتروحي للسمسار كلميني علشان اقوله يديلك باقي فلوس الايجار .
: ماشي يا حبيبي .
لبست واخدت تليفوني وحاجاتي ونزلت واخدت باقي الفلوس من السمسار وركبت ميكروباص علشان ارجع وطول الطريق وانا بتكلم مع اسامة لحد لما وصلت .
روحت معاه لحد ما طلعنا الشقة المفروشة اللي أجرها .
: انت كده صرفت فلوس كتير اوي يا اسامة !!!
: فداكي الدنيا كلها ، اهم حاجة عندي راحتك واننا نكون مع بعض .
ابتسمت وسرحت اتفاجئت به بيقولي : سرحتي في ايه يا حبيبتي ؟
: انا مش عايزة ابعد عنك ابدا يا اسامة .
: وانا كمان ماصدقت رجعتيلي تاني .
: تفتكر معتز هيطلقني بسهولة ؟؟
: ايوه .
: انت متعرفش معتز ، ده عنيد جدا ولو اتمسك بيا يبقي مستحيل يطلقني .
ضحك اوي بصوت عالي ضحكة ثقة بجد تقلق !!!
انا مش عارفة انت بتضحك اوي ليه كده ؟؟
: اصل انتي غلبانة اوي يا حبيبتي .
: مش فاهمة .
: انا بأشارة من صباعي اقوله يطلقك هيطلقك علطول .
وضحك تاني ضحكة عالية خوفتني !!!
: ده لغز يعني ولا ايه ؟
: مش لغز ولا حاجة ، وعموما لو عايزة تجربي انا تحت امرك ، بأشارة منك تؤمريني و انا بأشارة مني هأمره يطلقك علطول .
: انا هموت واعرف الثقة اللي في كلامك دي مصدرها ايه ؟؟
: بعد الشر عليكي يا قلبي ، غيري هدومك وتعالي نتغدا علشان جعان اوي وبعد كده هتعرفي مصدر الثقة اللي في كلامي منين !!!!!