رواية المارد العاشق الفصل الثالث 3 بقلم دينا التونسي

رواية المارد العاشق الجزء الثالث

رواية المارد العاشق البارت الثالث

رواية المارد العاشق الحلقة الثالثة

اول ما دخلت لقيته بيبصلي من فوق لتحت ومركز معايا اوووي اتكلمت بكسوف ودا طبعا كان عكس اللي انا عوزاه أنا كنت عاوزه إبان قويه قولت بسخريه:اهلآ وسهلآ يا استاذ كريم
رد كريم :ازيك يا براء
مش عارفه ليه اتوترت لما نداني براء تاني
مردتش عليه ووبعدت عيني بسرعه وقولت لماما :أنا داخله يا ماما اجيب الاكل من المطبخ
مامتها :ايوه يلا يا حبيبتي
كريم :بس ماشاء الله يا خالتي براء كبرت
ردت الام :ايوه هو فيه حد بيفضل علي حاله يابني
رد :طب بعد اذنك ممكن تقوليلي فين الحمام
ردت الام :خد صاحبك شاورله علي الحمام يا يوسف
يوسف :حاضر يا امي قدامي يخويا
يوسف اهو هتمشي الطرقه دي الحمام في الشمال قصاد المطبخ
رد كريم :ماشي مشي كريم ويوسف كان فونه رن راح يرد عليه
في طريق كريم عند الحمام شاف براءه في المطبخ دخل المطبخ وقفل الباب وقال:,براء
براء بصتله بتوتر وقالت بتعلثم:افندم فيه حاجه
حضرتك قفلت الباب فيه حاجه !؟وراحت علشان تفتح الباب
فضل يقرب منها لحد ما ما وصلت الحيطه وبقت المسافه بينهم منعدمه
براء بتوتر اكبر :لو سمحت فيه ايه ابعد كده وافتح الباب
وجات تمشي تاني مسك ايديها ولواها ورا ضهرها وقربها منه جامد وهمس في ودنها وحشتيني اووي يا براء احلويتي وكبرتي بس انا اول مره اعرف ان اللي بيكبر عينه بتقلب الوان ولا هو كان النضاره مداريه جمال عينيكي
براء بقوه زقته ولسه هترفع ايديها تضربه بالقلم مسكها ولواها تاني وقربها منه اكتر وهمس قدام شفايفها وقال :أنا ممكن أنا كمان اعاقبك علي الحركه دي وغمز وقال :اظن أنتي لسه فاكره العقاب وانا كمان بحبه بس هحبه اكتر لما تبقي حلالي عن قريب
ردت بجمود وقوه :ابعد عني والا والله اكون مصوته وإنتا عارف اخويا ساعتها ممكن ينسا انك صاحبه واظن انتا متحبش تطلع من هنا بفضيحه متفكرشي اني سهله كده يا استاذ وزقته جامد وضربته بالقلم علي وشه وقالت :ودا عقاب اللي يتعدل علي حرمه بيت صاحبه وانتا لسه ما تعرفشي دكتوره براءه القاضي
رد عليها بضحكه خبيثه :بس عجبتني وحرمه بيت صاحبي قريب هتبقا حرمي المصون
ردت براءه بتوتر :دا بعينك
وفتحت الباب ومشيت
______________
رن فون يوسف ورد
العميل :ايوه يا يوسف بيه ايوه عندنا عجز الفتره دي جامد في الموظفين
يوسف :طيب نزلي اعلان لتعين موظفين
العميل :الشروط يا يوسف بيه
يوسف :الشروط أنه اللي يتوظف يبقا ملتزم وان حد يعرف يشتغل كويس والسن في رينج ٢٢ وانتا طالع بس ميتعداش الخمسين طبعآ
العميل بطاعه:حاضر يا يوسف بيه هنزل الإعلان
______________
في الجانب الآخر
صحت شهد وأدت فريضتها
وراحت علي مامتها
شهد :,يا صباح التفاح
امها بتعجب:سبحان مغير الاحوال ربنا يكملك بعقلك يا بنتي
ردت شهد بضحك:مقبوله الدعوه منك يا سوسو
امها :صحيتي من غير مهرجان النهارده انتي تعبانه فيكي حاجه
شهد :لاء يا ماما أنا سليمه وزي الفل بس صحيت علشان اساعدك في البيت مش دي امنيه حياتك أنا بقا هوريكي مهاراتي
ام شهد بفرحه :والله يا بت يا شهد انا طول عمري بقول أن فيكي الخير
ردت شهد بتلاعب :دلوقت بقيت فيا الخير ماشي يا ست سوسو يلا نبدا
وبدأت تنضف
__________
عند يوسف خلص المكالمه وبينادي علي كريم
كريم يابني هتبات في الحمام خلاص الاكل جهز
كريم طلع بعد ما غسل وشه
قاله :جاي اهو
راحوا عند السفره
براءه بسخريه :بس وش حضرتك احمر كده ليه يا أبيه كريم
وقعت علي وشك في الحمام ولا ايه
يوسف بتعجب وهو بيبص لوشه هو ووالده يوسف
والده يوسف:مالك يا ابني انتا كويس
يوسف بتعجب :وشك احمر كده ليه فيه ايه
كريم بغيظ من براءه
رد عليهم:أنا كويس بس مخدتش دوا الحساسيه
يوسف بتعجب:حساسيه !!في جنب واحد
كريم :ايوه بتجيلي ساعات كده
براءه بسخريه اكبر:دانتا متعود بقا
مامت براءه :خلاص يا براءه ربنا يشفيك يابني
كريم وهو بيبص لبراءه بغيظ
يارب يا خالتي
يلا يولاد كلو
_______
عند شهد وهي مشغله عصام صاصا
وعماله تغني:الملك علي أرضه وانا ملك مطرح ما بروح
امها بزعيق :ياشهد يبنتي بقالي سنتين بنادي عليكي وطي الزفت دا
شهد :دا صاصا يا ماما
مامتها:مين صاصا دا يعين امك
شهد بتعجب:فيه حد ميعرفوش
ام شهد :طيب سي زفت دا توطيه وانتي بتروقي علشان اسمعيني لما انده صوتي راح بسبب الزفت
شهد :حاضر يا سوسو
يلا أنا قربت اخلص اهو هروح ارمي بس التراب وارجع
ام شهد بصي كويس قبل ما ترمي علشان مفيش حد ياجي عليه حاجه
شهد :عيب عليكي بتوصيني برضو
شهد من البلكونه ورمت التراب وكان حسين معدي خد التراب كله في وشه
حسين بزعيق :فيه حد يرمي تراب كده التراب غرقني
شهد بضحك:هو انتا معلش انها جات من نصيبك المره دي
حسين بزعيق اكبر:انتي متخلفه هو ايه اللي من نصيبك
شهد بدأت تزعق معاه:أما انتا ناقص صحيح مقولنا معلش هو انتا لازم تغلط
حسين :والله ما عارف مين اللي ناقص
بداو يتخانقوا جامد والشارع كله طلع
__’_’________
يوسف فيه زعيق جامد في الشارع
ام يوسف :دا جاي من عند عمك فوزي باين
كريم :مين فوزي دا
ام يوسف :دا يبقا جارنا من الشارع التاني
يوسف تعالي يا كريم نشوف فيه ايه
ومشيو في طريقهم
وصلوا لقوا حسين واقف تحت البيت وشهد فوق في البلكونه
يوسف راح عليه وقاله:فيه ايه يا استاذ حسين
شهد من فوق اول ما شافته وسمعت صوته اتوترت
حسين :خليك في حالك انتا يخويا
يوسف :حضرتك أنا بسالك علشان احل المشكله
حسين بزعيق :مقولنا خليك في حالك
يوسف بغضب:أما أنتا انسان قليل الادب
شهد من فوق :هو كده فعلا انا ااقولك يا استاذ اللي حصل هو معدي وانا حدفت تراب غصب عني جه عليه ولما جيت ااقوله معلش طول لسانه
حسين :ايه طول لسانه دا متحترمي نفسك يابت انتي
هنا كان فقد يوسف كل أعصابه
وقال :ايه بت دي أما انتا انسان مش متربي صحيح وضربه بالبوكس في وشه وبدأت الخناقه بينهم وشهد فوق
بتقول ليوسف :ايوه اديله ما ترحمهوش
يوسف ضحك في سره ومكمل ضرب في حسين
حسين :خلاص يا استاذ ابوس ايدك
يوسف :اعتذر منها
حسين:أنا آسف يا استاذه شهد
شهد :مره تانيه لو اتكررت مش هيحصلك كويس ويلا روح لامك
يوسف سابه وهو بعد ما روقه
قام حسين جري مشي
كريم :بس المره الجايه تبقي تاخدي بالك يا استاذه
يوسف :ومشوفكيش واقفه في البلكونه تاني
لو لمحتك صدفه يا شهد مش هيحصلك كويس
شهد :انتا هتصاحبني يجدع انتا أنا مش عارفه انتا بتطلعلي منين أنا عارفه انك عملت موقف رجوله بس مش معني كده اني اسمع كلامك اسمع كلامك بتاع ايه اصلا
يوسف :هتعرفي قريب
ودخلت شهد وهي فرحانه في نفسها وفي نفس الوقت مش عارفه هي حاسه انها عرفاه
مامت شهد:خلاص خدتي حقك هزقتي الراجل وارتحتي
بس فيه واحد روقه متعرفيش مين اللي ضربه دا يا ماما
مامتها قالت!!!!!!!!