رواية القدر الفصل الأول 1 بقلم أمنية يوسف
رواية القدر البارت الأول
رواية القدر الجزء الأول
رواية القدر الحلقة الأولى
اللهم صلً وسلم على نبينا محمد ♡
_يعني إيه يعني بتحب واحده غيري، طيب وأنا وحياتي اللي وقفت بسببك؟ دانا بقا عندي ٢٩ سنه ودا كله مستنيه البيه يجهز نفسه.
معاذ ببرود “انا قولتلك كام مره متوقفيش حياتك عشاني ”
إيثار بغضب “والحب اللي بينا دا تسميه إيه يا معاذ…حبي ليك والوعود اللي بينا”
معاذ بغضب أكبر “انا مضربتكيش على ايدك يا حببتي ”
إيثار بدموع”هي فيها إيه زياده عني فيها إيه يا معاذ؟ حلوه طيب مانا حلوه..بتشتغل طيب مانا بشتغل وفي أكبر بنك..فيها ايه زياده عني؟”
معاذ ببرود”فيها انها بنوته ولسه صغيره ومن نوعي المُفضل اما انتِ يا إيثار فمش آخده بالك انك على مشارف ال٣٠ يعني عنس’تي ”
وفجأه إيثار نزلت على وشه بالقلم
إيثار بدموع “عمري ما اتوقعت إنك كدا حاربت الكل عشانك، ووقفت قدام اهلى والكل قالى انك مش شخصيه كويسه بس انا اللي عبي’طه وكنت بجري ورا حب وهم” وسابته ومشيت
■■■الحمدلله
عدا اسبوع على الحدث دا ….كانت إيثار حزينه وكل يوم بتبكي على ضياع عمرها …وعلى حبها لشخص ميستاهلش…عمرها ما تخيلت إن معاذ يعمل كدا مع ان الكل حذرها منه بس مسمعتش كلام حد …وهي بتفكر في كل دا ودموعها في عيونها دخلت مامتها
ام إيثار وتدعى شمس “إيثار يا حببتي كفايا كدا انا سبتك اسبوع عشان ترتاحي لكن دلوقتي لازم ترجعي لشغلك ولحياتك متوقفيش حياتك عشان خاطر حد تاني ”
إيثار بدموع”مش قادره اتخطى يا ماما عقلي مش مستوعب الشخص اللي اديته كل حاجه سابني عشان خاطر واحده تانيه”
شمس بحنان”دي كانت تجربه ليكِ ولازم تتعلمي منها، وبعدين اسبوع بحاله على واحد قصير؟! يابت دا متر ونص ”
إيثار ابتسمت لأمها وقالت”عندك حق إصراحه انا كنت مش شايفه باين”
شمس بهزار”انتِ كان معمولك عمل يا حببتي مش حكايه شايفه، يلا قومي اغسلي وشك واخرجي اقعدي معانا”
إيثار بحب “ربنا يخليكِ ليا “وسابتها وقامت
بعد فتره كانت إيثار قاعده مع العيله وكلهم بيحاولوا يلطفوا الجو عشان خاطرها وفي وسط دفى الاسره….اتبعتت رساله ومكتوب فيها
>حبيب القلب انهارده خطوبته على صحبتك منه يا إيثار هانم وعنوان المكان اللي فيه الخطوبه …..>
وقفت إيثار بصدمه…نعم إزاي دي وصحبتي مين دي
شمس بخوف”إيثار مالك”
إيثار وقفت وقالت بسرعه”ماما انا الحقيقه لازم انزل دلوقتي حالا “وسابتهم ودخلت لبست وخرجت بسرعه
وبعد فتره كانت وصلت المكان وهي شايفه زينه حوالينها وناس داخله….وقفت ثانيا بخوف ودموع هي مش هتستحمل لو الكلام دا حصل…منه صحبتها دي اعز حد عندها…دخلت بهدوء وخوف شديد
وفجأه وقفت بصدمه وهي شايفه صاحبتها وهي في حضن حبيبها وبيتصوروا وسط زماليها كلهم اللي في شغلها واللي كانوا واقفين بصدمه من حضورها
منه انتبهت ليهم وبصت لقت إيثار جايه عليهم
منه ببتسامه برود “إيه اللي جابك هو انتِ اتبعتلك دعوه؟”
إيثار بصدمه وقوه قالت “جايه اعمل كدا وفجأه
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية القدر)
