رواية العشق الأبدي الفصل الثالث والعشرون 23 بقلم لبنى دراز

رواية العشق الأبدي البارت الثالث والعشرون

رواية العشق الأبدي الجزء الثالث والعشرون

رواية العشق الأبدي الحلقة الثالثة والعشرون

رســــالة إلى كل مُبتلى، و كل الناس مُبتلى و مُصاب ..
هوِّن على نفسك، فمهما كانت شدة البلاء سيأتي الفرج من الله لا محالة
العشق الأبدي بقلمى✍️__________لبنى دراز
فـ بيت أدهم
بعد ما خلص الفرح هو و أمل سلموا ع نجوى و فارس و أخوها معاذ و أمها و ركبوا عربيته و طار بيها و أول ما وصل تحت العمارة
أدهم:: بغمزة وصلنا يا قمر حمد الله ع السلامة ياقلبى
أمل:: الله يسلمك يا حبيبى
أدهم:: نزل من العربية و لف الناحية التانية فتح الباب و مسك إيد أمل ينزلها
أمل:: بتوتر .. هو انت هتنزلنا هنا ليه .. هو احنا مش هنرجع عند ماما
أدهم:: نعععم ياختى ماما مين اللى نرجع عندها دى .. النهاردة مافيش ماما .. النهاردة و بغمزة فى أكل فراولة و بس
و بضحكة صافية نزلها من العربية و شالها طالع بيها شقتهم
أمل:: الله يا دومى كنت بحلم بالحركة دى اوى
أدهم:: حبيبتى أحلمى يا قلبى و دومى ينفذ ع طول و نزلها قصاد الباب لغاية ما فتحه و شالها تانى دخل بيها و بيغنى الفراولة بتاع الفراولة .. الفراولة بتاع الفراولة
أمل:: قفلت باب الشقة و هو شايلها .. نزلنى بقى يا دومى و قولى ايه حكاية الفراولة دى
أدهم:: أبدا يا روحى مش هنزلك غير فـ اوضة النوم و بعدها أحكيلك حكاية الفراولة يا قمر
أمل:: وااااااو و تقفل الباب برجليك و تحدفنى ع السرير بقى و تقرب زى شمشون الجبار و انا اقولك أرحمنى يا سلطان ماتعذبنيش و انت تقولى لااااابد ان ….. ههههههههههههه
أدهم:: بأستغراب و هو شايلها .. فى ايه يا ماما مين دول .. انتى بتتفرجى ع افلام عربى كتير يا روحى و لا ايه مافيش منه الكلام ده و دخل نزلها فـ نص اوضة النوم فعلا و رجع يقفل الباب عادى خالص
أمل:: بتذمر .. كنت عايزاك تقفله برجلك يا إندومى يا حبيبى
أدهم:: مرة تانية يا روحى تكونى خفيفة انما دلوقتي ياقلبى شايلك و عليكى 10 كيلو وزن زيادة ههههههههههه احمدى ربنا انى طلعت بيكى و دخلت لغاية هنا و ماتحلميش بأكتر من كدا يا روحى ههههههههههههه
أمل:: 10 كيلو ايه دول اللى زيادة .. ده انا حتة خسيت خالص
أدهم:: عارف يا روحى انك خسيتى بس اللى خستيه يا حبيبتى حطتيه فـ الفستان يا قلبى و لا مش و اخدة بالك
أمل:: اممممم ايوا صح فستان تقيل و رخم و بهمس زى اللى جايبه
أدهم:: برفعة حاجب .. بقى انا رخم
أمل:: اوبااا انت سمعتنى؟
أدهم:: ما هو انتى يا روحى بتكلمى نفسك بس دايما بتسمّعى اللى حواليكى .. نصيحة منى بلاش تكلمى نفسك تانى ههههههههههههه و يلا بقى غيرى هدومك .. عايزين نقطف الفراولة بقى و لا ايه
أمل:: طيب أطلع برة خلينى أغير هدومى
أدهم:: حاضر يا أملى طالع بس غيرى بسرعة قبل الفراولة ما تحمض هههههههههه و فعلا أخد هدومه و طلع فـ الحمام الخارجى أخد شاور و اتوضا و مستنيها
أمل:: فكت حجابها و دخلت الحمام تغير فستانها و شافت الطقم اللى متعلق و شهقت جامد ايييه ده .. لاااا يمكن ابدا البس ده .. و خرجت اخدت بيچامة بينك عليها القطة كيتى و دخلت تانى غيرت فستانها و أخدت شاور و اتوضت و لبست البيچامة و فوقها الاسدال و طلعت
أدهم:: من برة خلاص يا أملى و لا لسة
أمل:: خلاص يا حبيبى
أدهم:: دخل و شافها قاعدة بالاسدال فرش سجادة الصلاة .. يلا نصلى ركعتين لله مع بعض عشان ربنا يبارك حياتنا
أمل:: يلا يا بينا
و فعلا صلى بيها أدهم و بعد ما خلص حط أيده ع راسها و قال الدعاء
أدهم:: بعد الصلاة قام وقف و مسك أمل من إيدها وقفها و فكلها طرحة الاسدال .. يا لههههوى ع الجمال يا ناس
أمل:: بخجل بس بقى يا أدهم
أدهم:: أبدا يا روحى أبس ايه بس و انتى بتحمرى كدا .. انا قولت الفراولة طرحت و لاااااابد ان اقطفها و لسة بيقرب منها
أمل:: جريت برة الأوضة .. أعقل كدا يا أندومى يا حبيبى ماينفعش اللى بتعمله ده احنا أكبر من ذلك يا دومى
أدهم:: بصدمة .. نعععم ياختى هو انا عايش قايم نايم بحلم باليوم ده عشان تيجى انتى تقوليلى احنا أكبر من ذلك .. تعالى هنا يا أمل و أعقلى انتى يا حبيبتى و بلاش نقضيها فرهدة من اولها كدا
أمل:: و هى بتجرى .. أبدا لا يمكن يا دومى .. و كل ما يقرب منها أدهم تجرى منه و المرة دى دخلت تانى اوضة النوم و الاسدال كعبلها كانت هتقع راحت قلعته و هى واقفة فوق السرير
أدهم:: شافها بـ البيچامة و اتصدم .. ياااااادى النيلة البمبى بقى بعد كل الجرى و الفرهدة دى و طلعت فـ الاخر لابسالى بيچامة و كمان عليها قطة .. يا حظك البينك يا أدهم .. ماكانش يوومك يا ابن المنصورى يا شماتة سيف و قصي فيك يا حبيبى
أمل:: ببراءة مصطنعة قعدت جنبه مالك يا اندومى يا حبيبى بتندب حظك ليه بس
أدهم:: بمكر .. أعمل ايه بس يا أمل حياتى يعنى انا النهاردة عريس و دى ليلة العمر اللى بيتمناها اى عريس ها ركزى شوية ليلة اييه العمر يا قلبى و عروستى بدل ما تلبسلى حاجة كدا من اللى بنسمع عنها بتاعة العرايس دى لابسالى بيچامة عايزانى أعمل ايه بقى و انا متجوز بنت أختى يعنى
أمل:: تؤتؤتؤتؤ .. مالهاش حق يا دومى
أدهم:: عمل نفسه بيعيط .. مش كدا و النبى أهئ أهئ أهئ
أمل:: قربت منه بتطبطب عليه .. خلاص ماتزعلش بقى يا دومى هتخلينى أعيط انا كمان
أدهم:: بمكر .. لأ زعلان و انا لما بزعل ببقى عايز حد ياخدنى فـ حضنه عشان أعرف انسى الزعل و انام
أمل:: يعنى لو أخدتك فـ حضنى هتنام و تنعس ياحبيبى
أدهم:: أه يا حبيبتى ماتخافيش هنام و انعس
أمل:: خلاص يا حبيبى اعتبرنى ماما و تعالى فـ حضنى و نام
أدهم:: بغمزة يا حبيبتى يا ماما و ……. أدرك شهرزاد الصباح و سكتت عن الكلام الغير مباح
__________________________
فـ بيت قصي
هو و ياسمين بعد ما سلموا ع نجوى و فارس و أدهم
فارس:: و دموعه بتلمع فـ عينيه .. بص لـ سيف و قصي انتوا النهاردة أخدتوا روحى مني عاليا و ياسمين بناتى مش أخواتى بس عايزكم تحافظوا عليهم .. أنا عارف أنى سلمتهم لـ رجالة هتصونهم بس كمان عايز لما اقابل أبويا و يسألنى أقوله قدرت أحافظ ع الامانة اللى سيبتهالى لغاية ما وصلتها للى هيكمل بعدى و يحافظ عليها
قصي:: ماتقلقش يا فارس .. انت بتوصينى ع ايه .. دى وصية رسول الله عليه افضل الصلاة و السلام .. أطمن أختك فـ قلبى
و مشى قصي بعد ما سلموا ع أهله ركب عربيته و راح ع طول ع بيته و نزل من العربية هو و ياسمين و قرب عشان يشيلها
ياسمين:: بخجل .. لأ يا قصي انا هطلع لوحدى بلييز
قصي:: حاضر يا قلبى براحتك خالص
و فعلا طلعوا و وصلوا عند باب الشقة و فتحه و قبل ما تدخل ياسمين
قصي::و هو بيشيلها .. ممكن ملكة قلبى تدخل مملكتها و انا شايلها
ياسمين:: غمضت عينيها و ساكتة من كتر التوتر و الخجل
قصي:: دخل بيها شايلها و نزلها فـ نص الشقة .. نورتى بيتك يا أجمل عروسة و رجع قفل الباب
ياسمين:: بصوت مبحوح .. البيت منورك بيك يا حبيبى
قصي:: الله أحلى حبيبى دى و لا ايه اللى طالعة من شفايفك ياعمرى كله
ياسمين:: و بعدين معاك بقى مش هتسكت
قصي:: أسكت ايه بس يا سمسمية قلبى ده انا ما صدقت انك نورتى بيتى و حياتى
ياسمين:: باين عليها التوتر و القلق و مش قادرة تتكلم و حاسة ان قلبها هيقف من سرعة ضرباته
قصي:: لاحظ توترها و حب يطمنها .. حبيبتى أهدى ما تخافيش من حاجة تعالى نغير هدومنا و نصلى و نطلع بقى نشوف اخبار الأكل فـ المطبخ ايه
ياسمين:: هزت دماغها بالموافقة و مشيت معاه دخلت أوضة النوم و انبهرت جدا باللى عامله قصي فيها .. الله ايه ده يا قصي جميييلة اوى
قصي:: بأبتسامة .. عجبتك يا قلبى
ياسمين:: بأنبهار .. تجنن يا حبيبى
قصي:: عارف حبيبتى بتحب الشيكولاتات و الورد و البلالين .. فـ كان لازم أعملها الحاجات اللى بتحبها
ياسمين:: بس ده كتير اوى يا حبيبى
قصي:: مافيش حاجة تكتر ع روح قلبى
ياسمين:: ربنا مايحرمنيش منك يا حبيبى
قصي:: يلا يا قمر أدخلى غيرى هدومك و أتوضي و انا هطلع أغير فـ أوضة تانية و أتوضا و أجى نصلى سوا و نطلع بقى نتعشى ايه رأيك
ياسمين :: حاضر يا قصي
و فعلا خرج قصي راح أوضة تانية و غير هدومه و اتوضا و طلع
ياسمين:: فكت حجابها و غيرت فستانها و بعد ما اخدت شاور و اتوضت لبست الطقم اللى حضرته لها نجوى و لبست عليه الاسدال و قعدت استنت قصي و هى بتفتكر كلام مامتها عن الليلة دى و عن واجبها ناحية جوزها
قصي:: بعد شوية دخل و شافها قاعدة بتفرك فـ إيديها و متوترة .. حب يهديها شوية سمسمة يلا يا روحى نصلى
ياسمين:: فرشت سجادة الصلاة و استعدت
و فعلا صلوا ركعتين لله و قصي قال الدعاء و دعا كتير اوى ربنا يديم عليهم السعادة و الفرحة و راحة البال و بعدها قاموا و طلعوا سوا يحضروا الاكل مع بعض فـ المطبخ
قصي:: شالها و قعدها فوق الترابيزة
ياسمين:: نزلنى يا قصي بقى
قصي:: تؤتؤ انتى هتفضلى كدا ملكة و انا هعمل كل حاجة
ياسمين:: يا حبيبى نزلنى أساعدك
قصي :: قلبى انتى هتفضلى كدا حتى الأكل انا اللى هأكلك بـ إيدى
ياسمين:: انا مش قد الدلع ده كله .. بعدين أخد ع كدا
قصي:: من حق الجميل يتدلع .. و انا تحت أمر حبيبى
.مهــمــتـــى الأولـــى أن أسـعــدكِ •
و مـهــمــتــى الـثـانـيـة أن أدلّــلـــكِ •
و مـهــمــتــى الـثـالـثـة أن أسـهـر لأشـتـاق إلـيـكِ •
و مـهــمــتــى الـرابـعــة أن أبــدّد هـمــوم حـيـاتــكِ •
و أروع مــهــامــى أن أحـبّـكِ ثـم أحـبّـكِ ثـم أحـبّـكِ…
ياسمين:: و بعدين معاك بقى
قصي:: و بعدين معاكى انتى بطلى تحلوى كل شوية كدا
و بالفعل بعد ما اتعشوا دخلوا اوضة النوم و هيبتدوا يعيشوا فـ جنتهم
و……..
لغاية هنا بقى احنا نلف و نرجع تانى
__________________________
فـ بيت سيف
بعد ما سلم ع كل اللى موجودين راح لـ فارس و وقف قصاده ..
سيف:: حبيبى يا أبو نسب .. مش عايزك تقلق ابدا ع عاليا .. انا عارف انها بنتك مش بس أختك عشان كدا بطمنك عليها و زى ما قال قصي دى وصية رسول الله عليه افضل الصلاة و السلام يعنى مش محتاج توصينى .. و بهزار وصيها هى عليا ده انا غلبان و يتيم ههههههههههه
فارس :: انا عارف يا سيف انك مش محتاج توصية و يا سيدى حاضر هوصيها .. و لـ عاليا بهزار اعملى فيه اللى كنتى بتعمليه فـ أدهم و هو نايم ههههههههههههه
عاليا:: بدموع ..حاضر يا أبيه من عيونى
سيف:: بخضة مصطنعة .. كانت بتعمل ايه فـ أدهم
فارس:: ابدا حاجة بسيطة خالص .. كانت بتسرح حواجبه لفوق و تحط فيها توكة و تو لع ورقة فـ رجله و تجرى ههههههههههههه
سيف:: ربنا يبشرك بالخير يا حبيبى .. و لـ عاليا يلا يا روحى نلحق الحر يـ قة من اولها ههههههههههههه
و فعلا أخد عاليا و ركب عربيته و طااار ع بيته
و اول ما وصل و نزل من العربية و نزلت عاليا طلعت قدامه بسرعة
سيف:: استنى يا بنتى أشيلك زى الافلام كدا
عاليا:: يا عم اطلع انت فيك حيل تشيل نفسك
سيف:: يا ليلة فحلقى من اولها .. لأ يا حبيبتى ده انا فيا حيل يهد جبل يا قمر و هو بيرقصلها حواجبه حتى شوفى و شالها و كح كح
عاليا:: مش قد الشيل يا حبيبى بتشيل ليه
سيف:: طالع السلم و هو شايلها .. لأ يا قلبى قده ما تقلقيش انتى بس .. جوزك سَبع فـ نفسه كدا
عاليا:: طب يا سبع وصلنا نزلنى بقى
سيف:: قلب السبع والله يا لولية .. يلا يا عمرى أفتحى باب جنتنا بإيدك و أدخلى برجلك اليمين
عاليا:: فعلا فتحت باب الشقة و بتدخل برجلها اليمين و هى بتسمى .. بسم الله
سيف:: دخل وراها بعد ما عمل زيها و سمى بسم الله و قفل الباب .. نورتى الدنيا يا لولية قلبى
عاليا:: بدموع بتلمع فـ عينيها .. حبيبى دنيتى منورة بيك
سيف:: ليه الدموع دى يا قلبى بس
عاليا:: صعبان عليا أبيه فارس و ماما اوى البيت فضى عليهم مرة واحدة
سيف:: حبيبتى دى سنة الحياة .. و بعدين فارس مع حلم هتنسيه يا ستى اصلا انه عنده اخوات و ماما ان شاء الله لما نرجع من شهر العسل هنخليها تيجى تعيش معانا ايه رأيك
عاليا:: بفرحة .. بجد يا سيف هتعمل كدا و تخلى ماما تيجى تعيش معانا
سيف:: بجد ياقلب سيف و بغمزة .. طب ايه يا قمر هنفضل فـ الصالة كدا
عاليا:: بتصنع الغباء .. و ايه المانع يا قلبى .. مالها الصالة هى وحشة يعنى
سيف:: مالهاش يا لولى بس احنا اتفرجنا عليها خلاص يا حبيبتى .. فى أماكن تانية فـ الشقة نروح نتفرج عليها برضوا
عاليا:: بحركتها الطفولية و عينيها بتروح شمال و يمين .. أماكن تانية زى ايه يا سيفو يا حبيبى
سيف:: بمكر .. زى اوضة النوم يا غزال انت يا غزال
عاليا:: بأندهاش اوضة النوم !! لأ ما اتفقناش ع كدا يا حبيبى
سيف:: و هو بيشيلها .. هو ايه ده اللى ما اتفقناش ع كدا .. ده هو ده كدا نفسه .. حلال الله أكبر ههههههههههههه
عاليا:: ببراءة .. جعانة يا سيڤي
سيف:: و هو شايلها و رايح اوضة النوم .. اااه يا أما تعالى شوفى ابنك و هو بيتدلع يا أم سيڤي .. و لـ عاليا قلب سيف و عمره كله .. نغير هدومنا و نصلى و نأكل أحلى أكل
عاليا:: بخجل .. ماشى اللى تشوفه يا حبيبى
سيف:: نزلها فـ نص الاوضة .. يا روح قلبى انا مش شايف غيرك و بس .. و يلا بقى تعالى اساعدك تفكى حجابك و تغيرى فستانك يا قمر
عاليا:: تؤتؤتؤ .. اطلع انت غير هدومك فـ الحمام اللى برة .. و انا هغير الفستان لوحدى
سيف:: بهزار .. الغزال مكسوف مني و لا ايه .. لالالا فكى كدا مش هنبتديها كسوف من أولها .. و بغمزة ده احنا ليلتنا طويلة لسة يا جميل
عاليا:: بتزق سيف بـ إيديها ناحية الباب .. يلا برة يا حبيبى شوف انت رايح فين خلينى أغير هدوووومى براحتشى
سيف:: بضحك .. حاسبى طيب يا مجنونة هتوقعينى ههههههههههههه
عاليا:: بعد ما طلعته برة الاوضة .. بدلع .. ما يقع الا الشاطر يا كابتشن ههههههههههههه
سيف:: ما الشاطر وقع خلاص يا قلبى و اللى كان كان بقى ههههههههههه و سابها فعلا و راح الحمام الخارجى يغير هدومه و ياخد شاور و يتوضا
عاليا:: قفلت الباب وراه و دخلت الحمام بعد ما فكت حجابها و غيرت فستانها و أخدت شاور و اتوضت و لبست الطقم المتعلق ع الشماعة و أكتشفت انها نسيت الاسدال برة و يادوب فتحت الباب و خرجت شافت
سيف:: واقف قصادها .. اوباااااا ..صلاة النبي أحسن ..اللهم صل وسلم و بارك عليه .. ايه يابت الجمدان ده
عاليا:: بخضة و صرييخ .. غمض عينك يا سيف بسرعة و بطل قلة أدب
سيف:: بضحك .. أبطل ايه ياختى .. ده النهاردة اليوم العالمى لـ قلة الأدب
عاليا:: بسرعة جريت ع الحمام و قفلت الباب .. و من ورا الباب اطلع برة الاوضة يا سيف بقى عايزة اخرج من الحمام
سيف:: قعد ع السرير و بعِند .. لأ مش طالع عايزة تخرجى أخرجى
عاليا:: بتدبدب برجليها فـ الارض .. يوووه اطلع بقى يا سيف ما تبقاش رخم عايزة اخرج من الحمام
سيف:: عمل نفسه طلع من الاوضة بعد ما فتح الباب و قفله تانى و استخبى ورا الستارة
عاليا:: طلعت راسها بشويش تتأكد انه خرج من الاوضة ولما شافتها فاضية خرجت و لسة بتلبس الاسدال لاقت اللى مسكها من وسطها و بصريخ يا ماماااااا الحقووونى
سيف:: ههههههههههههه بس يا مجنونة ده انا هتلمى علينا الجيران يخربيت جنانك
عاليا:: بخضة .. حرام عليك يا سيف كل شوية تخضنى كدا يوم فرحى
سيف:: حبيبتى المجنونة اللى بتتخض من الهوا يا ناس .. يلا بقى البسى اسدالك عشان نصلى قبل ما قوتى تنهار أكتر من كدا
و فعلا صلى بيها ركعتين لله و بعد الصلاة حط ايده ع دماغها و قال الدعاء و بعدها قام و شالها وحطها ع السرير و……….
نسيبهم بقى و مالناش دعوة بيهم و نروح لـ ابو الفوارس
__________________________
فـ بيت فارس
بعد ما خلاص اطمن ع أخواته و ان كل واحد فيهم راح بيته رجع هو و نجوى و ضحى و شروق و معاهم عمته خديجة و جوزها و ولادها و هو بينزل من عربيته شاف عربية حلم مركونة مكانها تحت البيت و بعد ما كان قلقان لما كلمها و كان فونها مغلق اطمن انها فـ البيت
فارس:: طلع بسرعة قبل ما نجوى تاخد بالها من عينيه الدبلانة و دخل اوضته غير هدومه و قعد ع السرير بتعب و صورتها قصاد عينيه
نجوى:: طلعت بعد شوية و خبطت ع فارس و دخلت .. نمت يا حبيبى
فارس:: اتعدل فـ مكانه .. لأ يا حبيبتى تعالى انا صاحى
نجوى:: عقبالك يا حبيبى انت و حور
فارس:: خلاص يا أمى مابقاش فى عقبالى اللى بينى و بينها انتهى
نجوى:: يبقى بتدى الفرصة للى قاصد يهـ د حياتكم انه يخر بها كمان و كمان
فارس:: بحزن هى خر بت خلاص يا أمى
نجوى:: لأ يا حبيبى طالما احنا عارفين انها لعبة و اتعملت علينا يبقى نصلح اللى اتكـ سر و بعدها نشوف مين عمل كدا
فارس:: بوجع تعرفى يا أمى انا كنت حاسس ان فيه حاجة غلط و اتأكدت لما شوفت صورى اللى راحت لها .. بس اللى واجعنى كلامها اللى سمعته .. قتـ لنى من جوايا ماكنتش اتخيل انها تقول كدا
نجوى:: بحكمة أم .. انت مافكرتش ليه ان الكلام ده ممكن يكون ليه معنى تانى .. و بعدين اللى باعتلك صوتها ده مابعتش ليه المكالمة كلها
فارس:: للاسف يا أمى دى مش مكالمة ده حد سجلها و هى بتتكلم لان ده صوتها هى بس .. و اللى انا مش قادر أعرفه هى كانت بتكلم مين فـ الموبايل و بتقول الكلام ده
نجوى:: ليه بتقول انها كانت بتتكلم فـ الموبايل مش يمكن اللى كان بيسجلها ده هو نفسه اللى كان بيكلمها و قص صوته و ساب صوتها بس
فارس:: جايز يا حبيبتى برضوا
نجوى:: اسمعنى يا حبيبى حتى لو فعلا حور تقصد الكلام ده فـ أكيد قالته بعد ما شافت صورك و انت فـ حضنك البنت دى و انت عارف حور عندها كبريائها و كرامتها فوق كل اعتبار .. بعدين انت ظابط مش سهل .. يعنى تقدر تعرف و تتأكد من كل حاجة
فارس:: قبل ما أكون ظابط يا أمى انا بنى أدم و فـ لحظة واحدة حسيت ان حياتى بتتد مر و مش عارف أفكر
نجوى:: يبقى حور معذورة هى كمان .. لما انت الراجل بتقول الكلام ده يبقى هى هتبقى عاملة ازاى .. أهدى يابنى و بلاش تخسر حب عمرك و فكر مين اللي ممكن يكون عمل كدا فيكم
فارس:: غمض عينيه بوجع .. ان شاء الله يا أمى أفوق بس من دوشة الفرح
نجوى:: بحزن عليه .. ربنا يريح قلبك يا حبيبى تصبح ع جنة يابنى
فارس:: و انتى من اهلها ياست الكل
خرجت نجوى و سابت فارس فـ حيرته و جواه عقله و قلبه
قلبه:: وحشتنى اوى نفسى اطمن عليها و اسمع صوتها
عقله:: مش كفاية اللى سمعته منها عايز تسمع ايه تانى
قلبه:: مش يمكن زى نجوى ما بتقول لما شافت صورى قالت كدا
عقله:: المفروض حبكم أقوى و المفروض تكون واثقة فيك أكتر من كدا
قلبه:: ما المفروض أكون انا كمان واثق فيها أكتر من كدا
عقله:: انت بتدافع عنها عشان بتحبها
قلبه:: انا موجوع منها بس بحاول احط نفسى مكانها
عقله:: بس انت ما عملتش حاجة و الصور دى مش حقيقية
قلبه:: ايوا معاك بس برضوا ممكن زى ما فى حد صورنى يكون فى حد سجل لها
عقله:: يبقى سيبك بقى من التفكير فيها بعد ما وجعتك بكلامها و ركز ع مين اللي صورك و عرف ازاى اصلا انك رايح تقابل البنت دى فـ الوقت ده تحديدا
و فعلا قرر يسمع كلام عقله بس برضوا قلبه مشغول عليها و جرب يرن عليها يمكن ترد و يسمع صوتها بس فونها برضوا مغلق و رغم قلقه الا انه مطمن انها فـ البيت من وقت ما مشيت من الفرح و استسلم للنوم بعد كتر تفكير فـ كل اللى حصل من الاول لغاية كلام مامته دلوقتي
___________________________
فـ بيت حلم
تانى يوم الصبح جه هشام و هو قلقان ع حلم و رن جرس الباب و استنى مافيش حد بيرد رن تانى مافيش حد برضوا راح و رن جرس شقة فارس و فتحت
فاتن:: سي هشام بيه أهلا بحضرتك
هشام:: ازيك يا فاتن عاملة ايه
فاتن:: انشالله تسلم يا بيه اتفضل
هشام:: لا شكرا بس اندهيلى حور لو سمحتى يا فاتن
فاتن:: ست حور مش جوة يا بيه و ما رجعتش من امبارح
هشام :: ازاى يا فاتن و عربيتها تحت
نجوى:: من جوة مين يا فاتن ع الباب
فاتن:: ده سي هشام بيه بيسأل عن ست حور يا ست نجوى
نجوى:: قامت طلعت ع باب الشقة .. تعال يا هشام .. أدخل يا حبيبى
هشام:: شكرا لحضرتك بس قلقت ع حور من وقت الفرح اختفت و برن عليها تليفونها مقفول وجيت اطمن عليها .. فاتن قالت انها ما رجعتش
نجوى:: مش عارفة يابنى .. انا كمان من ساعة كتب الكتاب ما شوفتهاش تانى .. بس عربيتها مركونة تحت يبقى ازاى مش موجودة .. و ندهت فااااتن
فاتن:: نعم يا ست نجوى
نجوى:: هاتى مفتاح شقة حور و تعالى
فاتن:: حاضر .. و فعلا جابت المفتاح و فتحت الشقة و دورو فيها ع حلم مش موجودة
هشام :: هيتجنن ازاى طيب عربيتها تحت
نجوى:: يمكن عطلت منها و لا حاجة و سابتها هنا و راحت المزرعة مع حازم و الاء و فاطمة
هشام :: جايز برضوا
نجوى:: اتصل طيب يابنى و طمنى عليها
هشام:: انا هروحلها بنفسى يا خالتو و هبقى أطمنك لما اوصل ان شاء الله
فارس:: طلع ع صوت هشام .. صباح الخير يا هشام تعال اتفضل
هشام:: صباح الخير يا فارس .. لأ معلش انا مستعجل عايز ألحق اروح المزرعة أطمن ع حور عن أذنك
فارس:: قلبه وجعه .. بس قال بهدوء .. ليه هى مش جوة و لا ايه
هشام :: لأ مش جوة .. هى أكيد فـ المزرعة و سابه و نزل السلم جرى ركب عربيته و راح ع المزرعة
فارس:: شرد جواه .. مش جوة طيب ازاى و عربيتها هنا و السلسلة هنا .. و فاق ع صوت
نجوى:: بقلق .. حور أختفت من بعد كتب الكتاب و مكملتش الفرح .. أوعى يا فارس تكون قولتلها حاجة يابنى زعلتها
فارس:: بأستغراب .. أنا !! لأ طبعا يا أمى انا من يوم اللى حصل بينى و بينها مافيش كلام بيننا أصلا و بوجع كل واحد فينا بيتجنب التانى
نجوى:: ياترى انتى فين يا حور ..
شروق:: بلا مبالاة .. هتكون فين يعنى يا مرات خالى تلاقيها فـ المزرعة
ضحى:: و لا تلاقيها راحت تستجم فـ حتة ما هى ملهاش رابط يحكمها
فارس:: بغـ ـضب ضحححححى أخرررسى أحسنلك و ماتغلطيش فيها انتى فاهمة
شروق:: بتسرع .. انت لسة بتدافع عنها بعد اللى عملته فيك يا فارس
نجوى::ضيقت عينيها و بتساؤل و انتى عرفتى منين اللى عملته فيه
ضحى:: بتلحق شروق بالكلام .. قصدها يا مرات عمى انها سابته فـ الفرح لوحده و مشيت .. و لـ شروق مش ده قصدك يابنتى و لا ايه
شروق:: بتوتر .. اه اه بالظبط كدا هو ده قصدى صدقينى يا مرات خالى
فارس:: بيتنفس غيظ منهم .. عارفين لو واحدة فيكم بس اتكلمت فـ حقها ربع كلمة انا مش هعمل حساب لـ قرابة و مش هرحمها انتوا فاهمين .. و سابهم دخل اوضته و هيتجنن من حور .. ليه قلعت السلسلة و ليه سابت عربيتها وراحت فين
برة فـ الليڤنج
خديجة:: لـ شروق و ضحى .. أنا اقسمت ان لو ليكم دخل باللى بيحصل ده انا هدفـ نكم مكانكم
ضحى:: و احنا مالنا يا عمتو واحدة و أختفت بمزاجها تحملينا ليه ذنبها
شروق:: يا خالتو دى واحدة سيدة أعمال يعنى متعودة تروح و تيجى كتير و اكيد يعنى رجعت المزرعة عادى
نجوى:: بغيظ .. حور اه سيدة أعمال معروفة بس ما بتتحركش من نفسها ابدا .. ع طول بتقول هى رايحة فين و جاية منين قبل ما تتوفى أمينة كانت دايما تعرفها كل تحركتها و بعد وفاتها اعتبرتنى مكان أمها و اى خطوة بتخطيها بتقولى عليها
خديجة:: ما تقلقيش ان شاء الله أخوها هيلاقيها فـ المزرعة
فاروق :: ان شاء الله خير يا جماعة .. و سابهم و راح لـ فارس خبط ع الباب
فارس:: أدخل
فاروق:: ايه يا عم قاعد لوحدك ليه
فارس:: تعال يا فاروق ادخل
فاروق:: لاقيتهم كلهم حريم برة قولت ادخل أدردش معاك شوية
فارس:: وماله دردش يا سيدى براحتك
__________________________
ڤيلا المزرعة
هشام وصل المزرعة و دخل ع الڤيلا جرى رن جرس الباب و فتحت
فاطمة:: هشام بيه اتفضل
هشام:: اندهيلى حور يا فاطمة بسرعة
فاطمة:: بأستغراب .. أندهلك حور !!! اندهالك منين يا بيه ؟ استاذة حلم مش هنا
هشام:: مش هنا ازاى يا فاطمة .. هى مارجعتش معاكم امبارح بعد الفرح
فاطمة :: لأ يا بيه ما رجعتش معانا
هشام:: انتى متأكدة يا فاطمة
فاطمة:: أيوا يا سي هشام متأكدة انا رجعت مع سي حازم و ست ألاء و ماكانش فى حد معانا
هشام:: لـ نفسه طيب هتكون فين بس .. لما مش هنا و مش فـ البيت هناك و لـ فاطمة .. طيب ابعتيلى حد ينادى حازم و أعمليلى قهوة
فاطمة :: حاضر يا سي هشام
و فعلا بعتت بدر ينادى حازم و هى عملتله القهوة و طلعتهاله و بعد شوية
حازم:: جه .. السلام عليكم
هشام:: و عليكم السلام و رحمة الله .. قولى يا حازم ما تعرفش حور فين
حازم:: قعد بأستغراب حور .. حور مين اللى فين
هشام:: بعصبية .. جرا ايه يا حااازم حووور اختى هتكون حور مين يعنى
حازم:: بعدم فهم .. مش فاهم هتكون فين يعنى ..أكيد ما رجعتش من السويس
هشام:: حور مش هناك خالص و لا فـ البيت و لا حتى المستشفى
حازم :: أزاى يعنى
هشام:: انا اللى بسألك يا حازم انت و مراتك بير أسرارها
حازم:: صدقنى انا معرفش عنها حاجة من قبل الفرح و اتفاجئت منك دلوقتي انها مش موجودة
هشام:: أخر مرة شوفتها أمتى
حازم:: أمبارح فـ الفرح لما أديتنى تذاكر رحلة شهر العسل للعرسان و قالتلى ابلغهم بيها بعد نص الفرح و ما شوفتهاش تانى
هشام:: بقلق .. طيب هتكون راحت فين لما مش موجودة فـ أى مكان ممكن تكون فيه و عربيتها تحت بيتها
و كل اللى اسأله يقول أخر مرة شوفتها فـ الفرح و تليفونها مغلق ااااه يارب طمنى عليها
حازم:: بقلق و خوف .. معناه ايه الكلام ده يا هشام
هشام:: حور أختفت من قلب الفرح و ماحدش شافها تانى و مش موجودة فـ اى مكان
حازم:: طيب سألت د/ كمال .. أكيد هو اللى يعرف طريقها .. لانها لما بتتعب بتجرى عليه
هشام:: لأ ما سألتوش .. سألت بس سكرتيرة مكتبها قالت انها ما جاتش
حازم:: طيب استنى انا هتصل بـ د/كمال و أسأله و فعلا طلع موبايله و اتصل بـ كمال
كمال:: السلام عليكم
حازم :: و عليكم السلام يا دكتور
كمال:: ازيك يا حازم عامل ايه
حازم:: بخير الحمد الله .. و بلهفة ماشوفتش حلم يا دكتور
كمال:: بأندهاش من سؤاله .. أه شوفتها امبارح و كانت زى القمر
حازم:: لأ مش قصدى امبارح انا أقصد بعد كدا .. النهاردة يعنى شوفتها او كلمتك فـ الموبايل
كمال:: لأ يا حازم و لا شوفتها و لا كلمتنى خير فى ايه .. انت بتسأل و كمان عرفت ان هشام جه هنا و سأل
حازم:: حلم مش لاقينها خالص يا دكتور
كمال:: بصدمة .. نعععم ازاااى ده
حازم:: هشام بيقول فونها مغلق و عربيتها مركونة تحت بيتها بس مش موجودة نهائى فـ اى مكان
كمال:: طيب اقفل انا هكلم اللوا حسين و اشرح له اللى انت قولته ده و هو يتصرف
حازم :: تمام يا دكتور .. و قفل الخط و بص لـ هشام .. ما يعرفش عنها حاجة برضوا بس هيكلم أخوه اللوا حسين و هو يتصرف
فـ المطبخ
فاطمة بتفكر تخرج تقول لـ هشام اللى تعرفه يمكن يفيده و يلاقى حلم
فتحية:: بت يا فاطمة سرحانة فـ ايه يابت
فاطمة:: بحزن الست حلم مش لاقينها و خايفة يكونوا الحرابيق اللى كانوا هنا عملوا فيها حاجة
فتحية:: بخضة .. يالهوووى و هتعملى ايه
فاطمة:: هطلع لـ هشام بيه و أقوله اللى عرفته و أخليه يسمع كمان التسجيلات
فتحية:: طب اطلعى مستنية ايه
فاطمة فعلا طلعت لـ هشام
فـ الليڤنج
فاطمة:: هشام بيه عايزة أقولك حاجة
ممكن
هشام:: معلش يا فاطمة دماغى مش رايقة
فاطمة :: معلش يا بيه بس اسمعنى الله يخليك
حازم:: قولى يا فاطمة عايزة ايه احنا سامعينك
فاطمة:: ابتدت تحكى من وقت شروق و ضحى ما راحوا المزرعة و لغاية ما قعدوا مع أحلام و اتفقوا مع بعض ع انهم يوقعوا بين حلم و فارس ..بس يا بيه
هشام:: بغـ ـضب .. اااااااه ولاااااااااد الـ……
فاطمة :: انا بصراحة من يومها و انا ماكنتش مرتاحة ليهم و بصراحة أكتر خليت بدر يزود كاميرات و ميكروفونات فـ كل حتة بيقعدوا فيها من غير حتى ما ست حلم تعرف
حازم:: بذهول .. انتى يا فاطمة يطلع منك كل ده
فاطمة:: أكمنى شغالة يعنى عندها يا سي حازم
هشام:: انتى ايه اللى خلاكى تعملى كدا يا فاطمة
فاطمة:: ماتستغربوش يا بهوات .. الست حلم خيرها عليا و ع أهلى و ده واجبى ناحيتها .. رغم انى خدامة بس هى الحق لله عمرها ما عاملتنى ع انى خدامة ابدا بالعكس ان كنت انا و لا أى واحدة و واحد بيشتغل هنا بتعاملنا ع أننا أهلها و اصحابها عشان كدا لما حسيت ان الاتنين دول ممكن يأ ذوها فكرت فـ كدا و بدر ساعدنى .. بس اللى استغربته أختها أحلام هانم ليه تتفق عليها معاهم
هشام:: بغـ ـضب أكبر .. معاكى تسجيلات الكاميرات دى
فاطمة:: أيوا يا بيه
هشام:: طيب تعالى معايا هنروح لـ فارس تحكيله و تسمعيه كل اللى حصل ده .. و أحلام بقى انا هعرف اتصرف معاها يلا
حازم:: تحب أجى معاك
هشام:: لأ خليك انت هنا و مش عايز اى حد يعرف حاجة و لا حتى مراتك يا حازم فاهم
حازم :: ما تقلقش بس تبقى طمنى
هشام:: ان شاء الله يا حازم .. سلام
بالفعل أخد فاطمة معاه فـ عربيته .. و بهدوء مصطنع اتصل بـ أحلام و بلغها تروح بيت حلم و تستناه عند نجوى و قفل المكالمة
_________________________
فـ شقة فارس
ساب خديجة و نجوى مع شروق و ضحى و دخل لـ فارس أوضته
يدردش معاه شوية
فاروق:: مش هتقول مالك بقى و تحكى اللى جواك
فارس:: مافيش حاجة تتحكى يا فاروق
فاروق:: بتحبها اوى كدا
فارس:: غمض عينيه بوجع و دموعه ع خده .. أوى يا فاروق بحبها أكتر من روحى
فاروق:: هى كمان بتحبك ع فكرة و ده كان واضح عليها لما طلعنا فوق السطوح و شافتك
فارس:: كلامها وجعنى اوى ع قد حبى ليها ع قد وجعى منها
فاروق:: بص يا فارس انا معرفش ايه الكلام اللى سمعته منها و مش عايز أعرف .. بس هقولك بحكم خبرتى مافيش بنت بتوجع بالكلام بالطريقة دى إلا إذا كانت بتحب بجد و اتوجعت من حبيبها .. زى ما بيقولوا كدا مافيش حد بينجرح أوى إلا لما بيحب أوى .. عشان كدا ممكن تكون قالت اللى قالته ده من وجعها
فارس:: و انا .. طيب كانت تسألنى تواجهنى تسمعنى قبل ما تحكم عليا
فاروق:: و انت يا فارس سألتها ؟ سمعتها و لا حكمت عليها من غير ما تسمعها
فارس:: شرد شوية و افتكر
“فلاش باك”
حلم:: فارس ممكن تسمعنى هفهّمك
فارس:: بوجع و نظرة كفيلة لـ تد مير ها تفهّميني ايه .. انك واحدة أنانية .. واحدة غدااااارة .. خلاص يا حلم هانم كل حاجة حلوة بينا انتهت
“نرجع للوقت الحالى”
فاروق:: سرحت فـ ايه كدا
فارس:: انا كمان ما سمعتهاش يا فاروق و حكمت عليها من غير ما اسمع
فاروق:: وقت الصدمة .. العقل بيتشل عن التفكير .. بس لما بنهدى بنعرف نفكر و نحسبها صح و لا ايه
فارس:: صح يا فاروق
برة فـ الليڤنج
قاعدة نجوى مع خديجة و سمعوا جرس الباب و فتحت فاتن و شافت
أحلام:: السلام عليكم ازيك يا خالتو
نجوى:: و عليكم السلام ورحمة الله .. تعالى يا أحلام اتفضلى
أحلام:: معلش جيت من غير ميعاد .. بس هشام اتصل بيا و قالى استناه هنا
نجوى:: وماله يا حبيبتى بيتك و مطرحك اتفضلى .. شوفى يا فاتن أحلام تشرب ايه
فاتن:: حاضر يا ست نجوى .. و فعلا دخلت فاتن جابت واجب الضيافة
و بعد شوية وصل هشام و معاه فاطمة
هشام:: السلام عليكم و رحمة الله
نجوى:: و عليكم السلام ورحمة الله
فاطمة:: أزيك يا ست نجوى
نجوى:: ازيك يا فاطمة .. أدخلى مع فاتن جوة
هشام:: و هو بيبص لـ أحلام و بيدوس اوى ع الكلمة أزيك يا أختى عاملة ايه و لـ نجوى .. لأ يا خالتو سيبي فاطمة و ياريت تنادى لـ فارس
أحلام:: بخير يا هشام انت عامل ايه
نجوى:: خير يا هشام .. فى حاجة
هشام:: خير يا خالتو ان شاء الله .. فاطمة عندها حاجة عايزة تقولها لـ فارس
نجوى:: حاضر ياحبيبى هندهلك عليه المهم طمنى ع حور لاقيتها فـ المزرعة .. و قبل ما يرد عليها ندهت ع فارس
فارس:: طلع ع صوت أمه و هى بتنادى عليه .. نعم يا أمى
هشام:: لـ نجوى .. لأ يا خالتو مش موجودة هناك برضوا .. و لـ فارس انا اللى عايزك يا فارس
فارس:: خير يا هشام
هشام:: بدموع الخوف .. اسمع فاطمة يا فارس و انت تعرف كل حاجة
فارس:: بقلق .. فى ايه يا فاطمة خير
فاطمة:: ابتدت تحكى كل اللى حصل و اللى حكيته لـ هشام كله من اول ما راحوا شروق و ضحى لغاية اتفاقهم مع أحلام .. و دى تسجيلات الكاميرات و الميكروفونات يا سي فارس بيه
و الكل بيسمع اللى بتحكيه فاطمة بذهول نجوى و خديجة و فاروق وكمان شروق و ضحى و أحلام اللى اتفاجئوا ان خطتهم اتكشفت
نجوى:: بصريخ .. حووووووررررر بنتيييييي ااااااه ياااااااارب .. كل ده يحصلك يابنتى .. و بصت لـ شروق و ضحى و أحلام .. حسبى الله و نعم الوكيييل فيييكم
فارس:: بغـ ـضب جحيمى و بكل الوجع اللى جواه .. انتووووووا ايييييييه للدرجة دى حيااااات الناس مالهاش قيمة عندكم و لـ أحلام .. انتى ازاااااااااى كدا ازااااااااااااى تتفقى ع أختك اييييييييه الفلووووس عامتك للدرجة دى قد كدا الد م اللى بينكم رخيييييص اوى كدا يا شييييييخة ملعـ ون أبو الفلوووووس اللى تخلى الاخت تبيع اختها .. ملعوووووونة الفلووووووس اللى تخلى الأخ يقتـ ل أخوووووه .. انتى عااااااارفة انتى عملتى فينا اييييييه انتى دمـ رر تينا أحنا الاتنين .. أختك من امباااااااارح مش عارفين هى فيييييييين و يا عاااالم جرالها ايه بسببك .. و لـ شروق و ضحى اما انتووووا حسااااابكم تقللللل اوى انتوا و اهاليكم .. بس دلوقتي الاقى حوووور و اطمن عليها و بعدها هصفى حسابى معاكم
هشام:: بدموع .. لـ أحلام انا ما صدقتش لما فاطمة قالتلى انك اتفقتى ع أختك .. انا لما مراتى اتفقت ع حور مع عابد طلقتها .. تقدرى تقوليلى أنتى بقى أعمل اييييه انا دلوقتى و أختى أتفقت ع تد مير أختى قوووولى يا أحلااااام أعمل ايه يا بنت أمى و أبويا انطقى و ريحينى
فارس:: قعد بتعب و أفتكر كلمة جده اللى بترن فـ و دنه طول 20 سنة .. اللى اتقـ تل أبنى و القا تل برضوا أبنى و حس ان جروحه كلها اتفتحت من جديد .. و بص لـ هشام مش انت اللى هتعمل يا هشام خلااااااص لغاية كدا و كفاية .. انا اللى هعمل و هوقف كل واحد عند حده و هعرفهم كلللللهم مقامهم .. بس نلاقى حور و ترجع بخير .. و دينى و ما أعبد لا أندمهم كلهم .. و بص لـ أحلام و شروق و ضحى .. أدعوا ربنا أنها ترجع بخير و إلا لو حصلها خدش صغير بس قصاده عمركم انتوا التلاتة فاهمييييين
و سابهم و دخل اوضته بوجع و مش عارف يفكر حاسس ان تفكيره اتشل
يضيق قلبي .. عندما أتلفت حولي و لا أجدكِ .. و أحتاجك و لا أبصركِ و أموت آلاف المرات عندما أرى طيفكِ و لا أراكِ
بقلمى✍️____________________ لبنى دراز
@:: أنا أعرف مكان استاذة حلم
فارس::………..؟؟؟؟؟؟