رواية العائله الفصل الأول 1 بقلم سلمى ابراهيم

رواية العائله البارت الأول

رواية العائله الجزء الأول

رواية العائله الحلقة الأولى

نتعرف ع الشخصيات الاول…….
يوسف.. ظابط في الجيش المصري عنده 29 سنه طبعه قاسي وعصبي جدا الا مع أمه هو بيحبها جدا وبيخاف علي زعلها جدا..بيحب بنت عمه تقي وخطبها بقالو 3 سنين ومش عارف يتجوزها بسبب انشغالو
…………
كريم..اخو يوسف عندو 26 سنه طبعه بارد مش سهل تقدر تنرفزو ماسك لابوه الشركه وشاطر جدا في شغله ولو وقع في مشكله يقدر يخرج منها بمنتها الذكاء والعقليه..متوحد شويه عن اخواته بسبب انو كان بيحب بنت عمه نور اخت تقي لكنها خذلته جدا وانقطعت ثقته بكل اللي حواليه ..هي بتحبه جدا وندمت علي اللي عملتو ودا هنعرفو مع احداث الروايه وهو كمان بيحبها لكن بيكابر وهي ندمت فعلا علي كل اللي عملته لكنو مش مديها فرصه حتي للكلام
مروان..دا بقي عفريت البيت عندو 22 سنه علطول بيضحك وفي كليه طب بشري لانو علي اد هزارو وضحكو لكنو بيذاكر ومجتهد جدا ..لكن عندو عيب واحد انو بتاع بنات جدا وكل يوم بيكلم بنت ..
رغد..دي بقي دلوعه البيت مهي البنت الوحيده مع أخواتها عندها 20 بتحب الهزار والفرفشه عشان كدا أقرب حد ليها هو مروان لكن الفرق بينهم مروان بيذاكر عشان كدا دخل طب إنما هي دخلت المعهد ونفسها تكون ممثله
كدا نكون عرفنا اهم شخصيتنا ولسه الباقي هيظهرو مع أحداث الروايه❤️
في احدي البيوت المصريه التي تدل علي الثراء تجلس الام عايده وزوجها كمال يتحدثون عن أمورهم وأمور أولادهم
عايده.. ولادك مغلبني يكمال
كمال..لي بس مالهم عملو اي
عايده..ابنك يوسف بقالو 3 ايام مكلمنيش
كمال..هو لسه مكلمني امبارح
عايده..يالهوي بقا يكلمك ونا لا لما يجيلي بس
كمال..خلصي وكريم مالو هو كمان
عايده..كريم بقالو يومين مش بينام كويس ولا بياكل كويس وقاعد يخلص في الصفقه اللي انت مكلفه بيها ..ينفع كدا
كمال،،عادي الواد طالعلي أسد..هو بس لو يسمع كلامي ويرجع لبنت عمو
عايده..كريم مش هيتجوز غير بنت اختي
كمال..ملكيش دعوه بيه ها مين تاني مزعلك….
عايده،،بنتك رغد بقا كل يوم خروج مه اصحابها خايفه البت دي تبوظ وكمان مبتذاكرش
كمال..بذمتك بتقدر تعمل كدا ويوسف موجود محدش بيقدر عليها غيرو…ها ومروان بقا مالو
عايده..لا مروان حاجه تانيه ..دا قلبي دا
خرج مروان علي صوتها
مروان.،حبيبيتي انتي والله ياأمي
عايده،.حبيبي يا مالو يعسل ..هات بوسه
كمال..ايوه يعم ..انت عارف ان امك اشتكت من اخواتك كلهم الا انت
مروان..دا امي دي قللي .
خرجت رغد علي صوتهم
رغد..طب وانا بقا مليش نصيب في الدلع دا
عايده..امشي من ادامي بدل ما اقوملك انا مش طايقاكي
كمال..امك زعلانه منك ي رغد ..نقلل الخروج شويه
رغد..كل يوم نفس الحوار …خلاص بقا يبابا
عايده..طب غوري يلا نادي ع كريم اخوكي عشان يفطر ويروح الشغل مع ابوكي
رغد..حاضر هغوور اهو
وراحت تنادي علي كريم وكان هو في قمه تركيزه بيخلص ورق للشغل ودخلت هي نادت عليه خضته
رغد..كريييييم
كريم بخضه..اي يبت انتي في اي
رغد..سوري خضيتك..قوم يلا عشان تفطر
كريم..ماشي يسفروته اخرجي ونا جاي وراكي
وخرجت رغد وبعدها كريم وفطرو وكل منهم راح لعمله
…………………………………………
في كليه الطب البشري
كان مروان قاعد مع صاحبه علي
مروان..انا حرفيا مش قادر اطلع المحاضره
علي..طب ما تيجي منروحش وخلاص
مروان..كان نفسي اقولك اوكي بس للاسف مش هينفع عشان في غياب
علي..يووووه..طب يعم ..المهم عملت اي مع رانسي
مروان..سبتها امبارح
علي.. لي يجدع دي البت جامده
مروان..حصل حوار كدا واتخانقنا هبقي احكيلك المهم يلا قوم بقا عشان منتاخرش
علي..يلا بينا
…………………………
في شركه كمال ابو حطب
السكرتيرة ساره..يا استاذ كمال الوفد الإيطالي وصل
كمال..طيب روحي نادي لكريم وخليهم يتفضلو
ساره..تحت امرك يافندم
وراحت ندهت لكريم وبدؤا الاجتماع
…………………………..
كانت عايده بتكلم ابنها يوسف في الفون
عايده..ايوه يعني هتيجي امتا يحبيبي
يوسف..قريب انشاءالله
عايده..لا انا عاوزه معاد مليش دعوه
يوسف..يعني بكرا او بعده بالكتير اوي
عايده..ماشي يحبيبي خلي بالك من نفسك
يوسف..ونتي كمان يحبيبتي
……………………
طلع مروان المحاضره وكان مش مركز خالص وعلى شبه نايم
والدكتور مره واحده قال..ودلوقتي هنشرح الكلام دا عملي
مروان..يووووه ..قوم يعلي قوووم
علي بنوم..اي في اي
مروان..صباح الخير يحبيبي..قوم يلا عشان العملي
وفضل الدكتور يشرح في الجثه ووقعت احدي البنات من المنظر والكل جري عليها لكن مروان كان الوحيد اللي مذاكر اسعافات أوليه فبدء يفوقها
مروان..فوقي……فوقي
نادين..اي دا هو اي اللي حصل
مروان..اغم عليكي من المنظر بس
نادين.. اي دا بجد ..ازاي كدا
مروان.. يظهر قلبك خفيف اوي..ولا اي يليله
ليله صاحبه نادين..اه باين كدا
مروان..صاحبتك دي يليله صح
ليله..اه دي نادين من نفس بلدي من المنصورة
مروان..ماشي يستي ..خلي بالك منها بقا
ليله..متقلقش في عنيا
نادين..متشكرة جدا
مروان..علي اي بس ..الف سلامه مره تانيه .،عن اذنكم..يلا يعلي
واستاذنو ومشيو
…………………………………..
في الشركه
كمال..بس انت ابن جنيه يواد ياكريم خلصت الصفقه زي ما انا عاوز بالظبط
كريم..ودا جديد عليا يعني ..طالعلك
كمال..ربنا يباركلك فيك
كريم.. حبيبي…همشي بقا عشان تعبت اوي ..هتيجي
كمال..لا هخلص حاجه كدا واجي
كريم..تمام..سلام
………………………………….
في بيت العائله
عايده..يبنتي البسي تقيل شويه هتاهدي برد
رغد..يماما الجو حر
عايده..طب قومي اقفلي الشباك مدخل هوا
رغد..يماما البيت هيتكتم كدا
عايده..طب قومي اقفلي الفرن
رغد..هو اي قومي وخلاص
ورن جرس البيت
عايده..قومي افتحي الباب يجزمه واقفلي الفرن
رغد..مش فاهمه هو يعني لو الفرن فضل مفتوح هياخد برد
قلعت عايده سلاح الام المصريه وهو الشبشب وجريت رغد فتحت الباب ورمت امها الشبشب جهه في كريم
كريم..اي دا ياجماعه الإستقبال دا
عايده..معلش يحبيبي والله كنت برميه ع الجزمه اللي جنبك دي
رغد.،شوفتي ربنا بقا
عايده ..يلت متغظنيش
كريم..وبتضربيها لي بقا
رغد..عشان مقفلتش الفرن
كريم..اي يا أمي دااا
عايده..يبني مبحبهاش تبقي قاعده كدا جسمي بياكلني…بت روحي اغسلي المواعين
رغد..لا عشان نور زمانها جايه
كريم بصدمه وزعل..نور!!