رواية الصهباء الفصل الثاني 2 بقلم آلاء محمد
رواية الصهباء الجزء الثاني
رواية الصهباء البارت الثاني
رواية الصهباء الحلقة الثانية
لقيت محمود بيقولي _چوري انتي عندك قد ايه
ابتسمتله=تديني كام
_لو انا اللي هديكي سن هيبقي ١٥بالكتير
ضحكت جامد=للدرجادي شكلي صغير
_ايوه
=انا عندي ١٨
عارفه انك بتسال علشان السواقه وكده متخافش معايا رخصه
ابتسملي_اوكيه جوري
روحنا المعز مشينا مشي يهد الحيل قعدنا نتصور ونضحك ونشرب عصير قصب الحقيقه ان الوقت معاهم بيجري ووجودهم مريح مش زي اول انطباع اخدته من شكلهم الصراحه روحنا بعد لف طول الليل وصلنا البيت الساعه ١بعد ما اتهدينا
نزلنا من العربيه واحنا داخلين ألبيت روحت قايله= حمدالله بالسلامه وصلناااا اخيرا
محمود_شكرا كتير اوي اوي يا جوري علي اليوم الجميل ده
رد احمد -فعلا شكرا كتير كان اليوم جميل وعمره ما كان هيكون حلو غير بيكي
=انتوا اللي شكرا جدا اليوم فعلا مختلف حسيت بالونس والدفي من تاني حسيت ان اخويا معايا شكرا جدا بجد
حضنوني الاتنين قد ايه هما لطاف وطيبين ومش متصنعين بجد الواحد حاسس براحه كأنه عارفهم من سنين مفيهومش خباثه ولا مكر طيبين وطبيعين وده اللي الواحد محتاج ليه
دخلنا البيت طلعوا كلهم علشان يناموا وانا غيرت ونزلت قعدت ف البلكونه كالعاده حطيت الهاند وشغلت اغاني بحب اوي الاغاني القديمه بحس فيها بدفي فظيع وحب عمري مهلاقي زيه أبدا سرحت مع الاغنيه وغنيت معاها
=كااااان لك معاياااا اجمل حكااايه ف العمر كله
سنين ومرت زي الثواني ف حبك
وان كنت اقدر احب تاني هحبك انت
لقيت حد بيشيل الهند من ودني اتخضيت بلف لقيته محمود
ضحكت بخضه=ايه يا عم خضتني مش كده
_معلشي بس صوتك جايب لاخر الدنيا
=ايه ده بجد معلش ماخدتش بالي
_بتسمعي ايه
حط الهاند ف ودنه لقيته غمض عيونه واندمج مع الاغنيه سرحت فيه للحظه هو ازاي حلو كده عيونه الخضره شعره الطويل الناعم ملامحه الحاده هو كرتون ده ولا ايه بس استوقفني شكل جسمه من التاتو راسم تاتو كتير اوي مبوظ شكله
فعلا ربنا خالق الإنسان ف اجمل صوره والإنسان هو اللي بيشوه نفسه
لقيته بيقولي _چوري چوري هااااي انتي
=نعم معلش سرحت شويه
بهزار_ف جمالي صح
=ياعم روح اتلهي ف اجمل منك كتييير
_وااات انا مفيش زي ابدا انا محمود واحد بس
=ايه يا عم الغرور ده خف شويه علينا
بضحك_ده مش غرور ده تكبر
ضحكت علي ضحكته=ده انت ليك ف الون بقي وبتقلش
_انا مصري اوي اوي يعني
=انت هتقولي بلغتك دي
صحيح انتوا بتتكلموا مصري حلو ازاي كده
_ماما وبابا كانوا دائما يتكلموا معانا عربي علشان نبقي عارفين لغتنا وكده بس طبعا الانجلش طغي عليه بس انا بحاول اظبط ده
=واضح واضح
فضلنا نضحك قعدنا لحد الفجر نرغي مع بعض كان يوم مميز بالنسبالي اوي
محمود شخص طيب اوي اوي يعني شخص حقيقي بيبهر اللي قدامه حقيقي بابسط حاجه ضحكته لطيفه وحنينه غمازته اللي تهبل وتدوب الواحد دي
ف حاجه بتخليني عايزه اتكلم معاه اكتر عايزه تشوفه اكتر بس انا بقول يمكن لان انا مش بتعامل مع ولاد كتير فأنا منبهره بس بلغته وطريقته اللي مش شبه حد بقول يمكن لانه اجنبي بقي وعنده كاريزما حاضره وكده
عدت الايام وانا ومحمود وأحمد طول اليوم بره بنلف ف كل حته ف الهرم والسيده وشبرا وكل حته ف القاهره والجيزه روحناه بقينا قريبين اوي من بعض ناكل نشرب مع بعض عدي أسبوعين واحنا مبنفارقش بعض غير علي النوم احمد يطلع ينام وانا ومحمود نسهر لحد الصبح
احكيلكم بقي علي احمد احمد ده بقي اهبل كده طيب اوي اوي اوي طبيعي جدا وبيضحكك من أبسط حاجه دايما عايز يبقي فاهم ف كل حاجه وكل مره بيتكبس لذيذ كده ولطيف قادر يغير مودك ف ثانيه لغته اللي دايس عليها قطر احب اقول ان مش لغته بس ده دماغه كلها دايس عليها قطر ولد عسول كده من الاخر عيون خضره شعر طويل وناعم ابيض بياض الثلج عيونه متكحلين من الاخر تحب تبصلوا طول الوقت كده
*************
كنا قاعدين بنفطر كلنا لقيت بابا بيقول -احنا أن شاء الله بكره رايحين الغردقه منها نصيف ومنها نشوف سعيد اخويا
اتعكننت اخر حاجه وقولت بهدوء وبرود =بابا بعد اذنك اعظرني انا مش هروح
بصلي محمود اللي قاعد جنبي بصدمه كده بصيت علي احمد لقيت نفس البصه قال محمود بعصبيه خفيفه_ازاي يعني مش هتروحي معانا هنقعد ازاي من غيرك وانتي كمان هتقعدي لوحدك ازاي
رد احمد- محمود صح
=انتوا مش عارفين حاجة يبقي اسكتوا وقومت وسبت الاكل وانا بعيط
قال بابا بهدوء- سيبوها وانا هتكلم معاها
رد محمود_انا هشوفها يا خالو
طلعت الجنينه وانا بفتكر كل المواقف اللي مريت بيها مع عيال عمي سعيد مريم ومالك
*فلاش باك*
كنت صغيره ورايحه مع بابا وماما عندهم بابا قالي اروح العب معاهم اول اما شافوني
قالت قمر- البرتقانه جت يا مالك
_ايه ده البرتقانه عندنا وراح شاددني من شعري
وقعت في الارض فضلوا يلفوا ورايا ويرددوا الاسم ده
وانا اعيط نزلت قمر علي روكبها وقالت-انتي وحشه يا چوري انا احلي منك بصي شعري حلو ازاي ولونه جميل ازاي لكن بصي علي شكلك الوحش وشعرك اللي شبه البرتقال ده وحشه اوي بجد فضلت اعيط وهما يشدوا ف شعري ويتنمروا عليا يمكن بالنسبه ليكم الموقف ده عادي ويكاد يكون مضحك كمان بس لما طفله عندها ٧سنين يتقلها الكلام ده اكيد اكيد بتتربي عقده ف حياتها أنها وحشه وثقتها ف نفسها بتتهز بشكل كبير ودايما تشوف اي حد احسن منها
التنمر بيربي ناس معقده دايما شايفه نفسها قليله واللي شايف نفسه قليل عمره مهيوصل لحاجه بالعكس ده بيطلع ف المستقبل عقده علي الغير
لازم نربي عيالنا أن الواحد اذا كان ابيض او اسود طخين ولا رفيع طويل ولا قصير شكله وحش ولا حلو ف الاخر كلنا خلقه ربنا كلنا جمال لان ربنا هو اللي عايزها كده ربنا عمره مهيعمل حاجه وحشه ربنا خلقنا ف احسن صوره ولو احنا اللي خلقنا شكلنا عمره مهيطلع بالجمال اللي ربنا خالقه وطبعا كلنا شايفين اللي بيعمل عمليات التجميل شكله بيبقي ازاي
ف مقوله انا بحبها اوي اوي وقبل ما اتتريق علي حد أو اتمنى عليه بتيجي ف دماغي (أتعيب الصانع أم الصنعه)لما بنتريق علي شكل حد مثلا انت بتعيب ربنا اللي خلقه مش بتعيبه هو ربوا عيال سويه محبه للغير
*الان*
وانا بفتكر كل مواقفي السوده معاهم مش بس الموقف ده ده كتير اوي لقيت محمود بيقولي _ف ايه بقي مش عايزه تروحي ليه
بتسرع وعصبيه=بص يا محمود انا مش بحبهم ولا هما بيحبوني انا مش عايزه اشوفهم انا حره
_ طب ليه كل ده احكيلي
حكيتله كل مأساتي معاهم وكل ماضيه بعياط طبعا
_اهدي كده انا معاكي مفيش حد هيقدر يدايق صدقيني
=مش هروح يا محمود وده اخر كلام
ولو قولتلك علشان خاطر
=لا يعني لا
“وصلنا اسكندريه الحمدلله “طبعا انتوا مستغربين دلوقتي بس عادي انا مهزقه ياجماعه عادي قبلونا علي باب البيت عمو وطنط ومالك وقمر سلموا علي بعض
اول اما شافتني قمر ومالك قالو- برتقانه اذيك
رد محمود وقال……..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية الصهباء)
تعليق واحد