رواية الحربايه والثعبان الفصل الرابع والثلاثون 34 بقلم منة محمد

رواية الحربايه والثعبان الجزء الرابع والثلاثون

رواية الحربايه والثعبان البارت الرابع والثلاثون

رواية الحربايه والثعبان الحلقة الرابعة والثلاثون

آمير سافر مخاصم دعاء لدرجه رفض حتي يسلم عليها .عدي التوقيت المحدد لوصل رحلته واتصلت بيه اكتر من مره وهو مش بيرد ….قلقت ونزلت تطمن عليه من رياض اوناني لكن وقفت لما سمعت الحوار الداير بينهم!!!!!
ناني: كلمت آمير وصل هناك بالسلامه
رياض: منا اتكلمت معاه ,كنا بناقش موضوع مهم , كان لازم يسافر قبل سابق ضيع فرصه هايله
ناني: نقدر نعمل ايه ؟؟احنا حاولنا وده في الاول والاخر نصيب , من فضلك متزعلش نفسك
رياض اتنهد بضيقه: عندك حق لايمكن نتجاهل تصرفات دعاء الغير مسؤله
دعاء نزلت دموعها وبتلف لقته واقف قدامها مد ايده يمسحلها دموعها
دعاء اتكت ع اسنانها وبتحذير: اياك تتجرء , والا الضربه الي طبعتها ع قلبك, هتلاقيها اضعاف ع وشك , واظن ضربتك لما مسكت ايدي قدام الكل , فاكر مش كدا , فـ اياك تتجرء ع لمسي تاني , والا هتندم كتير , وانت الي خبي جوازات السفر عشان افضل هنا, بس لا يمكن تعمل اي حاجه اكتر من كدا
جمال ابتسم يغطي قهرته وقال: انتي مش حاسه ان جه وقت المعاناه , انتي متعرفيش مدي مواهبي الكامله اولها اني قدرت امنعك من السفر , وكنتي حقيقي بحاول امسح دموعك, لاني بجد متعاطف معاكي , ماليش نيه المسك بالشكل الي انتي متخيلاه , او نقول معني تاني اني حابب اخوفك
دعاء بصتله نظرات احتقار وجريت ع فوق!!!!
……………قصص منه محمد كاتب………………
في منزل عائه دعاء
معمر: الفت اخبارها ايه؟؟!!
ميسر: رفضت تاكل ومش عايزه حتي تاخد العلاج
معمر شافه: داغر كنت فين كل ده؟؟!!
داغر حط الشنطه وقاله: قولت لك مسافر , عندي شغل مهم خلصته ورجعت..!!
معمر: بس بيتك محتاجلك ,معقول بقالنا يومين منعرفش عنك اي حاجه , حتي موبيلك مقفول ومتعرفش عن وضع مراتك
داغر بقتضاب: مالها قولي
ميسر: هي تعبانه وبقالها يومين مكلتش اي حاجه, وانا عملت معاها البدع بس فضلت تعاند ولاعايزه تاخد حتي علاجها, ولا تروح للدكتور
معمر: شوف مش هنقدر نغير الي حصل , هتكسب ايه لو فضلت زعلان منها ,هي مراتك ومسؤليتك تهتم بيها ,اطلع وخليها تاكل ,وتاخد علاجها, يله روح
داغر وقف يوزع نظراته عليهم الي كلها ضيقه وغضب ومشي
معمر حك جيبنه : كوني الاخ الكبير عقاب , محدش بيشوف حسناتك ,الكل مستعد يفرغ همومه ومتاعبه عليا , ايه الي ممكن اعمله عشان كل ده يخلص
ميسر طبطبت ع كتفه: اشرب كوبايه الشاي والا هتبرد
اما داغر دخل لقاها راقده: الفت قومي هاخدك للدكتور
الفت: مش عايزه اروح في حته سبتني ومشيت ولا همك
داغر: بلاش خناق بدون سبب غير كدا قومي نطمن ع الجنين مش عليكي انتي
الفت اتعدلت: بجد انت قلقان ع ابنك ومش قلقانه عليا
داغر: ع الاقل فيه واحد فينا بيهتم اختك قالت لي انك مأكلتيش حاجه
الفت اتعصبت : انت معندكش قلب , وقاسي ياداغر قاسي اوي , مش مهتم بيا خالص
داغر: من الحكمه انك متكلميش ابدا عن الاهمال
الفت قامت وصرخت في وشه: بحبك ..!انا حاولت امـ وت نفسي قبل كده , ومستعده اعملها تاني
داغر قلبت عيونه بضجر من تصرفاتها ولف وشه وعمل حركات استهزاء
الفت: لو مش مصدقني هـ موت نفسي قدامك حالا
داغر اخد نفس طويل: الفت
الفت وقعت ع الارض تتلوي من المغص
داغر قعد ع ركبه ونص: الفت مالك (صرخ) معمر الحقني بسرعه
……………قصص منه محمد كاتب…………….
الساعه 12 بعد منتصف الليل
في جناح دعاء بتحول تصل بأمير يكنسل عليها …رجعت اتصلت تاني كنسل ….حست بطعنه لكن اتصلت لتالت مره لحد ما رد
آمير بختصار: دعاء انا مشغول هكلمك بعدين
دعا: آمير اسمعني
آمير: قولي
دعاء: انت مضايق , بس ده ماله ومال غير انك تطمني انك وصلت بالسلامه , فضلت اتصل بيك بس انت رافض ترد
آمير: لاني مشغول هنا , وعندي اجتماعات كتير بسببك , لاني ضيعت اسبوع , وبحاول ارجع الصفقه تاني
دعاء: اتكلمت مع ابوك وامك ,ملقتش دقيقه تقولي انك وصلت بالسلامه , كنت منتظره منك مكالمه
آمير: دعاء عندي مكالمه مهمه , نتكلم بعدين سلام
دعاء بصت للموبيل ونزلت دموعها بغزاره لحد ما تلفونها رن وكان داغر بيبلغها ان الفت اجهضت وانفعلت عليه انه ليه اتخانق معاها وهي خبت عشان كل ده ميحصلش فصلت المكالمه لما الباب خبط وراحت فتحت
جمال ساند ايده الاتين ع الباب: هاي
دعاء: فيه ايه
جمال: كالعاده رحاب نايمه وكل الخدم ناموا في اوضهم
دعاء: وانا المفروض اعمل قصاد ده ايه
جمال: مين هيقدم لي العشي
دعاء :نعم
جمال ببرود: ايه طول النهار بشتغل , وراجع جعان , ولقيت مراتي نايمه بسلام , عارفه مش مهتمه بيا خالص
دعاء: اولا انا مش خدامه عندك, غور صحيها خليها تحطلك تطفح , ولو هترجع البيت متأخر ابقي اتسمم بره , ده بيت مش فندق امشي
جمال ماشي بضهره: اوكيه هنام جعان الليله
دعاء مشت قدامه وهتهبد الباب وهو سحب الاوكره قال: تمام هقفله بنفسي
دعاء كلمت نفسها: غياب آمير خلاه وقح ……وانا متأكده انه هيثير قلقي ……هروح بكره اطمن ع الفت واخدها حجه واقعد هناك كام يوم …..وبالطريقه دي اكون في مأمن منه ومن العيبه
اثناء كلامها مع نفسها الباب خبط كورت كف ايدها وراحت بندفاع وهي بتزعق: مش بتفهم الي قولتـ
رياض: ايه الاسلوب ده ازاي تتكلمي معايا كده
دعاء بأحراج : انا آسفه جدا ياعمي
رياض: موبيلك مشغول من مده وآمير عمال يتصل بيكي وهو قلقان
دعاء: كنت بتكلم مع داغر اخويا
رياض: شوفي يا بنتي الانسان بيستخدم موبيله بس لما يكون محتاج لده , آمير هيموت من قلقه عليكي واتصل بيا كذا مره وسألني عنك
دعاء: هتصل بيه انا آسفه جدا
رياض: اتصلي طمنيه
…………..قصص منه محمد كاتب…………………
في منزل عائله دعاء
الفت قاهره روحها من البكاء: انتقمت لـ اختك مش كدا دلوقت ملكش اي شكوي ضدي كل شكاويك مني انتهت بالاجهاض بقيت زي اختك ابني مات هو كمان ومش هبقي ام تاني
دعاء دخلت: السلام عليكم
داغر راح سلم عليها
الفت بغضب شديد: بتعملي ايه هنا ؟؟جايه تفكي عن نفسك , ولا تطمني انه اخوكي طلقني
دعاء بتعجب: بتقولي ايه ؟؟انا هنا بطمن عليكي ,وع حالك
الفت بتريقه لاذعه: حالي بتسألي عنه بجد, لازم تكوني دعيتي ,عشان امـ وت
داغر: اسكتي يا الفت اسكتي
دعاء حبست دموعها بالعافيه: ازاي ادعي عشان كدا
الفت: ده الي متوقع من واحده حسوده زيك , حسدك وغيرتك هم الي قتلوه ابني, انا متأكده انك اتقهرتي لما سمعتي اني حامل
داغر: مش بقولك اسكتي
الفت: لاء مش هسكت , بسبب اختك كنت قاسي عليا , ودلوقت ممكن تطلقني اذا قالت لك , خسرت ابني خلاص لكن اعرف حاجه واحده انت واختك بدعي ربنا انها تدمر زي ما حصلي
داغر رفع ايده يضربها : الفتتتتتتت
دعاء مسكتها بسرعه: داغر اهدء
داغر: استغفر الله العظيم
دعاء بصتلهم وخرجت من الغرفه وهي مقهوره تعبت من كل حاجه سئمت من الدنيا
ميسر قابلتها: متزعليش الفت منهاره وانتي عارفه وضعها , معلش لازم تمشي لحد ما يتحسن وضعهم ومتجيش هنا , مش عايزه يحصل حاجه داغر يطلقها , وعارفه انك متحبيش ان ده يحصل , وتبقي سبب في طلاقهم
دعاء: عمري ما اتمنيت يحصلها الي هي فيه , لو كنت عايزه كده , ليه رميت اللوم ع نفسي ودفنت السر سوي , بس انتي الي كشفتي عنه , مش انا
ميسر: مكنتش اعرف الي بتعمله من ورايا , الفت بقت انانيه ومتهوره في كل حاجه , هي مش شيفاكي عدوتها انا كمان اخدتني عدوه ليها , ومش طايقه تبص في وشي , وبقت وقحه معايا بس انا عشان اختها بتحملها , وبتساهل معاها وبسامح بس لو بقت وقحه معاكي اخواتك مش هيسكتولها ابدا ,والفت هتاخد عقاب ,وده هيسبب توتر ومشاكل في البيت
داغر طلع يواسيها: دعاء الفت متعصبه بعتذرلك عنها
دعاء: مفيش داعي تعتذر , قادره افهم زعلها , بس اوعدني بحاجه واحده, انك متقولهاش كلمه من دلوقت
داغر اخد نفس وهزلها دماغه وسكت
دعاء: انا لازم امشي
داغر: ليه مش قولتلي هتقعدي لحد ما آمير يرجع!!!
دعاء: ايوه فكرت ولقيت الوضع مينفعش ,لاني مقولتش لـ آمير قبل ما اقرر اجي هنا , هو مشغول جدا , مش بعرف اتكلم معاه الايام دي , هبلغه وابقي ارجع تاني
داغر: طيب يله هوصلك
دعاء: مفيش داعي ,هتصل بالسواق هو ياخدني , خليك انت مع الفت حاليا , هي في امس الحاجه ليك
……………قصص منه محمد كاتب……………..
في منزل عائله آمير ع الموبيل
آمير: كل حاجه تمام يا ماما وشغال ع اخري , طمنيني الامور عندكم تمام
ناني: تمام ازاي ومراتك مشت
آمير: مشت فين من غير ماتقولي
ناني: هي قالت لي هتقعد عند اخواتها اسبوعين , وانا ميهمنيش لو فضلت العمر كله هناك احسن ما تقعد وتقلقني
آمير: حصل ايه تاني
ناني: ايه الي حصل قدامك كان موفي وكافي , دي حتي ولا اهتمت ان رحاب تعبانه , لمت هدومها ومشت اراهن هربت من خدمه اختك
آمير بقلق: مالها رحاب؟؟!!
ناني: بتعاني من صداع مستمر, لكن رافضه اخدها للدكتور , وطول الوقت بتاخد مسكنات للالم , وتنام اليوم كله ومش بتاكل اي لقمه, وبتدمر صحتها بالطريقه دي
رحاب بنزعاج : مامي انا كويسه
آمير: ماما ناوليها التلفون اكلمها
ناني مدتها لموبيل: خدي كلمي اخوكي
رحاب ابتسمت : هالو
آمير: مالها صحتك
رحاب: انا بخير يا آمير, مامي بتحب تهول ,وبتقلقكك من غير سبب , انت بس وحشتني
آمير بضحكه: تمام مش هقلق ابعت لي قائمه الهدايا الي عايزها مش عايزك تتنرفزي لما اجبلك انا ع ذوقي
رحاب: مش عايزه حاجه عندي كل حاجه , ارجعلنا بس قريب
آمير بقلق: قولتي مش عايزه حاجه , وده معناه انك فعلا مش كويسه
رحاب: اوكيه هبعتلك قائمه طويله بطلباتي
آمير ابتسم : ايوه كدا , عايزك منتعشه لما اتصل بيكي المره الجايه , اوكيه
رحاب: اوكيه يله باي
آمير: باي حبيبتي
……………..قصص منه محمد كاتب……………..
دعاء رجعت وأأعدت في جنينه في الشارع مش عارفه تهرب من حصار ووقاحه جمال لفين لحد ما موبيلها رن
دعاء: الو
آمير بحده : انتي فين دلوقت؟؟!!
دعاء: انا قدام البيت
آمير: انهي بيت
دعاء: بيتي يا آمير
آمير: ايوه بيتك , وده متطلعيش منه ابدا , لحد ما ارجع مفهوم
دعاء: مفهوم
آمير: روحتي بيت اخواتك ياتري بلغتي امي
دعاء: ايوه بلغتها
آمير: وطبعا عارفه ان رحاب اختي عيانه , وانتي سبتي امي لوحدها معاها
دعاء: الفت اجهضت وكانت تعبانه
آمير بعصبيه وحده في الكلام: متقوليش اسمها قدامي , خليكي في بيتك ومتخرجيش منه , غير لما ارجع مفهوم الكلام
دعاء: حاضر يا آمير حاضر
آمير: عندك اي فكره عن الناس الي قهرونا انا وعائلتي وسرقوا حقك في ورثك , ادخلي البيت وافتحي فيديو كول عشان اشوفك , واهتمي برحاب , ومتقوليش كلمه تضايقيها , امي قلقانه جدا عليها
دعاء اتخنقت : حاضر وسلام
دعاء دخلت بخطوات بطيئه لقت رحاب وناني قاعدين رمت عليهم السلام ناني ردت ورجعت تكلم في بنتها ….اما دعاء حست بالتهميش ……طلعت جناحها ودخلت انفجرت في العياط …..كل حاجه حرفيا بتضغط عليها
……………قصص منه محمد كاتب…………………
في منزل عائله دعاء
امهم: انتي مبسوطه وانتي شايفه اختك بتدبل من كتر الالم
ميسر: امي انتي ليه مفكره اني عملت كده قاصده كله بسبب غبائها وطمعها
امهم: هي غبيه وانتي مش عاقله مش قادره تتحكمي في لسانك اسافر يومين ازور خالتك ارجع القيكم خاربين كل حاجه, قولي يامعمر رجعت حق اختك لما الفت سقطت ابنها
معمر: بتقولي ايه ؟ ده ولا حتي خطر ع بالنا , ماتقولي حاجه لامك ياميسر
امهم : انا مكنتش موافقه ع الجوازه دي ابدآآ , بس اعمل ايه لو بنتي صمتت تاخدك , لانها حبتك والفت مشت ع نفس خطاها , لحد ما دمرت نفسها لكن كسبوا ايه, انتم اختكم اتجوزت من عايله غنيه , وبناتي عاشوا في معاناه
داغر: قوليلي بنتك ضحت بأيه معلش , دعاء اتحملت اللوم عشان محدش يشاور ع بنتك , ولما عرفت الحقيقه عن طريق اختها مش من حقي استجوبها
امهم: فيه كذا طريقه تسألها مش لازم تصرخ وتتعصب , انت مسؤل عن حالتها ومش هسامح, الفت كل يوم والتاني كانوا بيقفوا صف يخطبوها واحد وري التاني , بس انت الي طلعت من قسمتها ونصيبها
داغر قام وانفعل عليها: اسمعي بقي يا ست انتي, بنتك هي الي جريت ورايا , واستخدمت اخويا يجبر امي اتجوزها , وقولت لك انا وهي عمرنا ما هنبقي سعداء مع بعض
امهم بغيظ منه لما سابها ومشي : شايف اخوك يامعمر ؟ كدا مش عامل احترام للنسب الي بينا , بنتي مش هتقعد ثانيه هنا , وهاخد ميسر معايا
ميسر: امي
امهم بشخط فيها : لمي هدومك , وهدوم اختك يله معايا , وابنك سبيه هنا
معمر: انتي بتقولي ايه ميسر قولي لـ امك تعقل
ميسر: امي ليه بتحاولي تفرقي بين الفت وداغر , وانا مش هسيب بيتي وامشي , لو عايزه تاخدي حد خدي الفت معاكي
معمر: الفت هتفضل هنا, هتكلم مع داغر يفهم وهيبوس دماغها ويهتم بيها , قومي ياميسر هاتي كوبايه عصير لـ امك تروق دمها
امهم: شوف تربيتي , دمرت حياتها عشانك , هتلاقي فين واحده زيها , اتجاهلت سعادتها عشانك وعشان اهلك
معمر: عارف وبعمل الي عليا , عشان اخليها مبسوطه, تقدري حتي تسأليها
امهم: اه ولازم تعبد الارض الي بتمشي عليها , وقول لـ اخوك يبطل قسوه ع الفت , والا هيشوف مني الي محدش شافه , ياعيني عليكي يابنتي قلبها اتحطم
……………قصص منه محمد كاتب…………
دعاء قاعده في جنينه الفيلا وحاطه الموبيل قدامها وقلقانه تطلع غرفتها
جمال قرب منها: سمعت انك لميتي هدومك , ومشيتي رجعتي ليه ؟؟اعتقد انك في ورطه اكبر مما تخيلت
دعاء بصتله بغيظ: اخرس , كم مره قولت لك متتكلمش معايا , الامر مش هياخد مني ثانيه واحده وهدخل حالا اقول الحقيقه عنك, لكل الي في البيت
جمال: اوه بجد لمين هتقولي الحقيقه , مين اصلا هيصدقك , الناس الي جوه الي مبقوش يثقوا فيكي , ولا جوزك الي هيقولك مقولتليش ليه من الاول خالص, بالمناسبه انا ممكن اقوله حاولتي معايا ولما رفضتك افتريتي عليا وهيصدقني
دعاء انفعلت لدرجه وشها احمر: انت حقير وسافل وهضربك بالجزمه
جمال بقهر: وانا عايزك تنذلي
دعاء: الي انا فيه كله من تخطيطك
جمال قرب منها ومط شفايفه : مهما يكن انتي الي بتتذلي مش انا , انا منعتك تسافري _ بيحاول يمسك خصله من شعرها_بس اسمعيني
دعاء بعدت دماغها ورفعت السبابه في وشه: ابعد
جمال رفع ايده لفوق وبسخريه: اوه سوري نسيت اني مقدرش المسك, اسمعي الناس هنا وخصا آمير العالم دي متستحقش تضيعي طيبتك واخلاصك عليهم ’حتي رحاب لو الامر في ايدها لتـ خنقك لحد ما تطلعي في الروح, واعترفت لي بده كذا مره, هو ده مدي كرهها ليكي
دعاء: طز ميهمنيش قالت ده في وشي كذا مره , ورغم كدا هي احسن منك الف مره , ع الاقل صريحه وواضحه مش ثعبان بيبخ سمه ويتنكر في حمل وديع , وفي رآي من الاسهل بكتير تجنب عدو زيها, لكن ثعبان في الجحر بيحاول يسممها , بس الي مش قادره افهمه ازاي هتواجها لما تعرف حقيقتك
جمال: هنعدي من فوق الجسر لما نوصل لحد عنده , مش عايز اضيع وقتي في التفكير في المستقبل , .لكن فيه حقيقه قولتيها ,انا ثعبان لكن افعي مش بتسارع تسمم ضحيتها, انا برعب ضحيتي الاول , ومقدمكيش غير اختيار واحد, تسيبي آمير وترجعيلي , وهطلق كل الستات عشانك انتي بس , ومحدش هيعرف انك معايا
رحاب من بعيد: ايه الي مش هنعرفه
دعاء بصتله بمعني رد عليها
جمال: هو انتي مش نايمه فكرتك نايمه
رحاب: فلقتها فرصه تقضي الوقت مع دعاء
جمال: لاء
رحاب: وانتي بتعملي ايه هنا الساعه دي
دعاء بقوه عين: اظاهر نسيتي ان ده بيتي انا, واقدر اقعد في اي مكان انا عيزاه زي ما احب مش محتاجه اذن من حد ولا محتاجه ادي تفسير لـ اي شخص لكن الضيوف بحاجه للاحترام واجب عليهم احترام واداب معينه , هيكون ده افضل ليهم , واتمني يهتموا بشؤنهم الخاصه
جمال: شايفه طلعت اتمشي بعد العشا لقتها واقفه هنا وبدئت تقولي ان ده بيتها
رحاب: بيتها دخيله هي الي فرضت نفسها عليه وتقول بكل بجاحه انه بيتها , ده بيتي انا هتشوف هعمل فيها ايه
استوب ودعاء هتقلب بس واحده واحده والسر هينكشف لكن لمين هنعرف