رواية الحربايه والثعبان الفصل الثاني والثلاثون 32 بقلم منة محمد

رواية الحربايه والثعبان الجزء الثاني والثلاثون

رواية الحربايه والثعبان البارت الثاني والثلاثون

رواية الحربايه والثعبان الحلقة الثانية والثلاثون

داغر دخل: السلام عليكم
الفت مكشره وسانده كوعها ع المخده وماسكه دماغها: وعليكم السلام
داغر حط الشنطه وبصلها: مالك فيه حاجه حصلت؟!
الفت: لاء دماغي بتوجعني’ وحاسه اني دايخه
داغر بقلق: قومي نروح للدكتور ‘يله قومي غيري
الفت: مفيش داعي نروح للدكتور
داغر: تعبانه لكن مش عايزه تروحي للدكتور ‘انا مش فاهم منطقك؟!
الفت بدموع: لان الدكتور معندوش علاج لحالتي ’ انا محتاجه راحه البال ‘وده امر يستحيل يحصل في البيت
داغر قعد قدامها: ايه الي حصل ‘اتخانقتي مع اختك
الفت: برغم انها اختي شقيقتي . لكن انت عارف مبتحبش تشوف اي حد سعيد غيرها , ومستحيل اعيش معاها تحت سقف واحد, مش انتي قولتلي هنسيب البيت هنا ونروح بيت كبير قبل ما يتولد ابننا, ايه الي حصل ليه مخترتش بيت لحد دلوقت!
داغر: عشان اخد بيت تاني ده محتاج لوقت وفلوس وانا لسه امي متوفيه
الفت اتنهدت بغيظ: الله يرحمها وهي مرتاحه بس احنا لسه عايشين ليه تحول حياتنا لجحيم
داغر بنزعاج: الفت
الفت: معلش قلت كدا من زهقي ‘انا مش عايزه استني هنا خلاص بتخنق ياداغر بموت وبقولك لو فضلت ايام تانيه هنا هموت ‘انا والعيل
داغر: اهدي لو سمحتي, انتي حالتك مش كويسه , اديني شويه وقت ,لازم اقدم ع قرض ,احطهم ع الفلوس الي معايا
الفت: وليه تاخد قرض ؟ ده بيتك ولينا نصيب فيه ,ولما نبيعه تقدر تاخد فلوسه, ومش هتبقي محتاج لقرض ها قلت ايه
داغر: في ايه
الفت نفخت : تاني ياداغر يبع البيت
داغر :اخويا معمر مستحيل يبيع البيت ,وعيب اوي اروح اتكلم معاه عن نصيبي ,بس متقلقيش هقدم ع قرض وبيتاخد في شهور
الفت: لسه شهور وانا بقولك هطق
داغر بضيق: الفت الامر مش بسهوله , ده بيع يعني محتاج وقت
الفت بخبث: طب اسمعني دعاء مش ليها حق في البيت
داغر : اكيد
الفت بمكر: خلاص قول لمعمر انك عايز تديها حقها , لان هي مش هتطلبه من نفسها ابدا , ولو مش قادر تتكلم مع اخوك ع بيبع البيت , اضغط عليه من حق دعاء , وبعدين مش ده حقها ولا هو هياكل حق اخته
داغر: ايوه كلامك مظبوط , بس هتكلم معاه مش عشان يديني حقي , عشان يدي دعاء حقها في البيت
ميسر كانت واقفه بره وسمعت كل كلمه وع اساسها هتبدء تتحرك
……………قصص منه محمد كاتب……………..
في منزل عائله دعاء
ميسر رايحه جايه : هي دي الفت حبت تغسل دماغ داغر والله لوقعها في شر اعمالها
معمر دخل شافها: انتي بتكلمي نفسك ايه الي حصل؟؟!!
ميسر : دخلت ثعبان
معمر: ايه مش فاهم
ميسر: جبت ثعبان, بس مفكرتش انه هيسمني ويخسرني , بس انا لايمكن اتحمل الخساره, لاء مش هيحصل
معمر: انتي بتتكلمي بالالغاز , لسه راجع من الشغل وتعبان, قولي ع طول
ميسر: اخوك عايز يبيع البيت ,والفت بتغسله دماغه ‘وقرر يسيبوا البيت ويمشوا ,عملت معايا فيلم قديم عشان الورث , وجرت شكلي, وانت هتعرف اني كنت ع حق هي ثعبان
معمر بنزعاج: قصدك تقولي ان داغر انجبر ع بيع البيت!وبكدا لازم ندي دعاء نصيبها
ميسر: اتفضل واحنا نقعد في الشارع
معمر :اظن ده حقها ,وهتسئلني عنه’ لو البيت اتباع
ميسر: هو احنا هنفضل نوزع في الحقوق للكل ,طول حياتنا ,بكده هنشحت
معمر: قوليلي اعمل ايه . لو داغر ودعاء اتحدوا سوي ,عشان كدا طلبت تسيطري ع اختك
ميسر : هتعامل معاها بنفسي , وهنشوف داغر بعدين , اسمع انت اتصل بدعاء هاتها هنا
معمر: ليه؟؟!!
ميسر: اتصل بيها واسألها ,هتبقي موافقه ع بيبع البيت
معمر: تمام اكل لقمه , واتصل بيها ,متقلقيش هقولها, تيجي كمان
………….قصص منه محمد كاتب……………..
في جناح دعاء موبيلها رن فردت: ابيه ازيك عامل ايه…..انا بخير الحمد لله…….بكره حاضر اجيلك بكره لاء هطلب من آمير يوصلني
آمير دخل بمرح: ائمري يا ست هانم هوصلك منين ماتحبي
دعاء كتمت ضحكتها وشاورتله يسكت وتابعت: خلاص يا ابيه مع السلامه
آمير ضمها بأيده لصدره: الهانم مقلتش رايحه فين؟!
دعاء مسكت ياقته بدلع: رايحه عندنا , وانت لازم توصلني ,لو كنت متفرغ ,والا اروح لوحدي
آمير: وليه تروحي لوحدك ,لما يكون العبد لله متاح, ايه الداعي لوحدك , بالمناسبه اعتقد مفيش فرق بين جوزك والسواق , ولا ايه رآيك
دعاء: اممم اعتقد كدا هروح مع السواق بكره مش كدا , اوكيه لو مشغول خليك في شغلك
آمير: لاء هاخدك بنفسي ده حقك عليا كزوج مطيع , شوفي ده كدا الاول
دعاء اخدت منه الكيس: ايه ده
آمير: افتحيه الاول
دعاء فتحته لقت مايوه فوشيا صارخ قطعتين سألته بستغراب: ايه ده؟؟!!
آمير بتريقه: مخدرات هتكون ايه يا دودي
دعاء: انا شايفه بس بسأل ليه؟؟!!
آمير: مش احنا مسافرين
دعاء: ايوه احنا مسافرين
آمير: وانا حجزت فيلا ببسين عشان ناخد راحتنا , وهناك اعلمك العوم ونغطس سوي
دعاء ضحكت بلعلعه: والله انت رايق يا أمير رايق
آمير: ومروقش ليه , ركزي معايا احنا رايحين شهر استمتاع حياتي , نعيش بطوله وعرضه
دعاء رفعت قدامه المايوه وقالت بشقاوه: هلبس مايوه وهنجح فى المياصة
………….قصص منه محمد كاتب……………..
في منزل عائله دعاء
دعاء : مش شايفه حد يعني في البيت
ميسر : الفت عندها استشاره مع الدكتور وداغر اخدها ‘وبيبو في المدرسه
دعاء: اه في المدرسه , وانت يا ابيه مروحتش الشغل النهارده
معمر: لاء اخدته اجازه عشان انتي جايه
دعاء بقلق: ابيه معمر ايه الموضوع؟؟ ليه شكلك قلقان ومتوتر , وليه طلبتني اجيلك فجأه , هو فيه حاجه حصلت
معمر اتنهد وقال : بعد وفاه امك محدش بقي يدعلنا , امنا كانت كل سجده تدعلنا ,بعد ما ماتت محدش بيدعلنا , عارف كنت معظم الوقت ضدها بس علاقتي بيها لايمكن تتغير ,وزي ماهي كانت امكم كانت امي انا كمان , بس هي مبقتش موجوده
دعاء نزلت دموعها الله يرحمها , هنعمل ايه ده قضاء الله ,وواقعنا , ولازم نتقبله , حتي لو مش حابينه
معمر: لكن فيه حقيقه واحده لازم نواجهها ,المال لازم الانسان يكون معاه فلوس , عشان يلبي احتياجاته, لكن الجشع مش هيوصل لـ اي حاجه وشوفت ناس عندهم استعداد للدم بسبب جشعهم وهوس المال عشان كدا مش عايز الفلوس تدخل مابينا
دعاء: وده مستحيل يحصل يا ابيه , عشنا كلنا اوقات صعبه في حياتنا , وللسبب ده بعرف الفرق بين اهميه المال والحاجه للمال ولا يمكن تبني جدار عازل بينا احنا الثلاثه
ميسر: معمر ليه عمال تلف وتدور, ادخل في صلب الموضوع, دعاء من الاخر داغر عايز يبيع البيت ومعاه مبلغ وعايز نصيبه عليه ويشتري بيت تاني , بس احنا نروح فين واحنا محلتناش اللضا
معمر: دعاء انا صرفت كل الي حلتي ع مصاريف البيت وتعليمكم انتي وداغر , وعمري ما استخسرت فيكم اي حاجه ,لكن اذا باع البيت وقتها مش هيكون فوقي سقف
دعاء: مستحيل ننكر فضلك علينا , عشان كدا لايمكن يحصل يا ابيه ,ولا حتي قادره اتخيله
ان داغر يسيبك من غير مأوي , هتكلم معاه ,ميسر انا هتكلم معاه
ميسر: مفيش فايده من الكلام معاه , لانه هيسمع كلام الفت , وهي عايزه الانفصال لوحدهم ومش عايزه تفضل في البيت ولا ابنها يتولد ويتربي هنا ,بس انتي الوحيده الي ممكن تساعدينا
دعاء: انا
ميسر: ايوه انتي ,يعني لو اتنازلتي عن نصيبك لمعمر ,كدا هتزيد نسبته , وداغر ميقدرش يبيع البيت , وبكدا انتي ومعمر تتحدوا سوي
دعاء: انا موافقه لو ده حل يمنع بيع البيت , انا معنديش مانع
معمر بأحراج: انا جهزت الاوراق عند المحامي ,لو حابه توقعي دلوقت براحتك , لو يوم تاني مفيش مشكله وقت ما تحبي..!
دعاء: لاء هوقع حالا يا ابيه
ميسر حست برتياح وقررت تواجهه الفت وتطردها من البيت نهائي!!!!
…………….قصص منه محمد كاتب………….
في منزل عائله دعاء
ميسر دخلت عليها: كان اكرم لو ساعدتي واحده غريبه , بدل ما تساعدي واحده انانيه زيك
الفت بتهكم : فيه ايه ياميسر ع الصبح
ميسر: فيه ان انتي هنا في البيت ده بفضلي , وانتي عارفه كده كويس داغر عمره ماحبك ولا فكر فيكي ثانيه , وبفضلي وبفضل ضغطي ع معمر لكن عمري ما تصورت تبقي ناكره الجميل بالشكل ده
الفت: عادي دايما تفكريني بأفضالك عليا , الاول جبتيني هنا ودلوقت بتكملي عليا , ع العموم هانت , وقريب اوي هتخلص منك , ومن عادتك المقرفه
ميسر بستهزاء : حلو اوي , يعني عايزه تبني قصر فوق تشرد اختك, بس افتكري حاجه واحده كل الامور الي عملتيها بعد ما جبتك هنا عرفاهم كلهم دول سر مدفون في قلبي, بس دفنتهم عشان تسمعي كلامي, لكن ورحمه ابويا لو اتقلبتي ضدي هو سر واحد هيكون كفيل اهدم بيه قصرك زي ورقه طايره في الهواء , ودلوقت الامر بين ايدك, اما انك تقنعي داغر يبيع البيت ,او يفضل بؤك مقفول , واياك تحاولي تبقي مكاره والا خافي ع نفسك
الفت خافت منها لو فعلا اتكلمت عن افعالها داغر مستحيل يقعدها دقيقه!!!
……………….قصص منه محمد كاتب……………..
في جناح دعاء قاعده بينها وبين نفسها: رحاب جايه تعيش مع جمال……. وانا متأكده انه هيضايقني كتير…..وجايز تكون حيله من حيله لازم اخد حذري جدا…لان جمال مش هيضيع اي فرصه ويعملي مشاكل …..بس انا واثقه انه هيحاول يعمل اي حركه قذره من حركاته …..ويقلل من احترامي وقيمتي قدامهم هنا
آمير حط ايده ع كتفها: حياتي الي ع طول سرحانه وبتفكر
دعاء انتبهت ورسمت ابتسامه: اه كنت بقولك امتي حبيب قلبي هيرجع البيت وينوره
آمير: وازاي مرجعش البيت بدري وقلبي بتفكر فيا
دعاء ابتسمت و اتعلقت برقبته : انا ازاي افتكرك وانا اصلا مش بنساك , انت عايش في قلبي , مش محتاجه افتكرك سواء كنت هنا اولاء دايما معايا
آمير باس جبينها: وانا لو اي حد سالني بتحبها قد ايه هقولهم دي روحي
دعاء ابتسمتلو : وانا مش بحس بكتمالي الا بوجودك , انت ضلي وخلي , ورفيقي , وحبيبي
آمير: وانتي حياتي ,انا اساسا معرفتش الحب الا بيكي انتي وصلتي لاعمق نقطه في قلبي
دعاء وانا ببقي عايزه اهرب من كل حاجه واتخبي بحضنك
آمير لعب في شعرها بمرح: ودلوقت قوليلي اخوكي معمر ليه اتصل بيكي؟ فيه حاجه عندهم؟!
دعاء: لاء عادي كان عايز يشوفني عشان كدا اتصل بيا اتغده معاه
آمير بشك: يعني هو ده بس
دعاء: بس ! يله خد شور ع ما اجهزلك فنجان قهوه باللبن
آمير قرص انفها بمداعبه: اوكيه ياحبي
دعاء نزلت المطبخ عملت القهوه وطالعه بالمجات
جمال قرب بسرعه ومسك ايدها مع الفنجان: ثانك يو ده يتسمي الحب الحقيقي , كنت محتاج شويه قهوه ودلوقت عرفت مدي اهتمامك بيا وانتي عارفه اني بعشق اشرب قهوه في وقت متأخر من الليل, عشان كدا عملتهالي من ايدك عارفه رحاب مش مهتمه بيا اطلاقا
دعاء: انا معملتش القهوة ليك انا عملتها عشان آمير
جمال بتهكم: آمير _شاور_ فين اسمه ع الفنجان
دعاء: انا بحذرك واسمعني كويس وكويس اوي
جمال انتبه ببرود: قولي
دعاء: لو مفكر ان حركاتك القذره دي هتخرب بيتي يامختل تبقي غلطان , ده بيتي واخدت مكاني هنا بالحب والاحترام والصدق كقاعده ثابته لايمكن تسرقها مني بكدبك
جمال: بجد حلوه ومش عارف اسميه سذاجه عارفه ايه هو ارخص شئ وعديم القيمه في الدنيا محبتكم واحترامكم , (عيونه رغرغت بقهر) اتعاملتي مع حبي واحترامي ليكي بكل قسوه ولطشه قلم
دعاء: تمام كمل , وافتكر ده حلقه في ودنك , انك محبتنيش من باب الحب والاحترام , فكرتني واحده من اياهم الي بتستخدمهم زي ورق المناديل , وبعد ما تخلص منهم, ترميهم وراك في باسكت الزباله, وحاجه كمان
ناني قربت: جمال دعاء بتعملوا ايه في وقت متأخر كدا
دعاء بتوتر: كنت طالعه بالقهوه لـ امير لكن جمال
جمال قطعها بهدوء : طلبت من دعاء فنجان قهوه , وعطتني فنجانها, اصل انا متعود اشرب قهوه بالليل وتلاقيني قاعد بومه الليل
ناني: لو عايز تشرب قهوة كنت المفروض تطلب من رحاب , او تقدر تطلبها مني , او من امال تعملهالك
جمال مثل الاحراج وقال : انا آسف ياطنط , معرفش انه ميصحش اطلب من دعاء فنجان قهوه , في الساعه دي
آمير هنا نزل لما دعاء اتأخرت جدا عليه ووقف ما بينهم
جمال تابع: هي كانت عامله لـ آمير , وانا اخدته انا أسف , لو شايفه ان ده مش مناسب _ مدله الفنجان_ اتفضل يا آمير
آمير برفض: لاء مفيش داعي, ده بيتك لو محتاج اي حاجه تقدر تطلبها , من غير تردد , اتعامل ع انه بيتك
جمال: ثانك يو آمير ثانكيو دعاء
ناني بصتلو وآمير اضايق لكنه عدي الموقف عشان التوتر!!!
ناني: واضح انه معجبهوش كلامي
آمير: لاء ياماما هو طيب , بس هو متحرر لانه متربي في امريكا فمتعود انه كل شئ فري , يله الوقت اتأخر , روحي نامي دعاء يله
دعاء: اه جايه
آمير دخل: تعالي نشرب الفنجان بالنص
دعاء: لا مش عايزه ماليش مزاج
آمير: اعدلي مزاجك وخدي شفطه واحده
دعاء: اوكيه هات
آمير: عارفه احنا مسافرين شهر , خدي حاجات كتير معاكي ,والتأشيره هتوصل بكره
دعاء: متقلقش محضره كل حاجه _مدتله الفنجان_ اكتفيت
آمير: متأكده
دعاء هزت دماغها فوق وتحت: ايوه
آمير: هطلع شويه في الفراند
دعاء تابعت آمير وبينها وبين نفسها: كدا احسن جمال لما اسافر هياخد رحاب ويرجعوا بيتهم ولا يفضل ويتخبط في الحيط
………………..قصص منه محمد كاتب………………
ناني لامت نفسها ع كلامها مع جمال وخافت لرحاب تزعل فقالت تطلعلهم خبطت
جمال: ادخل
ناني دخلت: انا آسفه يابني لو ازعجتكم
جمال: اطلاقا فيه حاجه
ناني: يابني انا معنديش مانع لو طلبت القهوة من دعاء ’ بس رحاب مراتك ودي مسؤليتها تلبي احتياجاتك , الامور دي بتخلق عدم تفاهم بينك وبينها ’ واظن انت فيه مشاكل بينك وبين دعاء
جمال: طنط بالنسبه لخلافاتي مع دعاء انا نسيت كل حاجه تماما , وبجد مش عايز اخلق اي مشاكل بينها وبين رحاب, اما بالنسبه لرحاب هي عمرها مادخلت المطبخ عشان عندها خدامه,واحنا كمان عندنا خدم وطلبت من دعاء لان رحاب نايمه
ناني: رحاب نايمه دي كانت كيفه سهر وبتنام وش الصبح
جمال: عندها صداع عطتها برشامه وطلبت منها تنام طنط مش محتاجه اطلاقا تديني توضيح انا زي ابنك كنت هتفسري الامر لو الموقف ده حصل مع آمير
ناني طبطبت ع كتفه: حبيبي اانت مش زي ابني, انت ابني , وسولا محظوظه لان عندها ابن زيك , يله الوقت اتأخر , اسيبك ترتاح
جمال: تصبحي ع خير
ناني وهي خارجه: وانت من اهله
…………قصص منه محمد كاتب…………….
يوم جديد بدايه احداث ناريه
جمال دخل: هالو حياتي مالك حزينه من دعاء
رحاب بنفعال : تغور في ستين داهيه , ومتقولش اسمها قدامي
جمال رفع ايده قدامها بهدوء: اوكيه ايه الي حصل
رحاب بتتحرك بنهيار: عايزه ارجع البيت حالا , وديني حالا, مش عايزه افضل هنا
جمال: نروح البيت , مش قولتي حاسه بالملل , وده بيتك , وطلبتي مني اجيبك هنا
رحاب: خلاص مبقاش بيتي بعد ما دعاء استولت عليه بالكامل الكل مهتم بيها ومحدش مهتم بيا
جمال: اوكيه وضحيلي حصل ايه
رحاب بحقد: عارف ان آمير هياخدها ويسافروا دبي ع الاقل كان لازم يسألني لاء رتب لهني مون مع الليدي , ومهتمش حتي لوجودي هنا, هو نفسه الي كان مش بيقرر اي قرار غير لما ياخد رآي , ده لما كان بيروح يشتري قميص , كان لازم ياخد رآي
جمال: عايزه ايه انه ميسافرش شهر عسل
رحاب بغيره وحقد وحسد: مين الي اتجوز احنا صح , يبقي انا الي اسافر الهني مون, مش دعاء(مسكت دماغها بألم) اوف
جمال بترقب: مالك حاسه بأيه
رحاب كرمشت ملامحها من كتر الالم وقالت: وجع جامد في دماغي
جمال: انتي متوتره بسبب دعاء , لازم ترتاحي هديلك برشامه , وهتكوني بخير تماما استني ثانيه
رحاب: اه دماغي خبط جامد
جمال :خدي دي هتريحك ع الاخر
رحاب: برشامه ايه دي؟؟!!
جمال: مسكن للالم بتخفف الوجع الي عندك يله بالشفاء , ومن فضلك متقلقيش , فيها ايه لو راحوا دبي , لما مام ترجع هاخدك نلف اروبا , واظن اروبا اجمل من دبي
رحاب بخمول: اوكيه
جمال في سره: لو منمتيش بدري ازاي اقدر اسرق نوم دعاء …واطمني دعاء لايمكن تسافر مع آمير… لانها لو مشت مش هوصل لهدفي الي جييت هنا عشانه ……ومش هرتاح غير لما اوصل لغرضي و استرد حبي ……. اما انتي نامي في حلم جميل لحد ما تقومي ع ابشع كابوس في حياتك
منتظره رايكم الجميل وتعالوا لما السر ينكشف لـ امير وينهار ع دعاء
ياتري ايه خطه جمال ياتري فعلا هيمنع دعاء من السفر هنشوف