رواية الحربايه والثعبان الفصل الثالث والثلاثون 33 بقلم منة محمد
رواية الحربايه والثعبان الجزء الثالث والثلاثون
رواية الحربايه والثعبان البارت الثالث والثلاثون
رواية الحربايه والثعبان الحلقة الثالثة والثلاثون
في منزل عائله آمير صباحا
جمال شافها نازله من فوق وقف مكانه وقالها: واو بجد صباح جميل هاي
آمير نزل وجمال اتعدل في وقفته وصبحوا ع بعض
آمير سأله: ليه صاحي من بدري؟؟!!
جمال: انت عارف ان مام مش هنا , وفي غيابها لازم امسك الشغل لوحدي , ومش عايز يحصل مشاكل في الشغل, في غيابها
آمير ابتسمله: ع العموم لو وقفت معاك اي حاجه ,متتردتش ,بلغني
جمال: ثانكيو اكيد
أمير: يله عشان نفطر (سابقهم يرد ع مكالمه مهمه من الخارج)
جمال : واضح انك بتفكري فيا
دعاء ربعت ايدها بثقه : انت غلطان عمري ما افكر فيك ثانيه
جمال: كدابه بتفكري وقادر اشوف الخوف والقلق ع ملامحك
دعاء: انا مش قلقانه بسببك
جمال: حتي لسانك عاجز عن دعمك لما بتقولي كده , شايف عيونك بتكدب ,واوكيه لو ادركتي ده مفيش مشكله, حاولي تنفدي بجلدك لو قدرتي, انا هنا عشان احول حياتك جحيم , حتي مش همشي غير وانا مدمرك ,وبحذرك , استعدي لهجومي الجاي
آمير بصوت عالي: دعاء
دعاء: جايه اهو
جمال وسعلها وفتح ايده بكل برود: بعدك
……….قصص منه محمد كاتب…………….
في غرفه رحاب
ناني: لسه نايمه في سريرك وجوزك راح الشغل
رحاب لمت شعرها بالتوكه: تقصدي ايه انه مشي
ناني: ايوه بس ع الاقل كنتي طلبتي فطار حتي لو هنا
رحاب: يعني هو مشي من غير يفطر
ناني: فطر بس دي مسؤليتك , لازم تهتمي بهدومه واكله ,دعاء بتعمل كدا مع اخوكي
رحاب نفخت بضجر: اوف مامي كام مره قولتلك متقوليش اسمها, ليه تعكننيني من الصبح كدا وبعدين هو جمال طفل محتاج حد يهتم بيه , غير كدا عندنا في البيت خدم
ناني: يابنتي الست متبقاش خدامه لما تهتم بمسؤليه جوزها , انا لسه مهتمه بأبوكي , واهتمامك بيه هيزيد حبه ليكي
رحاب: بصراحه مش عارفه انتي بتتكلمي ازاي , انا مقدرش اتصرف زي الخدم , واظن قولتلك عندي صداع
ناني : من ايه
رحاب جعدت وشها : معرفش بعاني من الصداع من امبارح , وبحس بدوخه كل دقيقه
ناني: طيب كشفتي
رحاب: لاء مجرد صداع عادي بالنسبه لي , مش مستهل اروح للدكتور , وجمال عطاني برشامه ونمت كويس جدا
ناني: يمكن يكون فيه اخبار حلوه جايه في السكه
رحاب: يامامي لاء اطمني مفيش حمل , بعدين احنا لسه متجوزين
ناني: عطايا ربنا دايما تيجي في اي لحظه, لازم نروح للدكتور
رحاب بملل: مامي
ناني بتحايل: عشان خاطري حاولي تسمعي كلامي لو مره واحده , مفهاش حاجه لو روحت واطمنا
رحاب: اوكيه بس ممكن تعملي حاجه واحده , ابعت لي قهوه
ناني: حاضر هطلب من امال تجيبلك قهوه , وفطار, ومتقلقيش ,ومتحمليش نفسك اي توتر
رحاب: اوكيه
……………قصص منه محمد كاتب……………
في منزل عائله دعاء
الفت: ها رسيت ع ايه؟؟!
داغر : عن ايه
الفت: عن نصيب دعاء اتكلم مع اخوك ,ولا هتسكت عن الموضوع ده , عشان متبقاش مضطر تدي اختك حقها
داغر اتعصب: مفكره ان انا من النوع الي اكل حق اختي
الفت بنفي بسرعه: لاء الي عايزه اقوله بلاش تسكت زي اخوك , وبلاش حتي تجيب اسمي لما تروح تتكلم معاه , والا هيظن ان انا الي مسلطاك , وعارف اختي بتدور عن اي فرصه تستغلها لصالحها ونفسها وتحول حياتي لجحيم , لو قلت كلمه ضدها
داغر هز دماغه بضيق واخد شنطته وغادر المكان
…………….قصص منه محمد كاتب…………….
في منزل عائله دعاء
ميسر حطت كوبايه الشاي قدامه واستغربت: هو ايه الحكايه مش رايح الشغل , وليه وشك متغير هم طردوك
معمر: لاسمح الله , بتقولي ايه بس. كل الحكايه اني بفكر اقنعتي دعاء ع التنازل, لو داغر عرف هيتخانق معانا
ميسر عوجت شفتها: اولا مش انا اسمها احنا ,غير كدا داغر هيعرف منين , لاني عارفه ان دعاء مش هتجيب له سيره , ولو قال داغر حاجه اننا ندي دعاء نصيبها , قوله ملهاش حاجه
معمر بنرفزه: بتقولي ايه اختي ليها نصيبها الشرعي في البيت, الورقه دي مجرد اننا نحافظ ع البيت من البيع بس ‘لكن اختي ليها حق , مستحيل اكله عليها
ميسر: كان ليها ,بس خلاص مضت ملهاش الا لو يعني بيعنا البيت ,واحنا مش هنبيعه
معمر: متعكريش مزاجي من الصبح
ميسر: وانت اعرف ان الامر انتهي
معمرقام بضجر : مش عايز اتكلم حتي عنه اتأخرت عن الشغل ‘هروح استعد حتي الشاي برد
…………..قصص منه محمد كاتب………………..
المغرب في جنينه منزل عائله آمير واقفه في الجنيه بقلق واضح!!!!
آمير خرج: دودي
دعاء انتبهت: آمير وصلت هنا امتي؟
آمير: لسه راجع بس شكلك قلقان ايه الموضوع
دعاء: مين يقدر يقلقني
آمير رفع دقنها : دعاء بوصلي ماما قالتك حاجه زعلتك
دعاء: لاء
آمير: طيب فيه مشكله عند عايلتك
دعاء: ايوه فيه مشكله
آمير: ايه هي _سحبها من ايدها _ تعالي اقعدي واحكيلي , ايه الي حصل من داغر ولا معمر
دعاء: داغر عايز بيبع البيت , وانا عشان ده ميحصلش , مضيت تنازل عن حقي لمعمر
آمير: بقي هو كان عاوزك عشان كدا
دعاء: كان قلقان اوي وضعه المادي ميسمحلوش انه يكمل وياخد مكان تاني ,وعشان كدا مضيت عشان داغر ميقدرش يبيع البيت
آمير انفعل: دعاء كان المفروض الاول تسأليني, قبل ما تمضي ع اي ورق
دعاء: آمير انا آسفه عارفه انه كان لازم اسألك
آميرحط ايده ع كتافها واتكلم بهدوء: شوفي ده حقك انتي , وانا ماليش اي علاقه بفلوسك , وانتي عارفه انا مش عايز اي حاجه , انا بس بقول كان لازم انا وداغر نقرء الورق , ونشوف ايه المكتوب فيه, وانا عارف داغر مش هيقول حاجه بخصوص الموضوع ده , ع العموم هتكلم مع داغر واسأله , ايه هي الحقيقه متقلقيش
دعاء: انا عايزه اكون معاك , وانت بتكلمه عشان يفهم وجهه نظري
آمير بهدوء: اوكيه ع المغرب هاخدك تسلمي عليهم لانك مسافره شهر , ونتكلم وننهي موضوع البيت
……………..قصص منه محمد كاتب………………
في غرفه رحاب
ناني برجاء: يابنتي قومي معايا للدكتور
جمال دخل: ايه الموضوع
ناني: خليها تقتنع تقوم معايا نروح زياره للدكتور
جمال: ليه مجرد صداع نصفي وهي كويسه
ناني: عايزه اخدها لدكتور نساء لكن رافضه تروح
رحاب: مامي انا مش محتاجه لانه مش زي ما معتقده
ناني: طيب وبالنسبه لصحتك , انتي في اوضتك مش بتخرجي منها
رحاب كشرت: ليه اخرج منها عشان اشوف دعاء وهي بتستعد لشهر عسلها
ناني: يابنتي ليه مهتمه , تعالي اقعدي معانا ابوك وجدتك بيسألوني عنك بستمرار, اخرجي غيري جو الاوضه ده يعملك اكتئاب
رحاب: مش عايزه اتكلم مع اي حد , من فضلك امشي عندي صداع , محتاجه ارتاح
جمال: متزعليش منها يا طنط , هي محتاجه ترتاح سبيها وكل ما تنام اكتر كل ما تحس بالتحسن
ناني: حاضر يابني, تحب ابعتلك عصير , او قهوه
جمال: متشكر لو محتاج اي حاجه هقولك
ناني: تمام رحاب اتمشي واخرجي لو حبيتي_خرجت وقفلت الباب_
جمال قعد قدام رحاب: سيبك اعملي الي انتي عايزاه
رحاب: عندي صداع وخمول رهيب
جمال طبطب ع كتفها: متقلقيش كله هيتحسن
…………….قصص منه محمد كاتب……………….
في منزل عائله دعاء
معمر بصوت عالي: مين انت عشان تسألني ؟؟انا اخوك الكبير ,وفاه امنا مش معناها تبطل تحترمني
داغر: انا مقولتش اي كلمه مش محترمه, كل الي قولته تعال نقيم سعر البيت وندي دعاء حقها
معمر: يعني عايز تقول تدي دعاء نصيبها من بيبع البيت
داغر: معنديش حتي النيه ابيعه لكن مش هسمح اختي حقها يتسرق
معمر: مين الي سرق حقها
داغر بحزم وعصبيه:انت !!آمير حكالي عن كل حاجه , وانك جبتها وخلتها تمضي عن تنازل ليك عن حقها
ميسر: احنا مجبرنهاش هي اتنازلت بأرادتها ووافقت ان نصيبها يبقي مع معمر , لان هو الكبير والمسؤل عن البيت من سنين طويله
الفت زعقت: معقول الطمع والجشع وصلوا معاكي تسرقي حق دعاء
ميسر برفعه حاجب: انتي مش في وضع يسمحلك تاخدي موقف مع دعاء, لاني عارفه كويس اوي ,مدي وفائك ليها
الفت: ميسر انتي الي كنتي قاسيه طول عمرك مع دعاء ولسه قاسيه عليها
آمير هنا دخل هو ودعاء ومصدومين من الخناقه الي دايره بينهم
ميسر استغلت وجودهم وكملت: الكلام مش يناسبك , انتي حتي مش مخلصه لـ جوزك ولا لـاهله , ازي تجرؤي تقولي عني قاسيه , فضلت 8 سنين في البيت معاهم سمحت لجوزي يصرف عليهم , اتحملت كتير عشانهم , اما انتي سقطي دعاء ,وابنها مات بسببك انتي
الفت شهقت وحطت ايدها ع بؤها اما دعاء وشها اتاخد
آمير: انتي بتقولي ايه
ميسر بدموع: ايوه يا آمير الي حصل لدعاء مكنش اهمال منها ,الفت زقتها , وانا دريت ع اختي ودعاء اتحملت اللوم عشان داغر بيته ميتخربش ويطلق ,وجايه تتهمني وانا كنت السبب انها واقفه النهارده في البيت وليها صوت
آمير بص لدعاء بذهول وبدون اي كلام خرج من المكان ودعاء خرجت وراه
داغر بصلها بصدمه: انتي زقيتي اختي وهي سكتت عشاني
الفت بلعت ريقها: اسمعني هفهمك
داغر سابها ومشي وهي جريت وراه: داغر اسمعني انا معملتش كده عن قصد
داغر بصراخ:مش عايز اسمع حاجه مالهاش تفسير ,مش عايز اسمع حاجه
الفت مسكته من ضهره بعياط :اسمعني طيب
داغر بصوت كله قهره ووجع :سبيني وامشي
الفت :ارجوك اسمعني
داغر شد ايده منها وصرخ فيها: سبيني يا الفت واخرجي حالا
…………….قصص منه محمد كاتب……………….
في التراس في منزل عائله آمير
دعاء ببكاء: أمير اسمعني , ليه متعصب كده ؟؟صدقني مكنتش غلطتي!
آمير : نفس الحال دايما , تفكري في سعاده اخوكي , واحتفظتي بالسر عشان تنقذي بيته , زي ما سبتي حقك لـ اخوكي التاني من غير حتي ما تاخدي رآي
دعاء: آمير انا غلطانه
آمير: انا مليش حق في ورثك لكن الطفل, انا ليه حق فيه
دعاء: انت مسألتنيش
آمير: ولو كنت, كنتي هتقوليلي ان الفت هي سبب اجهاضك , مش هتقوليلي ابدا, لانك لو عملتي كده كان داغر عرف وبيته اتخرب, اثبت لي مره تانيه اني شخص غريب عنك , وانك مخلصه لـ عائلتك المستبده
دعاء مسكت ايده وهو شدها منها وقال بغضب: اياك تلمسيني , وامشي من قدامي , امشي وسبيني لوحدي
دعاء عيونها دمعت : آمير
آمير وشه احمر من شدة الغضب: امشي بقولك
رياض حط ايده ع كتفه بلطف : وحد الله يا آمير مش كدا
آمير بنظره كلها حزن : شوفت يابابا, شوفت دعاء خبت عني ايه
رياض: ده قضاء الله يابني , وحصل ‘اطلع غير هدومك ,وصلي ركعتين يهدوا قلبك
آمير اخد نفس واتحرك بخطوات بطيئه مغادر المكان
ناني: ازاي تخبي علينا
رياض بصلها بغيظ: لاننا مش هنقدر نغير الي حصل, ليه نعملها حكايه ’ ونعيد ونزيد فهمي ابنك ميعملهاش زعله مع مراته
ناني: المفروض اقوله ايه رغم هي غلطانه لكن انت مش عايز تشوف غلطها ليه خبت عننا حاجه كبيره زي دي
رياض: كانت هتقول ايه بس!!
رحاب: انسي مامي مفيش فايده في الكلام, بابي شايف دايما اننا غلطانين , وهي دايما ع حق ويكره اي حد يتكلم كلمه عنها
رياض :مقدرش ابقي شايف الحق واقلبه باطل , الي حصل ,حصل وعدي وفات , وياريت نقفل كلام عنه دي اراده الله
الجده: ابني معاه حق , ندفن الماضي بغض النظر عن غلطه دعاء , الطفل مكنش ليهم نصيب فيه وندعلهم ربنا يرزقهم بغيره
رياض : امين
الجده : ومتتكلميش عن الي فات ياناني, آمير ودعاء مسافرين’ بلاش يمشوا زعلانين
استوب وتعالوا للهجوم من جمال لدعاء ….ياتري داغر هيعمل ايه مع الفت ولا الفت هتعمل ايه مع ميسر تخيلوا الحربايه تتقلب ع الثعبان ممكن يحصل ايه
في منزل عائله آمير بأحداث جديده
رياض: آمير انتم مسافرين بلاش تتكلم في الي حصل , وتضيع وقت عليه , لو فضلت زعلان كدا ازاي هتسمتع انت وهي بفسحتكم , اهدي ممكن
آمير: عندك حق يايابا لايمكن نغير الي حصل ,لو اتكلمنا فيه الف سنه
رياض : كلام سليم
دعاء نزلت ووشها مخطوف
رياض : ها يابنتي كل حاجه جاهزه
دعاء:آمير انت معاك جوازات السفر والتذاكر
آمير: معايا ازاي انا مش عطتهملك في الظرف , وانتي قلتي شلتيهم
دعاء ارتبكت: ايوه شلتهم في الدرج, بس دلوقت مش موجودين في مكانهم
آمير: الظرف كان فيه جوازات سفرنا , بصي مره تانيه انا متاكد هتلاقيهم
دعاء: دورت كتير ملهمش اثر
رياض :يابنتي هو بيقولك عطاكي الظرف(شخط في آمير) وانت ليه تدهولها مشلتهوش معاك انت ليه ازاي تكون مستهتر للدرجه دي
آمير: اهدء يا بابا
رياض: اهدء !!انت عارف مقدار الخساره ,الي هتخسرها الشركه, لو مقدرتش تقابل العميل
آمير: هنلاقيهم اكيد في الاوضه , هيروحو فين تعالي معايا ندور يادعاء , لسه فيه وقت
جمال بمكر: بجد غريبه ازاي البسبور يختفي , من البيت بالطريقه دي , وهتكون فعلا مشكله لو مقدروش يلاقوهم , حتي بدل فاقد هياخد اكتر من يومين
رياض بضيق وانفعال: متوقعتش ان دعاء مهمله للدرجه دي
رحاب: ايه الي حصل يابابي ؟؟كنت دائما بتفضلها , وقلت لمامي بلاش تكبري المواضيع ع امور تافهه
رياض بنرفزه شديده : رحاب الامر ده مش تافهه
رحاب بأسلوب هادي مسحوب بتريقه : والي قبله مكنش تافهه , بس ده لانه مرتبط بشغلك , عشان كدا غضيك شديد
رياض شخط فيها: كفايه يارحاب ‘واحتفظي برآيك ليوم تاني, لو آمير فات معاد سفره , هتدمر صفقته وهنخسر خساره كبيره
…………….قصص منه محمد كاتب…………………
في جناح دعاء عماله تفتح كل حاجه وتدور في كل الاوراق
آمير: ها لقيتيهم
دعاء: لاء كنت شايلهم هنا
آمير: لو هنا راحوا فين , ازاي تبقي مهمله بالشكل ده ازاي , دوري تاني ‘انا هنزل اهديهم تحت
دعاء وقفت شويه وافتكرت لما فعلا آمير عطاها الظرف وهي طالعه حست بحد ماشي وراها لكن لما لفت مكنش فيه حاجه لكن دلوقت اتأكدت ان رحاب الي سرقتهم
اما آمير نزلهم تحت: مش لقينهم, دورنا ملهمش اي اثر
رياض : ده معقول لو دعاء شالتهم في الاوضه , راحو فين , ولو حد خباهم ايه الاستفاده من كدا
آمير: انا مش فاهم
جمال موبيله رن: اكسيكيوزمي هرد ع الموبيل
ناني : محدش خباهم , هي شالتهم في مكان , ونسيت لانها مستهتره
آمير: مش مكن تعمل كدا ‘هي عارفه اهميه السفريه
رياض: يابني بصيت كويس في كل حته
آمير: انا قلبت الاوضه حته حته ‘مش موجودين
ناني: والحل هتعملوا ايه دلوقت؟!
آمير بيلطف الجو : هحاول اتصل واجل المعاد واخترع اي عذر قهري
رياض بقهره : معقول العميل هيستناك ويأجل
آمير: ان شاء الله, انا هقنعه واحاول ع ما نتصرف
رياض رد بقتضاب : تعال المكتب نتصل ونحاول
………………قصص منه محمد كاتب…………………….
في التراس
دعاء برجاء وتوسل: رحاب لو خبتيهم قولي
رحاب بغضب : انتي مخبوله, تتهميني اني خبتهم ليه؟؟!!
دعاء بتحذير: انا مش عايزه اتخانق معاكي دلوقت , بس انتي الي عملتي فيا امور كتير من افعالك دي قبل سابق, رحاب انا مش مهم اسافر , لكن عارفه اهميه الصفقه دي بالنسبه لـ آمير ‘من فضلك هاتي الظرف ‘بلي فيه
رحاب اتعصبت: لاء انتي من غير عقل خالص
ناني خرجت بسرعه : فيه ايه يارحاب
رحاب: الهانم مفكره اني انا سرقت منها البسبورتات
آمير: ايه حكيتك يادعاء اختي ليه هتعمل كدا
رحاب : هي معتقده اني مش عايزها تسافر, اسمعي انا مش من اساليبي اعمل حركه تفتن العقول للاعجاب الي يثير للشفقه , ولو انا مش عايزكي تسافري كنت هقول لـ اخويا
دعاء : رحاب انا بقولك لانك عملتي الحركات دي فيا قبل كده؟!
رحاب بصوت عالي: عملت فيكي ده قبل كده اثبتي يله , شايف مراتك ازاي بتلومني ع اهمالها , وده ملوش فرق عندك محدش في البيت بيهتم, لكن انا لو قلت كلمه ليها الكل يفضلها هي , انا راجعه بيتي ده كفايه اوي
جمال دخل واستغل الفرصه وقال: رحاب عندها حق اظن لازم نرجع بيتنا ‘اتهامتها بالسرقه ومين عارف يمكن يجي يوم تفتري عليا انا كمان , يله بينا
آمير: جمال بتقول ايه مفيش داعي تروحوا انا متاكد ان دعاء قالت كدا من قلقها
جمال رسم المحبه: فعلا يا خويا
آمير: انت معتبرني اخوك مش كدا , يبقي تسمع كلام اخوك وتنفذ طلبي
دعاء بصتلهم كلهم بغضب حتي آمير بصتله نظرات غيظ ونزلت دموعها وطلعت تجري ع جناحها
آمير وهو طالع وراها: انا آسف عن كل حاجه
رحاب : ليه تتصرف بطريقه طفوليه كده
ناني :ده مش اسلوب اطفال دي خيانه للامانه , بترمي غلطها ع بنتي وقدام جوزها , اتهمتها بالسرقه
الجده بحيره: مبقتش فاهمه ليه دعاء بتعمل كده جرالها ايه
ناني : بتحاول تدراي غلطتها , وبتتهم بنتي انها مش عايزها تسافر مع آمير, لو فعلا بنتي مش عايزها تسافر كانت خبت بسبور دعاء, لكن مش بسبور آمير كمان , معقول هتبقي عايزه شركه ابوها تخسر ملايين
رياض بصوت كله قهر: دي كانت صفقه كبيره , وفضلنا نحلم بيها سنين, اكيد العميل مشي, ياخساره حلم متحققش
……………………
في جناحهم
دعاء: امير اسمعني
آمير بصوت عالي يسمعه الكل : اسكتي خالص مش مكسوفه لما ترمي اهمالك واستهتارك ع حد تاني
دعاء انفعلت عليه: ده مش اهمالي
آمير: لاء اهمالك, انتي عارفه اهميه الظرف بلي فيه , واد ايه السفريه مهمه بالنسبه لي
دعاء : عارفه وشلته في الدرج هنا
آمير شد الدرج بعصبيه وزعق : اوكيه راح فين لو هو هنا فهميني
دعاء : مش فاهمه راحو فين , مين يقدر ياخدهم من جوه اوضتنا , بس انا متأكده ان فيه حد اخدهم متعمد
آمير: هتستفاد ايه لو اختي اخدتهم , وهي عارفه اهميه السفريه لينا كلنا
دعاء : لان مفيش غيرها هي مكنتش مبسوطه اني مسافره معاك ( افتكرت كلام جمال انه هيدمرها وقالت ) لاء جمال هو الي اخدهم
آمير بصراخ: كفايه !!الاول رحاب , ودلوقت جمال , عايزه ايه تخربي بيت اختي
دعاء برجاء: اسمعني وافهم
آمير صرخ بقوه : اسكتي, انتي اتجاوزتي كل حدودك اليوم , هي دي الطريقه الي بتنتقمي بيها من اختي, عشان ضربتك بالقلم
دعاء اتقهرت منه: انت شايفني كده , اتهم حد عشان بس الانتقام
آمير: كل الي اعرفه فكرتي عنك كلها غلط , مبقتش فاهم ايه الي تقدري تعمليه , وايه الي متقدرش تعمليه
دعاء شدته من دراعه بشده: اقف هنا واسمعني
آمير فلت دراعه منها وبتحذير شديد: انا متعصب بلاش تزيدي غضبي اوعي
…………….قصص منه محمد كاتب…………………
في منزل عائله دعاء
الفت بمحايله: داغر لحد امتي هتفضل زعلان مني ؟قولت لك معملتش كده عن عمد, كنت منفعله وهي جات في طريقي
داغر :انا منفعل دلوقت ,وانتي واقفه في طريقي
الفت برقت بعيونها: معقول تعمل فيا كده وفي ابنك؟؟!!
داغر :انتي عارفه اني مقدرش ,ازاي جالك قلب تزقيها , وانتي عارفه وضعها
الفت : مكنش قصدي ازقها ,قولت لك كنا متخانقين , وفئدت عقلي وطلعت عن شعوري , ارجوك اديني فرصه ,وهستسمح دعاء واطلب منها الغفران
داغر هزلها دماغه بـ لاء وسابها ومشي
الفت حست بمغض شديد مسكت بطنها واعدت ع السلم تتلوي
ميسر سمعت صوتها قربت عليها : الفت مالك
الفت دفعتها بحقد: ابعدي عني اياك تلمسيني
ميسر بزعل:انا خايفه عليكي وانتي تتعاملي معايا كده
الفت بنفعال: لو كنتي خايفه عليا مكنتش تقولي سري لداغر
ميسر بنظرات لوم وعتاب : ليه وقفتي ضدي وتحاربي فيا
الفت :انتي متتكلميش معايا داغر مبقاش طايق يشوف وشي
ميسر :هيكلمك هو دلوقت متعصب من الي حصل , هيصفي لما يهدء
الفت اتلوت من كتر الوجع ووشها اتغير
ميسر : اخدك ع المستشفي
الفت : لاء مش عايزه اروح , ومش عايزه عطف منك
ميسر : العطف مش ليكي, للعيل شوفي حالتك ,مكلتيش لقمه من امبارح ,اعملك ايه هقوم اسخلك كوبايه لبن دافيه ,امك هتبهدلني , وهتصل بالدكتور اساله عن المغص
…………………
في غرف رحاب بتلعب ع الموبيل
جمال دخل :هاي
رحاب : هاي
جمال مدد جسمه ع الكرسي : برافو رحاب نجحتي تمنعي دعاء
رحاب ضمت حواجبها بنزعاج: افندم انت بتشك ان انا الي خبيت البسبورتات
جمال بسخريه: امال حد تاني انا مثلا
رحاب زمت شفايفها بستياء: انا مخبتش حاجه , ولا حتي اعرف هي شالتهم فين , ومليش اي مصلحه اخليها تفضل هنا , قولي ع اسم الدواء الي بتديني منه , بحس براحه لما باخده وبنام كويس جدا , اسمه ايه وانا هطلب من الصيدليه تبتعتهولي
جمال طلع من جيبه العلبه وقام لها : مفيش داعي هو دايما معايا , باخد منه عند اللزوم لما بصدع من كتر الشغل
رحاب اخدتها منه وبلعتها
جمال: كنت عايز اسألك عن حاجه
رحاب : بخصوص
جمال : طنط كانت بتتكلم عن دكتوره امراض نساء
رحاب : وانا قلت لمامي لاء مش الي في دماغها , والصراحه ببقي عايزه اضحك, معقول ابقي ع طول حامل
جمال بترقب: يعني مستناش اخبار مفرحه
رحاب : طبعا لاء ده بدري جدا
جمال اتنهد براحه : ممتاز ده الي بقوله ليه الاستعجال الحياه لسه قدامنا ولسه متجوزين عايزين نلف العالم كله سوي ليه نشيل مسؤليه
رحاب : زي ما تحب
جمال بنظره خبث: ميرسي حبي
رحاب فردت جسمها ومسكت دماغها
جمال بصلها وفي سره بمجرد ما انجح هتخلص منك ••••مستحيل اكمل حياتي معاكي ••••واتورط واخلف منك
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية الحربايه والثعبان)
