رواية الانسة مراتي الفصل الحادي والعشرون 21 بقلم هايدي ناصر

رواية الانسة مراتي الجزء الحادي والعشرون

رواية الانسة مراتي البارت الحادي والعشرون

رواية الانسة مراتي الحلقة الحادية والعشرون

اوعى تتهور وتعمل حاجه من دماغك فاهم قالها سيف لعمر فى الهاتف
عمر : متقلقش وقفل المكالمه
سيف : مش مرتاح لك خالص ما انت صاحبي وعارفك
ثم ذهب عمر سريعا وأخذ هاتفه ونزل بسرعه وراح عند نور التى وجدها تجلس فى الكافيتريا وهى تكتب فى ذلك الكتاب مع كوب من القهوة
جلس عمر أمامها على الطاوله دون أن تشعر وقال
هو ايه اللى بتكتبيه ده
فزعت نور من ذلك الصوت وقامت سريعا بغلق كتابها وقالت : وانت مالك
عمر : امممم
نور : انت ايه اللى جابك هنا
عمر : حبيت اقعد مع مراتى شويه فيها حاجه
شعرت نور برجفها فى جسدها لسماع تلك الجمله شعرت بأن جسدها أصبح بارد
نور : لا والله
عمر : اه والله
رجعت نور لتشرب قهوتها فى هدوء مره اخرى وهى تخطف انظارها لتجد عمر ينظر لها بتركيز
نور : ايه ياعم انت انت بتبصلي فى كوباية القهوة
عمر : اه بصراحه بصصلك فيها لانها بتلمس شفايفك
نور : بقولك ايه ياكوتش جو المحن ده مش ماشي معايا
عمر : هههههههههه انتوا البنات كده أنتى فهمتي غلط القهوة عامله على بوقك هى دى كل الحكايه
ثم أخذ منديل ليمسح لها ولكن قاطعته وهى تمسح بمنديل وهى تقول : متشكرين مش محتاجين حاجه من حد
ثم قامت وذهبت وظل عمر مع ابتسامته وهو يراقب طيفها إلى أن خرجت
عمر : عنيده بس
____________________________
فرح : طب وبعدين
مليكه : مش عارفه حاجه خالص
فرح : يعنى عمره ما لمحلك على اى حاجه
مليكه : خالص
فرح : امممم خلاص عندى خطه انما ايه جهنميه
مليكه : قولى بسرعه ايه هى
فرح : بصي ياستى
عند اسيا
والدة اسيا : يالهووى هتقومى امتى الساعه بقت 3 العصر هتروحى التمرين ازاى اتاخرتى
آسيا بنوم : ياماما مش هروح سبينى انام أنا مصدقت نور مشيت علشان ارتاح شويه
والدة اسيا : نور مشيت فين
آسيا : شهر العسل
والدة اسيا : شوفتى ياموكوسه اتجوزت مش انتى اللى قاعده على قلبى امتى ويبجى اللى داعيه عليه أمه وياخدك
آسيا : كده يا ام سوسو
والدة اسيا : اه ويلا علشان تساعدينى
آسيا : حاضر ياماما ممكن بقى تكفى النور وتطلعى خمس دقائق وجايا وراكي
والدة اسيا : قصدك خمس ساعات اتخمدى بس قومى صلي متتاخريش
آسيا ؛ حاضر ياماما
ذهبت والدة اسيا وبعدها قامت اسيا المرحاض وتوضات ولبست إسدال الصلاه ووضعت سجادة الصلاه وبعد أن انتهت من صلاتها قالت الاذكار وآية الكرسي وقامت بتبديل ملابسها وخرجت عند والدتها لتساعدها
آسيا : ايوا يا ام سوسو عامله ايه اوبا اوبا جايبه محشي الصلاه على النبي (عليه افضل الصلاه والسلام)
والدة اسيا : هههههه اه اومال يلا انزلى ساعدينى ولا شاطره تاكلى بس
آسيا : لا كله إلا المحشي جيالك
والدة اسيا : هو انتى بيهمك محشي ولا غيره
آسيا : يعنى بتقروا عليا
والدة اسيا : ولا قر ولا غيره تعالى لفى معايا
شمرت اسيا اكمامها وبدأت فى لف المحشي ( ياااه عليك لحظه لجميع البنات واكتر لو مبتعرفش تلف حلو 😂)
اسيا وهى بتلف فى المطبخ على أكل احلى ام سوسو اللى عملالى المحشي
والدة اسيا : لا ياختى مش ليكى ده انتى اكلك هناك
آسيا : ايه عملالى اللى احلى من المحشي اوبا عليك
والدة اسيا : اه طبعا
ذهبت اسيا وفوجئت بالاكل وقالت بزعر : ايه ده ياأم سوسو
والدة اسيا وهى تخبئ ضحكاتها : ايه ياقلبي اكيد الاكل عجبك مش كده
آسيا : فى حد يحط بطاطس فى الملوخيه مكنتش اعرف انك مش بتعرفى تطبخى
والدة اسيا : غورررري بطاطس فى مولوخية ايه ده قلقاس ياهبله
آسيا بتعجب : وهو فى حد بيحط البطاطس المسلوقه فى الملوخيه
والدة اسيا : انتى عبيطه يابت يارب هى طالعه متخلفه كده لمين
آسيا : كده ياماما
والدة اسيا : ياصبر ايوب يارب امشي من وشي يااسيا وإلا هخبطك بأي حاجه جنبي روحى
آسيا : خلاص أهدى ياماما ماشيه اهو
والدة اسيا : خدي يابت رايحه فين تعالى اعملى معايا المحشي
( عسل والله أم اسيا دى ولا انتوا رأيكم حاجه تانيه )

عند مليكه وفرح
مليكه : لا لا مستحيل ايه اللى انتى بتقوله ده
فرح : بس اسمعينى دى خطه حلوة اوى
مليكه : لا كله إلا ده انتى عايزانى اعمل اللى بتقولى عليه ده
فرح : اه بس جربي
مليكه : لا لا مش هعمل كده
فرح : يعنى انتى بتحبيه ولا لا
مليكه : اه ياستى بحبه بس
فرح : بس ايه اتفرجى بصي هناك كده
نظرت مليكه إلى ما أشارت إليه فرح ووجدت ريا وهى تتقرب من عدى وبتساله على حاجه وهى بتتقرب منه ولبسها اللى يكسر الحجر
مليكه : اه يابنت ال
فرح : هاه اتفقنا
مليكه : اكيد وخليه يشرب بقى
فرح : ههههههههههه
_____&&&&______
ذهب عمر خارج الفندق ومشي بالعربيه ووقف فى مكان مهجور من الناس ونزل وكان فى حد مستنيه
عمر : اهلا
علوان : اهلا بيك ياسعادة البيه
عمر : هاه عملت ايه
علوان : كله تمام يابيه
عمر : عفارم عليك
علوان : ودى فيها كل حاجه
عمر : ايوووا كده حلو انت كده تستاهل حلاوة كبيره خد مش كتير عليك
علوان : ايه ده كله يابيه
عمر : دى حاجه كده قصاد اللى عملته وعايزك تفضل تعملاللى
اتجمع الكل عند ساحة
واقف سامح وعدى مع بعضهم أمامهم وقال سامح
اهلا ياشباب انتوا بكره هتبداوا كل فرقه مع بعض كجوله فى الغابه علشان التمرين وتكونوا غيرتوا جوا وكمان تستكشفوا المكان علشان التدريب تمام
الكل : جميل اوى بجد احنا فعلا كنا عايزين نغير جو شكرا لحضرتك
بدأ كل واحد فى تكوين فريقه وهما قاعدين فى الساحه وكان عدى واقف مراقب الموقف ومليكه جالسه تفكر فى كلام فرح ومتردده أنها تعمل اللى قالته لها
وفجأة قررت انها لازم يكون فى جد خلاص وقررت انها هتعمل اللى فرح قالته قامت وراحت احمد وقالت له أن يشاركها الفريق ويكون هو الثنائي لها وتعمدت أن يكون ذلك أمام اعين عدى الذي كان يقف يراقب ما يحدث بتفاجئ مما يراه وهو يشتاط غضب ( احسن والله تستاهل علشان تبقى عامل فيها تقيل ده البت ياعينى تعبت معاك 😂)
واستغلت ريا الموقف الذي دار وذهبت سريعا لعدى وعرضت عليه أن يكون الثنائي لها
وافق احمد فهذه فرصة ليتقرب من مليكه وكان مبسوطه أنها اللى طلبت منه لأنه كان خايف لترفض

____________________
ذهب عمر سريعا لجناحه الخاص وشغل اللاب توب وحط فيه الفلاشه وبدأ يشوف اللى فيها وتفاجأ بما رآه
عمر : يابن ال يعنى مش راحم الشباب كمان الأطفال ده انا لو مجبتش اجلك مبقاش أنا عمر النابلسي
هنا دخلت نور واغلق عمر اللاب توب سريعا
نور : ايه انت وشك عامل كده ليه
عمر : ا أنا لا مافيش أنا كويس
نور : اومال عرقان كده ليه
عمر : ع عرقان اه اصل الجو حر شغلى المكيف
ذهبت نور وشغلت المكيف وهى تفكر ليه كان متوتر لما دخلت وقفل الباب توب بسرعه وتنظر له بشك
عمر : أنا نازل عايزه اى حاجه من تحت
نور : لا شكرا
ذهب عمر وظلت نور تفكر هو كان بيعمل ايه خلاه بتوتر بدخولها وقاطع تفكيرها رنين اسيا
نور : السلام عليكم ورحمه الله وبركاته
آسيا : وعليكم السلام ورحمه الله وبركاته عامله ايه
نور : الحمدلله
آسيا : يابت مالك فى ايه كل ما اكلمك أحسك مخنوقه فى ايه
نور : مش عارفه بس انا مش مستريحه للى اسمه عمر ده
آسيا : عمر مين اه عمر جوزك
نور : اه هو وبعدين ايه جوزك دى
آسيا : خلاص متزعليش قوليلى ايه اللى حصل
نور : اول ما دخلت كان متوتر وقفل الباب توب بسرعه وكأنه عامل جريمه
آسيا : يالهوى اوعى يكون مجرم خطير
نور : انتى عبيطه يابت ده ظابط هيبقى مجرم ازاى
آسيا : اه صح
والدة اسيا : بتكلمى مين يامقصوفة الرقبه
آسيا : ايه ياماما دى نور
والدة اسيا : بجد هانى اسلم عليها
آسيا : ياماما
والدة اسيا : هاتى يابت
ايوا يانور ياحبيبتى عامله ايه واخبارك ايه
نور : بخير الحمدلله ياأم سوسو
والدة اسيا : يارب دايما ياحبيبتي واخبار جوزك ايه
نور : الحمدلله
والدة اسيا : ربنا يديم بينكم الموده والرحمه يابنتى خلى بالك من نفسك وعلى جوزك فاهمه ياحبيبتى
نور : حاضر ياطنط
والدة اسيا : ايه طنط دى ده انا زى اختكم الكبيره
آسيا يتكتم ضحكتها
والدة اسيا : ايه يابت بتضحكى على ايه
آسيا : لا ولا حاجه ياأم سوسو
والدة اسيا : شوفتى يانور البت بتتريق عليا
نور : لا طبعا ده انتى اكبر مننا بس قمر اللى يشوفك يقول أصغر مننا
والدة اسيا : لا لا يابت مش للدرجه دى هو فى حد ييجى جنب عينيك القمر دى اللى عامله زى البحر ياجميل انت
نور : هههه تسلميلى ياأحلى توحا
والدة اسيا لآسيا : شوفتى ياهبله شوفتى نور عسل ازاى اتعلمى
بعد أن انتهوا من مكالمتهم
آسيا : لاااا كده كتير والله بقى عماله تدلعى وتدعى لها ده انتى عمرك ماعملتى معايا كده ايييييييه ده
والدة اسيا : شوفتى الفرق وخلعت الشبشب وحدفتها بيه وقالت يلا قومى اغسلي المواعين ولا شاطره تاكلى وبس
آسيا : ده ايه الظلم ده يارب
والدة اسيا : بتقولى حاجه
آسيا : بقول يارب اللى امه داعيه عليه ييجى ياخدنى
والدة اسيا : يااااااااارب

____________________
عند عمر اتصل باللواء محمود وقاله على كل حاجه
محمود : تمام كده متعملش حاجه لحد ما نبعتلك اللى لازم تعمله فاهم
عمر: يعنى ايه العمليه موعدها بكره مافيش وقت
محمود : عمممر متتهورش وتبهدل الدنيا سامع
عمر : تمام يافندم
اغلق الهاتف وقال فى نفسه : عايزنى استنى لحد امتى وانا شايف الضحايا والجرائم بتحصل أنا لازم اتصرف
ذهب عمر لمكان وطلع العماره وخبط على الباب وفتحله رجل طويل القامه
عمر : اهلا يايونس عامل ايه
يونس : الحمدلله ياعمر انت عامل ايه وحشنى اووى ياصاحبي
عمر : وانت كمان والله
يونس : اخبار الواد سيف ايه والشغل
عمر : بخير الحمدلله
بقولك ايه انا جيبلك عمليه ومحتاجك تساعدنى
يونس : بس كده قولى اساعدك ازاى
عمر : انت هتعمل