رواية اختارت صح الفصل الأول 1 بقلم نشوة عادل
رواية اختارت صح الجزء الأول
رواية اختارت صح البارت الأول
رواية اختارت صح الحلقة الأولى
-انت عاوز تجوزنى للمعلم زينهم ي اسامة عاوز ترمينى ليه طب ليه حرام عليك
اسامة: حرمت عليكى عيشتك ي اختى هو عشان عاوز استرك واجوزك جوازة مرتاحة ابقى برميكى
-بغضب: ايوة بترمينى لما تجوزنى لراجل اكبر من ابوك ومتجوز اربعة تبقى بترمينى
اسامة: اولا هما تلاتة لان مراته الاولى افتكرها ربنا من اسبوعين ثانيا الراجل متريش وعيشته مرتاحة يعنى هيعيشك ملكة ولا انتى غاوية فقر وعاوزة تتجوزيلى سى الاستاذ رامى اللى عاملى فيها شاعر
– وماله رامى شاب محترم ومثقف ومتعلم ومن سنى ع القليل اسمع بقى ي اسامة انا مش هتجوز الا رامى وبس
اسامة: اسمعى انتى ي ست اسيل انتى هتتجوزى المعلم زينهم برضاكى او غصب عنك انا زهقت منك ومن مصاريفك اللى مش بتخلص
اسيل: مصاريف ايه ي راجل والنبى مش مكسوف من نفسك وانا اللى بصرف عليك انت ومراتك وانت زى الشحط كده انا وجودى خير عليك مش شر
اسامة: وماله ي حبيبتى ادينى بعطيكى اعفى وهجوزك
اسيل بفهم: اخدت كام ي اسامة؟
اسامة بتهرب: اخدت كام يعنى ايه؟ انتى اتهبلتى؟!
اسيل: لا فهمت انك بيعتنى سلعة وقبضت التمن بتاعى مش كده !
اسامة: اولا قولتلك انا بسترك ثانيا ده مهرك ي هبلة والراجل هيجيبلك الشبكة اللى تتمنيها ولو طلبتى لبن العصفور كمان هيجيبه تحت رجلك
اسيل: وانا مش موافقة هو ايه بالعافية
اسامة بنفاذ صبر وهو بيمسكها من شعرها: اه ي روح امك بالعافية هتتجوزيه ورجلك فوق رقبتك الراجل هيجى يوم الجمعه نكتب الكتاب ورجلك دى مش هتخطى عتبة الباب ده تانى الا ع شقة عريسك مبروك ي حبيبة اخوكى
اخدها من ايدها ودخلها اوضتها وقفل عليها بالمفتاح فضلت تصرخ وتستنجد عشان يفتح ليها لكنه رفض
مديحة زوجته: ايوة كده عين العقل ي راجلى ربيها البت اللى رافعة مناخيرها ومحدش هاممها دى
اسامة: اهى هتغور كمان يومين ي ست الستات واخدك يومين السخنة نتمتع بحرارة الشمس الساخنة
فى الغرفة عند اسيل كانت عمالة تعيط بحرقة وترتعش جامد لحد ما لقت فونها بيرن وكان رامى
اسيل بعياط: رامى الحقنى اسامة عاوز يجوزنى للمعلم زينهم بتاع الخضار
رامى : انا كنت عارف ومتأكد انه هيعمل كده مع اول واحد متريش يتقدملك
اسيل: طب هعمل ايه ارجوك اعمل حاجة
رامى: اهربى ي اسيل وتعالى نمشى من هنا ارض الله واسعة نتجوز ع سنة الله ورسوله ونبدء حياتنا من جديد ف مكان بعيد محدش يعرفنا فيه
اسيل: اهرب! طب والناس هتقول عليا ايه؟
رامى: الناس مفيش وراها الا الكلام وبس والحكاية هتاخد يومين وتخلص مع اول موضوع تريند جديد وهينسوا الموضوع وينسوكى انتى شخصيا
اسيل: طب هعمل كده ازاى هو حبسنى وقافل عليا بالمفتاح وحلف مش هعتب برة البيت الا ع شقة الزفت اللى اسمه زينهم
رامى: اسمعى اللى هقولك عليه ونفذيه بالحرف الواحد
بدأ رامى يقول لاسيل خطته وبعد ما انهى: فهمتى ي اسيل هتعملى ايه؟
اسيل: ايوة بس انا خايفة اوى
رامى: متخافيش ي روحى انا معاكى خطوة بخطوة بس اهم حاجة تمثيلك يكون مقنع
اسيل: هحاول انا هقفل دلوقتى عشان ميحسش بحاجة بس خلى بالك من فونك
رامى: ده اكيد
فى الليل كانت مديحة جهزت عشا وراحة تدخله لاسيل….اسامة: ده لمين ي ولية؟
مديحة: للمخفية اللى جوة مأكلتش من الصبح لاحسن يجرى ليها حاجة وتفرفر قبل الموضوع ما يتم
اسامة: بيعجبنى فيكى حنيتك ي ام العيال
مديحة بحزن: ها عيال هما فين العيال دول ي اخويا!
اسامة: ما خلاص بقى ي ست الستات هاخدك ونروح لاحسن دكاترة ونعمل العملية اللى قالوا عليها
مديحة: بجد ي اوس اوس
اسامة: بجد ي عيون اوس اوس
مديحة: هروح ادخل الاكل للبت دى واجيلك ي عيونى
دخلت مديحة الاكل لاسيل وقالت بقرف: قومى ي اختى اطفحى
اسيل: مش عاوزة منكم حاجة
مديحة: انتى حرة الاكل عندك اهو اللى بياكل ع ضرسه بينفع نفسه
اسيل: بقولك ايه ي مديحة
مديحة: نعمين
اسيل: انا عاوزة اروح الكوافير بكرة
مديحة: كوافير! ليه ي اختى؟
اسيل: مش المفروض انى عروسة ولازم اجهز ولا هتودونى كده للراجل ويقلب عليكم وووووو……
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية اختارت صح)
