رواية احببت ملتزما الفصل الثالث 3 بقلم سلمى فكري

رواية احببت ملتزما البارت الثالث

رواية احببت ملتزما الجزء الثالث

رواية احببت ملتزما الحلقة الثالثة

يوم الرحله تقي صحت من بدري لبست و استعدت و قفلت شنطها و راحت تشوف اخوها لقيته جاهز و خدو الشنط و نزلوا تحت
تقي : صباح الخير ي امي
سهام : صباح النور ي روحي جهزتي
تقي : ايوه ي مامتي
سهام : خلي بالك من نفسك ي قلبي هتوحشيني اوووي
تقي : اي ي ماما دا 4 ايام
احمد : خلاص ي سهام بقا
معاذ : يلا ي تقي بدل ما نتاخر
سهام : خد بالك من اختك ي معاذ اوعي تغيب عن عينك
معاذ : حاضر ي ماما متخافيش
نزل تقي و معاذ ركبوا العربيه لحد الجامعه و هناك اتقابلت تقي مع صحابها و كانوا مبسوطين جدا و ركبوا ف الباص جنب بعض
معاذ و هو رايح الباص خبط ف واحد اعتذرله بيبص لقاه رعد ، رعد ابتسمله و حضنو بعض جامد لانهم صحاب من الكليه و كانوا بيحبوا بعض و معاذ بيعتبر رعد اخوه الصغير قعدوا يتكلموا و ركبوا جنب بعض الباص اتحرك بعد ما اتاكدوا من كل حاجه
ريم : انا زهقانه ما تخليهم يشغلوا اغاني و نرقص و نفرفش كده
ندي : ايوه ياريت بس ازاي
تقي : انا هروح اقول ل معاذ يقول للمشرف
ريم و ندي : ماشي بس اغاني حلوه
راحت تقي لاخوها تقوله بس اتصدمت لما لقيته قاعد جنب رعد و تنحت معاذ استغرب شكلها
معاذ : ايوه ي تقي
تقي لسه متنحه و فاتحه بوقها
معاذ اتعصب من شكل اخته : تقي انت اتجننتي في اي
تقي فاقت : ايوه ي معاذ بتزعق ليه
معاذ بسخريه : بزعق ليه حضرتك اقفه فاتحه بوقك شبه الخرتيت في اي
رعد ضحك علي كلام معاذ مع انه ميعرفش اي العلاقه بينهم
تقي : ايوه افتكرت احنا عاوزين نشغل اغاني و نرقص
معاذ : نعم ياختي بتقولي اي مين دي اللي ترقص
تقي : خلاص ي معاذ مش هرقص بس شغل اغاني بدل الملل ده
رعد قاعد متضايق من اللي قالته و اتضايق اكتر لما حس بغيره معاذ علي تقي
معاذ : حاضر ي تقي هقول للمشرف
معاذ راح يقول للمشرف و قبل ما المشرف يشغل الاغاني رعد اتكلم
رعد : تسمحلي ب كلمه ي دكتور
المشرف : اكيد ي رعد اتفضل
رعد : انا بعترض علي انك تشغل اغاني ي دكتور
كل اللي ف الباص : لييييييييه
المشرف : ليه ي رعد اي السبب
رعد : اولا الاغاني حرام و قبل ما حد يعترض دا مش كلامي دازكلام الرسول صلي الله عليه وسلم في حديثه الشريف ” *ليكن من امتي اقوام يستحلون الخمر و الحرير و المعازف* ” المعازف اللي هي الموسيقي و دا يخلي الاغاني حرام اصلا بما ان الاغاني كلها موسيقي و الدليل التاني ف القرءان في قوله تعالي بسم الله الرحمن الرحيم ” *و من الناس من يشتري لهو الحديث ليضل عن سبيل الله بغير علم و يتخذها هزوا اولئك لهم عذاب مهين* ” و قال ابن مسعود و اقسم ان *لهو الحديث* هو الغناء يعني الاغاني حرام ليه مش نستبدلها بآيات القرءان ليه نعصي ربنا و احنا ف الرحله دي افرض موتنا نموت علي معصيه ليه مش نسمع اناشيد دينيه ربنا ادانا نعمه السمع ليه نعصيه بيها ف ياريت لو سمحتوا الاغاني مش تشتغل كل اللي ف الباص بصوا ل معاذ باعجاب انه شاب بيخاف من ربنا و مثقف و المشرف قال مش هيشغل اغاني
تقي كانت هتموت من الغيظ منه و فكرت انه عمل كده عندا فيها بس قعدت تفكر هل كلامه ده صح و ف الاخر شيطانها اتغلب عليها و شغلت الفون بتاعها و سمعت اغاني بالهاند فري
__________________________________________________
ف فيلا الشناوي
احمد : جهزتي ي سهام
سهام : ايوه ي احمد بس خايفه
احمد : دي اراده ربنا ي سهام نحمده
سهام : الحمد لله اللهم لا اعتراض بس خايفه اموت ي احمد و تقي مين هياخد باله منها
احمد : متخافيش هتعيشي يلا بينا
سهام : يلا
ي تري اي حكايتهم؟؟؟؟؟
________________________________________________
الرحله وصلت شرم و كلهم راحوا الفندق يستريحوا من ارهاق السفر و الاوض اتقسمت كالاتي
تقي و ريم و ندي و ملك ف اوضه واحده بالرغم من ان تقي مش طايقه ملك
معاذ و رعد و ادهم و احمد ف اوضه قريبه منهم معاذ اتعرف علي صحاب رعد و ارتحالوا جدا و بقوا صحاب كل واحد دخل اوضته عند البنات
ملك : يلا نشوف كل واحده ترتب هدومها ف الدولاب عشان ننام براحتنا و نصحي نخرج علي طول
ندي : ايوه يلا بينا
كل واحده رتبت هدومها و ناموا و كذلك الشباب
________________________________________
في مكان مجهول
سهام : هتوحشني ي احمد
احمد : و انت كمان ي سهام
سهام : لا اله الا الله
احمد : سيدنا محمد رسول الله
سابها و هي سابته زعل جدا و فكر ف ولاده لو عرفوا و خصوصا تقي اللي متعلقه بامها
________________________________________
ف وقت العصر تقي صحت فتحت البلكونه المطله ع البحر كان مشهد جميل جدا و كانت مبسوطه و راحت تصحي صحابها
تقي : يلا انتي و هي اصحوا بقا خلونا ننزل البحر
ندي بنوم : نامي ي تقي ي حبيبتي هننزل بكره
تقي : بكره اي قومي احنا جايين نتبسط مش ننام
ملك صحت علي صوتهم : هما مش عاوزين يصحوا ولا اي
تقي : لا مش عاوزين تعالي نصحيهم
ملك : تعالي عندي فكره
تقي راحت مع ملك فتحت التلاجه و طلعت تلج كتير اوووي و ادته ل تقي
تقي : انتي قصدك اننا
ملك : ايوه بالظبط 😂😂
تقي : احبك و انت فهماني يلا 😂😂
تقي و ملك حطوا التلج ف هدوم ريم و ندي و رموا عليهم تلج صحوا مفزوعين و بيتنططوا
تقي : هههههههههههههه تستاهلوا عشان لما اقول تصحوا يبقي تصحوا و تسمعوا الكلام 😂😂😂
ملك : ايه رايك ف افكاري ي تقايا 😂😂😂
تقي : جدعه و الله يابنتي انتي و افكارك 😂😂
ريم و ندي : بقا كده ي اندال تتفقوا علينا
و قاموا نطوا من ع السرير و مسكوا المخدات و قعدوا يضربوا بعض هما الاربعه و اتبسطوا جدا و تقي حست قد اي ملك بنت جميله و تتحب و ملك حست ان تقي بدات تتقبلها بعد اما خلصوا لعب و هزار
ريم : ياااه من زمان ملعبتش زي كده
ملك : اه يابنتي و الله ياريت ايام الطفوله ترجع
تقي : طب قومي انتي و هي غيروا يلا عشان ننزل
البنات قاموا كلهم و غيروا و استعدوا عشان ينزلوا
________________________________________
عند الشباب رعد اول واحد صحي و صحاهم معاه و صحوا جهزوا و نزلوا معاذ لمح تقي مع صحابها و بنت تانيه ميعرفهاش بس فرح ان تقي واقفه مع البنت دي لانها ممكن تغير تقي للافضل
معاذ : بعد اذنكوا ي جماعه
احمد : رايح فين
معاذ : رايح ل تقي
ادهم : ايوه ياعم يسهلووو
معاذ : هههههه انت اهبل دي اختي
رعد : اختك !؟
معاذ : اه اختي عن اذنكوا
رعد ابتسم و فرح جدا انها اخته مش خطيبته زي ما فكر و صحابه لاحظوا ده
ادهم : في اي ياهبل بتضحك علي اي
رعد : لا ولا حاجه
احمد : شكل الصناره غمزت ي معلم
رعد : ممكن بس متنفعنيش
احمد : ليه دا معاذ انسان محترم جدا
رعد : بس مش فيها مواصفات فتاه احلامي المهم فكك من الموضوع ده
________________________________________
في مكان مجهول تاني
مجهول (1) : شوفتي اديه سافر و بيتفسح و انتي معملتيش حاجه
مجهول (2) : متقلقش هنتقم منه يعني هنتقم منه هو فاكر نفسه مين عشان يرفضني
مجهول (1) : بس خلي بالك ي قمر ليعرفك و تنكشفي و انت عارفه هو مش سهل زي ما انت فاكره انت مش عارفه ابوه يبقي مين
مجهول (2) : متقلقش مش ممكن يعرف انه انا مش هاجي علي باله اصلا
ي تري مين دول و اي حكايتهم