رواية احببته صدفه الفصل الأول 1 بقلم جنى جميل
رواية احببته صدفه الجزء الأول
رواية احببته صدفه البارت الأول
رواية احببته صدفه الحلقة الأولى
انا بحبك
أنا هخطب اختك
=ايه
وقفت مصدومه من اللي اتقالها بصت في عينيه و عيونها اتملت بالدموع وهي مش قادره تستوعب أن الشخص الوحيد اللي حبته رايح يخطب لا ومين يخطب أقرب حد ليها
بلال بصدمه : بتحبيني
سيلين بتوتر : ا اه طبعا مش احنا جيران واخوات
بلال وهو بيتنفس براحه : ااه طب اي بقي مقولتليش ايه رأيك في اللي قولته
سيلين بابتسامه مهزوزه وهي بتحاول متعيطش قدامه : ا اه فرحت طبعا فرحت اوي يعني اختي هتتجوز اعز صحابي ده يوم الهنا
بلال وهو بيبتسم بهيام : بحبها اوي
سيلين بحزن : وهي كمان بتحبك اوي كان نفسها تبقي ليها
سيلين بتوتر وهي ماسكه نفسها بالعافيه : ا أنا هطلع بقي عشان عندي مذاكره
بلال : تمام يباشا بس متقوليش لاي حد على اللي قولته ها خليه مفاجأه
سيلين وهي بتهز رأسها وبتخرج من الاوضه بسرعه
اهلا وانا اقول البيت مظلم ليه
سيلين بعصبيه وكأنها ما صدقت عشان تطلع غيظها في خناقتها مع فتيان اخو بلال بتاعت كل يوم وكل دقيقه وكأنهم قط وفار : بقولك ايه ملكش دعوه بيا انت فاهم مش فاهمه انا انت علي طول مش طايقني ليه مش هعتب البيت ده تاني انت بني ادم محدش يطيقه
فتيان ببرود : علي الاساس أن انتي اللي تطاقي
سيلين وهي بتأفأف وبتدب رجلها في الأرض وخرجت من البيت
بلال بضيق : انت على طول كده معصبها يابني ادم
فتيان بقرف : ماهي اللي بت لازقه
بلال بغمزه : يعني مش عشان انت بتغير عليها لما تقف معايا
فتيان بتوتر : ا اغير من ايه يامتخلف انت هو انا بطيقها اصلا
بلال باستفزاز : مسيرك ياملوخيه تقعي تحت المخرطه
فتيان وهو بيزفر بضيق : امشي ياض من وشي
_______________________________
رايحه فين يا سيلين
دي كانت جمله اختها سيليا وهي قاعده بتلعب في الفون
سيلين وهي بتتنهد : رايحه اتمشي شويه علي البحر عشان مخنوقه
سيليا وهي بتسيب الفون وبتقولها بلهفه : هاجي معاكي
سيلين وهي بتبصلها بدموع ووجع : لا معلش يا سيليا انا عايزه اكون لوحدي شويه
سيليا بقلق : مالك يا سيلين انتي كويسه
سيلين وهي بتهز رأسها بحزن : انا كويسه متقلقيش
سيليا وهي بتحاوط وشها بحنان : سيلين انا اختك وفاهماكي اكتر من اي حد مالك ياروحي احكيلي هو انتي مش بتحكيلي كل حاجه
سيلين وهي بتتنهد بدموع : للاسف مش هقدر احكيلك المره دي
سيليا : ليه
سيلين بدموع : لو سمحتي يا سيليا سيبيني امشي دلوقتي ووعد هحكيلك لما اكون كويسه
سيليا وهي بتبوس رأسها بحنان : ماشي ياحبيبتي خلي بالك علي نفسك
سيلين خرجت ونزلت راحت علي البحر اكتر مكان بترتاح فيه
اتنهدت وهي بتبص علي موج البحر اللي كان هادي وامواجه علت مره واحده وكأن الموج بيشاركها غضبها وحزنها
سيلين كانت حزينه ولاول مره تحس بالإحساس ده لاول مره تحس بالوجع اصعب شعور هو العشم انك تتعشم في شيئ وتفضل تحلم بيه وتخططله وفي الآخر يطلع كل ده علي مفيش بيوجع بيكسر والاحرى بيقتل كل شيئ جواك
ايه ده انتي بتعيطي بجد زي البني ادمين
سيلين لفت لمصدر الصوت وبصتله بدموع ومردتش عليه وبصت تاني علي البحر بحزن
فتيان استغرب هدوئها والحزن اللي باين من عينيها
انتي كويسه
سيلين بسخريه : وده يهمك في ايه
فتيان بتوتر : احم يعني بعيد عن اننا مش ينطيق بعض بس انا مش غبي للدرجادي عشان اشوف حد اعرفه متضايق واسيبه
سيلين بتوتر : ب بس انا مش متضايقه انا كويسه
فتيان بابتسامه : طب ايه رأيك تعتبريني صاحبك بغض النظر عن علاقتنا اللي زي القط والفار
سيلين و هي بتبصله بدموع : مش هتحكي لحد
فتيان : صدقيني سرك في بير مخروم
سيلين ضحكت ضحكه حزينه وبصت قدام البحر وهي بتقوله : هحكي بس متسألنيش مين هو
فتيان : بس انا عارف
سيلين بتوتر : ع عارف ايه
فتيان بابتسامه : عارف انك بتحبي بلال اخويا
سيلين حطت ايديها علي بوقها وبصتله بصدمه ودموع وخجل وكانت هتقوم تمشي
فتيان : استني يا سيلين
سيلين وهي عطياله ظهرها وبتوتر : ن نعم
فتيان ب عقلانيه : الحب مش عيب يا سيلين وبعدين انتي غصب عنك حبيتي اخويا لانه قدامك علي طول واكتر حد فاهمك
سيلين وهي بتلف وبدموع : بس هو بيحب اختي وقالي أنه هيخطبها
فتيان بصدمه : بلال قالك كده
سيلين وهي بتهز رأسها : ايوه
فتيان بغموض : انا هتصرف
سيلين بقلق : هتعمل ايه
فتيان : هتعرفي بعدين ،يالا اروحك الوقت أتأخر
سيلين بابتسامه وامتنان : شكرا يا فتيان
فتيان بابتسامه هادئه : مش احنا قولنا اننا صحاب مفيش شكر بينا
________________________
بعد مرور يومين كان فتيان و بلال قاعدين في بيت سيلين عشان يطلبوا ايد سيليا
سيلين كانت متوتره وخايفه من اللي فتيان هيعمله هي عارفه أنه مجنون ودماغه لاسعه حبتين
فتيان وهو بيحمحم بخشونه : ا احم انت عارف طبعا ياعمي أن بعد موت بابا وماما الله يرحمهم انا اللي بقيت كبير العيله دلوقتي والمسؤول عنها
ابو سيلين : ايوه ياحبيبي عارف اكيد
فتيان : انا هدخل في الموضوع علي طول ،انا طالب ايد سيليا ل..
سيلين وهي بتقاطعه بلهفه وسرعه وخوف : بلال مفيش منه اتنين ويابختها ياهناها اللي بلال صاحبي يبقي معاها اه والله زي مبقولكم كده
ابوها وهو بيبصلها بتحذير : سيلين
سيلين بتوتر : اح حم اسفه اتفضل كمل يا فتيان
فتيان وهو بيبصلها وبيهز رأسه بغيظ من تصرفاتها
فتيان : احنا جاين نطلب ايد سيليا ل بلال اخويا
ابو سيلين بفرحه : والله يابني انت عارف انتوا عندي ايه وانا معنديش اي مانع بس الرأي رأي العروسه
باباها وهو بيبص على سيليا اللي وشها احمر وحطته في الأرض بخجل : ها يا سيليا ايه رأيك
سيليا بخجل : اللي تشوفه يا بابا
فتيان : افهم من كده انك موافقه
سيليا هزت راسها بخجل
أما عن سيلين كانت جواها نار كانت تتمنى الأرض تنشق وتبلعها في اللحظه دي كانت نفسها تقوم تصرخ من الوجع
ابو سيلين : علي بركه الله يبقي نقرا الفاتحه
بلال بلهفه : ثواني ياعمي
ابو سيلين : خير يابني
بلال بمرح : بصراحه كده يعني انا نفسي افرح باخويا وبما أن اخويا بيحب بنتك سيلين من زمان بس بيعاند فأنا بطلب منك ايد سيلين ل فتيان ياعمي
سيلين بصدمه :
يتبع…
لقراءة الفصل التالي : اضغط هنا
لقراءة الرواية كاملة اضغط على : ( رواية احببته صدفه )
تعليق واحد