رواية احباء يجمعهم القدر الفصل السادس والثلاثون 36 بقلم لولا
رواية احباء يجمعهم القدر الجزء السادس والثلاثون
رواية احباء يجمعهم القدر البارت السادس والثلاثون
رواية احباء يجمعهم القدر الحلقة السادسة والثلاثون
وائل بخبث خلاص فارس ينزل وننفذ انهارده
غاده بضحك كده انت تعجبني
وائل بخبث وهو بيقرب منها طب اي مفيش مكافاه علشان عجبتك
غاده بضحك لا لما تنفذ نبقي نشوف الموضوع ده
وائل بعون الله هنفذ وهتشوفي
غاده بضحك مبشككش فيك ياا روحي كده كده بس هتجيبها ازاي ده انا سمعت انها مبتخرجش من البيت الفتره دي اصلا
وائل بخبث ملكيش دعوه انتي ليكي انها تجيلي وخلاص
غاده بخبث اه حقيقي مش عايزه اكتر من كده وبس وانا هخلي فارس يوقع في فخي بعد مايطلقها
وائل اوعي تنسي حلاوتي من الموضوع ده ورق الصفقه تجيبهولي
غاده بضيق من ساعه ما البت حور دي مسكت مكاني مش عارفه اتنفس بس بعون الله نفذ انت وهتلاقي الورق
وائل بضحك انا كده كده بيكي ومن غيرك هنفذ بس بردو لازم اطلع بمصلحه
غاده بضحك عارفه انك حاطتها في دماغك اوي
وائل بوقاحه ده اوي اوي اوي يعني يابخته ابن المحظوظه
غاده بغيره لييه علي ايه اصلا
وائل اتلهي بس بلا علي ايه انا عارف انك مش بتحبيها كده كده فاكيد مش هتشكري فيها
غاده بحده حلوه وحشه متغلاش عليك واللي في بطنها ينزل سواء لمستها او لا
وائل وهو بيرمي السيجاره وبيدوس عليها اكمل سيبها عليا ونشوف
غاده تمام
———————————–
عند ليلي متوتره وبتفرك في ايديها وهي واقفه في البلكونه ولما لمحت ان الدكتوره جات فجريت علي تحت قبل ماتخبط علشان فهد
ليلي جريت وفتحت واكملت بحب اهلا اتفضلي صباح الخير
مها بحب صباح الفل يا قمر انا عرفت من مدام شروق ان معاكي مشكله ومش هتقدري تخرجي فجتلك
ليلي بحب حقيقي مش عارفه اقولك ايه تسلمي بجد
مهما بحب حبيبتي ده واجبي
ليلي بحب تسلمي طب ممكن نطلع فوق علشان جوزي بس ميحسش بينا
مها تمام يلا بينا
وفعلا طلعوا اوضه ليلي وفهد
ليلي قعدت واكملت وهي بتمدلها ايديها هو لو انا حامل في ايام تحليل الدم يبين صح ?
مهما وهي بتحضر السرنجه اكملت اه باذن الله حتي لو عمره يوم
ليلي بفرح طب تمام
مها افرضي ايدك جامد كده ايوه بس كده وابتدت تسحب من ليلي الدم وهي مغمضه وخايفه اوي
مهما بس بس اهدي متكرمشيش علي نفسك استرخي وخلاص اانا قربت اخلص
ليلي وهي مغمضه اكلمت بتوتر تمام ماشي
مها بس خلاص خلصنا ورفعت السرنجه فضتها في انبوبه وكتبت عليها ملاحظات واكملت مدام ليلي ايه
ليلي بابتسامه ليلي محمد عبد الخالق
مها بحب تمام يا سكر ممكن تكتبي رقم الواتس علشان نتواصل معاكي
ليلي بحزن للاسف اتكسر يلا الله يرحمها بقي اللي كانت السبب واكملت بتفكير بصي انا هديلك رقم اخويا وابعتيله نتيجه التحليل لان مفيش غير فون جوزي وانا مش عايزاه يعرف علشان لو مكنتش حامل ميعملش حوار ويقولي خبيتي عليا وكده
مهما تمام اتفضلي اكتبيه وليلي سجلتلها رقم فارس
مها بحب انتي اخت فارس العامري جوز شروق
ليلي بحب ابن عمي ومتربين سوا واخو جوزي فانا وبعتبره اخويا واكتر
مها ااه انتي خدتي فهد بقي علي كده
ليلي بغيره اممم بس انتي تعرفيه
مها بضحك ومين ميعرفش التؤام دول مهو فهد اخو فارس معروفين التؤام دول قمرات وعلشان كده اعرف شروق عن طريق جوزها بردو
ليلي اممم. قمرات حقيقي وقامت جابت فلوس وادتهالها واكملت ميرسي تعبتك بجد
مها بفرح بجد دول كتير اوي تسلميلي ولا تعب ولا حاجه عن اذنك
ليلي بتوتر النتيجه هتطول ?
مها ساعتين بلظبط
ليلي بابتسامه مزيفه تمام ونزلت معاها مشيتها وقفلت وراحت فتحت المفتاح ورجعت الباب زي ماهو مقفول بس مش بلمفتاح وخبطت علي فهد
لا رد
ليلي خبطت تاني
لا رد
ليلي بتنهيده يعني عادي بنسبالك متردش كده خد بالك انت كبرت الموضوع هاا
لا رد
ليلي لا ده انت بارد بقي ودخلت ملقيتش فهد في الاوضه واستغربت اوي وقلقت
ليلي بقلق ايه ده هيكون راح فين ده وطلعت اوضتها لبست اسدال والفون رن
شروق ها عملتي اي
ليلي وهي نازله الحمدلله تمام وخدي بالك من واتس فارس كمان ساعتين هتبعتله النتيجه مردتش اديها رقم فهد خوفت يشوف يعرف اني خبيت عليه
شروق تمام يا حبيبتي تطلع هبلغك باذن الله خير
ليلي يارب
وقفلت معاها وفتحت الباب علشان تسأل الامن بس قبل ماتخرج شافت فهد جيه ووقف سلم علي واحد باين عليه اجنبي وواقفين بيهزروا سوا وفهد بيكلمه بلهجه مش مصريه بعدين فهد اداه فلوس كتير ومشي وخد منه حاجه مش باينه كده
ليلي بخوف ده ايه ده انشاء الله بتهبب ايه يا فهد ربنااا يستر
وقفلت قبل مايشوفها وجريت خلعت الاسداال وفضلت بلقميص عادي ونزلت قعدت قدام الشاشه ولا اكن حصل حاجه
فهد دخل ورمي نفسه علي الكنبه بتعب
فهد بتعب كوبايه قهوه يا ليلي معلش
ليلي بحده حاضر بس كنت فين هااا قلبي واجعني عليك بعدين من امتي بنخرج احناا انت مش خايف ليه
فهد بتنهيده اجرت اوبر وطلعت بيه ورجعت بيه محدش لمحني متخافيش
ليلي بحده وافرض حد شافك بعدين روحت فين هاا ايه المشوار اللي يستاهل انك تنزل وتسبني وتخاطر علشانه
فهد بحده ماخلاص يا ليلي في ايه لمي روحك وصوتك يوطي وانتي بتتكلمي معايا علشان مروقكيش هو انتي هتحققي معايا
ليلي بصدمه احقق معاك ?? هو انت بجد خلاص شايف اني اسال جوزي روحت فين وعملت ايه وسبتني لوحدي ليه ده تحقيق يا فهد
فهد بتنهيده حزينه ليلي والله انا شايل هموم الدنيا كلها دلوقتي علي قلبي حقك عليا مقصدش ازعلك بس فعلا مضغوط وروحت كذا مشوار وامبارح كمان روحت كذا مشوار لما نمتي بس هفهمك بعدين بعمل ايه وثم ان سبت حواليكي كذا فرد امن وعارف محدش هيقدر يدخلك هنا وفعلا المكان مش يخطر في بال حد
ليلي بدموع تمام يا فهد ورايحه تقوم شدها لحضنه واكمل بحزن حقك عليا والله انا مضغوط ادعيلي افوق من اللي اانا فيه
ليلي بدموع رجعتني غريبه تاني يا فهد ورجعت للغموض تاني خد بالك
فهد باس جبينها ومسح دموعها واكمل حقك عليا يا قلب فهد هفهمك شويه والله يا حبيبي في حاجه تاني
ليلي بحزن يارب بس متكونش مصيبه جديده
فهد بضحك ايه ده للدرجه دي جوزك معروف بسمعته
ليلي افتكرت مها واكملت بحده صح اوعي متكلمنيش تاني اوعي
فهد ضرب كف في كف واكمل يا حول الله يارب في ايه يابنت المجانين ماكنتي كويسه
ليلي بدموع فهد انت ليه شكلك حلو
فهد بستغراب افندم ?? معلش انا اسف بس مش فاهم السؤال
ليلي بحده ودموع في بنت عاكستك وانا افتكرتها فزعلت اووي
فهد بضحك بت انتي مجنونه بنت مين اللي عاكستني وجايه تفتكريها دلوقتي
ليلي بدموع علي فكره انا مبهزرش بيخلوني اغير اوي
فهد بضحك المفروض تكوني اتعودتي يالولا انا البنات كلها بيعاكسوني
ليلي بغضب بقي كده بتستفزني يعنييي وضربته في كتفه جامد ورايحه تقوم شدها لحضنه تاني
فهد بحب مش مهم مين بعجبه ومين لا المهم انا مين عجبني و دخل قلبي وحلف ما حد يقعد مكانه
ليلي بضحك بتثبتني ياابن عمي ?
فهد شدها ليه اكتر واكمل بضحك اعترفي بعرف اثبتك ولالا
ليلي بحب بتعرف تثبتني ولالا ? هو ده سؤال ده انت لما بتنطق اسمي بحبه
فهد بضحك يابت اتقلي مش قدامي كده
ليلي بحب كده كده انا مراتك وحبيتك وهبقي ام ابنك باذن الله وكلي ثقه ان محدش غيري هياخد مكاني جواك مهما يعمل يا فهد
فهد قرب باسها بحب واكمل وهو باصص لعنيها ده حقيقي يا ليلي مفيش حد غيرك يقدر يعمل فيا اللي انتي عملتيه بجد وربنا يحقق امنيتي دي فعلا وتبقي ام ابني
ليلي بابتسامه حب بحبك
فهد بحب وانا بموت فيكي والله العظيم مش بحبك بس وقام وقف وشدها ليه وباسها بحب بس بعدين ليلي بعدت عنه ببطئ
فهد بستغراب هو ايه الحكايه هاا
ليلي بحزن هقولك بس والله مش اللي انت فاهمه خالص طب بص ناكل واعملك القهوه وهقولك
فهد بتنهيده ولا متقوليش براحتك واتجه للطلوع
ليلي بحرن رايح فين
فهد بحده هاخد شاور ونازل
ليلي بتنهيده تمام
وراحت حضرت الاكل والقهوه وحطيتهم علي السفره وفعلا فهد نزل وهو لابس بنطلون وعاري الصدر
ليلي بتنهيده هو انا مش قولتلك 100 مره متقعدش كده تتعب
فهد وهو بيقعد اكمل بضيق معلش خليها عليكي
ليلي بحزن فهد انت معقول بتكلمني كده بسبب كده من امتي وانت كده
فهد بحده ليلي متعصبنيش وتفهمي غلط انا مش هقولك اضايقت ليه تاني المفروض تكوني فهمتي انا حاسس انك مش بتحبي قربي منك وبترفضيني وده بيوجعني
ليلي بدموع يعني انت شايف كده ??
فهد بتنهيده لا مش شايف كده بس انتي شايفه ان اللي بتعمليه ده يتفهم ايه خصوصا انك مكنتيش بتعملي كده ابداا من ساعه ماعرفتي اني فهد
ليلي اه يعني مكنتش كده وفاجاه بقيت برفضك فهد بجد اسكت علشان انا اضايقت منك ازاي تفكر فيا كده انا مستحيل اكون كده اصلا
فهد ليلي خلاص كبري دماغك
ليلي بحزن طب هقولك والله بس بعد ما ناكل
فهد بابتسامه مزيفه عادي يا حبيبي خلاص
ليلي بحزن انت هتحور عليا انت مش مصدقني اصلا بس والله يا فهد مش اللي انت فاهمه انت عارف اني بحبك قد ايه
فهد وهو بياكل اكمل تمام خلاص بجد مفيش حاجه
وفونه رن
فهد الو
– فهد بفرح بجد والله
– طب هتيجي امتي يا عماد الورقه دي
– متقلقش 250 الف هيكونوا عندك بس الورقه دي تجيلي مختومه من الشركه يا عماد
– تمام يا غالي سلام
ليلي بذهول هو في ايه بيحصل هاا مين بدلك يا فهد عماد مين و 250 ليييه
فهد ليلي قولتلك هفمك بعدين
ليلي يعني انت شايف كده ??
فهد بتنهيده هقولك والله بس مش دلوقتي
ليلي تمام وكملت اكلها
فهد بحب مش عايزك تزعلي مني بس هي مش مصيبه لا وانتي مش واثقه فيا ?
ليلي بحب اكيد واثقه فيك بس بكره احساس اني غريبه عنك يا فهد انا مراتك ليه بتخبي عني
فهد ولا بخبي ولا حاجه انا بفكر بس في كذا حاجه دلوقتي بس لما اجي انفذ هعرفك مش عايزك تقلقي دلوقتي
ليلي بخوف فهد اوعي تودي نفسك في داهيه ارجوك انا مليش غيرك
فهد مسك ايديها باسها واكمل بحب متقلقيش يا نورعين فهد
وكلوا وشربوا القهوه بعدين فون فهد رن وكان فارس
فهد الو يا فارس ايه اخبارك يا حبيبي
ليلي بصدمه فاارس وشدت الفون من فهد بسرعه
فهد بخضه يخربيت اهلك ايه يابنت الجزمه الطريقه دي في اييه
ليلي بتوتر هو عايزني انا اقصد شروق يعني عايزه ترغي معايا وعلت الاسبيكر واكملت مش كده يا فارس
فارس بضحك اه ياحبيبتي كده
فهد بستغراب طب وفيها ايه لو كان قالي هات ليلي كنت هديكي الفون ايه طريقتك دي بجد مش طبيعيه انتي انهارده
ليلي هاتلي فون ومش همسك فووونك تاني يا رخم
فهد بضحك حاضر لما اطلع هجبلك فون اي اوامر تانيه يا اميره ليلي
ليلي باست خده واكملت لا ياروحي
فارس بحده ثواني بس يطلع فين هو بيخرج ??
فهد ضرب علي جبينه واكمل بهمس لا قولي لا علشان خاطري
ليلي بضحك لالا مبيخرجش يا فارس هو بيتكلم لما يبقي يطلع بقي يبقي يجبلي الفون
فارس ااه تمام
ليلي بحب يلا ياروحي هرغي مع شروق دقيقه ونزلالك
فهد روحي ياختي روحي
ليلي طلعت جري وهي خايفه ومتوتره اوي
ليلي بتوتر ها يا فارس قولي الله يخليك طلع ايه
فارس بابتسامه حب وفرح اكمل تفتكري ابنك هيبقي شبهك ولا شبه فهد
ليلي بدموع فرح لا بتهزررر
فارس بضحك لا مش بهزر حامل فعلا في اسبوع الف الف مليون مبروك يا حبيبت قلبي بجد فرحتي قلبي بلخبر ده انهارده
ليلي بدموع يعني انا يعني انا حامل والله العظيم
فارس بضحك يابت والمصحف حامل مالك في ايه هكدب عليكي يعني
ليلي بدموع فرح انا مش قااادره اصدق وفضلت تعيط
فارس بحب اهدي يا ليلي عارف انك فرحانه يا حبيبتي بس بدل ماتعيطي كده روحي عرفي فهد وافرحوا اكتر بلاش عياط
ليلي بدموع فرح مش مصدقه يا فارس ان بعد كل السنين دي ربنا جمعني بيه ودلوقتي بحته منه بتكبر جوايا انا حاسه احساس عمري ماحسيته ومش هيوصفه كلام
فارس بحب ربنا يفرحكم اكتر بجد يا حبيبتي وتقومي بالف خير
شروق زغرطتلهااا واكملت بحب مبروك يا نورعيني وعقبال ماتقومي بألف خير يااارب يا غاليه
ليلي بفرح وحب انا وانتي يا عمريي بجد يسمع منك ربنااا
شروق بحب اللهم امين يارب يلا بقي اجري عرفي فهد
ليلي بفرح حاضر نازله اهو يلا باي
فارس باي
وليلي راحت غيرت ولبست دريس كب احمر شكله هادي وشيك اوي وقصير وفردت شعرها وحطت ميكاب سيمبل ونزلت وهي بتمشي علي اطراف صوابعها ولقيته واقف بعيد في الجنينه راحت اتسحبت وحضنته من ضهره
ليلي بحب انا بحبك اوي يا فهد
فهد لفلها واكمل بحب وانا كم وملحقش يكمل اكمل بصدمه يخربييت اهلك انتي ايه اللي طلعك الجنينه بلمنظر ده
ليلي بضحك حبيبي مفيش حد حوالينا
فهد بحده وانتي تضمني منين انتي ان محدش يشوفك وشدها من ايديها ودخلوا في الصالون
ليلي بخوف وحياتي عندك ماتزعق علشان معيطش وانا مبسوطه ومودي رايق
فهد وهو بيقرب منها ببطئ وهي بترجع لورا اكمل بهدوء مخيف عايز تفسيير وحالا للمنظر اللي طلعتي بيه الجنينه ده علشان والله نفسي انفجر فيكي بس ماسك نفسي عنك بلعافيه علشان حلفتيني بحياتك
ليلي بتوتر انت بتقرب كده ليه فهد احترم نفسك بدل ما اصوت والم عليك امه لا الله الا الله كلهاا هنا
فهد ضحك وقرب منها لحد ماحاوطها بين ايديه واكمل صوتي يا حبيبي عادي ولما حد يخبط هوريه القسيمه هيرجع مكانه تاني
ليلي بضحك لا والله يعني ايه
فهد وهو بيشد وسطها ليه اكمل بحب وهمس يعني ليلي ملكي ومحدش يقدر يدخل بينا مهما كان مين
ليلي بحب انت قلب ليلي والله واكلمت بضحك بس ابعد كده واتلم عييب ده انا حتي مراتك
فهد بضحك معلشان انتي مراتي اومال اي حد كده ولا ايه
ليلي مسكه لياقه قميصه واكملت هنغلط تاني في الكلام اهو هنغلط تاااني
فهد بضحك يابت المجانين مش انتي اللي بتقولي ولا انا بس لا طبعا اللي معاه عروسه البحر دي ميبصش لغيرها ابداا عملالي فيها إيريل يا ليلي بشعرك ده
ليلي بضحك بتشبهني ب إيريل مره واحده
فهد بضحك انتوا الاتنين عرايس بحر وباسها واكمل بحب بس انا عروستي اجمل بكتير
ليلي بضحك ياا فهد كفايه كلامك ده وابعد علشان اكتر من كده مش هينفع
فهد وهو بيقرب منها اكتر اكمل بضحك بتضعفي هاا
ليلي بضحك اتلم يا قليل الادب وابعد عني
فهد باس خدها واكمل بحب طب منا كنت مقموص وساكت اعمل ايه وانتي اللي نزلالي زي القمر كده بس
ليلي بضحك معلش خليها عليك يا حبيبي المره دي
فهد بضحك هو انتي بتتقلي عليا ليه دلوقتي مش انتي زعلتيني وغمز واكمل بضحك يبقي لبستي كده ونازله تصالحيني معروفه يعني
ليلي بضحك يا فهددد اترررربي بجدد
فهد بضحك هو اللي يتجوزك يعرف تربيه
ليلي بابتسامه اممم بقي كده طب مش هقولك كنت هقولك ايه
فهد بحب لا قولي بجد في ايه فعلا
ليلي بابتسامه حب مش انت عايز تعرف انا زعلتك ليه الصبح بلطريقه دي
فهد اه عايز اعرف
ليلي بحب طب اقولك انا ولا يقولك هو
فهد بستغراب هو !!? هو مين
ليلي مسكت ايده وحطتها علي بطنها واكملت بدموع فرح ده وبيقولك انك هتبقي اجمل بابي في الدنيا كلها
فهد بصدمه ممزوجه بفرح لا بتهزززري والمصحف بتهززري
ليلي بدموع فرح لا بتكلم جد انا حامل يا فهد واخيرا بعد انتظااار لسنين كتير حلمي اتحقق وبقيت شايله جوايا حته منك وبقيت ابو ولادي وحققتلي حلمي ووعدي قدام نفسي
فهد حضنها جامد واكمل بدموع فرح انا مش قادر اصدق بجد والله ماقادر اصدق ليلي انتي حامل بجد وحياه ربنا انتي متاكده انك حااامل
ليلي بدموع فرح اه يا حبيبي متاكده عملت تحليل دم كمان وحامل في اسبوع وده مبيطلعش غلط
فهد وهو لسه دموعه علي خده من فرحته اكمل وعملتيه ازاي
ليلي بحب قولت لشروق وفارس وبعتولي دكتوره حللت وانت برا وانا كنت فكراك في الاوضه اصلا وقفلت عليك وادتها رقم فارس علشان خوفت انت تعرف اني حللت ومطلعش حامل ابقي زعلتك وتقولي خبيتي عليا ليه
فهد حضنها واكمل بدموع وحب المهم انك طلعتي حامل انا بجد مش قادر اصدق اني هبقي اب ومنك انتي يا ليلي احساس اقل ما يقال مخليني طاير من السعاده واخيرا بعد تعب سنين كبرت الاميره ليلي اللي استنيتها سنين وحلمت تكبر كل يوم. علشان اتجوزها وبقيت زي القمر ورجعت حياه فهد ورجعته يحب الحياه تاني ومش كده وبس خلته قرب من ربنا وتاب وفوق كل ده وطي باس بطنها واكمل بدموع فرح تجبلوا احلي واغلي هديه ممكن حد يدهاني في حياتي كلهااا مكنتش بفكر في اني ابقي اب خالص انا مكنتش بفكر في اي حاجه اصلا ولا ان حياتي تستقر زي دلوقتي بس ربنا رحيم بعباده وكريم واداني اكتر ما اتمنيت بجد حقيقي مش عارف اقولك ايه بس بشكر الصدفه اللي رجعتك ليا حتي لو كانت صعبه في الاول بس انتي كنتي حلم بعيد اوي يا ليلي متخيلتش ان بعد كل ده تطلعي عايشه وترجعيلي واتجوزك وتحملي فابني كمان حقيقي فرحتي مش سيعاني ربنا يخليكي ليا يا نورعيني وتفضلي منوره حياتي ومفرحاني كده دايما يارب بحبك اوي
ليلي وطت لمستواه وحضنته واكملت بحب ودموع وانا بموت فيك مش بحبك بس وفرحتي متقلش عن فرحتك ابداا وضحكت واكملت فهد انا هبقي ام بجد يعني هو انا هيجي حته سكر كده يقولي يا ماامي بجد ايه ده
فهد بحب اه هتبقي ام واحلي مامي في الدنيا كمان
ليلي بحب وانت احلي بابي في الدنيا وباست خده
فهد بضحك لا ده بابي كده نفسيته هتتعب بدري بدري
ليلي بضحك تصدق انك متربتش فعلا اوعي انا طالعه
فهد بضحك عارف كده كده ولا خليكي في حضني هتطلعي تعملي ايه لوحدك فوق تعالي نجيب فيلم ونتفرج سوا
ليلي بحب ماشي اتفقنا يلا
فهد بحب يلا
وفعلا عملوا فشار وجابوا فيلم وقعدوا وفهد خد ليلي في حضنه وهما بيتفرجوا
ليلي بحب شوفت بقي اني مش قصدي اضايقك والله
فهد باس ايديها واكمل حقك عليا بس انتي علشان كنتي بتعملي كده زمان فا اضايقت وخصوصا مشوفتش سبب
ليلي فهد انا كنت برجع كتير بس من وراك انت فعلا ولا مره شوفتني فعلشان كده مشكتش وانا كنت حريصه علي ده
فهد انا خدت بالي من كل شويه تقولي بطني بطني وبتنامي كتير اوي بس محطتش في دماغي فعلا واتعدل واكمل صح يا ليلي انا عايزك تتابعي مع دكتوره علشان صحتك اعمل ايه دلوقتي
ليلي لالا بلاش دلوقتي ارجوك اهدي علي حيلك كده انا لسه في اول اسبوع والناس ساعات مش بتعرف غير لما يكملوا شهر فا اللي هو انا مش في خطر ولا حاجه فا استني جمال يتحكم عليه ونعيش حياتنا
فهد بقلق ااه ااه فعلا حاضر هستني خلاص
ليلي حبيبي انت خايف اوي كده ليه
فهد بتنهيده ليلي انا خوفي زاد لما حملتي مش هستحمل اي اذي يحصلكم ولو حتي مش انتوا بعد الشر .. انا مكنتش خايف علي نفسي منه الفتره اللي فاتت وقولت حتي لو حصلي حاجه انتي هتتعبي بعدي وكنت خايف بس لما حملتي خوفت اكتر يا ليلي خوفت اوي اني لو حصلي حاجه هسيب معاكي عيل مالوش ذمب
ليلي بدموع بعد الشر عليك واما انت عارف اني هتعب وعرفت دلوقتي اني حامل كنت بتخرج ليه من البيت يا فهد مخوفتش
فهد بتنهيده لاني كده كده هشوفه
ليلي بخوف هتشوفه ازاي يعني
فهد بتنهيده مش لازم تعرفي
ليلي بقلق فهمني في ايه يا فهد ارجوك
فهد يا ليلي ارجوكي انتي متضغطيش عليا مش وانا عايزه اقلقك وخصوصا دلوقتي بلذات
ليلي بدموع وانت كده مش هتقلقني
فهد بتنهيده لا كده اهون بكتير وطبطب عليها واكمل متخافيش يا حبيبتي باذن الله خير والله
ليلي بدموع تعبتني يا فهد بجد انت وغموضك ده
فهد باس راسها واكمل خلاص حقك عليا كلها بكره وهعرفك ماشي
ليلي بتنهيده ماشي يا فهد اما نشوف اخرتها ايه
فهد بتنهيده خير باذن الله
————————————
عند شروق وفارس
فارس واقف بيعدل ساعته قدام المرايه واكمل شروق انا نازل عايزه حاجه يا حبيبتي
شروق بتعب وهي نايمه علي السرير اكملت لا يا حبيبي سلامتك
فارس راح وطي لمستواها واكمل بقلق مالك يا شروق بقالك شويه مش مظبوطه كده
شروق بتعب الحمل بس يا حبيبي تاعبني اوي مفيش حاجه
فارس بتنهيده انا بجد بشوفك كده بضايق ربنا يقويكي بجد يا حبيبتي ال 7 شهور اللي فاضلين دول ويعديهم علي خير
شروق ابتسمت واكملت يارب يا حبيبي متقلقش عليا انا هنام شويه وروح انت شغلك
فارس بحب ماشي يا حبيبي عوزتي اي حاجه رني عليا وصح معاد دكتورتك امتي
شروق بتوتر لسه لسه مش دلوقتي
فارس بحب ماشي ياروحي علشان بس ابقي اروح معاكي
شروق بتوتر مااشي يا حبيبي
فارس باس جبينها ونزل
نفين في مراتك منزلتش ليه
فارس لا هاتي فطارها اطلعولها هي تعبانه اوي
سعاد مالها يابني بس
فارس والله يا طنط مش عارف الحمل تاعبها اوي
نفين هو في ناس كده بتاخد اول الشهور تعب بتختلف من كل جسم لجسم عادي يا حبيبي امسك اهي الصنيه اديها تاكل واتاكد انها خدت دواها
فارس بحب اكيد حاضر
وطلع
شروق ايه ده لسه ممشتش ليه
فارس بضحك مش عايزاني ولا ايه
شروق بحب لا طبعا يا نورعيني هو انا اقدر
فارس بحب نزلت جبتلك تاكلي يا حبيبتي علشان الدوا
شروق بحب بجد تسلملي يا غالي دايما كده بتهتم بيا اكتر من نفسي
فارس باس جبينها واكمل اما مهتمش بحبيبت قلبي ههتم بمين يعني
شروق ابتسمت بحب ربنا يخليك ليا يا فارس بجد
فارس بحب ويخليكي ليا يا قلب فارس يلا بقي هفضل مادد المعلقه كده كتير
شروق روح انت يا حبيبي علشان متتاخرش وانا هاكل
فارس لالا يلا لما تاكلي واطمن انك خدتي دواكي كمان علشان الحقنه
شروق بحب حقيقي بموت فيك الا قولي صحيح
فارس وهو بياكلها اكمل اممم قولي يا قلبي
شروق وهي بتاكل اكملت بحب متفقناش لو بنت هنسمي ايه ولو ولد ايه
فارس بضحك بصي مبدائيا لو بنت انا هسميها ولو ولد انتي سميه
شروق بضحك وده اشمعنا
فارس بحب انا عارف اننا مش فارق معانا النوع بس انتي عايزه ولد لان واثق انك عايزه تشوفيني فيه
شروق بحب اممم ده حقيقي
فارس بحب وانا بردو عايز بنت علشان اشوفك فيهاا فعلشان كده اللي هدفه يتحقق يسمي بقي
شروق بضحك موافقه جداا ومسكت وشه بين ايديها واكملت بحب وهو بتقرب من وشه وبتنسد جبينها علي جبينه انا من كتر حبي فيك چينااتك هتبقي في عيالك بلعافيه كده سواء ولد او بنت بس هو انا فعلا قولت عايزاه ولد علشان يبقي زيك اكتر
فارس بحب انا عارف كده كده بس حتي لو البنت شبهي اسمها هتبقي بنت وتتصرف زيك وتعوضني عن طفولتك اللي مكملتهاش معاكي
شروق بفرح حمستني اوي اشوف البيبي يا فارس بجددد
فارس بضحك ده انا متحمس لوحدي فاتلاقيني لو فتحتي السيره دي بسرح بلكلام
شروق بحب والله بحبك وبحب حبك للبيبي اوي بس يا خوفي تنساني انا بقي
فارس بحب باس ايديها واكمل بضحك ده انتي الاساس يا روح قلبي انساكي اخص عليكي وضحك وغمز واكمل اومال هخاوي البيبي منين يعني
شروق بضحك بقي كده تصدق انك قليل الادب يلا روح شوف. شغلك يعني مش هتنساني علشان تخاويه بس ماااشي يا فاارس ماااشي
فارس بضحك خلاص متزعليش كده وباس خدها واكمل بحب انتي عارفه انتي عندي ايه هاا مفيش الكلام ده انتي هتفضلي في قلبي واكمل بضحك لحد ماتعجزي كده وسنانك تقع عايزه حاجه تاني
شروق بضحك سناني تقع ماشي يا فارس
فارس بضحك الله هو انتي مش عاجبك العجب ليه
شروق حضنته واكملت بحب طول منتا في حياتي عاجبني طبعا يا روحي بس عايزه اسالك سؤال
فارس قولي يا حبيبي
شروق هو لو انا مجبتش بنت هتزعل
فارس بضحك انتي هبله يابت انا بقولك عايزها بنت علشان تبقي زيك يعني قولت كده من كتر حبي فيكي يبقي سواء ولد او بنت انا هعشقه ده كفايه انه ابني منك انتي يا شروق بجد سبحان ما خلق حبي واشتياقي للي في بطنك من قبل مايجي تروحي تقوليلي تزعل ده هيبقي ابني او بنتي ازاي يعني ازعل وبعدين كفايه انه من شروق هحبه اي ان كان واكمل بضحك حتي لو كان قرد هحبه بردو
شروق ضربته في كتفه واكملت بضحك قرد اخص عليك يا فارس قرد ازاي يعني يطلع لمين
فارس بضحك لامه طبعاا
شروق بقي كده طب اوعي بقي وملكش دعوه بلقرده هااا ولا تخاوي حد من القرده و متجيش جمب القرده خاالص انت فارس بيه روح شوفلك بني ادمه حلوه واتجوزها
فارس بضحك بس كده عنيا ومسك فونه واكمل بتمثيل الو يا غاده بقولك
شروق شدت الفون منه بسرعه ورمته علي السرير وقامت مسكته من قميصه واكملت بغيره نهاااااارك اسوددد ومهبب انت كنت بتعمل ايييه يا فااارس انت ماصدقت طلعت مني ده انا اقتلك انت وهي لو فكرت تقربلها
فارس بضحك يابنت المجنونه انا مكلمتش حد دي مش طريقتي كده كده انا بغيزك وحتي لو طريقتي انتي عبيطه ولا ايه مقدرش طبعا هو اللي معاه شروق يشوف اي بنت في الدنيا تاني اصلاا ايعقل ??!
شروق بضحك كل بعقلي حلاوه كل مش شروق دي القرده
فارس بضحك اعترفي اني بثبتك بس للاسف مش باكل بعقلك حلاوه بكلمك من جوايا بجد وشدها ليه وباسها بحب واكمل بضحك بعدين انا بحب القرده وبموت فيها ملكيش انتي دعوه
شروق بتمثيل حزن قرده بردو ?
فارس ضحك وباس خدها واكمل بحب اانا بهزر طبعا بس واقعيا انتي مفيش حاجه حلوه اتخلقت تشبهك علشان اشبهك بيها
شروق بحب ازاي بقي وده ايه وحطت ايديها علي قلبه واكملت هو مش انا قلبك
فارس بحب اه طبعا قلبي.. ده قلبي ده انتي ملكاه اصلا يا شروق
شروق بحب يبقي في حاجه حلوه اتخلقت اهو تشبهني بيها لان في كل الدنيا مفيش احلي من قلبك يا فارس وانا محظوظه اني حصلت عليها وبقي ملكي
فارس ابتسم بحب واكمل والله انا اللي يبختي بيكي و انك نصيبي يا ست البنات وقلبك انتي اللي مفيش احلي واجمل منه وباس ايديها واكمل بعد الكلام الحلو ده كله عايز اكافئك بس مش عارف اعمل ايه لو مكنتيش حامل كنت
شروق بمقاطعه فااارس اتلم هاا
فارس بضحك يابنت الجزمه كنت هقولك اسفرك بس انتي اللي دماغك مش سالكه والمصحف
شروق باحراج احمم ايه ده بجد ?
فارس بضحك اه والله كنت هقولك كده
شروق بضحك طب خلاص متحرجنيش وضربته في كتفه واكملت طب ايه رايك نخرج
فارس بحب عنيا اخرجك انهارده بليل احاول اخلص اهم الحاجات اللي ورايا في الشركه ونروح الحته اللي تعجبك
شروق حضنته بفرح واكملت بحب حبيبي بجدد يا فااارس اخيرا هنزل بقالي شهر منزلتش من البيت البيبي مبسوط منك وبيحبك اوي علشان انت بتفرح مامي
فارس ضحك ووطي باس بطنها واكمل بحب ده عنيا للبيبي وام البيبي وقام واكمل يلا بقي علشان دواكي
شروق حاضر
وفعلا فارس ادلها الحقنه كلعاده وخدت دواها
فارس يلا هنزل انا بقي
شروق بحزن هو انا ممكن اسألك سؤال بسرعه
فارس بحب طبعا يا حبيبتي
شروق بحزن ووجع هو انا لو سقطت او البيبي حصله حاجه انت هتزعل
فارس بخوف بعد الشر ايه يا حبيبتي ايه الكلام ده متقوليش كده يا شروق
شروق بحزن ودموع فارس بجد جاوبني
فارس بخوف ايه ده ايه ده في اييه وحضنها واكمل بس اهدي ايه خلاكي تقولي كده يا حبيبتي هو انتي حاسه بحاجه
شروق بتوترو بسرعه لاالالا طبعا انا بسألك علشان حلمت بكده فخوفت انت تزعل اوي فبسالك
فارس بحب حبيبتي ده كابوس وخلص خلاص متقوليش كده واكيد طبعا هزعل بس لا قدر الله لو حصل انتي اهم عندي من اي حاجه بس وحياتي بلاش تفكري في الكلام ده تاني
شروق هزت راسها ب اه وسكتت
فارس بحب باس جبينها واكمل ايوه كده يا حبيبي
شروق بحزن فارس انا اعرف بنت صاحبتي مخبيه سر علي جوزها وهو قالها احنا في بينا ثقه ومواعدين بعض وكلام زي بتاع اي اتنين بيحبوا بعض ده بس المهم هي مش عايزه تقوله لان هيزعل اوي لو عرف وخايفه تفضل مخبيه يعرف هو من وراها فيضايق اكتر انت رايك ايه
فارس بحب بصي يا حبيبي انا مش هجاوبك انا هفكرك بكلامك لفهد عن ليلي لما قولتيله الحقيقه كده كده هتبان بس لو عرفت منك هتبقي اهون وضحك واكمل والحمدلله هي معرفتش منه وفعلا كانت مصيبه وباس ايديها واكمل اللي عايز اوصلهولك يا حبيبي انتي فهماه لانك فهمتيه لفهد قبل كده فا رايي بلاش تخبي علي جوزها اي حاجه لان في بينهم ثقه ووعد مهما كانت ايه الحاجه و هتزعله تقوله و يتخطوها سوا انما تخبي لا اصل مصيره هيعرف بس هيبقي مفيش ثقه بينهم ووعدها اتكسر قدامه
شروق بخوف ووجع تمام هقولها ماشي يا حبيبي
فارس باس جبينها واكمل بحب يلا انا هنزل يا حبيبي عايزه حاجه ومتفكريش في الحلم زي ماقولتلك ده كابوس وخلص
شروق بابتسامه حاضر سلامتك يا حبيبي
ونزل
شروق بدموع ووجع هو كابوس يا فارس بس لسه مخلصش وراحت وقفت قدام المرايا وحطت ايديها علي بطنها وفضلت تبكي بوجع وقهر واكملت يااارب ارجوك كمل فرحتي وعوضي بي انه يجي بألف خير بترجاك يارب اديك شايف حب فارس ليه قد ايه وكمان انا اتعلقت بيه من قبل مايجي فا يارب اسمع دعائي بجد مش عايزه اخسره مش عايزه انا خايفه عليه اوي وخايفه لفارس يعرف حقيقي انا تعبت ومبقتش عارفه اتصرف ازاي
————————————
عند تولين وسيف في الكافيه
تولين بحب سيف
سيف بحب ايه يا حبيبتي
تولين بحب هو ممكن اروح انا وصحابي
سيف لا
تولين بغضب هو انت عرفت فين
سيف بحده صوتك والناس علشان مروقكيش
تولين بحزن يا سيف مش تعرف طب الاول
سيف بحده قولت لا هو رغي
تولين بحزن علي فكره انت متعرفش حاجه وبترفض وخلاص
سيف معرفش حاجه اه وبلنسبه للرحله اللي رايحه دهب يومين دي ايه
تولين بصدمه وانت عرفت منين
سيف بضحك لا عيب عليكي تسالي ظابط مخابرات السؤال ده
تولين بجدد عرفت منين
سيف اكيد مش بقري الكف يعني بس لان سها صاحبتك عامله كومنت علي الحجز للرحله دي فاكيد هي يعني
تولين بغيره لحظه لحظه لحظه وانت طلما شوفت كومنت سها يبقي هي عندك من الفريندس صح ??
سيف بضحك اه ماهي عندي فعلا
تولين بحده نعممم وهي عندك بتعمل ايه مش فاهمه
سيف بص حواليه بعدين بصلها وهمس بحده وطي صوتك والله ماهتسكتي غير بقلم علي وشك يظبطك انهارده قومي كفايه فضايح مش كالنا وشربنا القهوه يلاااا
تولين قامت وطلعت برا بغضب وركبت العربيه وقفلت الباب برزع
سيف قعد جمبها واكمل بحده ماشي ماشي علي علو صوتك كل شويه ده يا تولين
تولين بغضب سيف مترميش غلطك عليا
سيف بحده يا حول الله يارب يابنتي غلط ايه وزفت ايه هي بعتتلي طلب صداقه علشان خطيب صاحبتها وتعرفني بسببك مفيش بينا اكتر من كده
تولين بحده هي تبعت براحتها ميخصنيش انت تقبل ليييه
سيف بحده طب يا تولين انا مش هقول صوتك يوطي تااااني انا همد ايدي علطول بعد كده علشان يظهر الاحترام مش ناافع وبعدين مش عايز هبل هااا خلي في ثقه شويه انا ظابط مش عيل صغير علشان ارفض الطلب اللي بعتته وشغل العيال ده وبعد كده لما نتقابل وتشوفني تقولي ليه رفضته مينفعش طبعا موقف محرج فانا قبلته بس مفيش بينا حاجه ولا بنتكلم حتي ارجوووكي خلي في ثقه اكتر من كده يا تولين
تولين بحزن انت ليه فاهم غيرتي عليك قله ثقه
سيف لااا في فرق كبييير جدااا بين الغيره وقله ثقه الغيره انك تقولي بجد طب وهي بتبعتلك مسدجات اقولك لا مش بنتكلم اصلا تقوليلي لو بعتت متردش سيبك منها مش عارف ايه كده ده واثقه فيا وهي موجوده عندي عادي بس غيرانه انها ممكن تبعتلي انما تزعقي وتعلي صوتك في الكافيه وانت تقبل لييه ده يتسمي قله ثقه لانك لو واثقه فيا وعارفه ان لو قدامي 100 بنت بجد مش فريند علي الفيس انا مش هبص لحد لانك ماليه قلبي قبل عيني وعارف حدودي كويس وايه يصح وميصحش
تولين بحزن حقك عليا يا سيف بس انا حقيقي مقصدش
سيف بتنهيده خلاص يا تولين اللي حصل حصل
تولين بحب وحياه تولين عندك خلاص
سيف ابتسم واكمل خلاص والله بس اقسم بالله لو اتقررت تاني بجد هتزعلي مني خلي في بينا ثقه اكتر من كده
تولين بحب حاضر والله خلاص انت مش زعلان ها
سيف مسك ايديها رفعها وباسها وهو بيسوق واكمل بحب مينفعش تحلفيني بحياه تولين وازعل خلاص طبعا
تولين بحب والله انت قلب تولين من جوه اصلا
وفونه رن
سيف الو يا فهد
فهد بحب ايه يا ابو نسب اخبارك ايه
سيف بحب بخير يا حبيبي وانت
تولين بفرح سيف ده اخويا
فهد بخير عملت ايه ياباشا في اذن النيابه اللي طلبته منك
سيف بحب جبتهولك يا غالي لو عايز اعدي عليك تاخده ماشي
فهد بفرح والله قولت محدش هيعملها غيرك هتعبك معايا يا سيف والله
تولين بفرح يااا بني رد عليا ده اخوياااا
سيف يخربيت اهلك اه هو اخوكي خلاص محسساني ليه انه رئيس الجمهوريه سبيني اتكلم مع الراجل واكمل بضحك لمواخذه يا فهد
فهد بضحك اه يا واطي انت خليت فيها لمؤاخده اخص عليك هات اختي واحشاني عايز اكلمها
سيف بحب طب واللي يجبهالك معاه وانا بديك اذن النيابه
فهد بفرح ده انت تبقي حبيبي
تولين بدموع فرح والنبي هتخليني اشوفه يا سيف
سيف بضحك الحق دي بتعيط طلعت محبوب يا فهد والبت مشتقالك معرفش بتعيط ومشتقالك ليه مع ان عندها الجزء التاني منك في البيت بزمتك مش هي هي ما نفس الشكل
فهد بضحك ده علشان انت معندكش مشاعر مش اكترر طبيعي اه الشكل واحد بس احنا شخصين وهي بتحبنا احنا الاتنين و متعودتش ابعد عنهم كل ده بقالي شهرين بدوخ من مكان لمكان ومشوفتهاش
سيف بتنهيده باذن الله خير يا حبيبي
فهد بحب يارب هاتها بقي بسرعه والنبي
سيف بضحك عنيا والله دي عيطت علشانك الا معاملتها لخطيبها لما بيسافر
تولين بدموع اخص عليك والله بعيط بس فهد واحشني اووي اووي خصوصا كنت بسمع عنه حكاوي بتخوفني وبقلق عليه
فهد بحب باذن الله خير يا غاليه خلاص قربنا نخلص
سيف بحب يااارب امين يلا هقفل معاك وجايلك علطول
فهد بحب مستنيك يا حبيبي
وفعلا مفيش غير ساعه كان وصل سيف ومعاه تولين وخبطوا
فهد ايوه ايوه جاي ونزل فتح واكمل بحب وفرح تووولين
تولين حضنته وهي بتعيط وهي دموعه نزلت زيهااا
تولين بدموع فرح واحشتني اوووي اوووي يا فهد كل ده شهرين بعيد عننا هونا عليك تبعد كل ده
فهد مسح دموعها وباس جبينها واكمل بحب حقك عليا وبسببي فرحك عمال يتأجل بجد اناا اسف وعلي قلقكم عليا وعلي البعد ده كله انا لو بمزاجي مبعدش عنكم ابداا
تولين مسحت دموعه واكملت بحب متقولش كده يا حبيبي انت تيجي براحتك وانا مش هفرح اوي لو اتجوزت بدري وحياتك انت ومرات اخويا في خطر وتيجي علشان ترضيني لا اطمن عليك اهم من اي حاجه في الدنيا بنسبالي وبعدين تبقي الفرحه فرحتين متعتزرش يا حبيبي ده انا فرحتي برجوع ليلي ليك وتغيرك ده بلدنيا كلها
فهد بحب 3 فرحات مش اتنين بس يا تولين
تولين بستغراب مش فاهمه
فهد بضحك يعني مش فرحك ورجوعي وبس لا كمان هتبقي عمتو الحربايه لتاني مره
تولين بفرررح بتهزززر والنبي ليلي حااامل
فهد بحب اه الحمدلله حامل
سيف بضحك ده ايه الاخبار الحلوه دي وحضنه واكمل بحب عقبال ماتقوملك بألف سلامه يارب يا حبيبي
فهد بحب امين يااارب
تولين بفرح طب هي فين عايزه اباركلهااا
فهد نايمه من ساعه ماحملت بتنام في اليوم 100 مره
تولين بدموع فرح ياروحي بجد انا مش مصدقه يعني انت وفارس هتبقوا ابهاات خلاص بجد اييه السكررر ده
فهد مسح دموعها وباس جبينها واكمل بلاش عياط انتي عارفه مبنحبكيش تعيطي و عقبالك انتي وسيف يارب
سيف بحب يااارب هو الواحد يكره
تولين بخجل ماتحترم نفسك شويه يا سيف
فهد بضحك ماتحترم نفسك صحيح قدامي كده
سيف بضحك يابرو انت مننا وعلينا بقي وغمز واكمل قولي الجواز حلو ولالا
فهد بص حواليه واكمل بهمس وهو بيضحك بص انا مش هقدر احكم لان اللي معايا دي مجنونه بس بحبها والله اعمل ايه نصيبي كده اسأل فارس شروق اعقل شويه
سيف بضحك انت بتوطي صوتك لييه كده يا فهد يانهاار ازرق هو الجواز بيعمل كده بقي فهد العامري بيوطي صوته وهو بيتكلم عشنا وشوفنا
تولين بضحك ياحبيبي يا خويا هي بتعمل فيك ايه متخافش متخافش اتكلم بقلب جامد هي نايمه
فهد بضحك يا عم انت مش قد نكد الستات اقعد ساكت دي بتدور علي المشاكل بملقاط وخصوصا حملت بقي يعني هتوريني المرار انت تصدق هقولك موقف
سيف بضحك قول شجعني علي الجواز اكتر منا متشجع
فهد بضحك اشجعك اااه لا انت تسمع مني وتدعيلي لان انا اللي معايا مجنونه مش مع حد انما متخدش مني تشجيع خالص عملت ايه بقي انهارده انا كنت برا وجيت هي بقي نفسها تنكد ففضلت روحت فين وازاي تسبني ومش عارف ايه خلاص صالحتها ومفيش حاجه تكست لا متسكتش انا مراتي لو لقيت اني مش بعمل حاجه تزعلها بتخترع اسباب تزعل فعيطت بقي بقولها مالك يا ليلي بتقولي انت شكلك حلو ليه
تولين بضحك اييه السؤال ده
سيف بضحك مش عارف هو ده سؤال صح قولها خلقه ربنا كده وفضل يضحك
فهد بضحك استني استني فبقولها مش فاهم ايه السؤال ده عيطت وقالتلي اوعي متكلمنيش تاني طب في ايه يا ليلي ترد تقول ايه بنت عمي اللي يخش لالا حبيبتي ربنا يخليهالي وضحك واكمل ترد تقولي اصل في بنت عاكستك وانا غيرت منها اتفضل يا عم سيف طب انا مال امي بلموضوع ده مش فاهم بردو
تولين بضحك لالالا فظيعه مفيش كده فعلااا
سيف بضحك هي ماشيه بمبدا في نكد وخلاص حتي لو انت معاكستش حد بس اتعاكست ذا سيم يا باشا البت اضايقت وخلاص
فهد بضحك يا شيخ ده مرار والله اللي اانا فيه بس تعرف برغم كل ده مقدرش ابداا استغني عنها حبيت كل حاجه فيها حتي نكدهاا ده والله يومي مش بيعدي غير بيه
تولين بضحك انت راجل مخلص فربنا هيباركلك اللي يحب نكد مراته ده راجل جدع
سيف بضحك لا هو هيدخل الجنه من غيرحساب كفايه تعب الارض
فهد بضحك طب والله برغم كل ده بس الا ان ليلي هي جنتي علي الارض فعلا دخلت غيرتها خالص وخلتها انضف واحلي
سيف بحب اتفق فعلا
تولين بحب من ناحيه كده ف اه ياريتها جات من بدري حقيقي
فهد بحب طب بقولك ايه يا تولي انا رايح مع خطيبك مشوار في السريع خليكي قاعده علشان لو ليلي صحيت متكنش لوحدها
تولين طب ايه هتتاخروا ورايحين فين
فهد وهو طالع اكمل بعدين يا تولين بعدين و لو ليلي سالتك قولي معرفش قالي رايح مشوار وخلاص
ووقف واكمل وصح اوعي اوعي تخليها تشكي لفارس اني خرجت هيبهدلني يا تولين اوعي
تولين بضحك حاضر لا تقلق مش هخليها تكلمه
فهد بحب ايوه كده يا حبيبت اخوكي يلا يا سيف
سيف ركب جمبه واكمل يلا
ومشيوا
تولين دخلت وقعدت قدام الشاشه
———————————–
عند جمال في السجن
جمال حاطط السجاده وواقف بيصلي ودخل اسلام واستغرب من طريقته بس فضل واقف لحد ماخلص خاالص
اسلام تقبل الله
جمال وهو بيشيل السجاده اكمل منا ومنكم تسلم
اسلام هتزعل مني لو قولتلك استغربت اللي انت عملته
جمال ابتسم واكمل لا مش هزعل ما عندك حق بل بلعكس كل ما حد يفكرني كنت ايه وابص لنفسي دلوقتي افرح واحس اني عملت حاجه
اسلام بستغراب ايه غيرك
جمال بتنهيده حزينه تقدر تقول فكرت في كلام مراتي كويس اوي واتضحلي انها هي اللي كانت صح طول الفتره اللي فاتت وخايف علي ناس غاليه اوي عليا انا اموت من هنا وحق كل حد جيت عليه يجي فيهم هما من هنا ساعتها هيدعوا عليا وانا مش هبقي قد دعاهم ابدا
اسلام مين مراتك اللي خايف عليها ??
جمال قعد واكمل بدموع مش مراتي بس وبص لاسلام واكمل مش هتفهمني يمكن مشوفتهمش ولا هشوفهم خلاص لما يجوا هكون مش موجود بس حقيقي هما سبب من ضمن الاسباب اني اتغير واميره بردو ياما قالتلي اتغير ومش هنسي ابدا تعبها معايا كل السنين دي وبصراحه فهد كمان معمليش حاجه وحشه هو بلغ خوفا من اني اذيه وانا مسامحه
اسلام انت تعرف انه جاي بكره يشهد في المحكمه لاني كلمت القاضي ومتوقف علي شهاده فهد علشان ننفذ الحكم
جمال ابتسم بوجع واكمل فهد جاي يشهد ??
اسلام اه بس والله يا جمال لو فكرت تخلي حد يأذيه انا ممكن
جمال بمقاطعه واكمل بوجع يشهد حقه وانا والله العظيم تلاته مبقاش فارقلي حاجه ووصيتي قولتها لاميره وخلاص مبقتش عايز الدنيا يمكن مكسور للسبب اللي قولته من شويه بس خلاص وبلنسبه لفهد انا مش هأذيه فهد ده مكنش دراعي اليمين وبس انا كنت بعتبره صاحبي وابني واخويا الصغير سري كان معاه هو وبس وهو اكتر حد وثقت فيه يمكن علشان كده موجوع منه اويي بس في النهايه ده حقه انا كنت عايز أذيه افتكر انه مره قالي انا افديك بروحي واكمل بسخريه بس هو اللي بنفسه هينهي روحي وتنهد بوجع واكمل ااااه تعبت اووي فعلا ومن زمان والدنيا دي عقاب كويس هرتاح
اسلام. بضحك يعني متاكد انك مش زعلان من الحكم اللي هيتقال بكره
جمال بتنهيده لا مش زعلان ايه هيزعلني انا قربت من ربنا وتوبت وهروحله مخلص ايه يخوفني وانا قدام ربنا توبت وهو شاهد علي ده هخاف من ايه من الموت ابتسم واكمل كلنا جنازات مؤجله يا اسلام بس يبخته اللي يكون جاهز يقابل ربنا لما يجي يومه
اسلام تمام عن اذنك
جمال اتفضل
وطلع وقفل
جمال دموعه نزلت واكمل بوجع اهو انا عمري ماتخيلت ان يجي اليوم اللي هحس فيه اني موجوع لفكره انك تقف تشهد دي يا فهد
————————————
عند شروق باب اوضتها خبط ففتحت
روح بضحك امسكي ياختي الورد ده جالك اوعدنا يارب هو ياختي جوزي مش بيتعدي من جوزك ليه مش هما صحاب
شروق خدته واكملت بضحك والله انتي ظالمه الواد بيعاملك احسن معامله
روح بغمز ايوه رايحين فين انتوا بقي قوليلي ده انا اختك بردو
شروق بضحك ما تتلمي يابت هنروح فين هنخرج عادي
روح بضحك ماشي يا قلبي يلا انا هنزل اجهزي انتي بقي
شروق بحب ماشي وقفلت ومسكت الورد بحب واعجاب ولاحظت وجود كارت بيقول ( حبيبتي اتمني يكون الورد عجبك يا روحي البسي واجهزي وانزلي هتلاقي عربيه مستنياكي وهتجيبك عندي محضرلك مفاجاه هتعجبك جداا )
شروق بحب والله بموت فيك وراحت لبست دريس كشمير فيه لمعه هاديه اوي وطرحه من نفس اللون ولبست الكوتش ووقفت حطت ميكاب وكانت طالعه حلوه اوي ونزلت
نفين بحب ده ايه الحلاوه دي كلهااا
شروق بضحك شايفه علشان تعرفوا ان فارس مخدش اي حد وحظه حلو
روح طبعا مش اختي
شروق بضحك اتنيلي بس بكرشك ده واقعدي علي جمب
روح بضحك بقي كده طب ماشي اللي ميزعلش بقي انا هولد قبلك بشهر وهفضل اغيظك وانتي هتبقي بكرش لسه
شروق بضحك عادي يا حبيبتي ابقي بكرش حبيب مامي يعمل اللي يعجبه ويجي براحته
سعاد بضحك اهي هي اللي حرقت دمك اهو
روح بضحك هي شروق من زمان كده مبتخلنيش اعرف احرق دمها ابداا
نفين بضحك وبعدين صحيح ده هي الكبيره يعني انتي اللي طالعه قمر لاختك مش العكس
شروق بضحك قوليلها
روح بضحك في ايه يا نيفو هما كلكم عليا ليه كده
سعاد بضحك تعالي في حضن حماتك يا روحي انا معاكي اهو
روح قامت حضنتها واكملت بحب بجد حبيبت قلبي انتي
سعاد بحب حبيبتي يا نااس مرات ابني
شروق بحب ربنا يخليكم انتوا وطنط نيفو لينا يارب
نفين بحب يارب امين يا حبيبتي وتقوملنا بلسلامه انتي وروح
شروق بضحك وليلي
نفين بفرح ليلي مين ليلي مرات فهد
شروق بضحك اه حامل في اسبوع
نفين زغرطت واكملت بفرح يعني فارس وفهد هيبقوا ابهاات يااافرحه قلبي كبروا وفرحوني بيهم واكملت بدموع فرح اهو فهد ده عمري ماتخيلت ربنا يهديه ويبقي اب بجد ربنا يقومله مراته بخير السكر دي اللي جات غيرته خالص هموت واشوفها
شروق حضنتها بحب واكملت بس والمصحف هعيط علي عياطك الحمدلله ليلي وانا وروح حوامل باذن الله عقبال ماتولين تتجوز وتفرحنا وكله في عمرك يا غاليه
نفين بحب ودموع فرح يارب بجد ياشروق
شروق مسحت دموعها واكملت بحب عارفه انه واحشك اووي باذن الله اللقاء قرب خلاص
نفين بحب يارب ياحبيبتي
روح بحب ربنا يفرحه بيه يارب ويشوفه علي خير
سعاد بحب فهد وفارس الاتنين زي يوسف عندي والحمدلله اخيرا حياته استقرت عقبال ماتقوم بلسلامه يارب
نفين بحب يارب كلهم
شروق بحب يارب يا حبيبتي يلا همشي انا بقي ده السواق تلاقيه طفش
روح بضحك ايوه روحي فارس هيطلقك من الانتظار ده كله
نفين روحي يا حبيبتي
شروق وهي طالعه اكملت بضحك ميقدرش يعملها كده كده
وراحت ركبت العربيه
السواق مساء الخير يا فندم
شروق مساء النور
السواء اتفضلي ازازه العصير دي فارس بيه قال ان حضرتك تشربي منها علشان لو عجبتك هيبقي يجيب منها في حفله البيبي لما يجي باذن الله
شروق بحب تمام هات ومسكتها منه وشربت منها
شروق بحب ااه حلوه جداا فعلا
ومسك السواق فونه وبعت رساله لوائل ( حصل يا فندم هي معايا حاليا وشربت العصير زي ماحضرتك طلبت )
يتبع…..
لقراءة الفصل التالي : اضغط هنا
لقراءة الرواية كاملة اضغط على : (رواية احباء يجمعهم القدر)
