رواية اتفاقية زواج الفصل الأول 1 بقلم حبيبة

رواية اتفاقية زواج البارت الأول

رواية اتفاقية زواج الجزء الأول

رواية اتفاقية زواج الحلقة الأولى

هههههه انتي عوزاني اتجوز ويكون في بطني
بيبي ويبقا شكلي عامل زي الكوره زيك كده؟
مستحيل اتجوز دلوقتي يا نهي
نهي: قصدك اي يا نور يعني انا شكلي عامل زي الكوره!
نور: لا يا حبيبتي بهزر معاكي.
نهي: وفيها اي لما تتجوزي هتفضلي تتجاهلي الموضوع لحد امتا.
—يا نهي يا حبيبتي انا كل اللي مركزه عليه هو اني اكبر شركه بابا الله يرحمو عشان اخليه يكون فخور بيا هو وماما الله يرحمها
—نهي: انتي بتعملي اللي عليكي يا نور وبتشتغلي كتير اووي ومش بترتاحي بس لازم تشوفي نفسك وحياتك شويه العمر بيجري يا نور
—لازم اشتغل يا نهي والا سيف ابن انكل يوسف هياخد نصيبي في الشركه وانتي عارفه انو هو مستني اي فرصه عشان ياخد مني الشركه
نهي: بس يا نور انكل يوسف بيحبك وبيعتبرك بنتو وهو كان افضل صديق لابوكي ف مستحيل ياخد نصيبك في الشركة
—انا عارفه يا نهي انو انكل يوسف طيب جدا
بس ابنو سيف بيكرهني وعاوز يخرجني من الشركه بأي طريقه وانا كمان بكرهو من لما كنا صغرين وانا مش بطيقو.
نهي: متخفيش يا حبيبتي انا جمبك ومفيش حد هيقدر ياخد منك حقك وحق ابوكي ابدا
نور: انا عارفه يا نهي.
نسيت اعرفكم انا اسمي نور احمد المنياوي 25سنه وانا درست اداره اعمال بس طبعا بعد ما بابا اتوفي اتوليت الشغل في الشركه مكانو وبقيت من اكبر سيدات الاعمال
ودي بقا نهي صحبتي مش بس صحبتي دي اختي كنا عايشين مع بعض من الثانوي…
************
سيف: والله وهتبقا اب يا مروان وهتشيل المسؤليه.
مروان: عقبالك يا عم
سيف: لا انا مش ناوي خالص
مروان: هيجيلك يوم و هتشيل يا سيف وسعتها هبقا واقف بضحك عليك.
سيف: بتحلم
يلا خلينا نشرب قهوه ونقعد نتكلم سوا من ساعت ما اتجوزت وانا مش عارف اقعد معاك زي الاول
“اعرفكم مروان بيكون صديق واخ ليا وجوز نهي
وسيف 28سنه ابن انكل يوسف صديق قديم لبابا الله يرحمه وكمان شريكه في الشركه وطبعا في خناقات كتير بيني وبينه وتقدرو تقولو كده مش بنطيق بعض”
—والله يا سيف من ساعت ما نهي بقت حامل وبقيت مشغول اكتر في الشغل واني اروح معها للدكتور وسعات نور بتاخدها بدالي
سيف: متجبليش سيره اللي اسمها نور دي
مروان: انتو لسه زي ما انتو بتتخانقو
يا سيف نور بنت كويسه جدا وبتحاول علي قد ما تقدر تحقق حلم ابوها وامها
سيف: لكن يا مروان الشركه دي لينا احنا وقولتلها هشتري منها نصبها وهديها المبلغ اللي تطلبو ولكن المغروره رفضت
مروان: طبعا لازم ترفض
سيف: مروان انتا معيا ولا معها
مروان: يا سيف انا مش مع حد انا بقول الصح
سيف: طيب خلاص خلينا نتكلم في حاجه تانيه
***********
—عند نور ونهي..
يلا يا نور هنتأخر علي معاد الدكتوره
نور: خلاص يا نهي جيت اهو
عند الدكتوره…
—هاا يا دكتوره النونو هيجي امتا
نهي: معلش يا دكتوره اصل خالتو مستعجله وعاوزه يجي عشان يلعبو سوا
الدكتوره: خلاص انا هحددلك معاد الولاده الاسبوع الجاي.
نور: بجد يعني خلاص اخيرا هيجي النونو
نهي:ايوا هيجي.
شكرا يا دكتوره
نهي انا هكلم مروان عشان افرحو
_طيب كلميه وقوليلو يجي نتغدا سوا
نور…
—نعم يا نهي خير في اي
نهي: بصي انا كلمت مروان وهو قالي جاي بس مش لوحده معاه ضيف
نور: طيب اي المشكله يا نهي خليه يجي هوا والضيف
نهي: مهو بصراحه الضيف ده يبقا سيف
نور اي…! سيف
مستحيل يا نهي نتجمع انا واللي اسمو سيف ده في مكان واحد
نهي: معلش يا حبيبتي عشان خاطري
نور: اتنهدت وقولت ماشي يا نهي عشانك بس
وبعد شويه جيه مروان ومعاه سيف
وقعدنا واكلنا وطبعا انا مكنتش طايقه سيف وكنت حاسه اني هاقوم اموتو
سيف: ازيك يا نور
مش فاكر اخر مره شوفتك فيها امتا اصلي مشغول جدا في اداره الشركه
نور: قولت بسخريه.
الا قولي يا سيف انكل يوسف سلمك اداره الشركه ولا انت لسه موظف.
_رد سيف بغضب وقال….
متختبربش صبري يا نور.
نور بغضب وعصبيه: مش فارق معيا اذا صبرك خلص او لا
مروان: صلو علي النبي يا جماعه مش كده احنا جايين نقعد شويه في هدوء
نهي: نور يا حبيبتي تعالي معيا عوزاكي
—مشيت مع نهي وخرجنا في البلكونه وفضلنا نتكلم..
نور بعصبيه: شوفتي يا نهي بيتكلم ازاي
نهي: مهو انتي رديتي يا نور ومسكتيش واخدتي حقك تالت ومتلت
نور: اومال عوزاني اسكت اصلا ده انسان مستفز
يلا روحي مروان بينادي عليكي
نهي: طيب يا حبيبتي انا هروح البيت وانتي اهدي يا حبيبتي ومتعصبيش نفسك.
—ماشي يا حبيبتي.
“بعد مرور اسبوع”
نهي: انا خايفه اووي يا نور
نور: متخفيش يا حبيبتي انا معاكي ومروان كمان معاكي
نهي: فين مروان يا نور
مروان: انا اهو يا حبيبتي متخفيش
*****
“بعد مرور تلات سعات”
سمعنا صوت النونو وهو بيعيط
مروان جري عشان يشوف نهي وانا اخدت البيبي
كان احساس حلو وانا مساكه بين ايدي وهو صغنن اووي
خرجت نهي من العمليات وبقيت كويسه الحمدلله
نور: هتسميه اي نهي؟
نهي: انا و مروان اتفقنا هنسميه تاج
نور: اسم جميل اوى يا نهي
خرجنا من المستشفى ورحنا البيت واطمنت علي نهي ومشيت.