رواية اتجوزني عشان اربيله ابنه بس الفصل التاسع والعشرون 29 بقلم رحاب القاضي
رواية اتجوزني عشان اربيله ابنه بس الجزء التاسع والعشرون
رواية اتجوزني عشان اربيله ابنه بس البارت التاسع والعشرون
مدونة كامو
رواية اتجوزني عشان اربيله ابنه بس الحلقة التاسعة والعشرون
_ اتجوزني عشان اربيله ابنه «٢٩»…
ــــــــــــــــــــــــــــــــــــــــــــــ
_وفي الوقت ده نزل معتز من عربيته ومعاه حازم ووراهم عربيه فيها عساكر واول ما دخل اتصدم من شكل مريم اللي كانت سايحه في دمها وسيف قاعد علي الارض وباصلها وساكت، جري معتز عليها ودموعه ملت عيونه وقال..
معتز
مريم قومي يا حبيبتي انا جيتلك اهو اوعي بقي تسبيني..
حازم قرب منه وقال
ما ينفعش اللي انت بتعمله ده، في عربية اسعاف بره يلا نوديها المستشفي..
بص معتز لسيف بغضب وقال
خد الحيوان ده وانا هروح مع مراتي يلااا..
_وفعلا نقل معتز مريم المستشفي وكانت حالتها خطر جدا وفضل واقف بره الاوضه بتاعت العمليات، وجاله حازم وقال..
حازم
طمني مريم عامله ايه؟..
معتز بجمود
لسه ما حدش طلع بقالها تلات سعات جوه، لو حصلها حاجه عمري ما هسامح نفسي ابدا..
حازم
خير ان شاء الله يا صاحبي، بقولك. ايه اللواء عايزك كلمه في الفون بس هو عارف الظرف اللي انت فيه مقدره..
معتز
حصل ايه في سيف؟..
حازم
ده حكايته حكايه مش عارف بيستهبل ولا ماله، شويه يضحك وشويه يعيط وعمال يهلفت بالكلام شكله واخد حاجه وهيتحول لطب شرعي…
معتز بحده
والله المره دي ما هيفلت منها..
_وراح وقف عند الشباك يكلم اللواء وطلع الدكتور ووقف مع حازم من غير معتز ما ياخد باله..
معتز
ايوه يا افندم.، زين الشناوي بيكدب وما فيش حاجه اسمها يطلع مؤقتاً بكفاله ولسه معرفناش موضوع سيف..
اللواء
اترفعت عنه الحصانه وممنوع من السفر، بس حد. تقيل كلمني وقالي لازم اعمل كده انا قولت اقولك..
معتز بجمود
اقسم بالله العظيم عشان جابت اخرها ولو زين الشناوي طلع بره الحجز لاق*تله، هو مش ده السبب في دمار عيلتي برضو..
اللواء
اهدي يا معتز لو سمحت وسيبني اتصرف، وبلاش تعمل اي حركة تهور مراتك وابنك محتاجينلك، والف سلامه علي المدام..
_قفل معاه اللواء وراح معتز عند حازم والدكتور سألهم وهو قلقان جدا وقال..
معتزز
مراتي عامله ايه يا دكتور هي كويسه؟..
الدكتور
انا زي ما قولت لحازم باشا احنا عملنا اللي علينا بس للاسف النذيف اللي حصل خلانا نفقد الجنين وكمان لو حصل حمل بعد كده هيكون فيه صعوبه شويه..
معتز بدموع
هي كويسه اقدر اشوفها لو سمحت؟..
الدكتور
ااه تقدر حضرتك تبات عندها بس هي تحت تاثير البينج وهتقوم الصبح وهتبقي ان شاء الله كويسه..
_قال الدكتور كلامه وسابهم ومشي ومعتز مسح دموعه بسرعه وحازم طبطب علي كتفه وقاال..
حازم
وحد الله يا معتز ده قدر ربنا ما نقدرش نقول حاجه، ادخل بس خليك معاها وانا هروح والصبح هجيب طنط فريده واجي..
معتز
تمام..
_دي الكلمه والوحيده اللي قالها ودخل عند مريم اللي كان وشها اصفر اووي، حتي انها خست جدا في الايام اللي عدت دي وقعد جنبيها علي الكرسي اللي جنب السرير وقال…
معتز
ما كانش قصدي اسيبك والله، انا عارف انك هتكوني فهماني ومش هتلوميني زيهم علي اللي عملته..
ــــــــــ #بقلم_الكاتبه_رحاب_القاضي ــــــــــ
_في شقة حازم اول ما دخل لقي نيره واقفه قدامه ولابسه عبايه سودا ورابطه طرحه سوادا برضو علي راسها..
حازم بغيظ
اعوذ بالله من دي خلقه..
نيره
بتقول حاجه يا سي حازم؟..
حازم
انتي ايه اللي مهبباه في نفسك ده، المفروض اننا عرسان جداد مش نازلين نشحت قدام جامع..
نيره بسخريه
والله معاك مش هستغرب حاجه، ما انت ممكن تروح تتجوز علا وترميني انا وعيالك في الشارع ونشحت من قدام الجوامع وناكل من الزباله…
حازم بغيظ
هو فين عيالي دي عشان ارميهم مش اجيبهم الاول، هو انا عارف اتجوز اصلا..
نيره مسحت مناخيرها في الطرحه وقالت
وانا جاهزه اهوو يا حازم خالتو قالتلي لازم اسمع كلامك وانا اهو تحت امرك…
حازم بصها بقرف وقال
بشكلك ده انتي عايزه مغسله تنضفك مش جاهزه لجواز..
نيره بغيظ
من يحبك يحبك بكل حلاتك يا استاذ حازم، ولا انت ليك رأي تاني..
حازم قرب منها وقال
عايزه توصلي لايه يا نيره من غير لف ودوران…
نيره بغيظ
ايه علاقتك بعلا؟..
حازم
زي علاقتي بالعسكري اللي بصطبح بوشه كل يوم في الشغل بالظبط..
نيره
يعني ايه بقي الكلام ده انت بتستبعطني؟..
حازم غمزلها وقال
يا عبيطه ده انا كل النسوان في عيني عساكر الا انتي وزير الدخليه..
نيره ابتسمت وقالت
طبعا لازم تقول كده، بس اقسم بالله لو شوفتك واقف مع البنت دي تاني لهعلقك يا حازم..
حازم قرب
اللي تشوفيه بس ممكن بقي تغيري القرف اللي لابساه ده..
نيره
بس كده من عينيا دقيقه واحده وجايه استناني..
وقبل نا تدخل جوه موبيله رن
ايه ده مين بيكلمك في الوقت المتاخر ده؟..
حازم بغيظ
عملي الاسود في الدنيا سيادة اللواء..
ورد عليه وقاله
ايوه يا افندم.. تمام.. انا هاجي علي طول تحت امر معاليك….
قفل معاه ووقال لنيره
بصي مش هقولك انك متجوزه ظابط شرطه ولازم تتحملي ظروفه لا انتي متجوزه بومه ولازم تتعودي علي النحس ده…
نيره بغيظ
ماشي يا بومه ابقي قابلني لو غيرت العبايه السودا دي عشان اكملك النحس بتاعك..
قالت كلامها ودخلت اوضتها وهو قال بحزن
حسبي الله ونعم الوكيل في اللي حاطط عينه في حياتي ده..
_وفي المستشفي كان بهاء عند معتز وكانو قاعدين بره اوضة مريم وقاله….
بهاء
هو الواد حازم سابك لوحدك، طبعا عريس جديد بقي وتلاقيه هايص يا بخته..
معتز بجمود
بتحب مرات مجرم يا بهاء وعايز تتجوزها، انت دماغك دي فيها ايه؟..
بهاء بضيق
فيها مخ هيكون فيها ايه يعني يا معتز؟..
معتز بحده
فيها جزمه قديمه، انت نسيت انت تبقي مين وهي مين طيب بص لسمعتك يا اخي..
بهاء بسخريه
ههههه ضحكتني والله، سمعتي دي يا معتز ضايعه من زمان من لما ابويا كون عايش فاكره النسوانجي الخمورجي اللي ليه الف قضيه تحر*ش واغتص*اب ..
معتز
ما تخليش اي حاجه حصلت زمان تأثر علي قراراتك دلوقتي..
بهاء وقف وقال
انا مش صغير يا معتز وعارف انا بعمل ايه كويس، وهتجوز ندي ولو بعد كده معرفتك بيا هتقلل من سمعتك يبقي بلاش منها احسن، والف سلامه علي المدام..
_مشي بهاء ومعتز دخل عند مريم وقعد علي الكرسي جنبيها لحد ما نام، وتاني يوم الصبح صحيت مريم وهي مش قادره تتحرك وقضلت تتألم وصحي معتز هو كمان وقال بسرعه وهو بيمسك ايدها..
معتز
حمد لله علي سلامتك يا حبيبتي..
سحبت ايدها منه وقالت
فين ماما؟..
معتز
احنا هنا في الساحل الشمالي، حازم نزل القاهره بالليل، وهيجيبها ويجي دلوقتي..
مريم بدموع
ابني كويس صح، انا لسه حامل مش كده؟..
اتملت عيون معتز دموع وقال
ده قضاء ربنا وان شاء الله هيكرمنا بغيره..
هزت راسها برفض وقالت
لا لا لا حرام عليك انت ليه بتعمل فيا كده، انت. نفذت اللي عايزه منك حماك عشان ما تبعدش ابنك عنك، ضحيت بيا بيا وبابني عشان راحتك انت..
معتز
انتي بتقولي ايه اهدي يا مريم ومش وقت الكلام ده اصلا..
مربم ببكاء
بكرهك يا معتز اول مره في حياتي بحس اني بكرهك اووي كده، منك لله علي كل اللي بحس بيه ده..
اتنهد بضيق وما ردش عليها وراح جاب الدكتور، اللي كشف عليها وقال..
الدكتور
لا خير ان شاء الله، علي فكره انتي ممكن تتابعي العلاج من البيت…
معتز
شكرا اوي يا دكتور، احنا هنروح القاهره النهارده هيكون عادي عليها مش كده؟..
الدكتور
ايوه بس انا هخلي المستشفي تظبط عربية اسعاف تنقلها عشان الطريق وكده..
معتز
تمام يا دكتور تعبناك معانا..
طلع الدكتور ومعتز بصلها وقال
انو هكلم حازم يخليه في القاهره مدام احنا هنروحلهم.
ولت وشها الناحيه التانيه وقالت
ما تجيش معايا اكيد في ممرضات انا مش طايقه اشوف وشك اصلا..
معتز بحزن
تمام بس هترجعي علي بيتي يا مريم….
مريم بحده
انا عندي اموت ولا ارجعلك تاني يا معتز..
معتز
انت ليه بتعملي كده، كنتي عايزاني امشي ورا كلام سيف واجيلك ومكنتش هلاقيكي وكنت هخسرك انتي وابني..
مريم
انا مشكلتي مش في اياد خالص بالعكس بحمد ربنا انك رجعته بس انت ما قدرتنيش، يا شيخ ده حازم كان خايف عليا اكتر منك وانت قسيت قلبك اووي عليا حتي ما هانش عليك تبلغ الشرطه يجو ينقذوني ما فكرتش غير في اياد وبس، انا كنت فاكره اني مهمه عندك برضو بس فعلا انا طلعت ولا حاجه ومكاني لو فضي عادي هيتملي تاني باي واحده..
معتز
ماشي يا مريم مش هتناقش معاكي دلوقتي عشان تعبانه، بس الكلام ما خلصش وانا ما اتخلتش عنك علي فكره..
ــــــــــ بقلم_الكاتبه_رحاب_القاضي ــــــــــ
_في المستشفي بتاعت بهاء في اوضة ندي، دخل بهاء وهو ماسك صنية الاكل..
ندي
ههههه والله يا ابني شكلك وحش وانت مدير المستشفي وماسك صنية الاكل كده…
بهاء حط الاكل قدامها وقال
ما هما قالولي انك مش راضيه تاكلي فقولت لا يا واد يا بهاء دي مش هتاكل غير من ايدك..
ندي بقلق
ماليش نفس بجد انا خلاص كلها اسبوع هدخل في الشهر السابع وهولد..
اتنهد بهاء وقال
وان شاء الله هتقومي بالف سلامه، مع اني كنت افضل انك تستني للتاسع..
ندي
هيكون في خطر علي البنات يا بهاء، انا عايزاهم يجو علي الدنيا نفسي يعيشو كل حاجه انا اتحرمت منها، نفسي لما يحبو ما يتعبوش زي ما انا تعبت كده..
بهاء ابتسم وقال
اي طلبات تانيه مع الاوردر يا افندم..
ضحكت ندي وقالت
ايوه اهم حاجه انك. لما تيجي تجوزهم تختارلهم رجاله زيك كده قلبهم. طيب ومتربين..
بهاء
ربنا يكرم اصلك والله اول واحده. تقولي ان انا متربي..
ضحكت ندي، وهو قعد جنبيها علي السرير وقال
لو غالي عليكي بجد. تاكلي، ومش عايزك تقلقي من اي حاجه وانا موجود..
_ابتسمت ندي وفضلت تاكل من ايده وكانت فعلا مبسوطه بوجوده جنبيها..
ــــــــــ بقلم_الكاتبه_رحاب_القاضي ــــــــــ
_بعد شويه في بيت فريده دخلت اوضة مريم اللي كانت نايمه علي السرير، وحطتلها طبق شوربا وقالت..
فريده
يلا يا حبيبتي عشان تاكلي، لان في علاج اد كده هتاخديه دلوقتي..
مريم مسخت دموعها وقالت
لا يا ماما انا هاخد العلاج علي طول مش هاكل..
فريده
انتي شكلك وحشك الشبشب بتاعي اللي كان بيسقف علي وشك، انا يتقالي حاضر وبس فاهمه ولا لا..
مريم ابتسمت وقالت
حاضر يا ماما..
فريده
ما تزعليش من معتز يا مريم، ده ابنه برضو وهو معاه حق لان سيف ده خبيث فكري كويس هو سيف كان هيسكت ويستني معتز ينقذك اكيد لا..
مريم بحزن
مش قادره انسي كلامه يا فريده وهو بيقول انا المهم عندي ابني وبس..
فريده
انتي معاكي حق في زعلك بس بلاش تسيبي معتز والله بيحبك..
مريم بدموع
لو سمحتي يا ماما بلاش تخليني اعمل حاجه هتتعبني انا هبقي مرتاحه اكتر ومعتز بعيد عني.. بس ممكن تجيبيلي اياد عندي هنا قبل ما تروحي المستشفي عند طنط الفت..
فريده
يا بنتي هيتعبك وانتي مش قادره تتحركي سيبيني انا هاخده معايا..
مريم
لا انا بعرف اتعامل معاه كويس، بس عاوزه اشبع منه مش عارفه اللي جاي فيه ايه بقي…
ــــــــــ #بقلم_الكاتبه_رحاب_القاضي ــــــــــ
_في قسم الشرطه دخل معتز الزنزانه اللي فيها سيف وكان قاعد بيعيط زي العيل الصغير وبيقول بصوت واطي..
سيف
حاضر هطلع الاول انا احسن واحد، انا ما فيش حد في مستوايا، ما حدش بيحبني وكلهم بيغيرو مني..
معتز
مش كفايه بقي شغل العيال الصغيره ده…
سبف بقلق ساله
مريم كويسه، انا ما كنتش عايز اذيها والله..
معتز
مالكش دعوه بمريم تاني انت خلاص مستحيل تشوفها، وهتفضل هنا لحد ما تعفن..
سيف وقف قدامه وقال
شوفت مش انا خونتها وعملت كل حاجه وحشه في الدنيا بس انت مستحيل تحب مريم قدي، العيب الوحيد اني معرفتش احافظ عليها..
لكمه معتز في وشه وقال
لو جيبت سيرتها تاني هقتلك يا سيف، فين يوسف وبلاش جو الجدعنه اللي بتعمله معاه ده..
سيف ضحك
هههههه لا انا مش هبقي جدع معاه، انا وحش اصلا ومش بحب حد يوسف عند عوض خيري علي الجبل، تقريبا الجبل ده طريقه من ناحية ارض فخري القديمه اللي كان فيها البيت اللي متخبي فيه يوسف، حماك ده شاطر اووي ليه كلمه في البلد وهو اللي كان مشغل فخري وعوض وكل الاشكال دي وساعدني عشان اخد منك مريم وهو ياخد حفيده شوفت طلع انت كمان اللي بتحبهم بيكرهوك اهوو
معتز
عارف يا سيف انت هيحصل فيك ايه اوحش حاجه في الدنيا انت هتطلع من هنا علي مستشفي اللمراض العقليه لان ده المكان الوحيد اللي هيخلصني منك وهيناسبك اووي..
طلع معتز وسيف دموعه نزلت وقال بصوت عالي
انا بقيت كده بسببكم، انتو السبب انتو اللي خليتو سيف يبقي كده..
_في المستشفي دخلت فريده اوضة اولفت ولقيتها صاحيه ومفتحه عينيها..
فريده
حمد لله علي سلامتك يا الفت، كده قطعتي بيا ده انا مش لاقيه حد يشرب معايا القهوه..
الفت
واغلي حاجه عندك ما تكدبي عليا، ابني كويس ومريم كويسه،ولا راحو هما كمان زي فاروق؟..
الفت
والله العظيم معتز ومريم واياد كويسين، وفارق ربنا يرحمه..
الفت بدموع
كان نفسي تبقي علاقتنا كويسه قبل ما يسيبني، علي الاقل ما كانش مشي واحنا زعلانين..
فريده
ادعيله يا الفت ربنا يرحمه ويسامحه…
_وبعد كام يوم كانت مريم قاعده في الصاله وحالتها بقيت احسن شويه واياد في حضنها وبيتفرجو علي التلفزيون..وقربت منها فريده..
فريده
امسكي يا مريم معتز عايزك في حاجه مهمه..
مريم بضيق
مش عايزه اكلم حد يا فريده لو سمحتي..
فريده
الو يا معتز سمعت قالت ايه؟..
معتز
افتحي الاسبيكر يا فريده لو سمحتي..
فتحت فريده الصوت وقالت
اهي سمعاك..
معتز بصوت حزين
انا عارف انك زعلانه مني وماويه كمان تسبيني، بس عارف انك اكتر حد بيحب اياد ويمكن اكتر مني كمان انا رايح اجيب يوسف من مكان خطر جدا ويا هرجع يا مش هرجع عايزك تخلي بالك من نفسك ومن اياد وامي وتسامحيني وتعرفي اني اقسم بالله ما كان قصدي اتخلي عنك ولا اسيبك وعمري ما حبيت ولا عرفت يعني ايه حب غير معاكي..
_خلص كلامه وقفل بسرعه من غير حتي ما يسمع ردها، وهي دموعها نزلت وبرغم كل اللي حصل منه هي لسه بتحبه وخايفه عليه جدا..
اياد
ماما هو بابا راح فين؟..
مريم حضنته وقالت
جاي يا حبيبي ابوك بسبع ارواح وان شاء الله هيرجع..
فريده
انا هروح اجيب الفت هنا عشان مش هينفع تقعد لوحدها..
مريم بغيظ
انا عايزه افهم حاجه انا بحب طنط الفت والله بس هي هتيجي تقعد هنا واياد معايا والبيه متصل يخوفني عليه وياكدلي اني لسه بحبه هسيبه ازاي انا بقي ده انا حتي لو زعلت منه الناس بره تقولي عيب ده انتو اهل في بعض..
ضحكت فريده وقالت
هههههه قولتلك سامحي، ده العفو عند المقدره يا مريم..
مريم بجمود
سامحت كتير كفايه بقي، هو حتي اهو مكلمني عشان اخد بالي من ابنه..
فريده
يا بنتي كفايه ما هو قالك انه بيحبك وقالك خدي بالك من نفسك…
مريم بحده
فريده ورحمة ابويا وامي ما هرجع لمعتز تاني، ارتاحتي يلا بقي روحي هاتي الوليه لتغير رئيها وتدخل غيبوبه تاني..
ــــــــــ #بقلم_الكاتبه_رحاب_القاضي ــــــــــ
_في عربية الشرطه كان معتز لابس لبس الشرطه وماسك سلا*حه وعيونه كلهة غضب وجنبيه حازم وعلاء والعساكر ورايحين ناحبة الجبل اللي متخبي فوق منه يوسف..
حازم
كان بدري عليك يا حازم كان بدري مقضي شهر العسل وسط العساكر والاكشن منك لاه يا بابا كان مالي اما وكال الشرطه…
علاء بحده
ما كفايه بقي ده انت تسيتنا المهمه هنعمل فيهة ايه..
حازم
ما هو اللي ايده في المايه مش زي اللي ايده في النار..
علاء
طيب خف بقي وروح قول حاجه لمعتز ده مش ناوي علي خير خالص…
قام حازم وقعد جنب معتز وقال
ممكن نتصرف بالعقل شويه، العصبيه هتخرب كل حاجه..
معتز بجمود
بالعكس انا عاقل اووي، بس الموضوع مش مجرد قضيه ده تار ابويا واللي حصل في اهلي يا حازم وهي كلمه واحد بس اللي هينزل من علي الجبل عايش يا انا يا يوسف..
_تفتكرو بقي مين اللي هينزل عايش، وفعلا معتز اتجوز مريم عشان هي اللي تربيله ابنه لوحدها ولا هيربيه هو؟..
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية اتجوزني عشان اربيله ابنه بس)
تحفه
روايه جميله جدا