رواية ابنه بائعه الخضار الفصل السادس عشر 16 بقلم هبة نصر

رواية ابنه بائعه الخضار البارت السادس عشر

رواية ابنه بائعه الخضار الجزء السادس عشر

رواية ابنه بائعه الخضار الحلقة السادسة عشر

مروه بعصبيه/ الو..انت فين ..احنا تقريبا انكشفنا
عمرو/…………………
مروه / طب اقفل ..اقفل .. انا جايه
ليرن تليفون مروه لتجدها سمر
مروه/ ايوه يا سمر .. عايزه ايه بعد ما مامتك طردتنى
سمر/ …………………..
مروه/ وانا مش عايزه اقابلك
سمر/ خلاص خلاص .. ستناكى على اول الشارع
مروه محدثه نفسها / اما نشوف ست سمر دى عايزه ايه هى كمان .. عامله نفسها ناصحه..و فكرانى هبله وهتعرف توقعنى فى الكلام .. بس انتى متعرفنيش يا سمر
……………………
تصحو امال على خبط الباب ورن الجرس
امال/ خير يارب .. وتذهب لفتح الباب.. لتتفاجأ بأمل التى ترمى بنفسها فى حضن امها .. وكأنها وجدت شط النجاه بعد صراع طويل اوى
امال/ امل .. خير يا بنتى ايه اللى جابك فى وقت زى ده
امل/ انا سيبت القصر وسليم وكل حاجه ومش راجعه هناك تانى .. وتضع يدها على بطنها
امال/ انتى حامل يا أمل .. وايه اللى حصل يا بنتى لكل ده
لتبدأ امل فى حكى كل ما حدث من يوم الصباحيه الى ان خرجت من القصر
امال/ معقوله سليم يعمل كده .. طب ليه
امل/دلوقتى انا لازم امشى من هنا .. لان اكيد سمر هتقوله انى حامل.. واكيد هيجى علشان اللى فى بطنى مش علشانى
امال / هتروحى فين وبيت ابوكى موجود
امل /هروح اى حته
امال/ طب استنى انا هاجى معاكى عند خالتك سعاد .. هوصلك وارجع
لتنزل امل وامها لتذهب لسعاد التى تتفاجأ بهم فى وقت متأخر
امال/ معلش يا سعاد .. امل هتبات عندك كام ليله
سعاد/ خير هو فيه حاجه حصلت بينها وبين جوزها
امال/ معلش يا سعاد .. خليها تنام دلوقتى وترتاح .. وانا هبقى احكيلك كل حاجه بعدين .. انا لازم امشى علشان سايبه عبير نايمه لوحدها فى الشقه
سعاد/ ماشى ياختى ..روحى انتى ومتقلقيش على امل .. دى فى عنيا
امل/ معلش يا خالتى .. هتقل عليكى
سعاد/ اه هتقلى عليا اووى .. بطلى هبل يا بت انتى وادخلى يلا نامى .. انتى عارفه انى عايشه لوحدى من بعد بنتى ما اتجوزت وسافرت مع جوزها
امل/ وهى عامله ايه .. هتيجى امتى .. دى وحشتنى اوى
سعاد / بتقول قريب .. انتى عارفه ان اول سنتين مفيش فيهم اجازات .. يلا حبيبتى ادخلى نامى .. ربنا يهدى سرك ويصلح لك حالك
………………………..
لتدخل امال البيت وتذهب للاطمئنان على عبير لتجدها نايمه ولا تشعر بأى شئ ..
امال/مكدبتش امل لما قالت عليكى خم النوم .. لتخرج من الغرفه على صوت جرس الباب
لتفتح امال الباب وهى تدعى النوم وتتثائب/ خير مين اللى بيخبط دلوقتى .. مين سليم . خير يا ابنى .. فيه حاجه . امل بنتى حصلها حاجه
سليم/ ابداً ياماما..هى امل مجتش هنا ..
امال وهى تدعى المفاجأه/ امل بنتى ..ليه هى راحت فين.. وايه اللى حصل معاها خلاها تسيب البيت فى وقت زى ده
سليم / مش وقت حكاوى دلوقتى .. انا قلقان عليها وعايز اعرف راحت فين .. انا هنزل ادور عليها .. وارجوكى لو اتصلت بيكى او جت .. ارجوكى كلمينى
امال بقلق مصطنع/ حاضر يا ابنى .. جيب العواقب سليمه يارب
ليخرج سليم وقلقه يزداد على امل
امال وهى تغلق الباب خلف سليم بعد ان تأكدت من نزوله/ ايوه كده .. اتربى شويه .. علشان تعرف قيمه بنتى
…………………………..
ليمر وقت قصير لتصل سمر وشريف الى مروه التى تقف منتظره وصول سمر .. لتقف سياره وتطل سمر من الشباك
سمر/ اركبى يامروه
مروه / اركب فين .. ومين اللى معاكى ده
سمر / يعنى هنقف نتكلم فى الشارع .. وبعدين متقلقيش .. دا شريف اخويا .. هنقعد فى كوفى شوب نتكلم شويا
لتركب مروه / ها عايزه ايه يا سمر
سمر/ عايزه اعرف انتى ليه عملتى كده فى امل
مروه بإرتباك/ انا معملتش حاجه .. انا يادوب كشفتها على حقيقتها .. ومتبلتش عليها
شريف / لا واضح فعلاً انك متبلتيش عليها خااالص
مروه/ ايه دا انت خارج بره القاهره .. انت رايح فين
شريف / هنقعد قاعده رومانسيه كده فى الصحرا .. علشان نعرف نتكلم براحتنا
مروه وهى تحاول فتح باب السياره وتفشل/ افتح الباب ده بقولك .. ولا هصوت وأقول انكم بتاجروا فى الاعضاء وخاطفنى
شريف وهو يخرج مسدسه من تابلوه السياره/ طب ورينى كده هتصوتى ازاى
لتنكمش مروه فى نفسها .. تفكر كيف ستخرج من هذه الورطه
……………….. ..
عفاف/ طمنى يا سليم .. فين امل
سليم وهو يرمى نفسه على الكرسى ويضع رأسه بين كفيه /مش عارف ياماما .. مش عارف
عفاف بعصبيه/ يعنى ايه مش عارف .. مروحتش بيت امها وسالت عليها
سليم/ دا اول مكان دورت فيه
عفاف/ يعنى هتكون راحت فين .. دى ملهاش اصحاب غير سمر .. اكيد مراحتش عند امها علشان عارفه ان دا اول مكان هتدور عليها فيه
سليم وهو ينزل على الارض ويضع رأسه على رجل امه ويبكى/ انا هموت ياماما .. قلبى واجعنى عليها ..انا مش هقدر اعيش من غيرها
عفاف/ طول عمرك كده يا سليم .. عمرك ما اتكلمت مع حد ولا فتحت قلبك لحد ولا مره حكيتلى اللى تاعبك .. دلوقتى عرفت قيمتها .. صدقت كلام واحده زى مروه ..عن امل .. امل اللى ربنا جاعل فى وشها نور وقبول عمرو ما شفته فى حد .. تعرف ان من اول مره انا شوفتها فيها وانا دعيت ربنا انها تبقى من نصيبك .. وسبحان الله من اول ماشفت الل اسمها مروه دى وانا قلبى محبهاش .. اول مره اعرف انك غبى كده ياسليم
سليم/ انا فعلا غبى .. علشان ضعيت اول حب وحب عمرى من ايدى .. انا ازاى قفلت مخى وصدقت كلامهم عن امل .. بس بردوا تجاهل امل ليا هو اللى خلانى اصدق كلامهم .. انى فعلاً مش مهم عندها وان اهم حاجه عندها هى الفلوس والالماظ والمستوى المادى العالى
عفاف/ عارف امل كانت بتاخد مصروف كل اسبوع زى سمر اختك .. سمر كانت تخلص مصروفها تانى او تالت يوم فى الاسبوع .. لكن امل مصروفها كان بيفضل معاها .. ولما اقولها انتى مبتصرفيش زى سمر ليه .. تقولى مش محتاجه حاجه.. دى لو واحده كل همها الفلوس هتصرف وتجيب كل اللى نفسها فيه …. ربنا يهديك يا ابنى
………………………
مروه/ انتو جبتونى هنا ليه .. هصوت والم عليكم الناس
شريف/ اوى اوى .. عايزه تصوتى . ثوانى اجبيلك ميكروفون تصوتى فيه علشان صوتك يبقى واضح
مروه بخوف/ انتوا عايزين منى ايه
سمر/ بصى يا مروه .. انا متأكده انك اتفقى انتى وعمرو على امل ..و انتى ممكن تخرجى من هنا فى حاله واحده
مروه/ ايه هى
سمر/ تحكيلنا على كل اللى حصل .. وتقولى لنا مكان عمرو
مروه / انا معرفش حاجه .. ومعملتش حاجه .. خرجونى من هنا
سمر وهى تمسك وجهه مروه بقوه كادت اظاهرها ان تغرس فى وجهها/ بت انتى .. انتى متعرفيش وشى التانى . انتى هتقولى ايه اللى حصل وتنفذى اللى احنا عايزينه ولا اسيب التيران اللى واقفه دى عليكى .. ووقتها مش هتبقى صور فيك ومتركبه .. لا دا هيبقى فيديو وتريند .. القبيحه والتيران
مروه بخوف / هقول .. هقول ..وتبدأ فى سرد ما خططت له هى وعمرو
شريف /واللى اسمه عمرو دا نلاقيه فين دلوقتى
مروه/ تلاقوه فى الشقه بتاعته .. هو دايما بيشرب وبيسكر فيها .. وتعطيهم عنوانها
شريف وهو يرسل بعض من رجاله ليحضروا عمرو من شقته .. وبعد وقت .. يرجع الرجال ومعهم شريف وهو بملابسه الداخليه
سمر/ اخص الله يكسفك .. مش كنت سترت نفسك بحاجه..دايما مفضوح كده
احد الرجال / احنا اسفين يا انسه سمر .. كانت معاه واحده وو… .. ولما جينا نمسكه حاول يهرب واضطرينا نجيبه كده
عمرو/انتوا مين وعايزين منى ايه
سمر / دا انت نظرك رايح خالص .. ايه مش شايفنا .. طب شريف والرجاله ومش عارفهم .. كمان انا ومروه مش عارفنا
عمرو وهو يفتح عينها المقفوله من اثر الخمره/ مش واخد بالى
لتصل شريف بسليم ويطلب منه الحضور اللى الفيلا فى الطريق الصحراوى