رواية إمتلاك بالإجبار الفصل السابع والعشرون 27 بقلم هاجر عبدالحليم

رواية إمتلاك بالإجبار الجزء السابع والعشرون

رواية إمتلاك بالإجبار البارت السابع والعشرون

رواية إمتلاك بالإجبار الحلقة السابعة والعشرون

فى بيت اعتدال
فى اوضة ايات
ايات بعياط:يعنى انا اللى طلعت رخيصة وثقت فى بنى ادم ضعيف مستعد يتجوز واحدة فى السر استغل حبى ليه وضعفى قدامه واهو دلوقتى هيروح يخطب غيرى علشان خاطر الفلوس
اسراء:بطلى عياط انتى بتعيطى على ايه قومى امسحى الدموع دى انتى اقوى من كدة…..وبعدين احمدى ربنا انك سليمة تعرفى لو كان قرب منك كانت سنتنا سودة كلنا
ايات بعياط:انا قلبى مجروح اوى يااسراء ياريتنى اقدر اطلعه من قلبى…انا لسة بحبه.بس لا انا لازم الحب دة ادوس عليه..انا كدة هخليه يطلقنى ولو نشف دماغه انا هقول لاهله
اسراء بشفقة:مش عارفة اقولك غير ربنا يصبرك على الابتلاء دة…انا عارفة انه شديد…ازمة وتعدى ان شاء الله
ايات:تسلمى ياحبيبتى يلة سلام
وقفلوا مع بعض
ايات قاعدة على السرير وسايبة دموعها تجرى على خدها بحرقة….صعب اوى لما تحس انك رخيص..هى اللى رخصت نفسها قدامه بدل متغليها..ليه عمل فيها كدة…هو بيحبها…بس حب ضعيف
ترن ترن
ايات:الو
مش عارفة صوتى
ايات باستغراب:لا معرفش مين اللى بيتكلم
ايدة هو انتى كنتى بتعيطى ولا ايه
ايات:انت هتقول مين ولا اقفل
سليم:انا سليم ياايات
ايات:منا عارفة انه انت
سليم:كدابة على فكرة
ايات:خير فى حاجة
سليم:لا بصراحة بكلمك علشان اطمن عليكى بعد الحلم اللى حلمته
ايات باستغراب:انت حلمت بيا…وياترى بقا حلمت ب ايه
سليم:هو حلم مينفعش اقولك عليه علشان الصراحة انا مش هتجرا احكيه بس اللى فهمته انك فى مشكلة ومحتاجة حد جمبك
ايات سرحت شوية فى كلامه معقولة حس بيها
سليم:ايات انتى معايا
ايات:اه معاك سليم تقدر تقابلنى بكرة ف كافيتريا…….فى موضوع عايزة اتكلم معاك فيه وبصراحة مينفعش يتاجل
سليم بقلق:يبقى فعلا الحلم اللى حلمته دة رويا من ربنا….انا بصراحة كنت بحسبه كابوس…خلاص ياايات بكرة هتلاقينى موجود فى الميعاد…ايات
ايات:نعم
سليم بنبرة حانية:تاكدى ان مهما كان حجم المشكلة هتلاقينى جمبك ومش هسيبك….وهحاول على قد مقدر اخليكى تتخلصى من المشكلة دى علشان احنا صحاب مش كدة ولا ايه
ايات ضحكت ضحكة خفيفة وقالت:اه طبعا صحاب…انا استريحتلك اوى ياسليم
سليم:تصبحى على خير
ايات:وانت من اهله
وقفلوا
فى قصر الصمدى
فى اوضة سليم
مارينا:شكلك وقعت ياسولم….اشمعنى البت دى بالذات…دة كان فى بنات اشكال والوان قدامك وكلهم يتمنوا اشارة منك.
سليم:انتى اللى بتكبرى المواضيع….انا بس استغربت من الحلم اللى حلمته فصحيت علشان اطمن عليها مش اكتر وبعدين انتى ايه اللى مقعدك معايا روحى نامى ياعروسة خطوبتك بكرة
مارينا بهيام:انا بجد فرحانة اوى اخيرا هتخطب لمومن انا بحبه اوى ياسليم
سليم باس راس اخته وقال:ربنا يكمل فرحتك ياحبيتى على خير…مومن شاب كويس وهيراعى ربنا فيكى
مارينا غمزت لسليم وقال:بس ايات جامدة مش كدة يالهوى على جمالها تعرف لو انا كنت ولد كنت فكرت
سليم ضربها بالمخدة وقال:تصدقى بالله انتى بنى ادمة رخمة….اطلعى برة
مارينا:ماشى ياسولم مسيرك تحتاجنى ساعتها
وسكتت شوية وقالت:هساعدك برده علشان انت اخويا وبحبك سلام
ومشيت
سليم نام على السرير وحط ايده على راسه وسرح فى السقف وقال:ياترى فيكى ايه ياايات….الافعى اللى شوفتها محاوطاكى فى الغابة دى معناها ايه….انا مش عارف اى نوع المشكلة اللى عندك…بس صدقينى ياايات مش هسيبك بعد م لاقيتك
فى فلة الالفى
فى اوضة جاسر وعيون
فاطمة:يعنى الدكتور قالك ان عيون نسيت اخر 6 شهور من حياتها
جاسر:ايوة بدليل احنا اهو ف شهر 12 وهى بتقول ان احنا ف شهر 6 المهم الدكتور ايدانى المرهم دة وقالى تتدهن جسمها بيه لمدة شهر وبعديها تقدر تعمل العملية
عيون بكسوف:اكيد انت مش اللى هتتدهن جسمى….يسرية تعالى انتى علشان ستى شكلها تعبانة مش عايزة اتعبها زيادة
جاسر بصلهم بضحة توقع اى بنت فى غرامه عيون اتضابقت بس معلقتش
فاطمة:يابنتى دة جوزك حلالك هتخبى جسمك عنه ليه
عيون بسكوف:بلاش الكلام دة ياستى الله
جاسر:خلاص وشك بقا تفاحة يخربيت سنينك.انا اصلا مش هقدر اشوف جسمك وهو بالطريقة دى يسرية احنا هنطلع برة عقبال متتدهنى جسمها بعد كدة اندهيلى
يسرية:ماشى ياسى جاسر من عينى احنا عندنا كام عيون دى واحدة هى اللى ست البنات
عيون بصتله بصدمة معقولة حاسس بنفور منها ومن جسمها….علشان كدة قال الكلمتين دول
جاسر بصلها ومش فاهم ليه نظرات الصدمة فى عنيها كان فاكر ان كسوفها هيروح لما يخرج
فخد بنته وسته وخرجوا من الاوضة
يسرية قلعت لعيون هدومها علشان تتدهنلها المرهم جسمها اشعر من اللى شافته وقالت فى سرها:لا حول ولا قوة الا بالله ياعينى عليكى يابنتى هيعرف يتعامل معاكى ازاى على كدة الله وانتى مالك بابسرية هو كان بيقرب منها اولانى خلينى ادهنلها المرهم وامشى علشان مش هستحمل اشوف منظرها كدة كتير
عيون عرفت يسرية بتفكر فى ايه الدمعة خانتها حست ان انوثتها اتهانت
خلصت يسرية وخرجت ودخل جاسر الاوضة
جاسر:انتى بخير
عيون:ملكش دعوة بيا…لا مش بخير ارتحت
جاسر قعد جمبها وقال:عيون مالك لو سمحت مش عايزك تدارى اى حاجة عنى…انا جوزك ومشكلتك هى مشكلتك
عيون بعياط:لا مفيش حد حاسس بيا…انا واحدة مش عارفة اى حاجة كلهم بيقولولى انك جوزى وانا المفروض اصدق واتعامل معاك واسلملك نفسى بالغصب حتى لو انا عايزة حالتى دلوقتى مش هتسمح بحاجة زى كدة..انا دلوقتى مش انثى بما فيه الكفاية….هتحس بنفور منى زى م يسرية حست…يسرية اللى انا ست زى زيها بالك بقا براجل معرفش هو بيفكر فى ايه اصلا…انا لسة بحب مازن بس هو اللى يقدر يملكنى مش انت
جاسر متصمر فى مكانه مش قادر يفكر ولا حتى يتكلم هى ازاى تفكر فى كدة اصلا لقا نفسه بيضربها قلم جامد
عيون بصدمة:انت رفعت ايدك عليا
جاسر شد دراعها جامد وقال بعصبية وغيرة:وجرك من شعرك كمان لو حبيت انتى ازاى تجيبى سيرة راجل تانى ف وش جوزك تعرفى لولا انى عارف الاصول كان زمانى خت حقى الشرعى منك بالعافية علشان اعرفك انتى ملك مين….وبعدين هو انتى فاكرانى حيوان علشان اقرف من مراتى ف وقت هى محتاجانى فى جمبها خلى عندك ثقة فى نفسك وف انوثتك واهم من كل دة خلى عندك ثقة فى جوزك بدل منفضها سيرة احسن فاهمة
ورما على السرير وخرج ورزع الباب الباب فى ايده
اما هى فندمت على كل كلمة قالتها بس دة من قهرها وحزنها على نفسها قالت كدة
تانى يوم
فاطمة:رايح الشركة انهردة يبنى
جاسر:ايوة ياستى رايح انهردة عايزة منى حاجة
فاطمة:سلامتك وبس ياروح ستك جاسر لازم تتصرف مع عيون وتحاول تصلح اللى بينكوا انت غلط لما روحت مع بسملة امبارح
جاسر:عايزانى اعمل ايه انتى متعرفيش ايه الكلام اللى قالتهولى
عيون:صباح الخير
الكل:صباح النور
فاطمة:ايه ياعيون مزعلة جوزك ليه
عيون:هو اشتكالك منى
فاطمة:والله ابدا يابنتى ولا اشتكا ولا نيل هو مش بيحب يدخل حد فى حاجة تخصه من صغره وهو كدة
جاسر بص لعيون بحدة وقال:لحد امتى
عيون:ممكن لما تيجى من الشركة بسلامة تيجى واتكلم معاك شوية
جاسر:حاضر ياعيون
وقرب منها وباس راسها وقال:عايز ارجع الاقى عيون المجنونة ياما انا اللى هرجعها بس عايز مساعدتك…عيون انتى احلى حاجة حصلتلى ف حياتى…فوقى كدة وافتكرى بدل م والله اضربك على مخك دة علشان يفتكرنى بالعافية
عيون ضحكت وقالت:حاضر هحاول
جاسر:احبك وانت بتسمع الكلام يلة سلام وخدى بالك من بسملة
عيون:حاضر فى عنيا
جاسر ضحك ومشى وهو حاسس انه مبسوط بس كلامها بتاع امبارح لسة فى دماغه ومش عارف يشيل كلامها من دماغه لازم يثبتلها العكس بس ازاى
فى كافتريا ما
سليم:اتكلمى ياايات انا سامعك
ايات مش عارفة تتكلم وعمالة تفرك فى ايدها هو مسك ايدها وداس عليهم علشان يطمنها وقال:متخافيش كدة ياايات…اتكلمى على طول وخلى عندك ثقة فيا
ايات:خايفة تندم على الكلام اللى قولته
سليم:جربى وشوفى
ايات:سليم انا مش بهزر بصى انا هقول الكلمة ورزقى رزقك على الله
وغمضت عينها جامد وقالت بتوتر:سليم انا متجوزة
وفضلت مغمصة عينها بس سكوت سليم خوفها فتحت عينها لقت سليم بصلها بصدمة…كانه مش مستوعب الكلام اللى قالته
بعد ايده عنها وقال:انتى قولتى ايه
ايات بخوف:بقولك انا متجوزة
سليم قرر يمشى قبل ميفقد اعصابه لان لو وقف معاها زبادة خايف ليتهور ويضريها
جاى يمشى بس هى مسكت ايده وقالت بعياط:سليم انت وعدتنى انك هتساعدنى ابوس ايدك ياسليم انا مش قدامة غيرك اللى انا متجوزاه خدعنى وضحك عليا اتجوزنى فى السر…ودلوقتى عايز يخطب غيرى…انا عايزة اطلق منه ارجوك ساعدنى
سليم غمض عينه وقال:انتى متجوزة عرفى ولا رسمى..ومين اللى انتى متجوزاه
ايات بقلق:لا رسمى….اللى انا متجوزاه يبقى مومن
سليم بصلها وقال بعصبية:مومن…انتى بتتكلمى بجد جاية تقولى الكلام دة دلوقتى وخطوبته على اختى انهردة بليل
وشد دراعها جامد وقال:انتى ازاى رخيصة كدة…..انا هفضحه وافضك
ايات بخوف:لا ياسليم ابوس ايدك انت متعرفش حاجة…انا مش عايزة منه اى حاجة خالص غير طلاقى منه.والله ملمسنى ولا قرب منى
سليم ميعرفش ليه حس بارتياح لما عرف انها عذراء
سليم:طب انتى ليه قولتيلى حاجة زى كدة هو انا سالتك
ايات بتوتر:بس علشان تعرف انى مش رخيصة
سليم:لا انتى رخيصة ياايات…لما توافقى على جوازك منه فى السر من غير فرح ولا اشهار ف ايوة انتى رخيصة..ايات انتوا ليكوا مكان بتتقابلوا فيه ولا لا
ايات:ايوة ليه
سليم:اكيد معاكى نسخة من المفتاح
ايات:ايوة بس انت ايه اللى فى دماغك
سليم:امسحى الدموع دى وكلميه واعملى اللى هقولك عليه بالظبط مفهوم
ايات:حاضر
فى قصر البحيرى
مومن نازل بسرعة رهيبة من على السلم
ساندى:مالك يامومن
مومن:ايات كلمتنى وقالتلى انها تعبانة وبترجع عايزانى اجى اشوفها
ساندى بقلق:دلوقتى يامومن دى خطوبتك انهردة
مومن:جاى على طول ياساندى مش هتاخر اهم حاجة بس تدارى عليا ساعة بالكتير
ساندى:بس يامومن مومن
مشى بسرعة من غير اى كلمة تانى وساب ساندى فى وش المدفع
فى فلة يوسف
ايات رايحة جاية بتوتر سليم شافها كدة اتعصب فجاه وقال
سليم:اقعدى ياايات قولتلك كل اللى فى دماغك هيحصل
ايات:بس انا خايفة ومش عارفة رد فعل مومن هيكون ايه مش عارفة هو هيعمل ايه…هيواجه اهله علشانى ولا لا
سليم بغيرة:انتى اللى اتخدعتى فيه…غلطتى لما مشيتى ورا مشاعرك ولغيتى عقلك بس متقلفيش كل شى هيتحل
مومن وصل وفتح الباب اتفاجى بسليم
مومن بصدمة:انت هنا بتعمل ايه
سليم قرب منه وضربه بوكس ف وشه
مومن بعصبية جاى يضربه بس اللى وقفه
سليم:لو مستغنى عن ايدك المسنى
مومن بص ل ايات وقال:ولا عال ياست هانم روحتى اشتاكيتى ل سليم فاكراه هبعرف ينجدك منى ماشى برده اللى فى دماغك مش هيحصل مش هطلقك ياايات
سليم مسك قميص مومن وقال:كلامك معايا مش معاها انت فاهم
مومن بغيرة:ليه حضرتك كنت واصى عليها وانا معرفش
سليم بعصبية:انت كنت فاكرها صيدة سهلة لكن دلوقتى لا انت ياما تتطلقها يااما تعترف قدام عيلتلك انها تبقى مراتك
مومن:انا ولا عندى استعداد لدة ولا دة…اسمع انا هبقى فى الشارع لو مخطبتش اختك…واختك بتحبنى فخاف على مصلحتها احسلك…وبعدين بلاش تعملى فيها شجيع السيما…اساسا انا مش هطلق ايات بعد معرفت طعم شفايفها وعرفت دفء حضنها عاملين ازاى
سليم ضربه جامد فى وشه وفبطنه وهو بيقول
طلقها طلقها ياوسخ قسما بالله منا راحمك غير وانت جثة فى ايدى
مومن بعد نفسه عن سليم بالعافية وقال:ايه جتلك على الجرح…مش هسيبهالك….ايات روحها فى ايدى فكر بس كدة تقول لاختك حاجة وفضيحة ايات هتبقى على النت انا مكنتش نفسى اعمل كدة ولا كنت هطلع الكارت دة…بس كنت متوقع ان في حاجة هتحصل
ايات بخوف:عملت ايه يامومن بلاش تعمل حاجة تكسرنى بيها وتسقط من نظرى
مومن بحزن:انا اسف ياايات بس انتى اللى خليتينى اعمل كدة انا مصور ايات وهى فى الحمام فكر كدة تقول لحد وفضيحة ايات هتبقى على اليوتيوب😱😱😱😱😱😱😱
ايات بصدمة حطت ايدها على بقها من الصدمة وفضلت تعيط وتصرخ
مومن:سليم ايات ملكى انا وبس متحملش تقرب منها يلة سلام
ومشى
سليم غمض عينه جامد وصرخ بكل صوته
وقرب من ايات وضربها قلم وقعها على الارض