رواية إكليل الحياة الفصل السادس والأربعون 46 بقلم دودو محمد

رواية إكليل الحياة الفصل السادس والأربعون 46 بقلم دودو محمد

رواية إكليل الحياة الجزء السادس والأربعون

رواية إكليل الحياة البارت السادس والأربعون

رواية إكليل الحياة الحلقة السادسة والأربعون

“البارت السادس والاربعون”
تحرك اشرف بأتجاه الترعه وألقى نظره على هذه الج ثه ثم تكلم بصوت مصدوم وقال
اشرف :-ملامح الج ثه مش واضحه شكلها غرقانه بقالها فتره يعنى اكيد مش هتكون ابرار انت بتقول انها خارجه من الصبح
تنهد بأرتياح ثم قال بصوت قلق
سراج :-طيب هتكون فين بس دى المفروض تكون وصلت من بدرى
ابتعد عن الضجيج وقال
اشرف :-مش عارف ليكون مثلا العربيه عطلت بيها فى السكه وهو ده اللى آخرها
تنهد بقلق وقال
سراج :-مش عارف هجرب اتصل بيها تانى يمكن كانت مش سامعه التليفون
رد عليه سريعا وقال
اشرف :-ماشى وابقى طمنى لو وصلت لحاجه وانا لو وصلت فى اى وقت هكلمك على طول
اجاب عليه بصوت مختنق وقال
سراج:-ان شاءالله مع السلامه
اغلق الخط وقام بالاتصال بأبرار لكن دون جدوى لم يجد رد منها

ألقى الهاتف بجواره وظل يتجول بالغرفه بقلق شديد وكل عدة دقائق يحاول الاتصال بها ولم يجد اى رد خرج من الغرفه سريعا وغادر دون أن يتكلم مع أحد اوقف سيارة أجرة صعد بها سريعا واتجه إلى المحطه حتى يذهب إلى الصعيد.
…………………………………………………………….
خرج احمد من الجامعه ومعه وسام نظر لها بأبتسامه وقال
-انا كلمت بابا النهارده وهيشوف ميعاد فاضى عنده وهبلغه لباباكى علشان نيجى نتقدم
ابتسمت له بتوتر وقالت
وسام :-ان شاءالله
نظر لها بأستغراب وقال بتساؤل
احمد :- أنا ليه حاسس انك مش مرتاحه لموضوع الخطوبه دى
تنهدت بتوتر وقالت
وسام :-علشان حاسه انك متسرع جدا فى الخطوه دى وبتعمل كده علشان تهرب من مشاكلك وخايفه أن مجرد ما مشاكلك تتحل هتندم على الخطوه دى وممكن كمان تبعد
تكلم بضيق وقال بصوت مختنق

احمد :-انا عارف ان متسرع فى موضوع الخطوبه دى بس مش علشان اهرب من مشاكلى لا علشان تبقى جنبى وتقوينى علشان انتى الحاجه الحلوه اللى فى حياتى وجودك جنبى هو اللى بيدينى دافع أن اكمل
ثم أمسك يدها وقال بحب
-انا من غيرك ضعيف يا وسام مقدرش ابعد عنك ابدا مهما حصل
ابتسمت له بسعاده وقالت
وسام :-انا بحبك اوى يا احمد ومقدرش استغنى عنك وربنا يقدرنى واكون داعم ليك طول الوقت
وفى ذلك الوقت أعلن هاتف احمد عن وجود اتصال نظر بالهاتف وجدها ريم اجاب عليها سريعا وقال
-ريم عامله ايه يا حبيبتى
ردت عليه سريعا وقالت
ريم :-الحمدلله يا حبيبى عرفت اللى حصل
تكلم بعدم فهم وقال بتساؤل
احمد :-ايه اللى حصل
اجابته بتوضيح وقالت
ريم :-اختك ابرار مش لاقينها قالت لجوزها أنها رايحه الصعيد الصبح ولحد دلوقتى موصلتش وجوزها قالب عليها الدنيا
رد عليها سريعا وقال بعدم تصديق

احمد :-ايه اللى انتى بتقوليه ده يا ريم ازاى يعنى مش لاقين ابرار هتكون راحت فين يعنى
تكلمت بعدم معرفه وقالت
ريم :-وانا ايه عرفنى هو اتصل بأشرف وسأله عليها وقالوا كده وقاعدين مستنين اى خبر عنها
زفر بضيق وقال
احمد :-اقفلى يا ريم انا هتصل بجوزها وافهم منه ايه اللى حصل
اغلق الخط مع ريم ونظر إلى وسام وقال بقلق
-هاتى رقم اخوكى سراج حالا
نظرت له بقلق وقالت بتساؤل
وسام :-فيه ايه يا احمد فهمنى وآبرار مالها ايه اللى حصل
رد عليها بقلق وقال
احمد :-هاتى رقم اخوكى بسرعه وبعدين ابقى افهمك
اومأت رأسها بالموافقه وأعطته الرقم وأجرى اتصالا سريعا بسراج وانتظر الرد
اجاب عليه بلهفه وقال
سراج :-الو ابرار

رد عليه بضيق وقال
احمد :-انا احمد اخو ابرار عرفت ان هى موصلتش الصعيد وعايز افهم ايه حصل ما بينكم خلاها تسيب البيت وتروح الصعيد اكيد حصل مشكله ما بينكم
تكلم بغضب وقال
سراج :- وانت مالك بتدخل فى اللى ملكش فيه ليه انا ومراتى دى حاجه متخصكش
رد عليه بغضب وقال
احمد :-ولما انت راجل اوى كده مقدرتش تحافظ على مراتك ليه اهى اختفت ومش عارفين هى فين
صر على أسنانه بغضب وقال
سراج :-حظك أن انا مش فايق ليك دلوقتى كنت عرفتك مقامك بس اصبر عليا بس اوصل لابرار وأطمن عليها وليا كلام معاك بعدين
ثم اغلق الخط دون أن ينتظر رد منه
نظرت له بقلق وقالت
وسام :-انت زودها شويه مع سراج يا احمد هو اكيد برضه قلقان زيك على ابرار واعصابه تعبانه
نظر لها بضيق وقال

احمد :-اسكتى انتى متعرفيش حاجه اكيد هو السبب فى اللى حصل لاختى تلاقيها كانت رايحه الصعيد علشان تريح أعصابها شويه وترتاح منه ، أنا لازم اروح الصعيد حالا، تعالى يلا اوصلك قبل ما امشى
نظرت له بتوتر وامأت رأسها بالموافقه وصعدت السياره وقاد احمد بسرعه جنونيه وصل وسام إلى المنزل ثم اتجه إلى الصعيد .
……………………………………………………………
أمسكت ولاء هاتفها وظلت تحاول الاتصال بصديقتها لكن دون جدوى شعرت بقلق شديد واتصلت على “على” سريعا وانتظرت الرد وبعد عدة ثوانى سمعت صوته يقول لها
-ازيك يا ولاء عامله ايه
ردت عليه سريعا وقالت بقلق
ولاء:-مش كويسه خالص يا على عماله اتصل بأبرار من بدرى مش بترد عليا ممكن تسأل اخوك عليها كلمته ولا لا
تكلم بأستغراب وقال
على :-اهدى يا ولاء اكيد مش سامعه تليفونها ولا حاجه انا لسه فى الشغل مروحتش هتصل على سراج اسأله واطمنك
ردت عليه بترجى وقالت
ولاء :-بس بسرعه ارجوك احسن هموت من القلق عليها
اغلقت الخط وانتظرت اتصال “على” على احر من الجمر وبعد عدة دقائق أعلن هاتفها عن وجود اتصال إجابة عليه سريعا وقالت

-طمنى يا على قالك ايه
أجابها بصوت حزين وقال
على :-للاسف يا ولاء ابرار موصلتش الصعيد لحد دلوقتى ومحدش عارف يوصلها وسراج دلوقتى فى الصعيد
تكلمت بصدمه وقالت بقلق
ولاء :-ايه اللى انت بتقول ده ازاى موصلتش الصعيد هتكون راحت فين يعنى اكيد حصلها حاجه يارب استر طيب هما هيعملوا ايه علشان يوصلوا ليها
أجابها بعدم معرفه وقال
على :-مش عارفه بس اكيد هيبلغوا الشرطه وبعدين أهلها فى الصعيد مش شويه واكيد مش هيسكتوا وهيوصلوا ليها بسرعه
تكلمت بدموع وقالت
ولاء :-يارب يا على يوصلوا ليها بسرعه طمنى بالله عليك لو عرفت حاجه من اخوك
رد عليها بنبره مختنقه وقال
على :-طيب أهدى بس وان شاءالله خير مع السلامه
أغلقت الخط مع على وظلت تبكى بشدة وفى ذلك الوقت دلف معاذ الغرفه وجدها منهاره جلس بجوارها سريعا وربت على ظهرها بقلق وقال بتساؤل

-مالك يا حبيبتى بتعيطى ليه
نظرت له بدموع وقالت
ولاء:-ابرار يا معاذ راحت الصعيد من بدرى ولحد دلوقتى موصلتش ومش بترد على حد هموت من القلق عليها
رد عليها بأستغراب وقال
معاذ :-يعنى هتكون فين بس اكيد حصلت حاجه عطلتها فى السكه
حركت رأسها بالرفض وقالت بدموع
ولاء:-لا يا معاذ أنا قلبى حاسس ان ابرار فيها حاجه اصل عمرها ما ردت على اتصالى الا لو فيه حاجه منعتها انا خايفه عليها اوى أنا اصلا مكنتش مرتاحه لما قالتلى الصبح أنها رايحه الصعيد
وارتمت داخل أحضانه وظلت تبكى
ربت على ظهرها بحنو وقال
معاذ :-اهدى يا حبيبتى أن شاءالله تكون بخير والعربيه عطلت بيها فى الطريق ولا حاجه
تكلمت من بين شهقاتها وقالت بتمنى
ولاء :-يارب يا معاذ يارب
نهض وقال بأبتسامه قلقه
معاذ :-هروح ابلغ اختها يمكن اتصلت بيها ولا حاجه وعرفت مكانها
نظرت له بترجى وقالت
ولاء :-لو عرفت حاجه ارجوك طمنى

اومأ رأسه بالموافقه وخرج من الغرفه وتركها اتجه إلى غرفته وأجرى اتصالا بملك وانتظر الرد وبعد عدة ثوانى سمع صوتها السعيد وهى تقول
-اخيرا رضيت عليا واتصلت
رد عليها بصوت متضايق وقال
معاذ :-سيبك من الكلام ده دلوقتى ، هى ابرار متصلتش بيكى خالص النهارده
تكلمت بأستغراب وقالت
ملك :-ما انت عارف علاقتى أنا وابرار مش قد كده بس بتسأل ليه
أجابها بتوضيح وقال
معاذ :-اصلها راحت على الصعيد عند أهل باباها الصبح ولحد دلوقتى موصلتش هناك ومش بترد على تليفونها والكل قلقان عليها
ردت عليه سريعا وقالت بقلق
ملك :-يعنى ايه لحد دلوقتى موصلتش هتكون راحت فين كل الوقت ده وجوزها فين مكانش معاها ولا ايه
أجابها بالنفى وقال
معاذ :-على ما اعتقد مكانش معاها علشان هو كمان بيدور عليها
تكلمت بقلق وقالت
ملك :-دى لو ماما عرفت ممكن تروح فيها أنا هحاول اتصل بيها يمكن ترد عليا وتطمنى ، ولا اقولك أنا هروح ادور عليها بنفسي فى الصعيد
تكلم سريعا وقال بغضب
معاذ :-تروحى فين انتى اتجننتى
ردت عليه بضيق وقالت

ملك :-اتجننت ليه !؟ علشان قلقانه على اختى وهدور عليها أنا هلبس حالا وهروح الصعيد
زفر بضيق وقال بنفاذ صبر
معاذ :-متروحيش لوحدك مش بدل ما ندور على واحده هندور على اتنين اصبرى هغير هدومى واجى اخدك سلام
اغلق الخط بضيق ونهض من على السرير بدل ملابسه وهبط إلى الأسفل اوقف سيارة أجرة وذهب إلى بيت ملك حتى يأخذها ويتجهوا إلى الصعيد.
……………………………………………………………
وصل سراج إلى الصعيد ونظر إلى وجه الجميع بقلق شديد وقال بغضب
-انتوا قاعدين كده ليه مش اللى راحت دى بنتكم ولا ده مجرد كلام بيتقال وخلاص
نظر له الجد وقال بنبره هادئه
-اهدا يا ابنى احنا مش ساكتين رجالة البلد كلها بدور عليها والعمدة كلف الغفر بتفتيش كل بيوت البلد وان شاءالله يوصله ليها فى اقرب وقت ابرار دى لحمنا واكيد مش هنسكت على اختفائها ده
ابتسم بغضب وقال بنفاذ صبر
سراج :-انت ايه هدوء الاعصاب اللى عندك ده بنت ابنك مختفيه من الصبح عارف يعنى ايه يعنى ممكن يكون حصلها حاجه فى الطريق
رد عليه سريعا وقال
اشرف :-لو حصل حاجه زى دى فى الطريق كنا عرفنا احنا سألنا فى المستشفيات الموجوده هنا كلها وأكدوا أن مافيش حد بأوصاف ابرار دخل النهارده
ركل الحائط بقدمه وقال بغضب

سراج :-يعنى هتكون راحت فين أنا هبلغ الشرطه وهما هيعرفوا يوصلوا ليها بسرعه
حرك عم ابرار رأسه بالنفى وقال
صالح :-يا ابنى مش هينفع لازم تكون متغيبه عن البيت اربعه وعشرين ساعه وابرار لسه ملهاش كام ساعه مختفيه جمال وأشرف اولادى سألوا فى المستشفيات والأقسام كلها والحمدلله طلعت مش موجوده فيهم على الأقل احنا اطمنا أنها لسه بخير وان شاءالله نعرف نوصلها بسرعه
زفر بضيق وقال
سراج :-طيب سألته السواقين يمكن حد منهم شافها ولا ركبت مع حد فيهم
اومأ رأسه بالتأكيد وقال
اشرف :-حصل ومافيش حد شافها ولا ركبت مع حد فيهم
امسك رأسه بغضب وقال
سراج :-هتكون راحت فين بس الأرض انشقت وبلاعتها مثلا
تكلم الجد بنبره هادئه وقال
-لازم تهدا يا ابنى علشان تعرف تفكر كويس العصبيه والغضب فى الأوقات دى مافيش منها فايده بتقلل تركيزك وبتشدت افكارك
اغلق عينه بقلق وقال
سراج :-اهدا ازاى بس وانا معرفش مراتى فين
جلس على المقعد ووضع يده على وجهه حتى يهدأ قليلا وظل يفكر بهدوء لعله يتوصل لشئ يساعده معرفة مكان ابرار.
…………………………………………………………….

فتحت عيناها بألم شديد نظرت حولها لكنها لم ترى شئ من شدة الظلام شعرت بخوف ورهبه نهضت من على الأرض تحركت بحذر شديد حتى لا تلطتم بشئ أمامها حركت يدها على الحائط لكن دون جدوى حاولة تعود مره اخرى لكنها لم ترى شئ جلست على الأرض انهمرت دموعها بغزاره وبحثت على الهاتف سريعا لكنها لم تجده تكلمت بصوت مرتعش وقالت
-انا فين حد هنا ردوا عليا انتوا ياللى هنا انا بعمل ايه فى المكان ده
لم تسمع اى رد من الخارج جلست تتذكر اخر ما حدث لها .
…………………………………………………………..
فلاش بااااااك
تعطلت السياره بهم فى الطريق تكلم السائق بضيق وقال
-معلش يا جماعه العربيه عملتها معايا وشكل الكوتش حصل فيه حاجه هرجعلكم نص اجرتكم وانتوا كملوا الطريق بقى واسف ليكم بس غصب عنى والله
تكلمت سريعا وقالت بعدم فهم
ابرار :-طيب نركب ايه من هنا أنا معرفش حاجه فى البلد
أجابها بتوضيح وقال
-اركبى اى عربيه اجره من على الطريق ده كلهم رايحين نفس البلد لان الطريق ده سكته واحده بس وقريب من هنا مش بعيده

اومأت رأسها بالموافقه وهبطت من السياره
وخطت الطريق وظلت تشير بيدها إلى السيارات وفى ذلك الوقت وقفت لها سياره ملاكى وقال لها
-اتفضلى يا انسه تحبى اوصلك معايا
حركت رأسها بالنفى وقالت بتوتر
ابرار :-ل ل لا شكرا ا ا أنا بوقف عربية أجرة رايحه الصعيد
رد عليها بأستغراب وقال
-متقلقيش يا انسه أنا رايح نفس البلد اصلا الطريق ده بيودى على سكه واحده
حركت رأسها بالرفض وقالت
ابرار:-لا شكرا
نظر لها بأستغراب وقال
-براحتك أنا كنت عايز اساعدك مش اكتر
وتحرك بالسياره وتركها
نظرت إلى السياره بضيق وظلت تشير لسيارات الاجره وفى ذلك الوقت وقفت لها سياره اجره بها امرأتين ورجل نظرت لهم بقلق وصعدت السياره وتحرك سريعا بهم وشعرت بحركه غير طبيعه وفاجئه وجدت احد يمسك ذراعها بقوه و شئ يضع على أنفها فقدت الوعى ولم تشعر بشئ اخر الا فى ذلك الوقت.
…………………………………………………………….
بااااااك
ضمة ركبتيها بالقرب من صدرها واسندت رأسها عليهم وظلت تبكى وهى تقول
ابرار :-انا فين وبعمل ايه هنا سراج ارجوك الحقنى أنا مخطوفه ياااااارب نجينى منهم
وانهمرت دموعها بغزاره.
……………………………………………………………..
وصل احمد الصعيد ودلف إلى الداخل نظر إلى سراج بغضب واقترب منه وقال
-انت السبب فى اللى اختى فيه اكيد عملت ليها حاجه علشان كده قررت تيجى على الصعيد
اغلق عينه بغضب وصر على أسنانه وقال بنفاذ صبر
سراج :-ابعد من وشى دلوقتى أنا مش فايقلك
اقترب منه وقال بغضب

احمد :-ايه اتعصبت علشان قولت الحقيقه مش الجوازه كانت مش على هواك وفضلت تزهقها لحد ما سابتلك البيت وجات على الصعيد
امسك به وقال بنفاذ صبر
سراج :-انت عايز ايه بالظبط متخلنيش اطلع غضبى كله فيك ابعد عن وشى احسنلك
تدخل اشرف سريعا وابعدهم عن بعض وقال
-يا جماعه اهدوا مش كده احنا فى ايه ولا ايه
نظر إلى سراج بغضب وقال
احمد :-حسابى معاك بعدين بس نلاقى اختى الاول بس
وجلس على المقعد بغضب شديد
نظر له نظره مطوله وعاد مره اخرى على مقعده زفر بضيق وقال
سراج :-احنا هنفضل قاعدين كده ومكتفين ايدينا ومش عارفين نوصلوا ليها
رد عليه بنفاذ صبر وقال
اشرف :-قولتلك مش فى ايدينا حاجه غير أننا نستنا اى خبر من غفر العمده ورجالة البلد وان شاءالله يوصلوا ليها بسرعه
نظر لهم بضيق وقال
احمد :-هو مش فيه كاميرات على الطريق العمومى
اومأ رأسه بالتأكيد وقال
اشرف :-ايوه فيه

رد عليه سريعا وقال
احمد :-طيب ما احنا ممكن نروح نشوف الكاميرات دى ونشوف ايه حصل لابرار
نظر له وقال
اشرف :-مش عارف ينفع نشوف الكاميرات دى ولا لا لازم يكون معانا تصريح بده
نهض سريعا وقال
سراج :-صح المفروض كنا عملنا كده من بدرى دى الطريقه الوحيده اللى هنقدر نوصل بيها لابرار امشوا بسرعه يلا
رد عليه وقال
اشرف :-طيب ثوانى ادخل ابلغ جدى علشان يساعدنا
اومأ رأسه بالموافقه وقال
احمد :-ماشى واحنا هنستنا بره لحد ما تبلغه
خرجوا سريعا احمد وسراج إلى الخارج ودلف اشرف عند جده يستأذن منه قبل الذهاب معهم ويطلب منه المساعده
…………………………………………………………….

دلفت سعديه الغرفه الخاصه بها وأغلقت الباب خلفها ونظرت إلى جمال وهو نائم على السرير وقالت بغضب
-يا راجل عيب كده قوم اتحرك ودور على بنت عمك مع اخوك وجوزها
نظر لها بعدم اهتمام وقال
جمال :-وانا مالى مش هى اختارت تتجوز سبع الرجال خليه هو بقى يدور عليها ويوصلها
صرت على أسنانها بغضب وقالت
سعديه :-انت فرحان فى بنت عمك علشان رفضت تتجوزك انت اتجننت ولا ايه يا راجل
رد عليها بغضب وقال
جمال :-لمى لسانك يا وليه بدل ما اقطعهولك وغورى من وشى، وليه بومه صحيح
حركت رأسها بعدم رضا وقالت
سعديه :-هقولك ايه ما انت راجل معدوم النخوه بدل ما تزعل على بت عمك اللى من لحمك ودمك وتنزل تدور عليها فرحان فيها علشان رفضتك خلى جدى ينفخك بعد ما يعرف انك مكنتش معاهم وهما بيدورا عليها خليك نايم بقى
وخرجت سريعا من الغرفه وتركته
نظر إلى أثرها بغضب وقال
جمال :-قبر يلمك بومه عايش مع بومه

ونهض سريعا من على فراشها ارتدى ملابسه وهبط إلى الأسفل.
……………………………………………………………
سمعت صوت الباب ينفتح وأصوات اقدام تقترب منها أكثر فى أكثر ابتلعت ريقها بخوف شديد وقالت
ابرار :-م م مين انتوا مين وعايزين منى ايه ممكن تشغلوا النور أنا مش شايفه حاجه
لكنها شعرت بيد خلفها تعطيها حقنه بذراعها وفقدت الوعى
قام أحد الرجال حملها بين ذراعيه واتجه إلى غرفه اخرى وضعها على سرير الفحص ونظر إلى الطبيب وقال
-انت شايف ايه احسن تصدير لبرا ولا تقطيع
نظر إلى ابرار بعدم اعجاب وقال
-هى شكلها مش حلوه اوى يعنى مش من النوع المستحب للرجاله احنا نعملها الفحوصات ولو طلع كل حاجه تمام تبقى تقطيع، هى لسه شابه واعضائها هتكون مربحه اكتر
اومأ رأسه بالموافقه وقال
-اللى تشوفه يا دكتور خلينا نبدأ قبل ما مفعول المخدر يخلص
وبدأوا بعمل فحوصات شامله لابرار.
……………………………………………………………

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية إكليل الحياة)