رواية إكليل الحياة الفصل التاسع والخمسون 59 بقلم دودو محمد

رواية إكليل الحياة الفصل التاسع والخمسون 59 بقلم دودو محمد

رواية إكليل الحياة الجزء التاسع والخمسون

رواية إكليل الحياة البارت التاسع والخمسون

رواية إكليل الحياة الحلقة التاسعة والخمسون

“البارت التاسع وخمسون”
نهضت ابرار من على الأريكة واتجهت إلى خزانة الملابس اخذت منها قميصا شفاف وقصير ونظرت إليه بأبتسامه واتجهت إلى المرحاض اخذت حماما دافئا وارتدت ملابسها وخرجت سريعا وقفت أمام المراه ومشطت شعرها ووضعت عطرها الفواح وفى ذلك الوقت انفتح الباب ودلف سراج اقترب إليها ونظر لها نظره مطوله ابتسمت له بخجل ونظرت إلى الأرض
تكلم بصوت جاد وقال بغضب
سراج :-انتى طالق
رفعت رأسها إلى الأعلى ونظرت له بصدمه وقالت بتساؤل
ابرار :-انت قولت ايه
نظر لها بعينيها واعاد عليها ما قاله
سراج :- انتى طالق يا ابرار
ابتسمت بصدمه وقالت بعدم تصديق
ابرار :-انت اكيد بتهزر صح!! بس ازاى، انت بتقوووووول ايه فهمنى !؟
نظر إلى الاتجاه الآخر وقال بصوت مختنق
سراج :-جهزى شنطتك علشان اوصلك عند امك

#دودومحمد
اخذت نفس عميق حاولة أن تتمالك اعصابها وقالت بنفاذ صبر
ابرار :-انت اتجننت صح!؟ انت لسه كنت بتضحك قبل ما تخرج من الاوضه قولتلى جهزى نفسك على ما اجيلك مكنتش فاهمه قصدك فكرتك عايزنى اجهز كده مش اجهز شنطتى انت مريض نفسي حيوان أنا غلطانه أن فكرت أن هيجى يوم وتتغير كنت مغفله اقولك حاجه كده احسن ليا وليك هى الجوازه دى كانت غلط من اولها ومكانش لازم توصل لحد هنا
استدارت بغضب وقالت
-ممكن تطلع بره لحد ما اغير هدومى
نظر لها نظره مطوله وتحرك سريعا إلى الخارج واغلق الباب خلفه
عندما سمعت صوت الباب وهو ينغلق أغلقت عينيها بدموع وتعالت شهقاتها جلست على السرير وظلت تنظر أمامها بصدمه وعدم فهم حاولة أن تهدأ قليلا ونهضت سريعا بدلت ملابسها وخرجت من الغرفه وقالت بغضب
-انا ماشيه
#دودومحمد
نظر إلى يدها الفارغه دلف الغرفه نظر بها لم يجد شئ خرج سريعا وقال بتساؤل
سراج :-فين شنطتك
نظرت له بغضب وقالت

ابرار :-انا مليش حق فى الهدوم دى انت اللى جايبها من فلوسك وانا مش عايزه حاجه منك
وتركته وتحركت إلى الباب
تكلم سريعا وقال بصوت مختنق
سراج :-استنى هوصلك
استدارت له وقالت بغضب
ابرار :-مش عايزه حاجه منك ومن النهارده اياك تقرب منى حتى لو شوفتنى صدفه فى الشارع فاهم
ركض خلفها وامسكها من ذراعها بغضب وقال
سراج :-قولتلك استنى هوصلك
دفعته بقوه أبعدته عنها وهدرت به بغضب وقالت
ابرار :-ابعد عنى متلمسنيش كفايه بقى انا زهقت منك ومن عجرفتك الكدابه دى ولاخر مره اقولها ليك اوعى تفكر تقرب منى تانى
جاءت اعتماد تركض من الداخل على صوتهم المرتفع وجاء “على” ووسام ونظروا لهم بصدمه
اقتربت منها وقالت بتساؤل
اعتماد :-خير يا بنتى رايحه فين كده
نظرت لها بغضب وقالت
ابرار :-رايحه عند ماما
تكلمت بأستغراب وقالت

وسام :-دلوقتى يا ابرار !؟
ردت عليها بأبتسامه غضب وقالت
ابرار :-اه دلوقتى هقعد هنا بصفتى ايه
اقترب منها وقال بعدم فهم
على :-يعنى ايه هقعد بصفتى ايه
صرت على أسنانها بغضب وقالت
ابرار :-واضحه يا على اخوك طلقنى ومليش مكان هنا خلاص
ربت على صدرها بصدمه وقالت
اعتماد :-يا نهار مش فايت طلقك طيب ليه
زفرت بضيق وقالت بنفاذ صبر
ابرار :-معرفش هى طلعت فى دماغ ابنك فطلقنى عندك اهو اسأليه
نظرت له بضيق وقالت
اعتماد :-عملت كده ليه يا ابنى
نظر الاتجاه الآخر وقال بصوت مختنق
سراج :-كده ومش عايز كلام كتير
ثم نظر إلى ابرار وقال
-امشى يلا قدامى
نظرت له بغضب وقالت
ابرار :-قولتلك ملكش دعوه بيا
أمسكتها بضيق وقالت
اعتماد :-استنى يا بنتى بس استهدوا بالله ده شيطان ودخل ما بينكم

هدر بها بغضب وقال
إبراهيم :-سبيها تمشى يا اعتماد
ونظر إلى على بأمر وقال
-روح انت وصلها عند اهلها
نظرت له بضيق وتكلمت بصوت مختنق
ابرار :-انا من اول يوم دخلت فيه البيت ده وانت بتكرهنى الاول قولتلى علشان خاطر ابنك وخايف على مشاعره وحتى بعد ما علاقتنا اتغيرت أنا وهو فضلت انت زى ما انت بتكرهنى أنا معرفش ايه السبب بس كل اللى متأكده منه أن اللى حصل دلوقتى ده وراه انت ، وبجد أنا مش مسمحاك
#دودومحمد
وخرجت تركض سريعا خارج البيت
ركض خلفها على واغلق الباب خلفه
نظر إلى والده بضيق ودلف غرفته ودفع الباب بقوه
اقتربت منه وقالت بتساؤل
اعتماد :-انت عارف حاجه يا إبراهيم ومش عايز تقولى
نظر لها بغضب وقال
إبراهيم :-موضوع ابرار انتهى خلاص ومش عايز اسمع حد بيتكلم فيه تانى فاهمين
وتركهم ودلف غرفته

نظرت إلى أثره بعدم فهم وقالت
وسام :-هو فيه ايه معقول يكون اللى حصل ده بسبب موضوع احمد
حركت رأسها بعدم فهم وقالت
اعتماد :-مش عارفه يا بنتى محدش فاهم حاجه لا حولا ولا قوة الا بالله ربنا يهديهم ويصلح الحال ما بينهم قادر يا كريم .
#دودومحمد
……………………………………………………………..
ظلت تنظر أمامها فى صمت تام وظلت تسير وهى لا تعلم إلى أين ذاهبه وظل يتحرك بجوارها “على” وهو ينظر لها بقلق اقترب منها وقال بصوت مختنق
-ابرار متسكتيش كده اتكلمى قولى اى حاجه إنما كده انتى بتقلقينى عليكى
ظلت صامته تحاول كبد عبراتها من الهطول
وقف أمامها حتى يمنعها من التحرك ونظر لها بقلق وقال بترجى
على :-ابرار بصيلى اتكلمى اصرخى عيطى اعملى اى حاجه انشالله تضربينى المهم انك تبقى كويسه
وضعت يدها على فمها حتى تحاول تسيطر على دموعها ولكن بالاخير تسابقت عبراتها بالهطول لم تستطيع التحمل أكثر من ذلك شعرت بقدميها ترتعش سقطت على الأرض جالسه وتعالت شهقاتها
#دودومحمد

نظر لها بشفقه ورقد على ركبتيه وتكلم بصوت مختنق وقال
على :-انا مش عارف اقولك ايه لأن انا السبب فى اللى حصلك ده كله لو مكنتش صممت أنكم تتجوزوا مكانش حصل ليكى كل ده ولا كنتى حبتيه انا اسف يا ابرار
تكلمت من بين شهقاتها وقالت بدموع
ابرار :-هو ليه بيعمل فيا كده فضل ورايا لحد ما حبيته واتعلقت بى وفى الاخر سابنى فى نص الطريق لوحدى ومشى بعد ما وثقت فيه وقولت أن هو عوض ربنا ليا فى الدنيا عن اللى شوفته فى حياتى يصحينى على كابوس
تنهدت بوجع وقالت من بين شهقاتها
-قلبى واجعنى اوى يا على مش قادره اصدق اللى هو عمله كمية ظلم وقهر شوفتهم من اخوك ربنا ما يحسس حد بيهم
نظر لها بحزن وتنهد بضيق وقال بنبره مختنقه
على :-ربنا يعلم غلاوتك عندى قد ايه وان أنا من اول لحظه شوفتك فيها اعتبرتك فيها زى وسام اختى بالظبط انا مش فى ايدى حاجه غير أن أكون جانبك فى اى وقت تحتاجينى فيه وأن هفضل بدعمك فى اى حاجه تعمليها وهفضل برضه اخوكى على علوكه وانتى هتفضلى اختى ابرار اجمل واحلى لولو
#دودومحمد
نظرت له بدموع وقالت
ابرار :-هو الشغل اللى كنت جايبه ليا قبل كده لسه موجود

اومأ رأسه بالتأكيد وقال
على :-ايوه
نهضت من على الأرض ونظرت له بتحدى وقالت بنبره غاضبه
ابرار :-طيب أنا محتاجه الشغل ده اوى يا على ممكن
هب واقفا وقال بنبره هادئه
على :-طبعا يا ابرار من الصبح هاجى اخدك ونقابل المدير سوا
ابتسمت له بحزن وقالت
ابرار :-بلاش تتعب نفسك أنا هكون عندك فى الشركه من الصبح بدرى
اومأ رأسه بالموافقه وقال
على :-ماشى اللى يريحك امشى يلا بلاش واقفتنا دى فى الشارع
تحركت معه وذهبوا إلى منزل وفاء.
…………………………………………………………….
جلست ريم على السرير بدموع وظلت تنظر أمامها بخوف شديد حتى سمعت صوت طرقات على الباب نظرت إلى الباب وقالت بصوت مرتعش
-ابعدوا عنى مش هسمح لحد فيكم يقرب من اللى فى بطنى
تكلم بأستغراب وقال بعدم فهم
احمد :-انا احمد يا ريم افتحى الباب قافله ليه على نفسك
#دودومحمد

عندما سمعت صوت أخيها شعرت بالاطمئنان نهضت سريعا وركضت إلى الباب فتحت له وارتمت داخل أحضانه وامسكت به بشده وقالت من بين شهقاتها
ريم :-كنت فين يا احمد عايزين ينزلوا اللى فى بطنى ابوس ايدك متخليش حد فيهم يقربلى
نظر لها بعدم فهم ربت على ظهره بحنو وقال
احمد :-اهدى بس وفهمينى ايه اللى حصل
ابتعدت عنه ووضعت يدها على بطنها ونظرت له بدموع وقالت
ريم:-انا حامل يا احمد ولما بابى ومامى عرفوا عايزين ينزلوا ارجوك ساعدني ارجع لاشرف هو اللى هيقدر يحمينى أنا واللى فى بطنى منهم
#دودومحمد
تنهد بضيق وقال بصوت مختنق
احمد :-انتى متاكده انك حامل !؟
اومأت رأسها بالتأكيد وقالت
ريم :-ايوه كنت فى المستشفى الصبح والدكتور أكد لاشرف أن انا حامل
نظر لها بأستغراب وقال
احمد :-اشرف!! هو جه هنا!؟
ردت عليه سريعا وقالت

ريم:-ايوه كان هنا جاى يجيب حقوقى بتاعة الطلاق وانا تعبت واخدنى المستشفى ولما عرف أن حامل اخدنى معاه الصعيد وبعد كده بابى جه رجعنى هنا تانى واتفقوا أنهم ينزلوا اللى فى بطنى أنا وأشرف بنحب بعض يا احمد ساعدنا أننا نرجع لبعض وحياة اغلى حاجه عندك
اغلق عينه بحزن وقال بصوت مختنق
احمد :-للاسف امك وابوكى هما سبب تعستنا فى الدنيا دى
أمسكت يده بدموع وقالت
ريم:-ابوس ايدك يا احمد متبقاش زيهم رجعنى لاشرف بترجاك
نظر لها نظره مطوله ثم قال
احمد :-جهزى نفسك من بكره الصبح بدرى هرجعك لجوزك
نظرت له بسعاده وقالت
ريم :-بجد يا احمد انا بحبك اوى
#دودومحمد
واحتضنته بسعاده وقالت
-ربنا يجمعك بحببتك فى اقرب وقت يارب
ابتسم لها ابتسامه حزينه وقال
احمد :-يارب يا حبيبتى يلا ادخلى اغسلى وشك ونامى كويس وانا هكلم اشرف واتفق معاه والصبح نمشى أن شاءالله، تصبحى على خير
ردت عليه بسعاده وقالت
ريم :-وانت من أهله يا حبيبى
أغلقت الباب بأبتسامه وتسطحت على السرير ووضعت يدها على بطنها وقالت

-اخيرا بكره هبقى مع بابى ومحدش هيقدر يخدنا منه تانى ابدا تصبح على خير يا روحى
ثم أغلقت عينيها وبعد وقت ذهبت فى سبات عميق.
…………………………………………………………………
اشرقت شمس صباح يوم جديد بنورها الساطع فى سماء القاهره استيقظت ولاء على صوت الهاتف الخاص بها نظرت به وجدته “على” اعتدلت سريعا وقالت بحب
-صباح الخير
أجابها بصوت مختنق وقال
على :-صباح النور يا ولاء
ردت عليه بأستغراب وقالت بتساؤل
ولاء :-مالك يا على صوتك مخنوق
تكلم بضيق وقال
على :-انتى اتصلتى بأبرار
تكلمت بقلق وقالت
ولاء :-لا، ليه، ابرار فيها حاجه !؟
#دودومحمد
أجابها بتوضيح وقال
على :-ابرار مش كويسه يا ولاء روحى ليها وخليكى جنبها الفتره دى
ردت عليه سريعا وقالت
ولاء :-ابرار مالها يا على
زفر بضيق وقال
على :-سراج طلقها
ربت على صدرها بصدمه وقالت بعدم تصديق
ولاء :-ايه !! مستحيل ازاى ده حصل
تكلم بصوت مختنق وقال
على :-محدش عارف حاجه احنا اتفاجئنا بليل أنهم على باب الشقه وابرار بتقول أن سراج طلقها بس لا هى ولا احنا عارفين السبب
ردت عليه بغضب وقالت
ولاء :-اخوك ده غبى وحيوان حرام عليه والله اللى بيعمله فيها ده ابرار زمانها دلوقتى منهاره دى حبيته اوى منه لله والله العظيم ربنا يجبلها حقها منه دى ابرار غلبانه اوى وشافت غلب وظلم فى حياتها محدش يستحمله

وانهمرت بالبكاء
تكلم بضيق وقال
على :-اهدى يا ولاء علشان خاطرى انا متصل بيكى علشان تكونى جنبها وتقويها لكن بالشكل ده انتى هتضعفيها اكتر
تكلمت من بين شهقاتها وقالت
ولاء :-متقلقش على ابرار قصاد الكل هتظهر أنها قويه ومافيش حاجه أثرت فيها لكن بينها وبين نفسها هتنهار وهتبقى أضعف ما خلق
تكلم بالتأكيد وقال
على :-عارف وده اللى لاحظته امبارح اول حاجه طلبتها انها تنزل تشتغل علشان تظهر أنها قدرت تتقبل الوضع بسرعه اوى وتدير أمورها بس كنت متأكد انها من جوه هشه وضعيفه علشان كده قولت انك انتى اكتر واحده هتقدرى تقويها وتسنديها فى وقت زى ده هى دلوقتى هتيجى ليا الشركه وهتبدأ تشتغل لما ترجع خليكى جنبها أنا وافقت قولت أن دى الحاجه الوحيده اللى هتشغل وقتها
#دودومحمد
تنهدت بحزن وقالت بصوت مختنق
ولاء :-انا هتصل بيها دلوقتى مش هقدر استنى لما ترجع اخر النهار
رد عليها بنبره هادئه وقال

على :-ماشي يا حبيبتى بس علشان خاطرى بلاش دموعك علشان مش هقدر استحمل زعلكم انتوا الاتنين
إجابته بصوت مختنق وقالت
ولاء :-حاضر، باى
أغلقت الخط سريعا والقت الهاتف بجوارها وانهمرت دموعها بغزاره وظلت تبكى على حال ابرار.
…………………………………………………………….
جلست ابرار على السرير وظلت تبكى بألم شديد وضعت يدها على قلبها وتنهدت بحزن وفى ذلك الوقت سمعت صوت طرقات على الباب إزالة دموعها سريعا وقالت بصوت مختنق
-ادخل
فتحت الباب ونظرت لها بحزن وقالت
وفاء :-هديتى شويه عن امبارح
نهضت سريعا وامسكت يدها وقالت بوجع
ابرار:-تعالى يا ماما ايه اللى خلاكى تتحركى بس
أمسكت بها جيدا وقالت بقلق
وفاء :-قلقانه عليكى من امبارح يا بنتى من ساعة ما جيتى وانا قلبى بيتقطع عليكى
ابتسمت لها بحزن وحاولة أن تكون قويه وقالت
ابرار :-ليه بس يا ماما ما انا كويسه اهو
حركت رأسها بالرفض وقالت
وفاء :-لا يا بنتى انتى مش كويسه الكلام ده تقوليه لا اى حد تانى إنما انا مش هتعرفى تضحكى عليا لأن قلبى بيحس بيكى من غير ما تتكلمى

#دودومحمد
حاولة كبد عبراتها وقالت بصوت مختنق
ابرار :-متقلقيش عليا والله هكون كويسه الوجع مش جديد عليا واتعود عليه هياخد وقته وهينتهى
أمسكت يدها وقالت بتساؤل
وفاء :-طيب قوليلى ايه حصل بينك انتى وجوزك
نظرت لها بضيق وقالت
ابرار :-مبقاش جوزى يا ماما قولى طليقك
ربت على صدرها بصدمه وقالت
وفاء :-سراج طلقك!! ليه !؟
حركت شفتيها بعدم معرفه وقالت
ابرار:-معرفش كان كويس معايا وخرج من الاوضه يكلم أبوه رجع قالى انتى طالق من غير اى مبررات
نظرت لها بحزن وقالت
وفاء :-يا حبيبتى يا بنتى
اخذتها بحضنها وربت على ظهرها وقالت بغضب
-هو مفكر نفسه مين هو فاكر أن احنا معندناش رجاله أنا هخلى معاذ يتكلم معاه ويفهم منه هو ليه عمل كده
ابتعدت سريعا عن حضنها وقالت برفض
ابرار :-لااااا اوعى يا ماما مش عايزه اى حد يدخل فى الموضوع ده
ثم نظرت لها بقلق وقالت
-ماما اوعى بترجاكى
اومأت رأسها بالموافقه وقالت
وفاء :-خلاص يا بنتى اللى يريحك
وفى ذلك الوقت أعلن هاتفها عن وجود اتصال نظرت به سريعا وجدت المتصل ولاء اجابة عليها وقالت
ابرار :-صباح الخير يا ولاء ايه مصحيكى بدرى كده
تكلمت بصوت مختنق وقالت
ولاء :-نفس اللى مصحيكى يا ابرار ليه مجتيش عليا لما حصل كده
نظرت إلى والدتها وقالت بتوتر

ابرار :-انتى عرفتى
نهضت والدتها بصعوبه وأشارت لها انها هتخرج من الغرفه وتتركها
ظلت تتابعها حتى خرجت وأغلقت الباب خلفها
تكلمت بدموع وقالت
-اكيد “على” اللى قالك صح
اجابتها بصوت مختنق وقالت
ولاء :-ايوه يا ابرار، ده انتى ربنا نجدك منه والله بنى ادم مجنون وبراس حمار اصلا أنا طول عمرى بكرهه الراجل ده
انهمرت دموعها بغزاره وقالت
ابرار :-وانا كمان كنت بكرهوا زيك واكتر بس هو عمل كل حاجه علشان يحببنى فيه ولما حبيته سابنى وكسر قلبى،
عملت ليه ايه علشان يعمل فيا كده استحملت منه كتير على أمل أنه هيتغير واعدنى بحاجات كتير اوى طلعنى سابع سما وفى لحظه نزلنى سابع ارض قلبى واجعنى اوى حاسه ان روحى بتروح منى ومش قادره استوعب اللى حصل ده يا ولاء
#دودومحمد
زفرت بضيق وقالت بغضب
ولاء :-ربنا يخده يارب علشان ده واحد غبى انتى عارفه لو جه بعد كده يبوس الايادى ورجعتيله تبقى لا انتى صحبتى ولا اعرفك علشان ده ميستهلكيش أنا عارفه انك هتتعبى شويه بس بعد كده هترتاحى من جنانه وعجرفته الكدابه دى
ابتسمت بحزن وقالت بنبره منكسره

ابرار :-مبقاش فيها رجوع يا ولاء حتى لو كانت حياتى بأيده أنا عندى اموت ولا أن أبقى معاه فى مكان واحد تانى، انا لازم اقفل دلوقتى علشان اقوم اجهز
ردت عليها سريعا وقالت
ولاء :-طيب والجامعه ناويه تعملى ايه فيها
اجابتها بضيق وقالت
ابرار :- حاليا أنا هأجلها لسنه الجايه وربنا يسهل يا انقل منها يا هشوف اى صرفه تانيه تخلينى متقابلش معه بعد كده، يلا باى
أغلقت الخط سريعا قبل تستمع اى رد منها
نهضت وتذكرت أنها ليس معها ملابس خرجت من غرفتها واتجهت إلى غرفة ملك وجدتها نائمه اقتربت منها وقالت بصوت هامس
-ملك يا ملك
فتحت عينيها بقلق وقالت بتساؤل
ملك :-ايه يا ابرار انتى كويسه
اجابتها بصوت مختنق وقالت
ابرار:-متقلقيش يا ملك أنا كويسه بس كنت عايزه اى حاجه من عندك ألبسها علشان مش معايا هدوم
اومأت رأسها بالموافقه وقالت سريعا

ملك :-طبعا من غير ما تستأذنى روحى افتحى الدولاب وخدى منه اللى يناسبك
ابتسمت لها بتوتر وقالت
ابرار :-شكرا يا ملك
واتجهت إلى خزانة الملابس اخذت منها ما تريد وخرجت مره أخرى عادت إلى الداخل بدلت ملابسها ونظرت بالمراه وتنهدت بحزن شديد حاولة كبد عبراتها وضعت يدها على وجهها وقالت بصوت مختنق
-كفايه دموووع عليه هو ميستهلش حبك ليه اقوى يا ابرار ارجوكى ده ميجيش حاجه جنب اللى حصلك فى حياتك
ثم ابعدت يدها من على وجهها وأخذت نفس عميق ثم أخرجته بهدوء وخرجت من الغرفه فتحت الباب وخرجت منه واتجهت إلى الشركه التى يعمل بها على.
……………………………………………………………..
استيقظ احمد من نومه على صوت طرقات على الباب زفر بضيق ونهض من على فراشه واتجه إلى الباب وقام بفتحه وجدها ريم تكلم بنبره هادئه وقال
-صباح الخير يا ريم
#دودومحمد
ردت عليه سريعا وقالت بلهفه
ريم :-انت لسه هتقول صباح الخير اخلص يا احمد انت واعدنى انك هتودينى النهارده عند اشرف
اومأ رأسه بالتأكيد وقال

احمد :-حصل واتفقت معاه هيجى يستنا عند المأذون يكتب الكتاب ويخدك معه وتمشوا
قفزت بسعاده وقالت
ريم :-انت احسن اخ فى الدنيا يلا بقى اجهز علشان ننزل
ابتسم لها بحب وقال بتساؤل
احمد :-انا مش عارف طفله هتجيب طفل ازاى روحى على اوضك وانا هغير هدومى فى السريع وننزل
اومأت رأسها بالموافقه وركضت بسعاده على غرفتها
اغلق الباب واتجه إلى المرحاض أخذ حماما دافئآ ثم خرج ارتدى ملابسه ومشط شعره ثم خرج من غرفته واتجه إلى غرفة ريم طرق عليها وانتظر خروجها عندما فتحت الباب ورأته ابتسمت له بسعاده وتحركت سريعا معه إلى الأسفل هبطوا سويا نظرت لهم نعمه بأستغراب وقالت
-انتوا رايحين فين كده
نظرت لها بتوتر وامسكت بيد احمد
ربت على يدها حتى تهدأ وقال بنبره هادئه
احمد :-انا هخدها ونشم شوية هوا سوا وهنفطر مع بعض بره
نهضت سريعا وقالت
نعمه :-طيب استنوا البس واجى معاكم
#دودومحمد
تكلم سريعا وقال

احمد :-لا أنا عايز أفطر مع ريم بس واتكلم معاها بخصوص اللى حصل ده ووجودك معانا مش هيخليها تتكلم براحتها
نظرت لهم بضيق وقالت
نعمه :-خلاص بقيت عدوتكم عموما براحكتم بس متتأخروش بره علشان عندنا ميعاد مع دكتور شهاب كمان ساعتين
نظرت لها بضيق وامسكت اكتر فى أخيها
اومأ رأسه بغضب ونظر إلى ريم وقال
احمد :-امشى يلا يا ريم
ركضت سريعا إلى الخارج وصعدت السياره وصعد بجوارها احمد وقاد السياره إلى مكان ما ينتظره اشرف وبعد وقت وصله عنده
هبطت ريم مسرعه من السياره وركضت بأتجاه اشرف واحتضنته بسعاده
اغلق عينه بضيق وظل ذراعيه عالقين بالهواء
هبط احمد بضيق من السياره واقترب إليهم سريعا وأمسك ريم من ذراعها أبعدها عن اشرف وقال بصوت مختنق
احمد :-اهدى يا ريم مش كده لما ينكتب الكتاب ابقى اعملى اللى انتى عايزاه
ثم نظر إلى اشرف بتحذير وقال
-مش معنى أن انا جبتها من وراه ابوها ورجعتها ليك تفتكر انها سهله ولا مافيش راجل فى ضهرها وتستقوى عليها انا هنا موجود ويوم ما تفكر تيجى عليها هتلاقينى فى وشك على طول
ابتسم له وقال بنبره جاده
اشرف :-انا مستقوتش على اختك اولانى علشان استقوى عليها تانى انا براعى ربنا فيها وخصوصا انها حامل فى حته منى وعندك اهى اسألها
تكلمت سريعا وقالت

ريم :-اشرف عمره ما استقوى عليا يا احمد بالعكس ده كان دايما احن واحد عليا فى البيت هناك فى عزا ما كنت رافضه كان طيب اوى معايا
اومأ رأسه لهم وقال
احمد :-انا ساعدكم بس اعملوا حسابكم أن اللى هيحصل ده مش هيعدى بالساهل من بابا ومن جدى
#دودومحمد
اجابه بصوت جاد وقال
اشرف :-عارف بس متقلقش أنا هعرف احمى ريم منهم وكمان احتمال جدى يطردنا من البيت عامل حسابى وشوفت شقه هنا صغيره نعيش فيه لحد ما ربنا يسهل ويعدى الازمه دى على خير
تكلمت سريعا بسعاده وقالت
ريم :-بجد يا اشرف هنعيش هنا
أجابها بتوضيح وقال
اشرف :-انا بقول احتمال جدى يطردنا إنما لو مر الموضوع بسلام هنعيش فى الدار زى الاول
نظر إلى الأعلى وقال
احمد :-طيب يلا زمان المأذون فتح
وصعدوا الثلاثه إلى الأعلى حتى يتم عقد القران.
#دودومحمد

……………………………………………………………….
خرج سراج من غرفته بوجه عابس وتحرك بأتجاه الباب لكنه وقف مكانه عندما سمع صوت “على” الغاضب وهو يقول له
-انت مرتاح كده ضميرك استريح لما كسرتها ووجعتها من غير اى سبب انت ايه يا اخى معندكش لا عزيز ولا غالى الواحد فرح أن حياتكم استقرت وانتوا الاتنين حبيته بعض وكان كل حاجه تمام ايه اللى حصل خلاك عملت معاها كده
التف له وقال بصوت غاضب
سراج:-ملكش فيه دى حياتى وانا حر فيها
#دودومحمد
نهض من مكانه وهدر به بغضب وقال
على :-لا ليا فيه انا كنت سبب فى الجوازه دى وابرار بعتبرها زى اختى ومسؤوله منى ادينى سبب مقنع للى انت عملته ده ومتقوليش ملكش فيه علشان أنا مش هسكت غير لما اعرف سبب طلاقك ليها ايه
وفى ذلك الوقت دوى جرس الباب
فتح سراج الباب ونظر أمامه بملامح خاليه
وضعت حقيبة ملابسها بالأرض وقالت بسعاده
-انا جبت شنطة هدومى بالمره مدام هنكتب الكتاب النهارده
حملق عينه بصدمه وقال بعدم تصديق
على :-صفاء!!!
………………………………………………………………

يتبع…

لقراءة الفصل التالي : اضغط هنا

لقراءة الرواية كاملة اضغط على : (رواية إكليل الحياة)