رواية أميرة الصعيد الفصل الحادي والعشرون 21 بقلم سما حسين
رواية أميرة الصعيد الجزء الحادي والعشرون
رواية أميرة الصعيد البارت الحادي والعشرون
رواية أميرة الصعيد الحلقة الحادية والعشرون
هند : الو……… بتقول ايه
زين : ايه في ايه
هند : ازاي
زين : يا بنتي ايه اللي حصل
هند : تمام ماشي انا جاية حالا سلام
زين : في ايه حصل ايه
هند : ازاي حصل كده ازاي
زين : يا بنتي وقعتي قلبي
هند : فيروز
زين : مالها
هند : اتخطفت
زين : ايه ……عرفتي ازاي
هند : حازم كان هيقابلها وشاف الناس اللي خطفوها وطلع يجري وراهم بس هما ضربوا عليه نار وجريوا بالعربية
زين : طب يلا بينا نروح نشوف هنعمل ايه
هند : يلا بسرعة
وهما خلاص ماشيين
هند ماتت علي نفسها ضحك😂😂😂
زين : انتي يا بنتي مجنونة
هند بضحك جامد : أيوة
زين : يا بنتي صاحبة عمرك مخطوفة وانتي قاعدة تضحكي
هند بطلت ضحك شوية : يا عم فكك مني انا ندلة
زين : ما انا عارف
وهند مكملة ضحك
زين زعقلها بصوت عالي والناس بصت عليهم وكانو مفكرين هند هتعيط واصلا كل اللي كانو قاعدين كانوا مخطوببن أو متجوزين فالرجالة كانوا بيبصوا للستات باستهزاء علي اساس ان هما ضعيفين وميقدروش يعملوا حاجة ونظرة الاستهزاء زادت لما هند كانت بتبص له بعيون مليانة بالدموع والستات كانو زعلانين عليها أوي وفجاءة
هند كعبلت زين وقع علي الارض نزلت علي الارض مسكته من شعره وقالت : ايه يا لا انت فاكرني ولية مكسورة الجناح هو عشان أن انا بت تستقوي عليا وتفكرني كيوت لا يا بابا اصحي فاكر نفسك هتزعلني وتيجي تراضيني بكلمتين لا يا باشا فوق لنفسك كدا والا ايه يا بنات
البنات سقفو لها والرجالة كانوا في وسط هدومهم
وكان فيه واحد معدي بعصير لأن هناك كان فيه كافيه هند اخدت العصير
الجارسون : الحساب يا أستاذة
هند : علي حساب البيه المرمي علي الارض دا
هند مشت في اتجاه العربية : زوزو انا في العربية
زين في سره : يخربيتك يا فيروز لبيت اليوم اللي عرفتك فيه
هند : يلا بقي مش عايزين رغي كتير
زين قام وعدل هدومه وراح العربية
وهو مش طايق نفسه
هند كانت ساكتة لحد ما وصلوا الاوتيل هند طلعت الاوضة بتاعتها وزين طلع اوضته
هند اول ما دخلت وشافت فيروز : الله يخربيت اليوم اللي عرفتك فيه
فيروز : فيه ايه مالك وكنتي فين وايه الهدوم دي
هند : في ايه دا المحقق كونان مش بيسال كل الاسئلة دي اقسم بالله انتي ما ليكي طب انتي المفروض تبقي مخبر في المباحث اه اقسم بالله
فيروز : بت ردي عليا كنتي فين وايه اللي انتي لابساه ده
هند : اصلي كنت ……
فيروز : كنتي ايه
هند : اصل انا كنت مع زين
فيروز : كنتي مع مين
هند : ماقولتلك كنت مع الزفت اللي اسمه زين
فيروز : كنتي بتعملي ايه
هند : ما كل دا بسببك
فيروز : بسببي انا
هند : أيوة بسببك
فيروز : بسببي ليه بقا أن شاء الله
هند حكت لها اللي حصل
فيروز : وانتي وافقتي بكل بساطة
هند : ما قولتلك فضل يتحايل عليا وصراحة صعب عليا ….. كفاية اللي عملته اصلا دا لو شافني هيعملني كنافة
فيروز : ليه انتي عملتي ايه
هند قالتها علي اللي هي عملته
فيروز : يخربيتك كل دا عشان قالك كلمتين زعلوكي
هند :اه هو كدا بقا مع اي حد يكلمني ويقولي كلمة ماتعجبنيش
فيروز : المهم دلوقتي تروحي تنامي عشان بكرة الصبح هنروح المطار
هند : ليه
فيروز : بكرة اقولك
هند : ماشي انا رايحة انام تصبحي علي خير
فيروز : وانتي من أهله
هند وفيروز ناموا
الصبح الساعة 9 ونص اتجمعوا كلهم وكانوا في العربية ورايحين المطار
زين : فيروز ممكن تقوليلنا احنا رايحين المطار ليه
فيروز : انا امبارح بعد ما روحت لقيت موبايلي بيرن وكانت ماما علي حوالي الساعة 12 كدا
زين : انهي واحدة
فيروز بتنهد : مش هكمل
زين : خلاص معلش كملي
فيروز : ماما شيرين قالتلي أن ليلي مشت من البيت واخدت معاها حاجاتها بس مقالتش هي رايحة فين فأنا عرفت انها جاية القاهرة فكلمت حد شغال في المطار سالت علي الطيارة بتاعت بكرة هتوصل امتي قالو انها هتوصل الساعة 10 الصبح ف دلوقتي واحد يراقبها لمدة معينة والتاني يستلمها عشان نعرف هي هتقابل الشخص دا امتي وفين
زين : طب يلا ادينا وصلنا
نزلوا ودخلوا استني في ساحة الانتظار لحد ما وصلت وهما طبعا كانوا مستخبين بين الناس واللي كان موجود فيروز و هند
كانوا واقفين عادي لحد ما سمعوا حد بينادي علي هند
مجهول : هند
هند : ايه دا ……….
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية أميرة الصعيد)
