رواية أسيرة الماضي الفصل الثاني 2 بقلم كاتبة الروايات

رواية أسيرة الماضي الجزء الثاني

رواية أسيرة الماضي البارت الثاني

رواية أسيرة الماضي الحلقة الثانية

أم ملك: نعمممممممم😳 يعني ايه بقا ان شاء الله
نور: هفهم حضرتك يا طنط
محمديبص لنور بلوم: نور احنا خلصنا من الموضوع ده
نور: لا يا حبيبي مخلصناش إحنا هنكون عيلة وأكيد مش هخليك تبدأ حياتك بكذبة
ملك: يعني انتي مفتخرة انك مخلفة من غير جواز 🤨 إيه قلة الأدب دي ما تلم أختك يا محمد
محمد بزعيق: كفاية يا نور كفاية خودي بنتك وامشي يلا من هنا
نور لسة هتتكلم لقت محمد بيقولها برة
نور أخدت ميرو وخرجو برة
محمد: أنا آسف يا جماعة علي اللي حصل
أم ملك: وانت بقا جاي تتجوز بنتي واختك فيها العبر
فؤاد(والد ملك): أنا يا ابني ميشرفنيش ان سلفت بنتي تكون واحدة مش محترمة مخلفة من الحرام وتتباها بنفسها
محمد: عمي ممكن أوضحلك
فؤاد: معلش علشان احنا بننام بدري الزيارة انتهت
ملك:يا بابا طيب ايه ذنب محمد
فراد:انا قولت كلامي الأخير مفيش نقاش
ملك: منها لله أختك هي السبب يا محمد منها لله دايما كدة طافية فرحتي ربنا ينتقم منها
خرجوا الجميع ورجعوا بيتهم
محمد بزعيق: هي فين نور هانم
نور: خرجت من اوضتها إيه اللي حصل يا محمد
محمد: مكانش العشم انك تخربي عليا عملتلك إيه يا شيخة علشان تخربي عليا واتحرم من حبيبتي بسببك ليه يا نور ناقصك إيه ناقصك إيه يا نور انتي علشان مينفعش تتجوزي هتخربي علي أخوكي جوازته حرام عليكي يا شيخة وسابها من غير ما يسمع ردها ودخل اوضته ورزع الباب وراه
الكل لاموها وكل اللي كان عنده كلمة قالها وأبوها اكتفي بسكوته الكل دخل أوضته وسابها لعذابها وغرقانها في ذكرياتها المؤلمة
نور: أرجوك أرجوك أنا اذيتك في إيه طيب
…: كلكم تستاهلوا الحرق
نور: انت معندكش اخوات بنات ليه بتعمل فيا كدة عملت ايه
…..: كلكم زي بعض يا حلوة أوعي تفتكري علشان بتلبسي لبس محتشم يبقي انتي مش قليلة أدب ولا بنت بنوت لا يا ماما الكلام ده ميدخلش دماغي كلكم صنف نجس بنات حوا كلها زبالة
نور: بالله عليك فكني وأنا والله ولا اكني شوفتك ولا هعرف أي حد ومش هدايقك تاني مش هظهر تاني في حياتك أصلا بالله عليك
…..: افكك ايه يا ماما لا لا لا مش عايزك تعيطي أنا مبحبش البنات الضعيفة ده انتي بعد كدة هتشكريني علي اللي أنا هعمله فيكي
نور بزعيق: انت أكيد مريض نفسي انت مجنوووووون
شدها من طرحتها جامد
نور بألم: أبوس إيدك لا
شال طرحتها وإذا بشعرها الحرير يسقط وإذا به طويل أسود ناعم كالحرير
…..: إيه ده إيه ده إيه ده ده انتي طلعتي قمر يا بت ايه الحلاوة دي رجع لورا وشرب من كاسه الملئ بالخمر
نور: أبوس إيدك لو محتاج فلوس أنا هديك واللي انت عايزه بس فكني وخليني أروح
…..: تروحي فين هو دخول الحمام زي خروجه وقرب منها
فضلت تصوت وتستنجد بأي حد لربما حد يسمعها ولكن لا أحد يكاد يكونوا في صحراء فضلت تصرخ لحد ما لقتش قدامها غير سواد وإذا بها مغما عليها
تفيق من ذكرياتها فجأة علي يد صغيرة لتنظر إذا بها الملاك الصغيرة التي وهبها الله إياها
ميرو بدموع: مامي انتي ليه بتعيطي مين ضايقك
نور مسحت دموعها: مفيش حاجة يا قلبي بس افتكرت بابا
ميرو: يا مامي بابي هيفضل مسافر علي طول علشان يجيبلي لبس حلو ولعب كتيييييييييير قوي صح
نور: صح صح يا روحي
ميرو: خلاص مش تعيطي انا هدعي انه ييجي بسرعة علشان يمسح دموع مامي ويخليها دايما مبسوطة ومتعيطش
نور ابتسمت علي براءة بنتها: صح يا روحي يلا علشان ميرو لازم تكمل نوم
ميرو: حااااضر يلا قدامي علي السرير دور 😂🤭
نور فضلت تضحك علي تقليد ميرو ليها ودخلوا نور استنت ميرو تنام وأول ما لاقتها دخلت في ثبات عميق لبست هدومها ونزلت وصلت لبيت ملك
فتحتلها ملك: أهلا أهلا بالهانم نور مش طولتي اللي في بالك جاية ليه دلوقتي خير نسيتي تخربي حاجة كمان
نور: ملك أنا جاية أتكلم مع عمي فؤاد بعد إذنك
ملك: لا يا شيخة بالسهولة دي يلا يا بت روحي بيتكم متخلينيش اتصل علي محمد ييجي يلمك واقوله ان اخته الهانم دايرة علي حل شعرها للساعة دي برة البيت والله أعلم جايالي من أنهي داهية في وت زي ده لسة بتكمل كلامها اتصدمت بصوت رجالي من وراها
فؤاد: حطي لسانك جوا بوقك يا بت انتي بص لنور تعالي يا بنتي اتفضلي
ملك: تتفضل فين يا بابا انت عايز تدخل الجربوعة دي بيتنا
فؤاد: نور كلمتني يا بنتي وقالت عايزاني في موضوع مهم متدخليش انتي تعالي يا نور ادخلي سيبك منها
دخلت نور ورا الأستاذ فؤاد
فؤاد: اقعدي يا بنتي انتي قولتي في حاجة هتغير رأيي وهتخليني أوافق علي الجوازة دي خير
نور: بدأ نور تحكيله اللي حصل بص يا عمي أنا في شخص ضحك عليا بإسم الحب وكدة وكان المفروض انه جاي يتقدملي اليوم ده عدي عليا في الكلية الصبح وقالي تعالي أوصلك الأول بعدين أجهز نفسي وعيلتي وهنيجي بالليل ساعتها ركبت معاه انا عارفة اني غلطانة انا مش هبرأ نفسي أنا غلطت إني ركبت معاه لإن مفيش معانا محرم لقيته جايبلي شوكولاتات كتير وماية وهدايا كتير في العربية قالي ايه رأيك كنت مبسوطة قوي وبعدين قالي طيب اشربي مية علشان شكلك اتصدمتي أصلا إيه يا بنتي انتي مش مصدقة اني جايلك بالليل ولا ايه وشربت مية وياريتني مشربت ساعتها غيبت عن الوعي وحصل اللي حصل
فؤاد: طيب ليه يا بنتي منزلتيهاش لما عرفتي بحملك ليه سيبتيها تيجي الدنيا وأبوها واحد مش كويس انتي مش عارفة عواقب ده إيه بلاش عليكي أنا متأكد إنك قوية لكن علي البنت الصغيرة دي هتعمل ايه دي في الدنيا
نور: مفكرتش غير اني هقتل روح ملهاش ذنب ان أبوها شخص قليل الأدب بيضحك علي البنات إيه ذنبها هي نقية قوي وبريئة إيه ذنبها انها تتعامل وحش
فؤاد: يعني انتي شايفة اني امشي الجوازة عادي
نور: أنا سايبة القرار لحضرتك وأنا متأكدة إنك حكيم في قراراتك والدليل علي كدة إنك وافقت تسمعني هتفرق ما بين اتنين بيحبوا بعض علشان ايه؟ وكمان كان ممكن أعدي الموضوع وأقول اني مطلقة حد كان هيسأل كنت متجوزة مين؟ ولا اتطلقت ليه؟ أكيد لأ كنتوا هتمشوا الموضوع ومكانش حد هيعرف لكن أنا محبتش إن أخوها يبدأ حياته بكذبة وبعدين لما تعرفوا الحقيقة كانت هتتقلب حياته
بصلها فؤاد بإعجاب في تفكيرها ولباقة كلامها وقد ايه هي صادقة
خلاص سيبيني أفكر لحد الصبح وإنتي ادخلي أوضة الضيوف دي ونامي يا بنتي وارتاحي
نور: لا يا عمي كتر ألف خيرك أنا هروح
فؤاد: دي أصول برده يا بنتي أسيبك تمشي في وقت زي ده
نور: معلش يا عمي أنا هعرف أدبر نفسي والجايات أكتر بإذن الله ولا إيه؟
فؤاد: ماشي يا غلبوية غلبتيني خلاص أنا موافق
نور: بجد يا عمي
فؤاد: بجد
نور: ربنا يبارك لنا في حضرتك يا رب
فؤاد: ويباركلك في بنتك اللي زي القمر البنت دي دخلت قلبي من غير استئذان حقيقي
نور: أكيد طبعا أعز الولد ولد الولد ودي بقت زي حفيدتك خلاص
فؤاد: زي ايه هي حفيدتي خلاص ولا عندك اعتراض
نور: لا لا لا خالص حفيدتك يا كبير
فضلوا يضحكوا هما الاتنين
نور: معلش بقا استأذن أنا
فؤاد: برده هتمشي اللي في دماغك ماشي اللي يريحك بس طمنيني عليكي لما توصلي يا بنتي
نور: ممكن أطلب من حضرتك طلب
فؤاد: عيوني يا بنتي اطلبي وأنا أنفذ
نور: الأمر لله وحده ممكن محدش يعرف اني جيت هنا كإن حضرتك فكرت في الموضوع ووافقت
فؤاد: صعبة دي قوي بس حاضر يا بنتي زي ما تحبي وقال بصوت واطي أوعدك خلاص سر بنا 🤐🤐
فضلوا يضحكوا فتحت نور الباب علشان تمشي لقت محمد في وشها : يعني خربتي الجوازة وبتضحكي
فؤاد: اخرس يا واد انت واعمل حسابك انا مبحبش حوار الخطوبة وبنتي تبقي داخلة خارجة مع حد غريب انت فاهمني تجهز نفسك الإسبوع الجاي كتب كتابكم وبعدين لما تجهز شقتك وعفشك وكل حاجة نعمل الجواز
ملك من ورا بعدم تصديق: بجد يا بابا
فؤاد: أيوة بجد واعملوا حسابكم أنا موافقتش علي الجوازة دي غير علشان أختك الطيبة دي وبنتها اللي زي القمر
نور: ربنا يكرمك يا عمي
ملك: طلعت تجري علي محمد وحضنوا بعض
فؤاد😳😳 انتي ملكيش كبير يا بت ولا ايه لمي نفسك ده انا واقف
نور: معلش يا عمي ما صدقوا ان حضرتك وافقت مكانوش متوقعينها تكمل بهزار فكها خليك روييح
ضحكوا كلهم
فؤاد: يلا بقا خد أختك ويلا من هنا
نور بهزار ايه ده مش كنت ماسك فيا علي بيات
فؤاد: انتي علي عيني وعلي راسي لكن انتي والواد ده لا لا لا لا انا لا اقبل 😂😂
ضحكوا كلهم وجت أم ملك علي صوت الضحك وعرفوها بالخبر اللي فرح قلبها أخيرا بنتها هتتجوز اللي قلبها اختاره
روحت نور ومحمد البيت
نور: اتمني أكون صلحت غلطتي وسابته ودخلت أوضتها من غير ما تسمع رده
طلبت صديقة طفولتها مروة: كنت عايزاكي في موضوع مهم ممكن تساعديني
مروة: عيوني
……….
نرجع بقا للي بيحصل في المستشفي صحت نور من ذكرياتها لقت نفسها في المستشفي مسلوبة الإرادة معلق لها محاليل نظرت في الغرفة لتجد أحمد نايم علي كف يدها وفي الخلف الأستاذ فؤاد نايم بشكل غير معتدل علي الكنبة
نور بتعب: أحمد
أحمد قام بسرعة وباين عليك التعب والحزن حمد الله علي السلامة ايه يا اختي معرفش انك بتحبي النوم قوي كدة قوليلي في حاجة وجعاكي
نور بتعب جسمي كله واجعني وإيه اللي جاب عمي فؤاد هنا مش المفروض يبقي في بيته دي بنته مكملتش تلات ايام علي جوازها
أحمد طيب اهدي بس بعدين نتكلم في الموضوع ده وموضوع الألم ده طبيعي انتي نايمة بقالك 7 ايام يا نور
نور بصدمة سبع أيام
أحمد: اه يا أختي سبع أيام والراجل المسكين ده مش راضي يسيبك حاولت معاه بكل الطرق انه يمشي وأنا هطمنه موافقش الراجل ده بيحبك قوي
صحي الأستاذ فؤاد علي صوت كلامهم طلع يجري عليها طمنيني عليكي عاملة إيه يا بنتي قوليلي ايه اللي تاعبك
نور: انا الحمد لله بخير يا عمي مكانش فيه داعي انك تيجي يا عمي وتتعب نفسك علي طريق سفر وكدة
فؤاد: ده انتي بنتي ينفع حد يسيب بنته برده وهي محتاجاله
نور: وعينها بدأت تدمع ااه ينفع يا عمي ينفع مع بابا عمل كدة
فؤاد امسحيها فيا انا يا بنتي معلش ولاد الحرام كتير أكيد حد ضحك عليهم
نور فضلت تعيط جامد دخلت مروة علي صوت عياطها
مروة أحيه أسيب معاكم البنت دقيقتين أجيب مية أرجع ألاقي البنت عايطة وسع كدة يا فجلة وهي بيزيح أحمد من مكانه وأخدت نور في حضنها اهدي يا روحي كل حاجة هتتحل صدقيني والله كل حاجة هتتحل
نور فضلت تعيط ومروة تحاول تهديها ولكن محاولات فاشلة اتصل أحمد علي امه ماما انا محتاجك هنا ضروري هاتي ميرو وتعالي وفعلا مفيش عشر دقايق كانت نونا في المستشفي
احمد: ايه يا ميرو القمر ده ونادي علي ممرضة قالها خودي ميرو خليها تبص علي البيبيهات اللي في الحضانة وتغنيلهم لو لسة مانانوش
ميرو بفرح هييييييه هشوف البيبيهات وطلعت تجري مع الممرضة
أحمد: ماما عايزك تفضلي جنب نور طمنيها واقريلها قرآن هي لسة في صدمة لحد دلوقتي
نونا: لسة مقولتلهاش؟
أحمد: لا يا أمي مش دلوقتي
نونا ربنا يشفيها يا ابني
دخلت نونا وقالت لمروة روحي يا مروة شوفي اخوكي عايزك
فؤاد: طيب أنا هخرج أشوف أحمد أنا كمان ألف سلامة عليكي يا بنتي
نونا نيمت نور في حضنها وفضلت تهديها وتقرألها قرآن وتدعي ربنا يبعد عنها الغم والحزن ويشفيها فضلت تقرأ قرآن بصوتها الجميل
هديت نور علي صوت القرآن وبدأت تبطل عياط لحد ما استسلمت للنوم
………
ميرو هشوف البيبيهات وطالعة تجري
الممرضة1:حاضر بس بالراحة انا كدة هقع يا بنتي
ميرو لا مش تخافي ميرو بتجري ومش بتقع انتي كمان مش هتقعي
الممرضة1:ماشي يا قمر
أخدتها أوضة البيبيهات فعلا وورتها البيبيهات من ورا الزجاج لإن صعب تدخلها الحضانة معاهم
ميرو الله دول حلوين قوي بصي الولد ده شعره اسود زيي
الممرضة 1:اها بس دي بنوتة مش ولد
ميرو: الله دي حلوة قوي
الدكتور: عايزك تروحي تجيبي ورق مهم سيبي البت وروحي هاتيه بسرعة
الممرضة 1:طيب وميرو
الدكتور: احنا مش فاتحينها حضانة هنا للدكتور أحمد انتي تقولي حاضر ونعم وبس سيبيها هنا مش هتتاكل واخدها وخرجوا
الممرضة2: تيجي نشتري حاجة حلوة
ميرو بس انا مستئذنتش من عمو أحمد ولا نونا
الممرضة 2:لا ما احنا هنعملهم مفاجأة علشان البيبيهات بتحب الحاجة الحلوة فإحنا هنروح بسرعة ونيجي مش هنطول
ميرو يعني انا هجيب حاجه حلوه علشان ادخل جوه
الممرضة2:اه طبعا
ميرو: يلا بينا
……………..
ميرو في ركن بعيد وعمالة تعيط
نور: ميرو مالك يا قلبي بتعيطي ليه
ميرو انا مش قلب حد انتي سيبتيني خلاص
نور: لا يا روحي مقدرش
ميرو انتي كذابة في راجل وحش قوي وانتي سيبتيني ليه
نور لا يا روحي اسيبك ازاي ليه احنا اتفقنا انا مش هسيبك أبدا
ميرو ترفع وشها وتبص علي نور تتفاجئ نور بإن ميرو كلها دم وماسكة طفل صغير علي رجلها زي ما يكون متشوه وشه بطريقة وحشية
نور هييييييييييييييييييييييييييييييه ميرو ميرو ميرو فين انا عايزة بنتي بنتي فين بنتي فين وفضلت تصرخ
أحمد دخل ايه يا نور اهدي في ايه
نور ميرو يا احمد كانت بتستنجد بيا بنتي حصلها حاجة
أحمد اهدي اهدي دي مع الاطفال في الحضانة متقلقيش
فضلت تصرخ جامد نادى علي الممرضة تديها حقنة مهدئة
………
ميرو كل ده مشي انا تعبت عايزة اروح لنونا
الممرضة٢:نونا ايه بقا انا هوديكي عند حد تاني خالص
ميرو مين.؟
الممرضة2: هتعرفي بعدين
ميرو رجعيني لماما وفضلت تصرخ
راحت الممرضة مطلعة منديل وحطت عليه مخدر وخدرت البنت
الممرضة٢: يا شيخة بقا قرفتيني في عيشتي
وصلت لعربية سودا خبطت علي ازازها اتفتح الازاز
الممرضة ٢بابتسامة: البضاعة يا باشا
…..: بضاعة حلوة ولا سكة زي المرة اللي فاتت
الممرضة٢:عيب عليك دي زي القمر حتي بص دي هاكل من وراها الشهد
….: تعجبيني ارميها ورا وطلع شنطة فيها 200ألف جنيه مش خسارة فيكي
الممرضة2:من يد ما نعدمها يا بيه
……………
أحمد: اومال فين عم فؤاد اختفي فجأة
مروة معرفش المفروض كان هنا من شوية ييجي دلوقتي
نونا: انا مش مستريحة حاسة ان فيه حاجة غلط وقلبي واجعني جامد ما تقوم يا أحمد تشوف مروة الصغيرة فين أحسن يكون فعلا بعد الشر جرالها حاجة
دخل عليهم فؤاد ووشه مليان عرق: هي قوام ما نامت تاني
أحمد: للأسف اضطريت اديها مهدئ
فؤاد: ربنا يتم شفاءها علي خير
رن تليفونه فجأة قالوا أيوة
الطرف التاني: البضاعة تمام
فؤاد: تمام أنا جاي
معلش يا جماعة أستأذنكم وهرجع تاني علشان اطمن عليها لو احتاجتوا أي حاجة كلموني وخرج
…….
الممرضة١:يا دي النيلة البت قلبت عليها المستشفي راحت فين دي بس دكتور أسامة
أسامة: نعم يا نعمة خير
نعمة: البت الصغيرة اللي كانت مع دكتور أحمد قلبت عليها المستشفي مش لاقياها
أسامة نعم بروح أمك يعني إيه
نعمة: والله م أعرف الدكتور طلب مني ورق مهم وقالي اسيبها عادي رجعت مالاقتهاش وقلبت عليها المستشفي
أسامة إياكي أحمد يعرف لو سأل طمنيه روحي يا شيخة ربنا ينتقم منك بت صغيرة مش عارفة تاخدي بالك منها تعالي ندور تاني يمكن نلاقيها يا بلوة هانم
نعمة: حاضر
أسامة: ولا أقولك تعالي نشوف الكاميرات أسرع اتفضلي قدامي
نعمة مشت قدامه من غير ولا كلمة
راحوا اوضة الكاميرات وهناك اكتشفوا ان الكاميرا واقفة أسامة بعصبية إزاي الكاميرات تقف لا وإيه كاميرا الحضانة لحد باب الخروج ايه الحلاوة دي أنا عايز أعرف مين كان هنا يا بقر وكان بيعمل إيه بالضبط