رواية أسود الداخلية الفصل الثاني والعشرون 22 بقلم أسماء عبدالهادي

رواية أسود الداخلية الجزء الثاني والعشرون

رواية أسود الداخلية البارت الثاني والعشرون

رواية أسود الداخلية الحلقة الثانية والعشرون

اتصدمت سمر من كلامه واتكسفت في نفس الوقت علشان كدا مابصتش ناحيته وفضلت مدياله ظهرها لكنها سمعته بيقول
_ أنا ياسمر يمكن مش بعرف أعبر عن مشاعري كويس ويمكن دبش ومش رومانسي زي مامازن بيقول بس كل اللي لازم تعرفيه إني بحبك ياسمر .. صحيح ممكن يكون فيا طباع كتير بتضايقك بس دا مش معناه إننا نفسخ خطوبتنا لا أبداً أنا مقدرش أستغنى عنك …
إحنا تقريباً مش بنقعد مع بعض ولا فاهمين بعض كويس علشان كدا ياسمر أنا بقترح إننا نكتب الكتاب علشان نقدر نقعد مع بعض ونتكلم كويس وكل واحد فينا يعرف التاني هو عايز إيه في شريك حياته…
نحاول نوصل لحبل تواصل وتفاهم بينا وصدقيني لوحسيت بردوا إنك لسه مش مرتاحة أو حاسة إن طباعي مش هتقدري تستحمليها هننفصل على طول لكن كل اللي طالبه منك فرصة نتعرف فيها على بعض أكتر إيه رأيك ..
سمر قالت بخفوت
_ ماشي اللي تشوفه
إبتسم وقال
_ تمام ياسمر هكلم قصي يلا إطلعي بقى ..
_ ااا لا أنا هنزل
_ تمام انزلي ..
_طب ممكن تبعد علشان أنزل ..
_ أبعد إيه ما السلم واسع أهو ..
_ لا أمشي خالص علشان أعرف أنزل ..
عرف إنها مكسوفه فضحك وقال
_ اه هههه ماشي أنا أصلاً كنت طالع فوق ..
_ طب أطلع يلا وخلصني ..
ضحك أكتر
_ طب ياستي متزقيش كدا لحسن أقع على جدور رقبتي وأنا داخل على كتب كتاب ..
سمر متحملتش وكانت في قمة كسوفها فأخدتها جري لتحت
هنا جه عدي ومازن اللي شافوا سمر بتجري وأدهم واقف وعلى وشه بسمه حالمة
عدي
_ أيوا بقى قر واعترف يلا كنت بتعمل إيه ..
مازن
_ قول إني فاهم غلط لا مش معقول إنت ياأدهم ..
أدهم
_ خف ياظريف إنت وهو عايزين إيه ..
عدي بمكر
_ عايزين نفهم إيه اللي بيجرى وعلى السلم ياأدهم هي حصلت ..
ضحك أدهم لأنه عارف إن عدي بيهرج
_ ولا عايز توصل لإيه كنت بصالحها ارتحت ..
عدي
_ أيوا كدا ياعم اتلحلح ..
أدهم
_ أديني بحاول أهو وقررت نكتب كتابنا علشان نفهم بعض أكتر ..
مازن
_ لا مش كفاية ..
أدهم
_ أومال أعمل إيه ..
عدي
_ تاخد كورسات عند أخوك ..
أدهم
_ أخد كورسات إيه مش فاهم ..
مازن
_ ولا عمرك هتفهم… كورسات في النحنحة ياجاهل ..
أدهم حط إيديه في جيوبه وقال وهو طالع على فوق
_ لا مش محتاج للكروسات أنا هعرف أتصرف لوحدي ..
مازن
_ ربنا يستر أنا مش متفائل ..
❈-❈-❈
تاني يوم
فرقة الأسود راحوا على شغلهم
وهناك كانوا كلهم متجمعين في إنتظار المقنع أو الداهية زي مابيلقبه اللواء
فقال قصي
_ شباب شوية وراجعلكم ..
مازن
_ على فين ياوحش ..
قصي
_ مش هتأخر يامازن ..
خرج قصي ووقف في أوضة الأرشيف وأول ما لمح المقنع شده من إيده ودخله على جوة ووارب الباب لكن مقفلوش
ووقف وهو مربع إيديه وقال
_ خلاص اتكشفت يا .. يا مقنع وخطتك في إنك تتخفى مني فشلت أنا قدرت أعرف إنت مين بسهولة ومن غير ما أدور وراك ولا أي حاجة من دي ..
المقنع ربع إيديه هو كمان
فقال قصي
_ عايز تعرف عرفت منين هقولك… سكوتك دا كان أكبر دليل عليك أو عليكي
قالها قصي وهو بيشيل القناع من على وش مرام
أيوة بالظبط هي مرام أخت أيهم إزاي بقت المقنع وإزاي لسه عايشة هنعرف كل الإجابات دي منها شخصياً
اتفاجئت مرام بحركة قصي المباغتة وشهقت
_ هيىء
قصي بسخرية
_ إيه كنتي فاكرة إنك الأذكى هنا ولا إيه ..
هنا مرام اتخلت عن صمتها وقالت
_ شيفاك متضايق لما عرفت يعني إيه خايف يكون ليك منافس ..
بصلها قصي بحدة وشراسة
_ ليه خبيتي حقيقتك عني من الأول ليه كل اللفة الطويلة دي ماكان ممكن نساعدك في مهمتك لما نعرف حقيقتك بردوا ..
إبتسمت مرام وقالت
_ نفس النظام معاك ياوحش إنت زعلان ليه ماإنت خبيت عن أهلك وفرقتك كونك بتقدر تمشي ورجليك سليمة ..
زعق قصي
_ دا يختلف عن دا
مرام ببرود
_ ميختفلش في حاجة وبعدين أنا حره أختار إمتا أقول حقيقتي وإمتا لأ أنا محدش بيملي عليا اللي لازم أعمله ..
قصي بغيظ
_ مغرورة وشايفة نفسك أوي على فكرة ..
مرام
_ لو إنت شايف كدا فمش هعارضك أنا مش هروح لكل واحد علشان يصحح فكرته عني ..
بصلها قصي بغيظ وجه يمشي ويسيبها
فقالت مرام
_ إيه مش هتقولي أهلاً بيكي في الفريق ..
قصي مردش عليها وسابها ومشي
وراح لفريقه وقعد بإنزعاج
أدهم
_ مالك يابني فيك إيه مش على بعضك من الصبح ..
قصي
_سيبني في حالي ياأدهم أنا على آخري ..
عدي
_ حصل إيه بس هو جد أي جديد؟؟
هنا جت مرام وفي إيدها القناع علشان يعرفوا إنها هي وقالت
_ متضايق علشان عرف إني أنا المقنع ومش فاهمة إيه اللي مضايقه في الموضوع ..
كلهم تنحوا مكانهم
ومازن بتلقائية
_ يخربيتك إنتي إزاي كدا… إنتي لسه عايشه؟؟؟ دي السفينة انفجرت مليون حتة… إنتي زي القطط بسبع أرواح ؟؟
عدي بحدة
_ إنتي المقنع إزاي أكيد فيه حاجة غلط هو إنتي معانا وعلى علينا أنا مش فاهم حاجة إنتي مين بالظبط..
أدهم
_ إسمعي ياحلوة لو كانت حيلتك دي خالت على اللواء مش هتخيل علينا فاهمة ولا نفهمك بطريقتنا ..
مرام راحت قعدت على المكتب وقالت ببرود
_ خلاص خلصتوا كل كلامكم وقلتوا كل اللي في قلبكم ممكن نقعد بقى ونتكلم في الشغل علشان نقفل القضية دي بقى ونرتاح ..
مازن
_ الحق ياوحش دي بتتكلم بجد وكأنها واحدة مننا ..
مرام
_ أنا واحدة منكم افهموا بقى ..
قصي بهدوء عكس اللي جواه ..
_ مرام فعلاً واحدة مننا دلوقتي ياريت تهدوا ونتكلم جد شوية ..
أدهم زهق
_ مش هنتكلم في أي حاجة إلا لما نفهم الأول إيه اللي بيجرى ..
مرام اتنهدت
_ تمام ياأدهم إتفضل أقعد وأنا هحكيلكم كل حاجة ..
الكل قعد مكانه فقالت مرام
_ في الواقع أنا المقدم مرام خليل اه للأسف إسمي على إسم مرام الأفعى …ودا عملي الأساسي ولكن لسبب ما تم اختياري وتدريبي علشان أشتغل كعميل سري
وفي مرة كنت بأدي عملي فكنت هنكشف للأسف من الأفعى اللي طلعت فعلاً خطيرة ومفيش عندها لا قلب ولا رحمة ودارت بينا معركة كنت فيها الخسرانه لحد أخر لحظة بفضل الله قدرت اتغلب عليها واصبتها برصاصة مكنتش أقصد بيها موتها لأني عايزاها حية علشان نستجوبها لكن للأسف الرصاصة كانت في مقتل وماتت
في الوقت دا قررنا إني انتحل شخصية مرام الأفعى وخاصة لما لاحظنا تشابه الطول وحجم الجسم تقريباً وحتى الملامح
فبمجرد عملية تجميل بسيطة بقيت شبه اللي ما تتسمى دي ..
الكل شهق
مازن
_نعم اتخليتي عن ملامحك علشان تكوني زيها أنا مش متخيل دا ..
مرام
_الشغل شغل وطالما دا هيفيدني في مهمتي وللسبب الأساسي اللي أنا هعمل المهمة علشانه فمفيش عندي أي مانع أبداً ممكن ناس متقدرش تعمل دا وتلبس ماسك وخلاص لكن أنا كان لازم أكون زيها بالظبط لأن أيهم مش سهل أبداً ..
عدي
_ تمام كملي
مرام
_ فضلت أدرس ملف الأفعى وأدرس شخصيتها كويس وأسلوبها وصوتها ولما اتمكنت من دا بفضل الله روحت لأيهم على إني أنا الأفعى أخته والحمد لله قدرت أحبك الدور كويس أوي وأظن الباقي إنتوا تعرفوه ..
أدهم
_ لا ما تخديناش في دوكة أنا متأكد إنك موتي في السفينة … السفينة انفجرت لمليون حتة إستحالة يفضل فيها حد على قيد الحياة ..
مرام
_دا حقيقي وبصراحة أنا كنت متغاظة منكم أوي أنا حرفيا كان ممكن أموت وقتها بس بفضل الله وعلشان ليا عمر ربنا الهمني إني أدخل القمرة السرية المخصصة للطواريء واللي ميعرفش بيها غيري ومصمم السفينه والقبطان ودي عبارة عن أوضة سرية صغيرة جداً تكفي فرد يادوب قاعد… موجودة في جانب من جوانب السفينة ولحسن حظي إني كنت واقفة عندها علشان كدا حمتني وفضلت على قيد الحياة ..
مازن
_ يابنت الإية مش بقول زي القطط بسبع ارواح ..
مرام
_ استنيت لما الجو خلى حواليا أو بمعنى أصح لما الأوكسجين اللي موجود في القمرة خلص وخرجت
وطبعاً علشان العقيد الوحيد اللي كان عارف بأمري كان بعتلي فرق إنقاذ يدوروا عليا ولما لاقوني أخدوني من عرض البحر في سرية تامة وأديني أهو قدامكم من جديد ..
عدي
_ دي حكاية ولا في الخيال أنا حاسس إني بحلم ..
مرام بجدية
_ دي الحقيقة ياعدي أحياناً الحقيقة بتكون أفظع من الخيال ..
أدهم بإعجاب
_ بس بجد أحييكي يامرام صدق اللي سماكي داهية فعلاً لا دا إنتي مصيبة ..
مرام ضحكت
_ العقيد اللي أطلق عليا اللقب دا بعد ما عرف بنجاتي ..
مازن
_ فعلاً تستحقيه … فخور بوجودك معانا في الفريق ..
مرام بجدية وهي بتبص لقصي وبتقول بنبرة ذات معنى
_ كويس إنكم تقبلتوا وجودي في الفريق مش مضطرين زي ناس ..
قصي قابل نظراتها ببرود
وبعد كدا افتكر حاجة فقال بحدة
_ مين سليم دا تبعك بردوا ؟؟
مرام علشان تغيظه
_ سليم دا حبيب قلبي ودا السبب اللي خلاني أعمل شخصية الأفعى علشان أكون جنبه وأخلصه من أيهم
رفع قصي حاجبه بإنزعاج
_ لا يا شيخة هو إنتي كنتي تعرفيه قبل كدا ..
مرام بغموض
_ أبداً بس حبيته أول ما شفته مع الأفعى ..
هنا قصي دمه حمي وضغط بإيده على المكتب
_ أنا بقول نتكلم في المهم أحسن ..
مرام إبتسمت إبتسامة خفيفة وبعدين رجعت للجدية وقالت
_ دلوقتي أيهم بيستعد علشان يخرج من البلد ..
عدي
_ متخافيش مش هيعرف يخرج طول ما إحنا موجودين ..
مرام
_ لا هنسيبه يخرج ياعدي أنا معايا كل المعلومات والملفات اللي توقع أيهم والناس اللي متورطة معاه فاضل بس كام شخصية مصرية متورطين معاه برا ولازم أجيبهم علشان كدا لازم يسافر ..
أدهم
_ معنى كدا إننا هنسافر وراه ..
مرام
_ بالظبط كدا بس مش كلنا واحد بس اللي هيسافر معايا والباقي هيفضل هنا علشان يداهم كل المصانع ورجال الأعمال اللي كانوا تبع أيهم وانفردت بالشغل لوحدها لازم نطهر البلد من كل المهربين اللي فيها ..
قصي مكانش مهتم إنه يسافر في مهمة معاها لأنه متضايق منها ومن كلامها عن سليم
لكنه أول ما سمعها قالت
_ واحد منكم هيسافر معايا على إننا زوجين وطالعين نقضي شهر العسل تحبوا مين يقوم بالمهمة دي ..
هنا قصي مقدرش يتحمل وقام وقف وقال
_ المهمة خطيرة ومحدش هيقوم بيها غيري مش هخاطر بأسودي
وطبعاً هو مقالش كدا علشان خطورة المهمة لكنه متحملش مرام تتنكر عل إنها مرات حد غيره ..
مرام بجدية
_ تمام أنا ماعنديش أي مشكلة أي واحد فيكم مش هتفرق ..
بصلها قصي بغيظ وقال
_ لا طبعاً هتفرق كتير لأني واللي إنتي متعرفيهوش كنت بجمع معلوماتي عن رجال الأعمال المصريين اللي برا البلد واللي ليهم صلة بأيهم وبالتهريب ..
مرام
_ طب كذا حلو أوي ياقصي بكدا إنت هتسهل مهمتنا أكتر … أيهم هيسافر الليلة وإحنا المفروض نكون معاه على نفس الطيارة ها جاهز ..
قصي
_ جاهز أكيد ..
مرام
_ كدا مشكلتنا في جوازات السفر أتمنى تكون جاهزة على المعاد أنا هقوم أبلغ اللواء بدا وإن شاءالله هنتقابل في المطار ياقصي إتفضل دي الشخصية اللي المفروض هتتنكر في هيئتها ..
قصي قام علشان يجهز نفسه للمهمة والشباب كملوا شغلهم بدراسة أماكن المداهمات ووضع الخطط المناسبة
❈-❈-❈
لما رجع الشباب البيت بعد الشغل
نادت لينا على أخوها مازن
_ مازن ممكن أتكلم معاك ..
مازن بإستغراب
_ طب أدخلي هنتكلم على السلم ليه يابنتي ..
لينا
_ لا أخاف أدهم يسمعنا ..
مازن
_ لينا في إيه قلقتيني ..
فركت لينا صوابعها
_ بصراحه يامازن أنا قلت أكلمك إنت علشان عارفة إنك هتفهمني ومش هتتحمق زي أدهم ..
مازن
_ أنا سامعك يالينا فيه إيه ..
لينا قالت بسرعة وكأنها عايزة تتخلص من اللي هتقوله
_ النهاردة وأنا في الجامعة واحد زميلي وقفني وقالي إنه معجب بيا وعايز رقم ولي أمري علشان يطلبني منه ..
رفع مازن حاجبه وقال
_ اممم قولتيلي بقى ..
في الوقت دا عدي كان نازل علشان يتكلم مع أدهم فسمع كلامهم اللي أثار فضوله إنه يكمله للآخر
لينا
_ علشان كدا عطيته رقمك يامازن ومديتوش رقم أدهم لأني خوفت من ردة فعله بصراحة وقلت أقولك علشان متكونش متفاجىء وكمان تتصرف معاه براحتك بقى ..
مازن
_ وإنتي رأيك إيه ..
لينا
_ رأيي في إيه ..
_ في الشاب اللي هيتقدم دا ..
لينا
_ بصراحة يامازن عادي زيه زي أي شاب يعني محطتش الموضوع في دماغي وسيبت الموضوع ليكم تسألوا عنه ولو وافقتوا وخليتوه يدخل البيت ساعتها هبتدي أفكر في الموضوع بشكل جدي ..
_افهم من كدا إن إنتي مفيش في قلبك أي مشاعر تجاهه هو أو أي حد تاني ..
ردت بخوف منه
_ لا والله يامازن وإنت عارفني كويس ..
_ يا بنتي مش محتاجة تحلفي أنا بسألك سؤال عادي ..
إبتسمت لينا
فقال مازن
_ تمام لما يكلمني هنسأل عليه ونشوف الموضوع ده ربنا يقدم اللي فيه الخير ..
حضنت لينا أخوها
_ حبيبي يامازن ..
مازن
_ روح قلب أخوها ياناس كبرتي وبقيتي أجمل عروسة ..
اتكسفت لينا ودخلت بسرعة على جوا
فضحك مازن
هنا نزل عدي وعلى وشه علامات الغضب
_ مازن العريس النيلة اللي جايلها دا تطفشه وتقوله إن لينا مخطوبة إنت فاهم ..
مازن فتح بوءه
_ نعم ياخويا ..وبعدين ضحك وقال
_ أوبا إنت وقعت يابطل أخيراً ..
عدى ولسه على نفس شدته
_ سمعت أنا قلت إيه يامازن ..
مازن بعند
_ بس إنت كدا بتوقف حال البنت ..
عدي
_ لينا محدش هيتجوزها غيري إنت فاهم ..
مازن بصوت عالي
_ يا ناس أخيراً أبوالهوول نطااق ..
هنا خرج أدهم
_ في إيه يابني صوتك عالي كدا ليه ..
عدي
_ أدهم أنا عايز أتجوز أختك ..
أدهم
_ ودا من إمتا إن شاءالله…