رواية أسود الداخلية الفصل الثالث والعشرون 23 بقلم أسماء عبدالهادي

رواية أسود الداخلية الجزء الثالث والعشرون

رواية أسود الداخلية البارت الثالث والعشرون

رواية أسود الداخلية الحلقة الثالثة والعشرون

استعد قصي علشان المهمة بتاعته وسلم على اهله وفريق الاسود
ادهم_ قصي ترجعلنا بالسلامة لا اله الا الله
قصي _محمد رسول الله خد بالك من البنات وماما يا ادهم لحد ما ارجع
ادهم _اطمن عليهم ارجعلنا بس انت بالسلامة
امه حضنته وهي بتعيط _ارجعلي يا ابني بالسلامة انا مليش غيرك
_مش عايز اشوف دموعك دي تاني يا امي انا هرجع علشانكم ان شاء الله استودعكم الله
الام_ في امان الله يا ابني
قالها وحضن امه وكمان منه وسمر ومشي ووصله عدى للمطار
وبالفعل وصل قصي للمطار واول ما شافته مرام ضحكت
_ايه دا انت معقول قصي
قصي بغرور مصطنع_ هو بشحمه ولحمه
مرام باعجاب_ لو مكنتش اعرفك كنت هظن انك فعلا سائح اجنبي بجد قدرت تتنكر كدا ازاي
قصي _مش انتي بس اللي بتقدري تحبكي دورك
واول ما انتبه للي هي لابساه
قال بانزعاج
_تعالي هنا ايه اللي انتي عاملاه ف نفسك دا
_ايه عجبك مش كدا عروسة بقا وكدا والمفروض طالعين نقضي شهر العسل
_لا ياشيخة بمنظرك دا استحالة امشي معاكي
قصي_ فيه ايه مالك الفستان شيك جدا ايه مشكلتك
_مشكلتي انه عريان اوي يا هانم وكتافه كلها باينه انتي ازاي تسمحي لنفسك تمشي كدا
_ايه يا قصي ما دا لبسي دايما كدا انت في ايه مالك انت هتعيش الدور ولا ايه
_اه طبعا هعيشه انتي دلوقتي هتكوني مراتي وانا مسمحش أبدا مراتي تمشي كدا
_لا انت مجنون دا تمثيل مش حقيقي انت بتقول ايه
قصي بحدة _هي كلمة اتنيلي حطي شال ع اكتفاك والا هلغي المهمة دي من الاساس وهروح لوحدي وتفضلي انتي هنا بفستانك النيلة دا
_انت عجيب فعلا انا مشفتش كدا قبل كدا
_هو انا كدا هتعملي اللي قولتلك عليه اخلصي
_طب بس الجو حر يا قصي مش هتحمل الشال
_قل نار جهنم اشد حرا لينا كلام تاني مع بعض بعد المهمة دي انجزي يلا
_ماشي وامري لله
وقالت ف نفسها_ انا ايه اللي دبسني التدبيسة السودا دي مع قصي دا مش كنت طلعت مع مازن ولا عدى كانوا هيكونوا لذاذ فعلا
فاقت مرام ع صوت قصي بيقول _استنى قبل ما نمشي مفيش اي اتنين عرسان جداد بيمشوا جنب بعض كدا وكأنهم اغراب
مرام_ اه قصدك نأكج بعض يعني
قصي _وعلشان اقدر اعمل دا لازم نكتب كتابنا
._نعم انت بتقول ايه
_اخلصي الطيارة فاضل عليها نص ساعة وتطلع يلا نشوف اقرب مأذون
_لا انت مجنون بجد
قصي بمكر_ انتي لسه شوفتي الجنان اللي على اصوله يا ويلك مني
مرام _بتقول حاجة يا قصي
قصي_ ها لا بقولك يلا مفيش وقت
وبالفعل كتبوا الكتاب واللوا وعسكري كان معاهم كان الشاهد على العقد
مرام كانت واقفة بصدمة ومش مستوعبة اللي حصل
قصي قال بمكر_ كدا اقدر اقول بضمير مبروك يا عروسة
اتنرفزت من كلامه_ قصي من فضلك بطلع هزارك التقيل ظا
قصي_ بس انا مش بهزر ايه احنا مش جايين ع اننا عرسان جدا يبقى هزار ايه بقا والله دي خطتك انتي انا مجبتش حاجة من عندي
قالت بضيق
_كانت خطة منيلة بنيلة انا اللي جبته لنفسي كان مالها لو كنت قلت اتنين اخوات ها
ضحك قصي_ والله انا مليش دخل دي خططك وانا ماشي عليها بالحرف
مرام_ يووه طب اتقضل قدامي يلا
قصي حط ايده ف ايديها
_لا طبعا ودا يصح يا مدام قصي دا احنا حتى عرسان جداد
مرام للوا اللي كان بردو جاي بزي مدني عادي _عاجبك كدا يا سعادة اللوا
اللوا_ انا مش شايفه بيعمل حاجة غريبة بالعكس عايش الدور وبيأديه على اكمل وجه
اتغاظت مرام أما قصي فابتسم للوا وغمز لمرام _يلا يا عروسة
مرام_ يووه على فكرة انت اسمك الحركي امجد ها خليك فاكر
قصي_ اطمنى مذاكر كويس يا سالي ها كدا كويس يلا نطلع الطيارة
مرام ف نفسها ي_ارب عدى المهمة دي ع خير دا شكله هيفقعني من اولها
قصي برخامة_ لا شكل المدام طالعة شهر العسل غصب عنها ما تبتسمي يا عروسة هتكشفينا مش كدا اومال
مرام _وربنا انت مستفز يا قصي
قصي_ ها امجد انتي اللي نسيتي اهو مش انا
بصتله بغيظ وكملت ف طريقها
وفي الطيارة كان ايهم قاعد ومتوتر وعينه كل شوية ع شباك الطيارة شوية وعلى ساعته شوية
_اطلعي بقا خرجيني من هنا
فعملت مرام وهي رايحة للكرسي انها كانت هتقع فسندت ع كرسي ايهم
وقالت بصوت حاولت يكون مختلف
_سوري كنت هقع
ايهم بلا مبالاة لانه دماغه مشغولة _حصل خير
قصي سحبها من ايدها وقعدها جنبه وقتل بغضب
_ايه اللي انتي عملتيه دا يا مدام كان ناقص تقعي في حضنه
مرام بغضب_ في ايه يا قصي ما تشوف انت بتقول ايه
_ممكن اعرف ايه اللي انتي عملتيه دا
مرام بهمس_ ايه كنت بزرع مايك ف هدومه علشان نسجل اي مكالمة تدور اول ما يوصل
بصلها قصي ومعلقش لكنه قال بنبرة حازمة_ حطي حزام الامان
بعد ما الطيارة خلاص اقلعت اتنفس ايهم براحة وشاف المضيفة معدية فقال_ لو سمحتي لو ممكن كوباية عصير فريش اروق اعصابي
المضيفة _حاضر يا فندم
غمض ايهم عينه براحه
اما مرام اول ما شافت المضيفة معدية عملت انها هتقوم وخبطت بيها
وقالت_ سوري معلش
المضيفة _ولا يهم حضرتك انتبهي علشان متقعييش
مرام _سانكس
المضيفة لايهم _اتفضل يا فندم
رجعت مرام لمكانها
فهمسلها قصي_ حطيتي ايه ف العصير
مرام _ولا حاجة حبوب هلوسة بس .. لكن مفعولها مش هيشتغل دلوقتي
قصي_ انتي ليه معتطينيش علم باللي هتعمليه دا
مرام _دا الجزء الخاص بمهمتي هقولك عليه ليه كويس انك عارف دورك وبس
قصي بغيظ _يا سلام
مرام_ اشش بس علشان محدش يسمعنا
ولما اخيرا وصلوا لندن
وقفت مرام مع قصي
فقال_ قصي هنشوف النيلة دا هينزل في اي اوتيل وهنروح وراه افتحي جهاز التتبع يلا
مرام _اوك
وبالفعل عرفوا وجهتوا
وراحوا عل الفندق اللي هينزل فيه وحجزوا اوضة جنبه بالظبط
وهناك ف الاوضة
سمعت ايهم من خلال المايك اللي زرعوه في شنطنته
فقالت_ ايهم هينزل يقابل شركاؤه واحنا لازم نكون هناك استعد
قصي _ونكون هناك ايه
مرام_ افهم لازم ازرع مايكات عند كل واحد فيهم لازم اعرف بيخططوا لإيه
قصي_ لا لو كان بطريقة التلزيق بتاعتك دي فأنا مش هسمحلك سيبيلي انا المهمة دي وانا هقوم بيها
_طب يلا استعد علشان ننزل واعمل اللي تعمله المهم تزرع المايك
وبالفعل نزل قصي واتنكر ف هيئة نادل وزرع المايك في كل واحد منهم وهو بيقدم ليهم المشروب الخاص بيهم
وبعد شوية ابتسمت مرام اللي كانت قاعدة ع ترابيزة بعيد
وقال_ اديهم اتخانقوا يبقى حبوب الهلوسة اشتغلت مع ايهم
قصي بدل هدومه وانضم ليها وقال بمكر هو كمان_ دلوقتي ايهم بقا بح بالنسبة ليهم عايزين نعرف بقا هيستعين بمين علشان يرجع شغله واعماله من تاني
مرام
_بالظبط كدا وكمان عايزين نعرف هل فيه خونة تانين من مصر للمجرمين دول وبيدخلوا عن طريقهم لمصر
قصي_ ان شاء الله هنعرف كل حاجة
خلصوا مشروبهم
ورجعوا اوضتهم يسمعوا كل التسجيلات ويدونوا كل الملاحظات
وبعد يومين
قصي قال
_تمام اوي كدا عرفنا مين اللي هيشتغلوا معاهم من مصر
مرام _ قصي احنا محتاجين نعرف طريقة التسليم هتم ازاي سامع قالوا ايه
_ الحفلة دي لازم نحضرها والهدية اللي في الواقع هتكون الورقة اللي فيها طريقة التسليم لازم تكون ف ايدينا قبل ما توصل ليهم لازم نعرف هيدخلوا الشحنات دي البلد ازاي
_تمام معاك يا قصي ايه خطتك
_اسمعي
وفي الحفلة استعان قصي ومرام بالجواسيس اللي معاهم وبيشتغلوا لصالحهم وقدروا انهم يتخطوا الحراسة اللي بتحرس الاوضة اللي فيها الهدية المطلوبة عن طريق تعطيل كاميرات المراقبة اللي ف المكان وكمان مرام عطت للحراس عصير فيه منوم بحيث محدش بعرف مين دخل ومين خرج واول ما يفوقوا ويعرفوا انهم ناموا مش هيقدروا يقولوا للزعماء بتوعهم انهم كانوا نايمين
دخل قصي بسرعة البرق وفتح العلبة وعرف الطريقة وقفلها تاني بحرافية عالية
وخرج جري وهو بيقول لمرام _يلا بسرعة
مرام قصي لازم نصحى البهوات اللي ناموا دول والا هيعرفوا ان حد اكتشفهم وممكن بغيروا الخطة
قصي _معاكي حق
فطلعت مرام برفيوم من شنطتها وفوقتهم
واول ما بدؤا يفوقوا اتحرك ادهم ومرام من مكانهم بسرعة
والحراس اول ما لقوا انهم نايمين قاموا بسرعة وقفوا مكانهم قبل ما حد يلاحظ تقاسعهم عن الحراسة
___
وبالفعل تم القبض على البضاعة وهي بتتسلم في المينا المصرية والقبض على كل اللي ليه دخل في التهريب وتمت مهمة قصي ومرام بنجاح ورجعوا ارض الوطن من تاني
هناك حياهم اللوا
_برافوا يا اسود برافو انتوا فخر بلدنا حقيقي
ادهم _لحظة واحدة هنسيب ايهم بكل جرايمه وكل اللي عمله يسافر ويفلت كدا باللي عمله
اللوا ابتسم وقال _قصي انت لسه مقلتلوش!!
قصي قال_ اطمن الشركا اللي كان متعاون معاهم هناك لما حسوا انه بقا كارت محروق بالنسبة ليهم وخلاص انكشف من البوليس سواء المصري او الاجنبي قتلوه علشان سرهم يموت معاه
مازن بفرحة_ قول والله ياااه كان نفسي انول انا شرف القضاء عليه
قصي _الحمد لله اتخلصنا منه وهياخد جزاءه العادل في الاخرة اكيد
مسك الاسود أيديهم في أيدين بعض وقالوا
وكدا_ الحمد لله نقدم نقول طهرنا البلد وخلصت المهمة بنجاح
عدى_ يعني مش طهرناها بشكل دائم لانه طول ما الخليقة موجودة هنشوف شياطين الانس كتير
قصي بعين زي الصقر _واحنا ليهم بالمرصاد
ابتسموا كلهم بفرحة وهنا قال مازن
_بالمناسبة دي بقا انا هعمل فرحي في الاجازة الاسبوع اللي حيلتي ومحدش يعترض ماشي يا اخينا
كان قصده ع قصي
فأدهم قال _وانا كمان هكتب كتابي على سمر ولو وافقت يبقى جواز بالمرة
قصي _واحدة واحدة ع سمر يا ادهم خليها تفهمك الاول وتعرفوا بعض كويس وبعد كدا اتجوزوا الدنيا مش هتطير
عدى_ يا سلام اشمعنا كلكم هتتجوزوا انا كمان عايز اكتب كتابي
ادهم ي_ا شيخ اتلهي انا اساسا لسه متكلمتش مع لينا ف الموضوع
عدى بثقة_ لا رتب انت إجراءات كتب كتابنا وانا هقنعها سيبلي انا الموضوع ده
مازن لمرام اللي كانت بتابعهم والإبتسامة ع وشها
_وانتي طبعا معزومة ع فرحي خلاص بقيتي اسد من اسود الداخلية
ابتسمت مرام_ عيوني يا مازن حاضر هحضر اكيد دي منة حبيبتي
مازن_ اه صح انا ناسي انكم كنتم اصحاب .
مرام _مازن ممكن اجيب ضيوف معايا الحفلة
مازن _اكيد طبعا انتي وكل حبايبك معزومين مفيش كلام
مرام_ كلك زوق يا مازن والله
فبصت مرام قدامها فشافت قصي لوحده فقررت تروحله علشان يلغي عقد كتب الكتاب اللي بينهم وبمجرد ما خلاص وصلتله لقته اتحرك من مكانه واختفي من قدامها
__
في البيت عدى شاف لينا راجعة من الجامعة فقال
_لينا
لفت لينا وشها وقالت بابتسامة هادية _نعم
قال هو بارتباك_ اا ازيك انتي كويسة
استغربت سؤاله_ اه كويسة الحمد لله هو فيه حاجة
عدى بصراحة_ فيه وانا مش عارف ابدأ منين
_اتفضل اتكلم انا سامعاك انت نفسك ف اكلة معينة او حاجة؟؟
_اه ياريت
_بس كدا عيوني
_لا انا ممكن اطلب ايدك الاول وبعدين عيونك بعدين
_ايه مش فاهمة
_لينا بصراحة بقا انا قررت اتجوز واودع حياة العزوبية وبصراحة مش هلاقي بنت احسن منك استأمنها عل بيتي وعيالي وتكون شريكة حياتي وكل دنيتي غيرك
لينا اتوترت ووشها جاب الوان
_ااا انا .. انت اا انا
عدى_ ها قلتي ايه
بلعت
لينا ريقها وقال_ت اانت انت فاجئتني انا..
لينا_ انا عارف انك مكنتيش تحلمي تتجوزي ظابط مش كدا
شهقت لينا_ انت عر..عرفت ازاي
_ سمعتك بالصدفة وانتي بتتكلمي لكن صدقيني يمكن الظابط اللي بتتهربي منه يكون هو سبب في سعادة قلبك ويقدر يدخل الفرحة لقلبك لحياتك اوعدك اني هتقي ربنا فيكي وهعاملك بما يرضي الله وخدي بالك انا لا زي قصي ابن عمك ولا النيلة ادهم اخوكي فمتخافيش اوي من الظباط والله مش بنعض
ضحكت لينا
فقال_ اعتبر دي موافقتك
انكسفت وقالت
_ااا تقدر تكلم اخواتي عن اذنك
ابتسم لانه خلاص وصله ردها فقال _الحمد لله
وفي حفلة جواز مازن ومنة وكتب كتاب ادهم وسمر وعدى ولينا
كانت الحفلة على يخت كبير في البحر
فجت مرام مع سليم وابوه وسلمت على الكل
وجه الدور انها تسلم ع قصي اللي كان قاعد مع والدته
قصي اتضايق من وجود سليم
فقام وشد ايديها جامد وقال بحدة
_وكمان جابة مأنكجة معاه طب حتى اعملي احترام ليا دا احنا لسنا منفصلناش اتلخمت في ترتيبات الفرح ونسيت تماما بس احنا فيها مرام انتي …
هنا اتدخل سليم بسرعة وقال_ ااا قصي باشا مرام تبقى اختي في الرضاعة
قصي اتفاجىء _بتقول ايه
سليم _دي الحقيقة يا باشا وكمان السبب ف انها تتنكر ع هيئة الافعى انها او ما عرفت اني اتورطت معاهم انا وابويا غصب عننا اتدخلت بسرعة علشان تنقذنا من بين ايدين ايهم
بص قصي لمرام فلقاها اتحركت من مكانها وراحت تسلم ع نور اللي جت مع الحج والحجة لان طبعا مينفعش ميحضروش فرح ابنهم
سليم اول ما شاف نور جري عليها لانها كانت وحشته وقرر يكلمها هو كمان في أنه عايز يتقدم ليها
اما ام قصي فقالت
_قصي عايز تطلقها ليه يا ابني البنت عاشت معانا وعاشرناها ومعدنها كويس وكمان بطلة زيكم فليه لأ وكمان انا حاسة انك ابتديت تميل ليها
قال قصي بهم _حتى لو كنت بحبها فعلا يا امي احنا منلقش لبعض أبدا اديكي شايفة حياتها وطريقة لبسها مش هي دي اللي اوافق تكون ام عيالي يا امي
الام_ مش يمكن البيئة اللي عاشت واتربت فيها محدش علمها دا او عرفها الصح من غلط او امور دينها الصحيحة ؟؟
قصي_ هي مش صغيرة علشان متعرفش الصح من الغلط يا امي
الام _الشهادة لله احنا مشفناش عليها اي خلق مشين او تصرف يدل ع انها بنت مش كويسة حتى انت بنفسك معتقدش انك شوفتها من النوع اللي بيصاحب او الحاجات دي.. كل الحكاية يا قصي انها نشأت في بيئة متعودة انها تكون بشعرها دا شىء عادي ودي مهمتك انت بقا تعلمها أمور دينها كويس وتخليها تلتزم
_يا امي هتجوز ازاي واحدة الكل شاف شعرها وجزء من جسمها لا مش هتقبل دا
_اذا كنت شايف كدا يا ابني فمحدش هيقدر يغصبك اعمل اللي تريحك
قصي بعد عن امه علشان يقول لمرام انه خلاص هيطلقها
لقا اللوا بتكلم معاها وبالصدفة سمع الحوار
_مرام انتي عارفة اني بعتبرك زي بنتي بالظبط علشان كدا يشرفني اني اطلبك لابني هو مهندس بترول وشغله كويس قلتي ايه .. انا قلت افاتحك الاول قبل ما افاتح ابو سليم ف الموضوع عارف ان كل أهلك ماتوا ف حادث سير وانك كنتي عايشة لوحدك بقالك فترة كبيرة لكن ربنا كبير وخلاكي تلاقي سليم اخوكي ووالده اللي ربنا عوضك بيهم عن اهلك
هنا قصي بدأ يفهم كتير عن ملامح حياة مرام السابقة وعرف انها لما انطلب منها تغير شكلها معترضتش ودا لان كل عزيز ف حياتها مات فمبقاش يفرق معاها حاجة فقرر انه يكون هو ليها الاب والاهل والمعلم والحبيب كمان
وبسرعة لقا نفسه بيحط ايده ع كتفها وبيقول للوا
_ينفع تطلبها وهي متجوزة اصلا يا سيادة اللوا
اللوا_ ايه مرام قالتلي انكم خلاص هتنفصلوا
قصي_ لا لا سيبك من اللي هي بتقوله المهم انا اقول ايه
مرام رفعت حاجبها _نعم
قصي بحزم_ ولا كلمة لازم تسمعي كلام جوزك يا هانم
مرام بصت للوا _بيقول ايه المعتوه دا
قصي مدعي الحدة
_ بتقولي على جوزك معتوه وقدام الناس كمان طب صبرك عليا يا زوجتي المصون
مرام باستغراب
_سيادة اللوا انا مش فاهمة حاجة
هنا اتدخلت ام قصي وقال بابتسامة
_يعني مش وحشتك القعدة معانا.. طب انا موحشتكيش دا انا كنت بعتبرك زي بنتي وما زلت وقصي ابني شاريكي قلتي ايه يا مرام
مرام بحرج_ والله يا طنط حضرتك احرجتيني بكلامك الجميل بس انا يعني.. اكيد محتاجة وقت افكر
قصي_ فكري براحتك لكن طلاق مش هطلق
الام_ تمام يا حبيبتي خدوا فترة كتب الكتاب واتعرفوا ع بعض اكتر وانا متأكدة انكم هترتاحوا لبعض
مرام مكانتش تنكر انها من اول مرة شافته فيه وهي معجبة بيه لكنها كانت مفكرة انه اتجوزها علشان المهمة وبس علشان كدا كانت بتطلب منه الانفصال
فاقت من شرودها فلقت قصي مقرب عليها وبيعطيها حاجة لونها بني
فقالت_ ايه دا
_ زي ما انتي شايفة نقاب
_نعم نقاب
_اه طبعا وهتدخلي التويلت وتلبسيه حالا انا من اللحظة دي مش هسمح لحد انه يلمحك بس بطرف عينه لاني في الوقت دا مش هكون ضامن رد فعلي هيكون ايه خايف امسك ف زمارة رقبته اقضي فيه ع مستقبلي المهنى واروح فيه ف ابو حديد
ضحكت مرام وقال
_نقاب يا قصي مع شغلي صعب طب خليها حجاب بس
_يعني موافقة تلبسي الحجاب
_اكيد طبعا ايه اللي هيخليني ارفض طالما انه شرع ربنا .. وربنا يارب يغفرلي تقصيري في اللي فات
ابتسم لها قصي وكان فرحان بيها
فشدها من اديها ودخل معاها التويلت
فقالت وهي مبرقة _يا يخربيت شيطانك دا حمام السيدات
قال وهو تايه في عيونها_ مش مهم المهم ان محدش هيظبط ليكي حجابك ويكون شاهد ع ولادة مرام جديدة غيري
ولما لبسها حجابها ابتسم وقال بحب وهو بيبوسها ما بين عنيها _مبارك عليكي الحجاب يا حبيبتي
احاسيس كتير مختلفة ومتلخبطة احتاجتها في اللحظة دي فتاهت في عيونه هو كمان
وهنا دخلت سمر اللي اول ما شافت قصي انصعقت
_ابيه قصي حضرتك بتعمل ايه في حمام السيدات
قال قصي بغيظ _ودا وقتك يا سمر
وشد مرام وخرج
وتمت