رواية أريدك لقلبي الفصل الأول 1 بقلم ندى أحمد
رواية أريدك لقلبي الجزء الأول
رواية أريدك لقلبي البارت الأول
رواية أريدك لقلبي الحلقة الأولى
> ايه يا حلوه داخله المخزن وحدك و ف وقت زي دا ! مش انتي الي امك اشتكت علينا كذا مره وقالت اننا مش محترمين ! بتدخلي ليه المخزن بتاعنا بقا
بخوف -انا .. انا كنت بدور عالقطه بتاعتي
بخبث > قطه ايه الي تدوري عليها فنص الليل ! قولي بس السبب الحقيقي متتكسفيش
بخوف -انت بتقرب ليه !! ابعد يا حيوان انت ابعد !!
غمضت عينها من الخوف و سمعت صوت قلم قوي
فتحت عينها و شافت شخص وسيم و عنده عضلات و شعره بني فاتح بيضرب الشخص الي كان بيقرب منها
= انت ازاي تفكر تعمل كدا فبنات الناس يا مدحت !!
> انت بتضرب صاحبك يا مالك عشان البت دي ! مش هي دي الي امها مبهدلانا فالرايحه والجايه كأننا كلاب عندها !! كل دا عشان بنشتغل عند الحلواني الي عندهم فالبرج بتعاملنا كأننا كلاب ومنسواش
= مش معني كدا انك تعاقبها فبنتها الي ملهاش ذنب ! انت كنت دايما بتشتكي من معاملتها لينا سواء هي او السكان بس متخيلتش انك ممكن تعمل كدا فبنتها او اي بنت تانيه !!
> خلي الاخلاق تأكلك عيش و تجبلك حقك يا مالك ..
بعدها مدحت مشي وسابه
-ان..انت مين
= انا اسف علي الي صحبي عمله .. هو بس كان متغاظ من معامله مامتك لينا و كمان معامله باقي السكان لينا
بذهول -دا صاحبك !!
=ايوه ليه مستغربه
-انا افتكرتك مدير الحلواني .. باين من شكلك يعني
= لا انا بشتغل هنا ك صبي يعني بنقل الحاجه مثلا وكدا
-انا .. انا لازم اروح ادور علي قطتي
= قطتك ! دا الي مخليكي تدخلي المخزن وهو فاضي فالوقت دا ؟!
-ايوه .. لازم الاقيها لان لو استنيت للصبح هيكون فرصه انها تخرج من البرج اكبر
= هدور معاكي لو حابه
-و دا طبعا بمقابل اني مشتكيش علي صاحبك و اخليه يخسر شغله صح !!
= يعني انتي شايفاني شخص وحش للدرجه !!
-وانا اعرفك منين عشان اعرف انت شخص وحش ولا كويس
= يمكن مثلا عشان انقذتك من شويه !! وحتي مقولتيش شكرا . يمكن مدحت عنده حق و اكيد انتي زي امك
-عندك حق فنقطه اني مقولتش شكرا بس انا الموقف والتوتر نساني اقول .. شكرا
مالك حس انه ظلمها
=انا اسف علي طريقه كلامي معاكي .. اقبلي اني ادور معاكي عالقطه عشان مينفعش تدوري عليها وحدك فالوقت دا وبعدين ليه محدش من اهلك بيدور معاكي عليها
-محدش فيهم بيهتم .. يعني لما ضاعت قالولي هنجبلك غيرها بس انا مش عايزه غيرها انا عايزه بسبس
= طب خلاص هدور معاكي عليها لغايه لما تلاقيها
-مش هتزهق يعني ؟
= لا انا اصلا خلصت شغلي وكنت مروح البيت ف اقدر ادور معاكي لغايه الصبح
-مش عارفه اقولك ايه بجد
= يلا بقا كفايه تضييع وقت احسن تخرج من البرج
-يلا نلاقيها
وفعلا مالك دور معاها فكل مكان فالبرج وفكل طابق وفضلو ٣ ساعات يدورو عليها
=لقيتها !!
-ايه دا بجد !!
جريت عليه و خدت القطه منه وحضنتها جامد
-بجد مش عارفه اقولك ايه .. شكرا يا .. ايه دا انا نسيت اسألك عن اسمك !
= لو مركزه كنتي عرفتيه من صاحبي وهو بيكلمني 😂.. اسمي مالك
-وانا اسمي حور
= عاشت الاسامي
بخجل -شكرا
= يلا بقا روحي لشقتك و تاني مره لما بسبس تضيع تعالي قوليلي ادور معاكي .. ايد واحده متسقفش بردو
حور شكرته تاني و اخدت قطتها و ركبت الاسانسير و فتحت باب الشقه و دخلت اوضتها و حطت بسبس عالارض و قعدت عالسرير
كانت بتفكر ف مالك الي اهتم بمشكلتها الي تبدو لاغلب الناس انها تافهه وخصوصا اهلها .. و برغم انه المفروض يروح بيته وينام الا انه اصر يدور معاها عليها وكمان دفاعه عنها .. حور بنت حلوه وشيك و مع ذلك مفيش اي راجل قبل كدا جذب انتباهها و كان مالك اول اعجاب ليها و اول راجل تفكر فيه
اما مالك ف لما خلص كلامه مع حور روح بيته مشي لان مفيش توكتوك حتي فالوقت دا .. كان الفجر قرب يأذن .. كان بردو وهو ماشي بيبتسم زي الاهبل وهو بيفتكر حور .. هو ساكن فحاره شعبيه و عايش ف شقه مكونه من اوضه و صاله و حمام صغير ومطبخ صغير
فتح الباب بالمفتاح و مامته جريت عليه
€ فينك يا مالك قلقتني عليك مش متعود تتأخر
= ايه دا يا ماما انتي لسا منمتيش !!
€ كان لازم اطمن عليك الاول
= انا كويس يا ماما متقلقيش .. اخدتي الدوا يا حبيبتي ؟
€ ا..اه اخدته
=طول عمرك مش بتعرفي تكدبي يا ماما .. ليه مأخدتهوش
بحزن € اصل الدوا خلص يبني وانا مش عايزه اتقل عليك كفايه ان مرتبك كله بتصرفه علي علاجي
مالك باس راسها
=يا امي انا معنديش غيرك وبعدين لو عملتي كدا تاني هزعل بجد
€ يبني انا عايزاك تعيش حياتك بدل م انت متعذب بين الكليه والشغل بسببي و كمان مش بتاخد اي فلوس لنفسك .. نفسي مثلا تروح تجيب هدمه كل شهر زي الشباب الي ف سنك م بيعملو
= انا عندي لبس كتير يا ماما ومكتفي باللي عندي متقلقيش و بعدين انتي وجودك جمبي بالدنيا وما فيها
€ تصبح علي خير يبني و متقلقش هصحيك بعد ساعتين عشان تروح الجامعه
=وانتي من اهله يا احلي ام فالدنيا
قعد علي الكنبه فالصاله وهو بيفكر هيجيب فلوس الدوا منين .. مسك الدوا عشان يشوف سعره بس اتصدم لما شاف ان الدوا ب ٥٠ جنيه .. طلع الفلوس الي فجيبه و كانو ٣٠ جنيه بس .. مالك بيصرف مرتبه كله علي ادويه مامته و مصاريف الجامعه و بيفضل معاه كل شهر ١٠٠ جنيه يقضي بيهم الشهر و حالتهم الماديه صعبه جداا
معرفش ينام من التفكير ف الطريقه الي هيقدر يجيب بيها الدوا .. صاحب الشغل مش هيرضي يديه اي جنيه خصوصا انهم لسا فنص الشهر
مامته جت تصحيه بس هو مكنش نايم و ودعها و نزل للجامعه
جامعه هندسه الي كانت حلمه الي اجتهد و وصله و بيجتهد عشان يجيب تقديرات حلوه و فاضله سنه ويتخرج اخيرا ويبدأ يشتغل بشهادته
بعد الجامعه راح للشغل عند الحلواني
حور كانت راجعه من جامعتها و شافته وهو شايل تورتات عشان يوديها الحلواني
ابتسمتله و كان فيه بينهم eye contact لمده ثواني
ركبت الاسانسير و طلعت لشقتها و هو كمل شغله
*ف شقه حور *
^ يعني ايه مش موافقه عالعريس الجديد !! انتي عارفه دا العريس رقم كام !!
-مش عايزاه يا ماما ومش مرتاحاله
^ انتي مقعدتيش معاه غير مره واحده و المفروض تديه فرصه ! شخص كويس ومتعلم و معاه فلوس يعني اكيد مناسب ليكي !!
-مش كل حاجه الفلوس يا ماما بقا انا زهقت ! انا عايزه حد حنين و يشاركني اهتماماتي
الام حست ان فيه حاجه غريبه
بحنيه ^ تعالي يا حور اقعدي جمبي كدا .. انتي شكل فيه حد عجبك صح !! تعالي احكيلي عنه دا اما مصدقت حد يعجبك
بتوتر -لا يا ماما حد ايه بس !
^كل ام عارفه اولادها كويس يا حور انا يمكن قاسيه معاكي اغلب الوقت بس دا عشان مصلحتك
بتوتر-عن اذنك يا ماما ورايا مذاكره كتير
^هستناكي تحكيلي !
بعدها بساعتين الام نزلت هي وحور يجيبو طلبات من الهايبر كعاده كل اسبوع
ولما رجعو البرج كان معاهم اكياس كتيير
الام لاحظت تبادل النظرات بين مالك و بين حور و حست ان دا هو الشخص الي حبته والي مكنش مقبول بالنسبالها ابدا لانه فقير
سابت الاكياس فنص المدخل
-ماما تقال عليكي اشيلهم انا !
^وتشيليهم ليه و فيه ناس تانيه وظيفتهم انهم يشيلو
و شاورت علي مالك
بصوت عالي ^ تعالي هنا شيل الاكياس دي !!!
-ماما !! دول بيشتغلو فالحلواني استني انادي عم حسن البواب يشيلهم احسن
^قولت لا
مالك جه ناحيتهم و الام شاورتله عالاكياس
^شيل الاكياس دي كلها و دخلها الاسانسير
=حاضر ..
شال الاكياس و دخلهم الاسانسير و حور بصاله نظرات كلها اعتذار و اسف
كان هيقفل باب الاسانسير بعد لما حط الاكياس جواه و حور ومامتها ركبو فيه بس الام فتحت الباب بسرعه
^ خد العشرين جنيه دول تبس ليك و اكيد بردو محتاجهم
مالك بصلها بكسره
بزعيق ^ هتسبني ماده ايدي لوقت طويل !!
لما ممدش ايده عشان ياخدهم رمتهمله فالارض و قفلت باب الاسانسير
-ليه يا ماما تهينيه كدا !!
^اهين مين يحبيبتي الي زيه عايشين عالتبس اساسا
اما مالك ف قعد عالارض جمب الاسانسير وهو بيعيط و اخد العشرين جنيه لانه فعلا محتاجها لعلاج مامته
بعياط = ملعون ابو الحوجه الي تخلي الواحد يرمي كرامته فالارض كدا ..
يتبع…
لقراءة الفصل التالي : اضغط هنا
الرواية كاملة اضغط على : (رواية أريدك لقلبي)
تعليق واحد