رواية أحببت قمر الصعيد الفصل الثامن 8 بقلم غادة رضا

رواية أحببت قمر الصعيد الجزء الثامن

رواية أحببت قمر الصعيد البارت الثامن

رواية أحببت قمر الصعيد الحلقة الثامنة

قمر دخلت اوضتها وقعدت تعيط😭😭
*على الجانب الاخر*
اسر متعصب عشان في شاب كلمها وفي نفس الوقت متعصب من نفسه علشان زعلقها
اسر : يارب انا ليه قلت كده بس هي اكيد زعلت دلوقتي و متضايقه جامد بس والله ما بايدي
مش عارف حصلي ايه مجرد ما قالتلي الكلام ده
بس انا زعقتلها ولازم اروح اصالحها
علشان كده ما ينفعش
وراح يدور عليها ما لقتهاش في الصاله
ولا في المطبخ
و دخل اوضه النوم لقاها قاعده وضامة نفسها وبتعيط …
قرب منها وقال: قمر
هي ماردتش عليه وفضلت مستمره في العياط
اسر بندم : انا اسف يا قمري معلش والله زعلك على عينى بس مجرد الفكره بس عصبتني وماعرفتش اتحكم في اعصابي
قمر برضه مستمرة في العياط😭
قرب منها واخدها في حضنه وفضل يطبطب عليها كانها بنته: خلاص معلش طب اتكلمي طيب قولي اي حاجه اي كلمه حتى
قمر بدموع : ماتكلمنيش تاني
اسر : خلاص معلش يا حبيبتي
والله عمري ماهزعقلك تاني يا قمر أنا آسف
ممكن كفايه دموع ارجوكي…
مش عارف ليه بس صدقيني قلبي بيوجعني لما بشوف دموعك يا قمري خلاص بقى يا روحي اهدى….
ومسح لها دموعها ….واكمل وقال
هو انا بارد ووحش للدرجادي علشان ازعل القمر ده….
قمر : لا انت مش بارد…..
اسر بمشاكسة : لا بارد عشان زعلتك
قمر : لا لا انت حلو صدقني
اسر : يعني انتي شايفاني حلو يا قمر
قمر بتوتر : عايزه انام يا اسر…..
اسر : اهربي اهربي لا مش هتنامي يلا نقوم الاول ناكل علشان انا ما كلتش وانتي كمان ماكلتيش يلا قومي….
وقاموا كلوا وبعدين ناموا…😴😴
————————————————
وفضل الحال على الوضع ده وقمر و اسر بيقربوا من بعض وكالعاده تارا مش سايبة اسر في حاله ومر شهر والوضع كده…..
قمر : اسر عاملالك مفاجاه؟؟؟
اسر : قولي يا قمري….
قمر : انا خلصت الكورس كله….
اسر : بتهزري خلصتيه في شهر ازاي يا بنتي ده بيخلصوه في تلت شهور……
قمر بغرور : دي قدرات يا باشا…..
اسر : فخور بيكي يا روحي طب يلا بقى اجهزي بكره هتروحي تقدمي في الشركه…..
قمر : بجد يا اسر …..
اسر :بجد يا عيون اسر……
قمر قعدت تتنطط وفرحانه وقالت :مش مصدقة نفسي……
اسر فرح اوي لما شاف بسمتها وهي فرحانه و مبسوطه كده……
اسر : ايه بقى انا عصافير بطني بتصوصو وقطط بطني بتنونو من الجوع
قمر بضحك : كل ده طب يلا غير هدومك بسرعه عقبال ما احط الغداء……
ودخل غير هدومه واتغدوا وقعدوا اتفرجوا على TV…
❤❤❤❤❤❤❤❤❤❤
على الجانب الاخر
لؤي راح يسهر …..
لؤي : هالو يا برو…..
= هاي يا مان المشروب بتاع كل مره……
لؤي : اوف كورس يا مان…
هو انا ليا غيره بما اني كتكوت ضعيف الجناح……
ضحك وقال : هيبقي جاهز فورا….
وقام لؤي يرقص مع الميوزك وهو بيرقص لمح تارا….
لؤي بتفاحئ : تارا وفي المكان ده ياترى بتعمل ايه دي هنا وقلت لاسر مليون مره بس هو ولا صدقني ومفكرها محترمه ومتحضرة وتدخل اماكن زي دي لوحدها
ماشي …..
وراح اتصل على اسر….
لؤي : الو يا اسر……
اسر : ايه يا لؤي عامل ايه؟!
ايه الدوشه اللي حواليك دي كلها……
لؤي : يا عم بسهر و بفرفش….. بس مش هتصدق بقى وانا بسهر و بفرفش شفت مين؟!!
اسر : حد من صحابنا يعني؟!
لؤي : لا يا برو حد من معارفك انت…. تارا يا مان…..
اسر شاور لقمر انه هيروح يكلم لؤي في البلكونه دخل البلكونه وقال :
لؤي بطل هزارك التافه ده وتارا هتروح اماكن زي دي تعمل ايه يا لؤي ؟!
لؤي : والله ماعرف يا مان ابقى اسالها انت…..
اسر : لؤي بطل جنان….
لؤي : ثانيه ثانيه ما احنا فيها يلا افتح فيديو كول وانا هجيبهالك وهي على الاستيدج يا مان من غير ما تاخد بالها……
اسر فتح فيديو كول وكذلك لؤي صور تارا….
اسر بصدمة : يعني ايه ؟!
لا لا مستحيل….
وبعدين لؤي خرج خالص من المكان وقف بره علشان يعرف يكلم اسر
اسر وهو مصدوم ومتعصب جامد : لا مستحيل مش معقول يا لؤي….تارا!!!! …لا لا….
لؤي : ياما قولتلك يا صاحبي بس انت اللي ما كنتش بتصدقني…..
اسر بعصبية : انا جاي دلوقتي يا لؤي والله لاوريها الزباله دي……
لؤي : اهدي يا صاحبي اهدي …
طب ما ايه رايك نلعب عليها شويه علشان عادي ممكن تنكر وتقو لك اول مره ومش عارفه مين اللي جابني ولانك بعيد عني ولانك بتحبها هتقول لك حجج تافهه
وانا واثق انك هتصدقها لانك بتحبها
طب ايه رايك انا هروحلها كده
واجرب اقعد معها واشوف هتعمل ايه؟!
اسر : انت اتجننت يا لؤي….
لؤي : يا عم هي جات عليا ما هي قاعده مع كتير واظن انت شفتها بعينك
المهم خليك معايا واسمع الحديث بنفسك….
لؤي دخل راح لتارا
لؤي : هالو يا تارا…..
تارا بصدمة : انت لؤي صاحب اسر بص بصراحه انا..
لؤي : اششش… انتي مش محتاجه تبرري اصلا فكك من كل حاجه…..اسر مين وزفت مين…
الموسيقي اشتغلت تعالي نرقص….
تارا : والله انت شكلك كده فرفوش يا لولي وحلو جامد
على عكس اسر خنيق يا ساتر…..
تارا بعد ما شربت 😡(نفسي اولع في البت دي خلاص كدة طفح الكيل )
لؤي : قوليلي بقى يا توتي امال انتي مقنعة اسر انك بتحبيه ليه ؟!…. مع انك مش بتحبيه أساسا….. وهو خنيق الصراحة…..
تارا بتوهان : والله يا لولي علشان بس هو دكتور في الجامعه وكمان اغيظ صحابي به مش بس كده كمان اي حاجه اطلبها منه الاقيها قدامي ف مين المجنونه اللي ممكن تسيبه…..
لؤي : يعني انتي مابتحبهوش؟!
تارا بضحك : احب احب مين ده انسان بارد ده يتحب ده….
طب والله مفيش حد يتحب غيرك يا لولي
انت اللي تتحب……
لؤي : قلب لولي….طب يلا اطير انا بقي…..
تارا :رايح فين يا لولي بس….. بس هيشغلو ميوزك تانية حلوة جدا….
لؤي : معلش يا توتي عندى شغل الصبح يلا تيك كير يا تارا …
تارا : يو تو يا قلب تارا….
ومشي وبعدين كلم ا سر اللي كان سامع كل الكلام ده
لؤي : الو اسر انت معايا اسر….
اسر بحزن : خانتني يا لؤي خانتني و كانت بتكدب عليا طب ليه عملت كده ليه….؟!
لؤي : انا حذرتك مليون مره يا اسر بس انت اللي اصريت قولتلك يا اسر ما بتحبكش
وحتى انت مش بتحبها دور حواليك يا اسر هتلاقي اللي بتحبها اللي وقت ضعفك هي الوحيدة اللي تروح لها واللي بتتعامل معاها من غير ما تفكر تبان اتيكيت ولا حاجه بتتعامل بروحك…..(طبعا كان يقصد قمر بالكلام ده )
اسر : ماشي يا لؤي اقفل دلوقتي……
لؤي : اسر انت كويس؟!
اسر : اكيد يا لؤي عمري ما هزعل على واحده خاينة سلام……
لؤي : سلام
وقفل و محاولش معاه لأنه عارف ان قمر معاه
واكيد لو شافته متضايق مش هتسيبه
اسر قفل وفضل قاعد في البلكونه بيبص بس للفراغ
قمر لقيت اسر غاب دخلت تشوفه لقيته قاعد في البلكونه وباصص للسما
قربت منه وحطيت ايدها على كتفه وقالت:
اسر….
اسر اول ما سمع صوتها لف وشه ليها وحضنها جامد….
قمر بقلق طبطبت عليه : اسر حبيبي في ايه روحي انت مالك؟!
اسر مبيتكلمش وحاضنها وبس…
اسر ولاول مرة اساسا دموعه تنزل حس بالامان والراحة
في حضنها وطلع كل حزنه في دموعه……
قمر بقلق اكتر: اسر حبيبي انت بتعيط ليه يا روحي …
اسر ما تقلقنيش عليك ارجوك وقولي في ايه؟!
وهو لسة ساكت
قمر عيطت علي دموع اسر….
اسر : طب انتي بتعيطي ليه دلوقتي؟!
قمر : علشان انت بتعيط و انا اول مره اشوفك كده
قولي في ايه مالك؟!(هى عيطت عشان هو عيط.. طب يالله ياجماعه كلنا نسيب اللى ف ايدنا ونقعد نعيط معاهم😒)
اسر وهو حاضنها قال :
لا مفيش يا روحي بس حصل مشاكل كده في الشغل وخايف كل حاجه انا بنيتها تتهد……
قمر وهي تربت على ظهره : ما تخافش يا روحي صدقني ربنا عمره ما هيضيع تعبك السنين اللي فاتت دي انا واثقه ربنا عمره ما يعملك حاجه وحشه و اوعي تنسى ان ربنا قال سبحانه وتعالي :
(وما ربك بظلام للعبيد )
اسر : كلامك ريحني قوي يا قمري ربنا يخليكي ليا يا روحي…..
قمر بابتسامة : ويخليك ليا…
وبعدين دخلوا الاوضه وخدته ف حضنها وناموا 😴😴😴
—————————————————–
جاء صباح اليوم التالي
قمر صحيت وبعدين صحيت اسر وراحت تحضر الفطار كالعاده وفطروا
واسر خد اجازه من الجامعه لانه هيبقى مع قمر
وهي رايحه تقدم في الشركه
وقمر لبست دريس ابيض
و بليزر اسود
وهيلز سوداء وطرحه بيضاء
واسر لبس بدله كحلي
وراحوا وطبعا طول الطريق قمر متوتره جدا
واسر عمال يهدي فيها
لحد ما وصلوا للشركه
ودخلت وعملت الانترفيو
وبعدين نزلت لقيت اسر مستنيها في العربيه:
ها يا قمري…..
قمر : الحمد لله قالوا هيبعتوا الرد النهارده بالليل…..
اسر : ما تخافيش يا روحي انا واثق فيكي
وبعدين وصلها البيت
وهو راح المستشفى
ودخل وبعدين لؤي جاله وقعدوا اتكلموا مع بعض….
لؤي : عشان تعرف بس يا برو قيمتي في حياتك…..
اسر بحزن : عندك حق ربنا يخليك ليا…..
لؤي : خلاص يا عم انا بفرفشك يا مان بقى……
اسر : لا انا مش زعلان اساسا انا فعلا عمري ماحبيتها….
لؤي : اخيرا يا اخويا فهمت…..
اسر : ايوه يا لؤي انت قولتلي يا لؤي عن الحب حاجات كتيره قوي والحاجات دي كلها لقيتها مع حد واحد بس قمر يا لؤي…..
لؤي بابتسامه وقام حضنه: اخيرا يا اسر تعبتني معاك يا شيخ مبسوط جدا يا صاحبي انك اخيرا حبيت الشخص الصح بس قولتلها بقى ولا لسه……
اسر : لا لسه يا لؤي مستني بس هي تبقى مستقلة علشان لما اقولها بحبك ما تبقاش عايزه تفضل معايا علشان ماعندهاش حد لا تبقي عايزه تبقى معايا علشان بتحبني ان شاء الله تتقبل في الشغل زي ما حكيت لك وبعدين اقدر اقولها…..
للؤي : ربنا يسعدك يا صاحبي يلا اطير انا بقى عشان ورايا مرضي…..
اسر : ماشي يا اخويا روح ….
وخرج لؤي واسر رجع راسه لوراء وابتسم لما افتكر قمر