رواية أحببت غامض الفصل العشرون 20 بقلم نورا نور

رواية أحببت غامض الجزء العشرون

رواية أحببت غامض البارت العشرون

رواية أحببت غامض الحلقة العشرون

سيلا دلقت المياه فى وشه وهى اصلا مبصتش وبعدين طلعت بسرعه لقت اللى بيزعق فى وشها وبيقول بعصبيه:ايه التهريج وقله الأدب ازاى تعملى كدا يا بت انتى
سيلا اتصدمت لقت ضباط فقالت للضابط بتوتر:لا لا حضرتك مكانش قصدى انت بس هو حضرتك جاى لمين هنا العنوان غلط
الضابط بعصبيه:لا العنوان صح وجدا كمان مطلوب القبض عليكى يا مدام
سيلا اتصدمت وقالتله:على مين حضرتك انت بتقول ايه
جه كرم واتصدم من وجود الشرطه وقال:خير فى ايه حضرتك عايز ايه
الضابط:مطلوب القبض على المدام ووجه كلامه لسيلا وقالها:ياريت تيجى معانا من غير شوشره
كرم بغضب:استنى استنى هو ايه اللى تاخدها معاكوا قولى الاول حصل ايه وانت عارف انا مين ودا عنوان مين وراح بعدها عنهم

الضابط:اه عارف ووسع من طريقى بدل ما اخدك انت كمان معاها لأنك اصلا مدى العربيه بتاعتك لواحده متهوره ومش عارفه تسوق كويس وهنحقق معاك انت كمان اصلا يلا خدوهم على البوكس
كرم بيهز سيلا اللى مصدومه ومرعوبه وبتقول فى سرها اعمل ايه دلوقتى الحيو*ان اللى بلغ عنى ده مش هرحمه لو شوفته هوريه وبعدين دا كرم هينفخنى انا كنت لسه هقوله وبعدين هو مالوش ذنب فى حاجه انا لازم اطلعه منها وبتقول للضابط:لو سمحت استنى اخويا مالهوش دعوه انا اخدت العربيه من وراه اصلا وانا لما كنت سايقه كنت كنت بعيط عشان كدا مكنتش شايفه بس مكانش قصدى اخبط احد ثم إن الشخص سليم ومفيهوش حاجه
الضابط:ولما انتى مش غلطانه ليه كسرتيله التليفون وهربتى كلامك مش منطقى وبردوا هاخدكوا انتوا الاتنين
كرم واقف مش فاهم حاجه زى الأطرش فى الزفه وبيبص لسيلا بغضب وقال للضابط:طب ممكن حضرتك تروح واحنا هنيجى بالعربيه معاك ممكن
الضابط:هو انا بقولك هاخدك فسحه يا روح خالتك قدامى يالا انت وهى
كرم اخد سيلا من ايدها وبص للضابط بغضب وركبوا وخدوهم ومشيوا
وبعدها وصل من هنا زين سبب المشاكل كلها ولقى باب الشقه مفتوح ودخل قعد يدور مالقاش حد فرن على سيلا لقى تليفونها جوه رن على كرم فكرم رد عليه وقاله:الحقنا بسرعه يا زين انا وسيلا فى قسم ….تعالى بسرعه
زين اتصدم وقاله:جاى جاى بسرعه وقفل معاه وراح ركب العربيه ومشى
عند سيلا وكرم فى القسم
الضابط بيقول:دخل يابنى الشاب اللى اعترف عليها
العسكرى:تمام يا فندم وراح جابه وجه
وسيلا بصت ليه بقر*ف وغضب
الضابط:هااا يا مدام سيلا طالما انتى مش اد السواقه بتسوقى ليه
سيلا:حضرتك ماهو قدامك سليم اهو
الشاب:لا يا باشا بردوا كان ممكن يحصلى حاجه انا بعدت على اخر لحظه
سيلا بعصبيه:محدش قالك أمشى قدامى اصلا
كرم:بااااس فهمونى ايه اللى حصل من الاول قوليلى يا سيلا ايه اللى حصل
سيلا:اللى حصل…وقالتله كل حاجه وقالتله انا مسكت تليفونه ورميته عشان كنت متعصبه ومدايقه مكنتش اعرف ان هيحصل كل ده والله يا كرم هو شكله عايز يكبر الموضوع
الضابط:وانتى شايفه ان الموضوع عادى اعترفى بغلطك واحنا نحل القضيه دى ونفضها سيره
الشاب:ايه اللى حضرتك بتقوله ده يا حضره الضابط دى كانت هتموتنى
دخل زين وقاله ببرود:بس مموتش ولسه عايش
الضابط:زين باشا اهلا وسهلا اتفضل اتفضل حضرتك انت تعرف المدام دى ولا ايه
زين قعد وحط رجل على رجل وبص على سيلا وهى بصتله بغضب ودت وشها الناحيه التانيه فقال للضابط:اه تبقى مراتى وكرم يبقى صاحبى وهى مش غلطانه ولا كرم ممكن نحل كل ده كدا كدا هو لسه عايش
الضابط:انت على عينى وراسى بس مرات حضرتك غلطانه وكانت هتموت شخص ولازم تعترف بده والاستاذ يتنازل على المحضر وبعدين كل حاجه هتتحل
زين قاله:وانت كمان على عينى وراسى وانت عندك حق وبص لشاب وقاله:عايز كام وتتنازل
الشاب بصله بصدمه وغضب وقاله:مستحيل مستحيل اتنازل وانا مش كدا مدام حضرتك لازم تتعاقب
زين قام خنقه وقاله:مش انت اللى تقول على مراتى تتعاقب ولا لا وبعدين اوعى تجيب سيرتها على لسانك وكلهم بيحاولوا يسلكوه مش عارفين والشاب بيكح بيكح ومخنوق سيلا اترعبت خايفه زين يودى نفسه فى داهيه فقالتله:زين سيبه وهو لسه بيكمل فقالتله:زييين خلاص لو سمحت

سابه وقالها عشان خاطرك انتى بس وقال للشاب:هاااا هتتنازل
الشاب بيكح بيكح وبيقوله:هتنازل بس حقى هيجيلى وهتشوف ومضى على التنازل ومشى بغضب
الضابط:كدا يا زين بيه مرات حضرتك واخوها براءه تقدر تاخدهم معاك
زين:تمام وقال يلا يا مدام يلا يا كرم واخدهم وطلع وهى كل شويه تشيل ايده وهو حاطط ايده على كتفها وبتقوله ابعد بقا
زين دخلها العربيه بالعافيه وكرم دخل وهى بتقوله:سبنى بقا ومازال ماسك ايدها
اتعصب عليها وقالها:اخر*سى خالص مش عايز اسمع صوتك بقا انا على اخر الزمن ادخل أقسام وبسبب مين بسببك
سيلا بغضب:علفكرة دا بسببك انت لو مكنتش عيطت بسببك وخليتنى مشوفش الطريق يبقى بسبب مين
كرم:سيلا إنتى غلطانه المفروض بردوا مكنتيش اتهورتى
سيلا اتعصبت وقالت:هو انت واقف معاه كل حاجه سيلا انتى غلطانه سيلا انتى كذا انا مش هسمح لحد انه يكلمنى كدا مره تانيه ان كان انت او هو
زين ببرود:هتعملى ايه يعنى
سيلا:هعمل كدا وفتحت باب العربيه وكانت هتنزل وهو بيسوق وهو شدها بسرعه بخوف وقلق واتعصب فقام ضر*بها بالقلم وسيلا حطت ايدها على خدها واتصدمت وعيطت
زين بعصبيه:دا لأنك متهوره وعنيده وعماله تتصرفى تصرفات غلط حسابك معايا فى البيت
كرم اتدايق وقاله:زيين انت ازاى تعمل كدا حتى لو هى غلطت اوعى تمد ايدك عليها مره تانيه انت فاهم
زين بعصبيه:كرم اوعى تدخل ما بينى وبين مراتى وسيبنى اتصرف انا معاها مانت كنت معاها ومكنتش عارف عملت ايه زى الأطرش فى الزفه لو سمحت متدخلش مره تانيه بينا
كرم اتدايق وبص لسيلا فى المرايا بعتاب اللى هو كإنه بيقولها خليتيه يقول عليا معرفتش احميكى وانك معرفتنيش حاجه
سيلا عيطت اكتر من نظرته ومن كلام زين وفضلت على هذا الحال طول الطريق وزين وصل كرم وقاله:سيلا هتيجى معايا روح انت يا كرم
سيلا اتصدمت وكانت خايفه وهتتكلم بصلها بصه رعبتها وسكتت
فكرم قاله:طب خلى بالك عليها واوعى تزعلها
زين:انت هتوصينى على مراتى يا كرم روح انت بس يلا سلام ومشى وكرم دخل وبعد شويه وصلوا
وطلع من العربيه وحصل……….