رواية لا للتنمر الفصل الأول 1 بقلم مها قدري
رواية لا للتنمر الجزء الأول
رواية لا للتنمر البارت الأول
رواية لا للتنمر الحلقة الأولى
_أيوه أنا مش هكمل معاكي علشان انتي تخينـ.ـه
وكمل بزعيق و بعصبيه شديده
دا أنا حتي بتكسف أقول للناس أنك خطبتي أنا معتش قادر أكمل أنا ذنبي إيه أني أتجوز واحده تخينـ.ـه
قلع الدبله من إيده وسابها علي التربيزه والتفت وأعطي لها ظهره وقال لها ..
_كل شئ قسمه ونصيب وغادر وتركها وراءه دون أن يشعر بتلك التي كسر قلبها
كنت في حالة صدمه لا اتحرك ولا اتحدث لا أعلم كيف ساقتني قدماي للتحرك اخدت شنطتي وسرت بلا هدف ومش عارفه أنا راحه فين مش شايفه حاجه قدامي كل اللي شايفاه هوا وهوا بيزعق ويقول أنا بتكسف أقول عليكي خطبتي وهوا بيقول ذنبي ايه أتجوز واحده تخيـ.نه وفجأه احتل الظلام عيناي لا أري شئ سوي صوت كثير من الناس وهما بيقولوا اتصلوا بالاسعاف بسررعه سمعت أصوات متداخله وأصوات عاليه كثيره ، الرؤيه غير واضحه سمعت صوت صفير جاي من بعيد وعمال يقرب ، برغم أني بخاف من الضلمه إلا أني أحببتها الآن ، استسلمت ليها ، مش عايزه أعيش الواقع السئ دي مش عايزه أعيش بين ناس لا تمت لهم الإنسانيه بصله
• وهوا بينهج لو سمحتي لو سمحتي في حد اتصل علينا ويقولوا في واحده عملت حادثه وهي هنا
*اسمها إيه لو سمحت
• اسمها رحمه ******
*أيوه هي دلوقتي في غرفة العمليات الدور الثاني الغرفه اللي في الوش ،
• أخذت والدتي اللي وقفه جمبي ومنهاره من البكاء وأسرعت إلي غرفة العمليات ، لقيت الممرضه خارجه بسرعه وقفتها ، لو سمحتي أختي عامله إيه بالله عليكي ردي
°المريضه نزفت دم كتيير واحنا محتاجين ننقلها دم وللأسف فصيلتها نادره ومش متوفره عندنا
• أنا أخوها وفصيلت دمي زي فصيلة دمها ممكن تاخدوا مني اللي انتو محتاجينه ،
° ممكن تيجي معايا نشوف الفصيله متطابقه والا لأ، ولو كده ف إن شاء الله نقدر ننقذها
~يبنتي أنا والدتها ممكن تقوليلي هي عامله إيه دلوقت
° بصي أنا محتاجه انقلها دم فورا ، هي بس محتاجه دعواتك تعالي بسرعه معايا عشان ناخد الدم اللازم
•يلا
طلعت الفصيله متطابقه وخدوا مني الدم والحمد الله قدروا ينقذوها والدكتور طمنا عليها وقالنا مستنظرين بس البنج يروح وهي هتفوق إن شاء الله وادي أنا وماما قاعدين مستنينها تفوق ماما قاعده بتقرأ قرآن علي الكرسي جنبها وانا قاعد علي الكنبه
– سامعه صوت جانبي وشايفه نور قدامي وبدأت الأشياء واحده واحده بتظهر حاولت أفتح عيني وأغمضها لحد ماعودت علي النور هوا أنا فين كده لحد ما افتكرت كل حاجه حصلت دموعي بدأت تنزل وصوت بكائي عمال يعلي أكتر لحد ما أخويا ووالدتي لاحظوا أن أنا فوقت وطلعوا يجروا عليا وماما قعدت تهديني واخدتني في حضنها وأخويا نادي للدكتور
_هي مالها يادكتور
*غالبا هي نفسيتها وحشه وباين عليها حصلها حاجه قبل الحادثه ، ف أنتو أفضلوا جنبها وحاولوا تطلعوها من اللي هي فيه وإن شاء الله خير
_طب نقدر نخرجها امتي
*هي هتفضل انهارده هنا لحد ما نطمن عليها وتقدر تخرج بكرا إن شاء الله
-فضلت ماما حضناني ونمت علي كتفها وأحمد أخويا فضل قاعد جنبي بيكلمني ويهزر معايا بس أنا مبتكلمش والا أرد عليه ودلوقتي المفروض أخرج أروح البيت وروحنا البيت وقعدت علي السرير وماما قعدت جنبي
~مالك يحبيبتي قوليلي إيه اللي مزعلك بصيتلها ومردتش ، أرد عليها أقولها إيه خطيبي سابني عشان تخيـ.نه ومكسوف مني دموعي بدأت تنزل حضنتي وقالت لي
~خلاص ولا يهمك نامي وارتاحي
وبالفعل أول محطيت دماغي علي المخده نمت وبحاول أهرب من عالم بحاله وحـ.ـوش علي شكل بني آدمين
-صحيت علي أذان الضهر قمت علشان أصلي سجدت وقعدت أعيط واشكي لربنا أنا عارفه أن ربنا حاسس بيا ، قمت من علي السجاده ورايحه أقعد علي السرير ببصي لقيت المرايه في وشي قعدت أبص لنفسي وشريط حياتي بيمر قدامي ، صحابي وهما بيضحكوا ويقولوا أنتي مش هتخسي بقا يبنتي ، كفايه أكل بقا هتروحي مننا فين تاني ويقعدوا يضحكوا وانا قلبي عمال ينزف ، والا لما أروح أشتري هدوم ويعجبني طقم واقولها عايزه الطقم دي ، يقولي آسف مفيش مقاسك ،واروح أشتري أي حاجه حتي لو مش عجباني ، وخطيبي اللي كسرني وأنا بفتكره وهوا بيزعق ويقول أنا زنبي إيه اتجوز واحده تخينه ، دا انا بتكسف أقول عليكي خطبتي ، دموعي بدأت تنزل وصوت شهقاتي بدأت تعلي أكتر واكتر وبدأت أبكي بصوت عالي ، صوت بكائي يقطع قلب حد يسمعه ماما وأحمد دخلوا علي صوتي ماما أخدتني في حضنها وأحمد عمال يهديني ، وأنا عماله أزعق وأقول وأنا ذنبي إيه أني تخـ.ينه ، هوا أنا اخترت جسمي ، ذنبي إيه يقعدوا يفكروني كل شويه أني تخيـ.نه ، ذنبي إيه لما خطيبي يكسر قلبي ويقولي أنا بتكسف أقول إنك خطبتي ، ذنبي إيه وهوا بيقول عليا تخيـ.نه وقعدت أعيط بصوت عالي وماما تطبطب علياوتبكي
-صدمة ألجمت الجميع ، لحد لما أحمد فاق وبدأ يتكلم
_خلاص يقلب أخوكي ماتبكيش هوا اللي خسران لما يعرف أنه خسر أطيب قلب في الدنيا وبعدين أحنا كلنا بنحبك كده ، وأنتي أجمل واحده شافتها عيني أصلا وصحابك دول بكره يندموا
بدأت ماما تتكلم
~خلاص ينور عيوني ، متعيطيش عشان خاطري هوا اللي خسران أنه سابك وبكره يندم وأنتي مفيش أحلي منك في الدنيا دي كلها وباستني علي راسي وقعد تطبطب عليا لحد أما هديت ونمت
الأيام بقت تعدي ، عدي حوالي شهر وأنا مبطلعش من البيت بقيت انطوائيه أحمد وماما عمالين يجوا يقعدوا معايا ويهزروا معايا وبدأت أتحسن ونفسيتي إلي حد ما بقت كويسه رجعت لحياتي الطبيعيه بس مبخرجش من البيت بحس أن لما أطلع من البيت هقابل وحـ.وش مش بني أدمين ، المكان الوحيد اللي بحس فيه بالأمان هوا بيتي ، أنا واأحمد عمالين ننكش في بعض وصوت ضحكتي بقت تسمع في البيت وحقيقي يجماعه أكتر حاجه تحسن نفسيتك هوا دعم الأهل وحقيقي يجماعه يبخت إلي عنده أخ ويكون صاحبه وحنين عليه ، بدأت أقرأ وبقيت أحب القراءه جدا كنت قاعده بقرأ رواية إيكادولي للمره اللي مش عارفه الكام بس حقيقي بحب الروايه دي جدا
_طق طق طق ، ادخل
لقيت أحمد داخل عليا وهوا معاه كتاب جديد وادهولي مسكته بفرحه منه
_دي ليا
*باس رأسي وقالي أنا لو أعرف أنك هتفرحي أوي كده كنت جبتلك المحل كله
_حضنتة شكرا بجد يا أحمد
بعدت عنه وحسيته عايز يقول حاجه
في حاجه يا أحمد ، بصلي وقالي
* الصراحه في بنت كده أنا معجب بيها وعايزه اتقدملها
الفرحه بانت علي وشي وبدأت أضحك
_ بتتكلم جد؟؟! ، أخيراً يجدع هنفرح بيك وقمت طلقه زرغوطه الله وكيلكم تخرم طبلة الأذن
أحمد ضحك وقال
*بس بس إيه ههه ، محدش يعرف غيرك أصلا
_ قولي بسرعه مين تعيسة الحظ قصدي سعيدة الحظ
بصلي برفعة حاجب ، وقال
* مريم بنت خالتو نهله
_ قولت في دماغي أخيرا يجدع دا البت كانت شويه وهي اللي هتيجي تتقدملك ، بس حدث غير متوقعت واتاري بتكلم بصوت عالي
قالي بشك
* وهي هتتقدملي ليي؟؟!
حاولت أغير الموضوع وأهرب منه بس الأستاذ أحمد مخلنيش أهرب وخلاني أعترفت من قبل القلم حتي ، ويارب تسامحيني يامريم
_ معشان البعيد اعمي، البت أصلا هتموت عليك من زمان وأنت والا أنت هنا
*بحماس كده والفرحه منورة وشه ، احلفي
_ ضحكت علي شكله وقولت وأنا هكذب ليي
*لاااا دا أنا علي كده هتقدملها من بكره
وبالفعل أحمد عرف ماما وفرحت جدا و رن علي خالي محمد جوز خالتو نهله واتفق معاه أنه هيروحله بكره ، وبالفعل احمد راحله وحصل قبول الحمد لله والمفروض أنهارده الشبكه مكنتش عايزه أقابل الناس ومكنتش عايزه أحضر الشبكه بس أحمد قالي أني لو محضرتش هيزعل مني وأنا دلوقتي بجهزلبست دريس أسود وعليه خمار نبيتي بصيت لجسمي في المرايه وغصب عني دمعه نزلت من عيني مسحتها بسرعه واتكلمت
_أنتي أقوي من كده ، متخليش ناس مش سويـ.ـه تأثر فيكي ، أنتي جميله في كل حالاتك لأن ربنا سبحانه وتعالي قال ” ولقد خلقنا الإنسان في أحسن تقويم” اضحكي كدا واتعاملي مع الناس وخلي عندك ثقه في نفسك ابتسمت وخدت نفس عميق وخرجت
لقيت أحمد وماما مستنيني وأحمد معاها بوكيه الورد أول ما شافني قال
* بسم الله ما شاء الله ، إيه الحلاوه دي يجدع ، طب ينفع كده يعني العروسه هتغير منك
ضحكت وعيطت في نفس الوقت وحضنته جامد وقولت
_ ربنا يخليك ليا يا أحمد
~ سمعت صوت ماما بتقول بغيره علي رأي المثل من لقي أحبابه نسي أصحابه
ضحكت قمت سبت أحمد ولفيتلها وقولت وقمت حضناها
_ دا أنتي الحب الأول والأخير ربنا يخليكي ليا يارب
إحمد نادي علينا وقال يلا علشان هنتأخر وبالفعل روحنا عند العروسه و اليوم تم علي خير والفرحه كانت مزينه وشنا حقيقي اول مره أفرح كده واتعرفت علي مريم ولقيت أنها بنت طيوبه خالص وخليتها وبقينا أصحاب
بس ثواني بس إيه دا ، هوا بيبصلي كدا ليه الجدع دا يابابا عيونك يغالي هتخرمني مينفعش كده ، قومت معليه صوتي شويه علشان يسمع وقولت
_ هوا الزمن جرا فيه إيه دا ربنا حتي أمرنا بغض البصر
وما أخفيش عليكوا أخواتي في الله أنا اتوترت من نظراته وقلبي بدأ يدق بسرعه وحاجه آخر قرف يعني ….
لقيته اتوتر ونزل وشه في الأرض ، وقام متحرك وراح عند أحمد أخويا وسلم عليه وحضنه جامد
°مبارك يحبيب أخوك
*الله يبارك فيك ، مبارك ليك الدنيا لعبت معاك وبقيت معيد
° وأنا أقول حياتي واقفه ليه ، أتاريك باصصلي فيها
*يعم بالعكس دا أنا فرحانلك وحقيقي فرحت أنك جيت
°ومعقول مجيش دا أنت عشرة عمر يجدع أومال فين والدتك أسلم عليها ، ورحمه أختك الصغيره
*بالنسبه لماما فهي هناك أهي ، وشاور عليها ، ضحك وقال أما بالنسبه لرحمه فهي مبقتش صغيره دا بقت عروسه ما شاء الله وبقت في سنه تانيه كلية ألسن وشاور عليا وقفه جمبه، انتا ناسي أنك مسافر بقالك 3 سنين
وراح بصلي واتكلم معايا
*أعرفك يا مريم دا آدم زميلي اللي كنت بكلمك عنه علي طول
°أحلف هي دي مريم !!!؟
* أحمد ضحك وقال أيوه يبني في إيه
حك مأخرة رأسه وقال
°لا لأ مفيش حاجه
ومد إيده علشان يسلم راح أحمد سلم عليه وقاله مبتسلمش علي رجاله ، هي الغربه نستك والا إيه
ولا أخفي عليكم شئ أنا طول المده دي واقفه مكسوفه عشان بيبصليي بصات غريبه كده
المهم اليوم عدي بسلاااام
__________________________________
~لابسه ورايحه فين كده يرحمه
،
_رايحه الكليه يماما أنتي عارفه من ساعة ما الدراسه بدأت وأنا مروحتش وفي محاضرات كتير عايزه تتذاكر
~خلاص ماشي يحبيبتي ربنا يوفقك
حضنتها وأمنت علي كلامها وروحت الكليه مهتمتش لحد وقررت أبدأ من جديد خالص عرفت أن عندي محاضره كمان ربع ساعه والدكتور بتاع المحاضره مابيدخلش حد بعده ، قولت هروح أجيب كوباية قهوه وارجع بسرعه.
بس أنتو طول عمركوا عارفين أني نحس وأنا برضوا مستغربه أزاي مفيش حاجه حصلت تبوظ الدنيا
خبطت في بنت جميله وقعت القهوه عليا
•أنا أسفه والله مكنش قصدي أنا كنت متأخره ومخدتش بالي
_ وكمني قلبي طيب ، ولا يهمك
• مدت إيديها أنا ساره
_ سلمت عليها وأنا راحمه أتشرفت بمعرفتك
•طب سلام دلوقتي يمريم علشان اتأخرت
وروحت أنا بقي علشان أمسح القهوه من علي هدومي والحمد لله راحة إلي حد ما ، وروحت جبت قهوه تانيه ، ومش عارفه ليي حاسه أني ناسيه حاجه طلعت التليفون شوفت الساعه ينهار أبيض المحاااضرااااع
ومشيت بسرعه لأني اتأخرت ربع ساعه ،دا أنا هيتعمل مني شاورما هالحين ، تعالوا اتفرجوا عليا وأنا بتهزج ، أنتوا مش غرب برضو
خبطت ودخلت لقيت واحد باين عليه الدكتور ومديني ضهره وبيزعق
_هوا أنا مش قولت ميت مره مفيش حد يدخل بعدي
يا أخي طب كلمني وش لوش ، هوا أنا خدت حاجه من وشك علشان تديني قفاك
-أنا آسفه يدكتور والله، مش هتحصل تاني
لفلي وببص ، أيوه هوا اللي في دماغكوا عارفين. حركات الروايات الخبيـ.ثه دي هي حصلت معايا دلوقت
_ أنتي
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية لا للتنمر)
