رواية نيران العشق الفصل الثاني 2 بقلم اوليفيا
رواية نيران العشق الجزء الثاني
رواية نيران العشق البارت الثاني
رواية نيران العشق الحلقة الثانية
عابد: على مهلك عشان الزرع مش يشوك العبايه
غمضت عنيهاو Flash back
غزل بضحك: استنى يا عابد مش قادره الحقك
عابد: مش قادره تجري ورايا يا طفله ومش هتقدري تمسكيني
غزل بعياط: الحقني يا عابد الدريس بقا كله شوك من الزرع
عابد رجعلها وهو بيضحك
عابد: طب خلاص تعالي يا طفلتي المدلله البسي اي حاجه من عند مريم وارمي الدريس ده عشان اتبهدل من الشوك
غزل: لا انا مش برمي حاجه انت جايبها
عابد: للدرجادي بتحبيني يا غزل
غزل: واكتر كمان يا عابد
عابد: تعالي يا شقيه اخرجلك الشوك من الدريس
غزل: كده الشوك بيجرح صوابعك يا عابد
عابد: مش مهم المهم انتي متتجرحيش يا غزالتي
عوده من Flash back
غزل: متقلقش للي بيتبهدل بقيت ارميه واجيب غيره
عابد فهم للي هي تقصده: هعملك كل للي تتطلبيه يا غزل بس وحيات للي كان بينا بلاش أهلي
غزل: منا مش هرحمك عشان للي كان بينا يا عابد
عابد: إنتي إزاي بقيتي قا. سيه كده
غزل: ولسه يا عابد انت لسه متعرفش غزل البدري عامله ازاي
عابد بسخريه: وكمان غيرتي اسمك بس في حاجه عايز اعرفها انتي ازاي بقا معاكي الفلوس دي كلها بيع. تي نفسك كام مره على كده
اخدت نفس عميق وجاوبته وهي بتقول
غزل: انا مش قليلة الشر. ف والد. ين زيك يا بودي بس انا هجاوبك انا متجوزه على سنة الله ورسوله من رجل اعمال اماراتي كبير
عابد وهو قاصد يستفزها: اممم قولتيلي وياترى بقا واخدك كام شهر
ومتجوزك على مراته في السر؟!
غزل فهمت انه قاصد يستفزها عشان كده فتحت فونها على صور ليها مع شاب وسيم وباين عليه الشموخ والكبرياء
غزل: ده فهد جوزي عنده 33سنه وانا أول بخته ومتجوزين من 3سنين يعني من بعد ما سيبتك ب سنه يعني مش جواز مصلحه ولا متع. ه يا استاذ عابد
عابد اتغاظ اوي منها ونار الغيره كانت بتحر. ق في قلبه
عابد: قصدك بعد منا سيبتك
غزل: طب الحمدلله انك فاكر انك سيبتني واكيد فاكر عملت فيا ايه قبل ما تسيبني ع العموم مش وقته الكلام ده المفروض دلوقتي نرجع عشان نمضي عقود بيع المزرعه
عابد: ليه المزرعه دي بالذات
غزل: عشان اخليكوا ع الحديده وكل أملاك عيلة الراوي قريب أوي هتكون بإسمي
_____________________
غزل: تمام كده يا حاج موسى والسعر للي اتفقنا عليه كمان
الحاج موسى: تمام يابنتي والمحامي هييجي معاكي الشهر العقاري بكره هو وعابد عشان تسجلوا المزرعه
غزل: تمام أستئذن أنا بقا
الحاج موسى: تستئذني كيف انتي هتيجي معانا ع البيت يابنت الغالي
غزل: لا معلش مره تانيه
الحاج موسى: بطلتي تعتبربني كيف ابوكي يا غزل
غزل غمضت عنيها وهي خايفه تضعف عشان هي عارفه غلاوتها عند الحاج موسى وانها زيها زي عياله بالظبط وهي كمان بتعتبره زي ابوها لكن ابتسمت وهي بتفكر بشر
غزل: لا طبعا انت ابوي وهتفضل طول عمرك ابوي
(في بيت الراوي)
خاصة في جناح عابد
مرام مرات عابد بعصبيه: يعني كيف غزل هي للي اشترت المزرعه وازاي ابوك جابها البيت اهنه هي معندهاش كرامه راجعه بعد السنين دي كلاتها ليه انا رايحه اطردها
عابد مسك دراعها وضغط عليه بعصبيه وقالها بصوت حاد
عابد: محدش اهنه ليه رأي بعد رأي أبوي فاهمه أبوي قال تقعد يبقا تقعد ومتفكريش ان دي غزل الطيبه بتاعت زمان للي كان بيتضحك عليها دي واحده لا نعرفها ولا تعرفنا
مرام: اه ما هي اكيد راجعه عشان ترجع حبها القديم
عابد بسخريه: لا اتطمني غزل اتجوزت وراجعه تنتقم وبس
مرام وهي بتبلع ريقها: تنتقم ازاي يعني
عابد:: يعني غزل مش ناسيه للي اتعمل فيها زمان وجايه تدمر. نا كلنا
مرام قعدت ع السرير بخوف وهي بتفتكر للي حصل زمان
Flash back:
مرام بغل: انا مش هرحمك يا غزل عابد ليا انا وبس
غزل: انتي عبيطه يابنتي عابد بيحبني انا فوقي بقا متبقيش مريضه
مرام : عابد عمره ما هيكون ليكي وانا وانتي والزمن طويل وسابتها وخرجت
مرام فاقت من ذكرياتها وملقتش عابد موجود نزلت تحت وهي سامعه صوت ضحك غزل مع مريم اخت عابد وعيده وصالح اخوهم وفديه مراته وعادل اخوهم الصغير
عادل بغمزه: طب ايه يا غزل ايه رأيك تطلقي واتجوزك
غزل: طب انجح من الكليه صافي الاول وبعدين نشوف الموضوع ده
عادل: اي ده مين فتن عليا اكيد مريم الفتانه
مريم بضحك: انا مقدرش اخبي حاجه عن صاحبت عمري
الحاجه حُسْن وهي بتطبطب على ضهر غزل: والله وليكي وحشه يا بنت قلبي بيتنا مدخلوش الفرح من يوم ما غيبتي
غزل: محدش وحشني قدك يا خالتي
مرام بغل: وياترى هتشرفينا هنا كتير
عيده كانت هترد لكن وقفها صوت غزل وهي بتقول
غزل: لما اكون قاعده على راسك يا مرام ابقي اتكلمي
الكل استغرب من رد غزل هي دي غزل للي كانت بتتكسف من خيالها وبتخاف تحرج اي حد
مرام بتوتر: انا مقصدش يعني اكيد جوزك مش هيستغيبك
غزل: برضو شيئ ميخصكيش يا مرام
الحاجه حُسْن في محاوله لتهدئة الوضع: الوكل جهز الكل يقوم يقعد ع السفره
___________________
غزل: يعني انت اسمك ريان
ريان: اه ريان عابت موثى
غزل بضحك: موثى
ريان بتذمر: يوووه انتي كمان بتتريقي عليا يا غذل
غزل: خلاص يا رينو مش هتريق عليك تاني
دمعه نزلت منها غصب عنها وهي بتفتكر لو هي وعابد اتجوزا كان زمان ريان ابنها
ريان مسح دموعها وهو بيقول: انتي بتعيطي ليه يا غذل
غزل: مبعيطش يا عيون غزل
ريان: تعرفي بابا كان دايما بيحكيلي عنك
غزل باهتمام: يا راجل وكان بيقول عليا ايه بقا
ريان: لا مث هقول هو قايلي ان ده ثر عثان احنا ثحاب
غزل: طيب ما احنا كمان صحاب واحنا كمان سر احكيلي وانا مش هقول لحد
ريان : وعد
غزل: وعد
ريان: كان بيقول انك حلوه اوي وعنيكي جميله زي الغزال عشان كده هو للي سماكي غزل وشعرك طويل اوي وناعم وهو بيحبك اوي
فون غزل رن وهي بتقول
خلاص يا رينو روح العب دلوقتي وانا هخلص المكالمه للي معايا وهاجي العب معاك
ريان: حاضر
غزل: الو يا فهد
فهد: عملتي ايه
غزل: قاعده حاليا في بيت الراوي والخطه ماشيه زي منا عايزه بالظبط وكلها ساعتين وهيوصل خبر بالبونط العريض عاجل وهام شركة الراوي للصناعات الغذائيه تصدر منتجات فاسده وغير قابله للاستعمال الأدمي ودي الضر. به الأولى
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية نيران العشق)
