رواية بنت الشيطان الفصل الثامن والأربعون 48 بقلم رحمة نبيل
رواية بنت الشيطان الجزء الثامن والأربعون
رواية بنت الشيطان البارت الثامن والأربعون
رواية بنت الشيطان الحلقة الثامنة والأربعون
#بنت_الشيطان2
#رحمة_نبيل
#الفصل_الواحد_والعشرين
*🌸🎀عن عائشة أم المؤمنين رضي الله عنها،أن رسول الله ﷺ قال:*
(يا أيُّها النَّاسُ، خُذُوا مِنَ الأعْمَالِ ما تُطِيقُونَ، فإنَّ اللَّهَ لا يَمَلُّ حتَّى تَمَلُّوا، وإنَّ أحَـبَّ الأعْـمـالِ إلى اللَّهِ مـا دَامَ و إنْ قَل)
.
*📮 رواه البخاري في صحيحه 5861*
صلوا على من جلس علي ركبتيه يواسي طفل مات عصفوره
صلوا على الحبيب المصطفى صلى الله عليه وسلم
الفصل الحادي والعشرين
نظر مالك بتعجب لصراخ نور / فيه ايه
دانه وهي تنظر له بخبث / فيه ايه يا ذئب يا بشري اخص عليك يا مالك
نظرت ايملي للجميع بتعجب ولكن وقع نظرها علي أسد الذي يضحك تحدثت لمالك بتعجب وهي تشير لاسد / انت لك توأم
دانه وهي تدعي الصدمه وتضع يدها علي فمها وتنظر لاسد وشهقت بتافجأ
جميله بحده / ترجمي انتي لسه هتتفاجأي
دانه وهي تنظر للارض باسف / بتقوله ابقي هات الحليوه اللي شبهك ده معاك
نظرت جميلة بشر لاسد الذي تراجع للخلف / دي كدابة يا جيمي بقي حد يصدق دي دي دانه يا شيخه
دانه وهي تقف بحده / ومالها دي يا حج أسد يعني طب علي فكره بقي انا شوفت البت دي بتغمزله
نظر لها أسد بحده فهزت دانه رأسها / عليا وعلي أعدائي
نور وهي تنظر لمالك بشر / بقي بتقولك سرب مراتك وانا هوريك كل حاجه
ضحك مازن باستمتاع
عمر وهو ينظر لهم باسف / يا ضنايا يابني انت وهو هتموتوا وبسبب مين دانه
دانه وهي تنظر له بحاجب مرفوع / جرا ايه يا عموري ده انت حبيبي
القي لها عمر قبله في الهواء / قلب عمورك
مالك وهو ينظر لدانه بحده / انتي قولتي ليها ايه يا بهيمه انتي
دانه وهي تأكل موز باستمتاع / الله هو انا عملت ايه بس يا شيطان انا بادي مهنتي كمترجمه محنكه
مالك بتشنج / م اية يا ختي
دانه وفمها ملئ بالطعام / محنكه
نور وهي تمسك سكينه التي توجد في طبق الفاكهه و تقترب من مالك / انا بقي هشرحكم انتم الاتنين
مالك وهو يعود للخلف / ايه يا نور هو انتي صدقتي دانه ولا ايه هي قالت ايه بس عشان دة كله
نور بجنون / ولا حاجه يا حبيبي قالت كل خير
دانه وهي تهز رأسها / حصل
اقتربت نور اكثر وعاد مالك للخلف / سييبي السكينة دي يا نور عشان هتعوري نفسك
نور بتأثر مصطنع / يا حبيبي خايف عليا
مالك بجديه / اكيد يا نور هخاف عليكي امال هخاف علي مين
ارتخت يد نور وهي ممسكه السكين ونظرت له بحزن
دانه وهي تتحدث لنور / ثبتك بكلمتين يا نور اخص افتكري الجيب السوده
اخذت نور نفسها بغضب ونظرت لمالك بشر
مالك وهو يصرخ بدانه / انتي يا معفنه يا جذمه بتولعيها هتطلقي امك يا هبله يا هبلة
ايميلي بتعجب / ما هذا الذي أراه مالك لما تحمل زوجتك السكين
دانه / شوفي بتحميه عليكي اهي بتقوله هي مراتك مجنونه ولا ايه
نور وهي تنظر لها بشر / انا بقي هوريكي المجنونه وانطلقت تجاهها وهي تحمل السكين ولكن قام مالك بضمها من الخلف وهو يحاول منعها من التقدم
بينما دانة تضحك
سمر وهي تجلس بجانب دانه وتحمل الموز وتأكل معها /البت مقابلتش الي انتي قولتيه صح
دانه وهي تغمز لها / صح
سمر وهي تربت علي كتفها / تربيتي وتعرفي بقي ايه اللي عحبني اكتر
دانه بضحك / ايه
سمر وهي تشير علي جميله التي تشاجر أسد / انك عرفتي تقللي من ليفل المحن عند نور ومهند دول
ضحكت دانه عليهم بشده
رحمه وهي تنظر له بغباء / معلش اصل سمعي تقيل انت قولت ايه من شويه
عبدالرحمن ببسمه خبيثه / قولت اني طلبت ايدك من ماما منال وهجيب مالك ونور وهنيجي نتقدم قريب جدا
رحمه بتعجب / بسم الله ماشاء الله ماما منال كمان
هز عبدالرحمن رأسه وهو يضحك / وبابا أنور
رحمه / وبابا أنور كمان
عبدالرحمن وهو يضحك / يلا بقي امشي عشان متٱخرش اشوفك قريب يا… يا عروستي
نظرت رحمه خلفه بملامح مصدومة كليا عروسته هو يمزح اكيد حسنا هو…..
قاطع أفكارها اصطدام شئ برأسها التفتت بغضب وجدت حمدي ينظر لها بقلق / احم ممكن الكوره
إشارت رحمه للكرة /قصدك دي
هز رأسه ببسمه بريئه
رحمه وهي تمسكها / انساها بقي
حمدي وهو يركض جهتها / لا متهزريش يا رحمة هاتي الكوره
رحمه وهي ترحل / مش من شويه كنت عاملي الهنود الحمر يلا روح كمل يا حبيبي
حمدي / هاتي الكوره
رحمه بعناد / انسي يا حبيبي زمن الدلع خلص خلاص من انهارده هتشوفو الوش الوحش
حمدي بسخريه / يا ستير ياربي يعني اللي كان موجود الفتره اللي فاتت دي كان الحلو اخيييي يا ربي استر يا ستار
رحمه وهي تلقي الكرة طب تعالي بقي يا جذمه انت عشان انا جبت اخري منك يا حيوان يا حمدي
ركضت خلفه وهو يصرخ خرج علي صوتهم أنور بالكرسي الخاص بهم ونظر لرحمه بيأس / انت قلت البت دي قاتل متسلسل محدش سمع كلامي بتعذب في الأطفال البريئه ومحدش عارف يوقفها لازم أبلغ عنها
نظرت له رحمه قالت بتمثيل وهي تقترب منه / وانت ضامن تعيش لحد ما تبلغ
نظر لها أنور بخوف / ابعدي عني انتي بتقربي ليه
رحمه بفحيح وهي تهز رأسها / مش انا اللي بقرب ده موتك اللي بيقرب
اخرج أنور صوته برعب / يا بوليس يا شويش الحقوني
رحمه وهي تبتسم ابتسامه شريره / محدش هيلحقك من ايدي يا أنور خلاص وقتك جه يا أنور
أنور / لا مش عايز اموت انا لسه صغير
رحمه بجديه / اهو انت المفروض تموت عشان كدبك ده يا انور هههههههه
أنور وهو ينظر لها بغضب / امشي يا بت من هنا يا جذمه انتي والله لاقول للكل انك قتاله قتله
رحمه وهي تتجه للمطبخ لتكمل الطعام / ماشي يا أنور لولا اني مش فاضيه بس كنت وريتك قتاله القتله يا كبير ههههههههه
مالك وهو يجذب نور اليه / يانور بنتك كدابة دي بتهزر
سراج بضحك شديد / اها فعلا بنتك بلفتك يا نور الترجمه مش كده خالص
نظرت نور بحده لدانه
دانه وهي تبتلع ريقها / طب يا سمورتي معطلكيش يا حبيبتي
سمر وهي تأكل اللب باستمتاع / خودي راحتك يا قلبي
ركضت نور خلف دانه بسرعه وه
دانه تركض / استهدي بالله يا نور ده انا بضحك معاكي
نور وهي تصرخ / طب والله يا دانه لاوريكي يا حيوانه علي حرقه دمي
كادت دانة تركض للخارج ولكن وجدت عبدالرحمن يدخل من الباب وينظر لهم بتعجب ركضت دانه له وقفزت علي ظهره بسرعه وتعلقت به وصرخت / اجري يا اشرررررررف
عبدالرحمن وهو يكاد يقع / يابنت المجنونه في ايه
دانه وهي تشير لنور التي تركض لهم / المجنونه هتعملني شاورما اجري يا با
امسك عبدالرحمن قدم دانة واخذ يركض ونور خلفهم وهي تصرخ / مهو انا معرفتش اربيكم يا جذم انا بقي هربيكم يا حيوانات
عبدالرحمن وهو يصعد علي الدرج / صلي علي النبي يا نور كدة هبله وغلطت
نور وهي تقف وتنظر بشر / هبله وغلطت قصدم هبله وكانت هتطلقني
نظر عبدالرحمن لدانه المعلقه في رقبته / انتي عملتي اية يا بلوة
دانه وهي تعانق رقبته وتضع رأسها علي كتفه وتتحدث ببراءه / ولا حاجه يا عبده ده انا كنت بضحك مع نور وهي قلبت الهزار جد
نظر عبدالرحمن لنور وقال وهو يضحك / خلاص يا نور انتي الكبيره
نور / ولو ولو لازم اقطعها الجذمه
في ذلك الوقت دخل خالد وهو يمسك بناري وتحدث بصوت عالي / انا عايز اتجوز ناري يا جدعان
صمت عم في المكان ونظر الجميع له بتعجب وصمت
سراج وهو يخرج عن صمته / وناري رأيها اية
نظرت ناري للاعين الموجه عليها من الجميع بخجل شديد ثم نظرت في الأرض / اللي تشوفه يا بابا
سراج ببسمه غمز لخالد / سرك باتع يا باشا
خالد بوقاحته المعهوده / عيب عليك ياباشا ولسه هتشوف اللي جاي ده انا هخليها ت…..
اسد وهو يقاطعه ويعانقه / الف مبروك ياحبيبي خف الله يحرق قلة أدبك يا شيخ
خالد بضحك / من بعض ما عندكم يا والدي
جميله وهي تصفق وتعانق ناري / حبيبه قلبي ومرات ابني
كانت تتحدث وهي تنظر لسمر وتحرك حاجبها بمشاكسه
سمر بحنق / مالها دي
جميله بضحك / اه ياسمر شايفه الزمن بنتك هتكون مرات ابني
وانتي علي طول بتتريقي عليا ههههههههه
سمر بتذمر لسراج / شايف بعينك عشان لما ابقي ارخم عليها محدش يتكلم
نظر عبدالرحمن لهم وحدث نفسه بأنها فرصته فالقي دانه من علي ظهره وذهب لوالده بسرعه
دانه وهي تضع يدها علي ظهرها بألم / اه ياربي قلاب بيقلب نقله رمل يا حيوان يا عبده
عبدالرحمن ببسمه سمجه لمالك / وانا كمان
مالك بحاجب مرفوع / وانت كمان ايه
عبدالرحمن وهو يضع عينه في الأرض ويمثل الحجل / ابا انا عايز ادوز
نور وهي ترمي السكين من يدها / حبيب ماما يا عبده هتبقي عريس الله
نظر مالك لها وهز رأسه بيأس علي تصرفات زوجته الطفوليه
ثم تحدث بجديه لعبدالرحمن / هي مين
نظر عبدالرحمن في عين والده بثقه / رحمة اسمها رحمه
مالك ببسمه علي قوة ابنه في الرد وعدم تراجعه / رحمه ايه
نظر له عبدالرحمن بجهل / معرفش انا بس اعرف اسمها وعنوانها ووالدتها او اللي ربتها
نظر له مالك بحاجب مرفوع
عبدالرحمن / احم هي يتيمه وعايشه بي ملجأ أيتام
مالك وهو يحك جانب فمه / ولو رفضت
عبدالرحمن وهو ينظر في عينه بوجع لم يخفي علي مالك / يبقي مش هقدر اخالف حضرتك بس برضو اعذرني مش هتجوز غيرها ومحدش يطلب مني اني اتقبل اي واحده غيرها تكون زوجتي
نظرت نور له بالم / وافق يا مالك شكله بيحبها
نظر لها مالك بجمود ثم تحدث بهدوء وبسمه / ابقي خد معاد معاهم
ابتسم عبدالرحمن بسعاده بالغه وعانق والده بشده / اكيد هكلم مامتها وهاخد ميعاد
خالد / يا جماعة انتم نسيتوني ولا اية انا برضو طلبت اني اتجوز
سراج وهو يضربه علي رأسه / اهدي يا خويا هنجوزك
ضحك الجميع عليهم بينما تحدثت دانه / اه يا خاين يا عبده كدة هتتحوز وتسبني سنجل بائس وحيد
ضحك عبدالرحمن عليها ثم ذهب وعانقها / هتفضلي دايما بنتي وحبيبتي يا دانه ومكانك محدش عمره هيقرب منه بعدين مين عارف يمكن نخلص منك وتتجوزي قريب هههههههه
تذكرت في ذلك الوقت ليث لا تعرف لماذا ولكن اول شخص خطر ببالها هزت رأسها بعنف وهي تنفض هذه الأفكار عن رأسها وتبتسم له بشرود / ان شاء الله
دخل ادم غرفه غيث وجده ينظر بشرود للسقف زفر ادم بملل وذهب وتمدد بجانبه علي الفراش وتحدث بعد صمت / ما بك
ابتسم غيث وهو يغمض عينه / جميله جدا
ادم / ومن هي
غيث ببسمه اكبر / سارقه قلبي ياادم
ادم ببسمه / ومن هي يا تري سارقه قلبك يا عزيزي
غيث بهيام / نرمين
فتح ادم عينه واستدار بجسده لغيث / ماذا هل تقصد نرمين ابنه عمر
غيث وهو مازال يغمض عينه /نعم هي ملاكي الصغير
ضحك ادم با ستمتاع / أوووه لقد كبر الصغير وأصبح يحب
غيث وهو يفتح عينه / اه يا ادم بل قل اعشقها
ادم بتعجب / لهذه الدرجه وانا لم الحظ عليك شئ
غيث ببسمه متألمه قليلا / هي لاتنظر لي كحبيب بل كشقيق فقط
ادم وهو يتنهد / هل تعلم أن قصتك تشبه قصتي مع والدتك
نظر له غيث بتعجب / صحيح لم أسألك ابدا عن قصتك مع والدتي
ادم وهو يستلقي بجانبه مجددا /قصه طويله يا عزيزي
غيث ببسمه / احب ان اسمعها
ادم / اذا اسمع
قاسم وهو ينظر لليث الذي أصبح يشرد كثيرا هذة الايام
قاسم / مالك يا ليث
ليث بشرود وهو يبتسم بسخريه / كاترينا كلمتني
قاسم بعصبيه كبيرة / وهي عايزه ايه منك الكلبه دي
ليث بسخريه / نرجع لبعض
انتفض قاسم / هي ايه معندهاش كرامه ابدا ترجعوا لبعض بعد ايه بعد ما جتلك المستشفى وانت بين الحيا والموت وتقولك سوري مش هينفع نكمل مع بعض ولا بعد ما خانتك مع اقرب واحد ليك وهي كانت لسه علي زمتك
ابتسم ليث بسمه متألمه / سيناريو معروف البطل يكون متجوز واحده وبيحبها وهوووب يعمل حادثه ويبقي اعمي بعدين يكتشف ان البطلة عمرها ما حبيته لا دي كانت بتحب فلوسه وتطلع كانت بتنام مع صاحبه وهي علي زمته وتستغل الحادثه عشان تطلق وتروح للي كانت بتخون زوجها معاه والدنيا تدور تاني واللي راحتله يخونها مع غيرها ويرميها تقوم هي ترجع تبكي للبطل المسكين وتقوله كنت مغفله و اكتشفت اني عمري ما حبيت غيرك وتبين ليه انها بتضحي عشان مصلحته وترجع لين شفقه
ضحك بشده/ ولا الأفلام ابيض واسود
نظر قاسم بألم لصديقه وربت علي كتفه / بكره تلاقي اللي تحبك بجد يا ليث عشانك انت مش عشان حاجه تانيه
ليث بوحشيه وكره / وانا مش عايز حد يحبني يا قاسم خلاص استكفيت من الصنف دة مش عايز بقرف منهم عارف يعني ايه بقرف بعدين اتجوز واحده تستغل حالتي وتخوني يا قاسم خلاص مبقتش ليث الأهبل اللي بينضحك عليه
قاسم بحزن / ما انت لو تسمع كلام الدكتور وتعمل العم….
ليث وهو يصرخ / مش هعمل حاجه يا قاسم مش هعمل عمليه يا قاسم كفايه اوي اللي عملته بقالي عشر سنين بعمل في عمليات واستفدت اية ولا حاجه
قاسم بلهفه / بس الدكتور قال فيه امل انك ت……
ليث وهو ينهض ليرحل / مفيش امل في حاجه يا قاسم خلاص قفلنا ومتفتحش الموضوع ده تاني
سار ليث لغرفته الجانبيه في المكتب التي يبيت فيها ليلته
وترك قاسم الذي المه قلبه علي رفيقه / بكرة ياليث تلاقي اللي تدخل قلبك وتخليك تنحني للحب وقتها هفكرك
خرج قاسم من المكتب
سمع ليث صوت الباب يغلق فاغلق عينة بألم شديد وتذكر الكلمات التي غيرته لهذا السواد
( كاترينا بسخريه / اعيش معاك ليه يا ليث واظلم نفسي مع واحد اعمي ليه ها قولي هستفاد ايه انا استحملتك وانت طبيعي بالعافيه استحملك وانت اعمي ازاي ليث انت مفيش واحده هتقبلك ابدا عشان انت اعمي اعمي يا ليث باشا مفيش واحده هنضيع عمرها تخدم واحد اعمي بعدين معنديش استعداد أواجه المجتمع وانا زوجي اعمي خلاص يا ليث مبقتش تنفع لحاجه اسفه بس ياريت تطلقني في أسرع وقت)
فتح عيونه وقد تحول لونها للاحمر القاتم / مفيش واحده هتقبل تخدم اعمي مفيش واحدة هتقبل تعيش مع واحد اعمي كلهم كده كلهم كدة
نظرت دانه بملل للجميع وهو يتحدث فجأه شهرت باهتزاز هاتفها نظرت بتعجب له فالرقم غريب ولكن اجابته بتعجب / الو
الطرف الآخر / انسه دانه
دانه ببسمه وقد تعرفت علي صوته ولكن ادعت الجهل /ايوه مين حضرتك
ابتسم ليث عليها / انا….
قاطعته دانه / قبل أي حاجه حضرتك اخدت ميعاد من السكرتير
رفع ليث حاجبه بتعجب / عفوا
دانه وهي تنظر للجميع وهم منشغلون وضعت قدم على قدم / لا ما هو مش اي حد كده يعوز يكلمني فيكلمني انا واحده بسبس وومن كبيره وليا مشغولياتي
ليث بتشنج / بسبس وومن
دانه وهي تكتم ضحكته / ايوه ايه مشبهش ولا ايه ثم إن حضرتك ضيعت وقتي الثمين بما فيه الكفايه
ليث بسخريه / بنعتذر من جناب الضفيرة علي تعطيل مصالحها بس كنت حابب لو تتكرم وتواضع للعبد الفقير الي الله وتقولي فين اخر فايل هي ترجمته
دانه وهي تضحك بشده ولم تدري ماذا فعلت ضحكتها بهذا الذي استمع لها بقلب ينبض بعنف / خلاص هتكرم واجاوبك هو موجود في…….
هز ليث رأسه / تمام شكرا جدا لحضرتك
دانه / العفو وياريت متتكررش تاني وتتصل من غير ميعاد
ليث / بنعتذر يا انسه دانه
دانه بتكبر مضحك / قبلت اعتذارك عش……
نظرت للهاتف بتعجب / هو قفل الفون في وشي ولا اية
أمسكت هاتفه واتصلت به مجددا
أجاب هو بتنهيده ملل / ايوه يا د……
سمع صوت إغلاق المكالمه تحدث بتعجب شديد / هي اتصلت عشان تقفل في وشي مخصوص البت دي لا يمكن تكون ابدا طبيعيه
بينما دانه تضحك بصخب / مش دانه اللي حد يقفل في وشها ابدا ههههههههه يلا بالشفا يا كبير
احد الرجال وهو يتحدث بارتجاف/ معتز بيه
نظر هذا الذي يسمي معتز بغضب له / عايز ايه
الرجل بخوف / عرفنا مين اللي بيروح ليها
نظر معتز له ليكمل
الرجل / شاب اسمه عبدالرحمن مالك الصياد
فتح معتز عينه بصدمه / عبدالرحمن مالك
تغيرت ملامحه للغضب وأشار بالرحيل للرجل
رحل الرجل بسرعه بينما نهض معتز ودخل للغرفة التي يظل بها دائما واخذ ينظر لصور رحمه ويبتسم بجنون / بتخونيني معاه يا رحمه مع اكبر عدو ليا
ثم ضحك بشر / بس متقلقيش انا هقتله وهرجعك ليا وهتبقي بتاعتي لوحدي يمكن مقدرتش احصل عليكي في موضوع الملجأ ورفضتي عرضي بس قريب اوي اوعدك هتكوني ليا وبين احضاني انا مش عبدالرحمن
سامعه يا رحمه انا انا وبس
تلقت سما رساله من نفس الرقم / جاهزه يا قمر وبكرر تاني بلاش تتذاكي
ارتعشت يد سما وهي تنظر للرساله ثم نظرت للمرأة وعدلت من زينتها ووضعت المسدس في ثيابها وخرجت من غرفتها وحمدت ربها ان الجميع مجتمع عند مالك وليسوا هنا والا كانت ستضطر للشرح لهم اخذت تاكسي واعطته العنوان وانطلقت له وقلبها يكاد يتوقف عن النبض توقف تنفسها حينما سمعت صوت السائق / وصلنا يا انسه
نظرت للعمارة بنظرات رعب وهي ترتجف وهبطت من السياره بخوف وهي تكاد تقع أرضا من الرعب
كان حسام يجلس في المكتب حينما دخل عليه صديقه / ايه يا حسام الوقت اتأخر مش هتروح
حسام وهو ينظر له ويهز رأسه بايجاب / همشي اهو
ثم اخذ يلملم اشياءه ولكن سمع صوت رساله توقف عن ما يفعل وفتح هاتفه وهنا أصابت صاعقه من هول ما يري صور سما وهي في أحضان شباب وهي تستنشق المخدرات وصور اخري لم يستطع ان يراها اغمض عينه بألم وهبطت دموعه علي حب عمره الذي تدمر أمام اعينه سمع صوت رساله اخري نظر وجد بها عنوان واسفله رساله (حبيبه القلب دلوقتي عندها طلعه مع زبون جديد ده العنوان لو حابب تتأكد) قبض علي هاتفه بعيون تشع جحيم واخذ مفاتيحه وركض بسرعه كبيره وهو يكاد يحرق الأرض اسفله
ضحكت باستمتاع وتسليه وهي تراقب أسفل العماره التي صعدت لها سما
نظرت لها صديقتها برعب / مش افورتي شويه يا إيمي
ايمي بنظره خبيثه / تؤ تؤ مش افورت ولا حاجه خليها تتربي وتتعلم ما تبصش من مناخيرها تاني واخيرا يا سما اخيرا هكسرك واخلي وشك في الأرض
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية بنت الشيطان)
