رواية وليا معاه حكاية الفصل السابع عشر 17 بقلم أميرة صلاح
رواية وليا معاه حكاية الجزء السابع عشر
رواية وليا معاه حكاية البارت السابع عشر
رواية وليا معاه حكاية الحلقة السابعة عشر
صباح الخير يا ماما..
صباح الخير يا حبيبتي ..
بصت لوالدها وقالت : صباح الخير يا بابا..
فمردش عليها وكملت هي
:بقولك يا بابا مش معاك كتالوجات فساتين كدا
محمد : لي ان شاء االله
اصل كان في وحده صحبتي عايزة تتفرج عليهم..
محمد : افهم من كدا اننا عقلنا..
يا ببتي انا دايما عقله..
ماشي يا عقله بس متكرريهاش تاني بقه..
لا متقلقش ان شاء االله انا قررت خلاص اكمل اللعبه للاخر واقابل الوحش..
لعبة اي ؟..
لا لا مفيش زر المهم مش هتباركلي بقه..
الف مبروك يا روح بابا انا هكلم عمك مجدي اطمنه بقه..
ماشي يا بابا..
****
وعدي اسبوعين
حبيبه : ماماااا..
ايوا يا حبيبتي..
اتصلو بيا من الاتيليه وعايزني اروح اشوف الفستان..
طيب ماشي..
طيب اي هروح ازاي بابا وعمو مجدي راحو يخلصو حجات مع بعض..
طب متتصلي بحسام يوصلك..
حسام..
قعدت تفكر شويا وبعدين قررت تتصل
حبيبه : الو
حسام : ايوا
بقولك هو انت فين ؟..
في الشغل..
طيب اصلهم اتصلو بيا من الاتيليه وعايزني اروح دلوقتي عشان اشوف الفستان وبابا وعمو مش موجودين…
والمطلوب ؟…
ممكن توصلني ؟..
حد قالك اني السواق الخصوصي وبعدين بتهيقلي انا قلتلك في اول المكالمه اني في الشغل..
تصدق باالله انا كل ماقول اكلمك باحترام تستفذني عشان اغلط فيك بص اقفل اقفل جاتك الارف..
وقفلت الموبايل بص حسام لتليفونه وقال : اي البت الهبله دي..
وبعد ربع ساعه لقت موبيلها بيرن فردت : ايوا..
حسام: انزلي..
انزل فين..
انزلي تحت انا واقف ادام البيت..
بجد ؟ ازاي طب مقولتليش انك جاي لي..
هتفضلي تتكلمي كتير كدا همشي..
لالا انا نزله علطول اهه
دقيقة وتلاقيني ادامك ..
مكملتش عشر دقائق ونزلت جري علي السلم
وهي ماسكة الكونفرس بتاعها في اديها : ها اتاخرت..
انتي عامله زي حرامي الجزم لي كدا..
حرامي الجزم.. ?
اي يبنتي هو حد يترل كدا..
االله الحق عليا مش عايزة اتاخر..
غريبه اخر مرة جتلك فيها لطعتيني ساعه ادام البيت..
اتكلمت بصوت واطي وقعدت تكرر كلامة وتخيل عليه : اخر مرة لطعتيني ادام البيت..
بتقولي اي..
لا دا انا بقولك يلا عشان مش نتاخر..
طبعا حبيبه قعدة في العربية مش ثبته قعدت تفتح الحجات وتقفلها
وتفتح الشباك وتقفله وتبص ورا وادام..
حسام: هو انتي متعرفيش تقعدي زي البني ادمين خالص..
لي شيفني قعده زي القرود..
ياريتك حصلتي قرد حتي..
مش ذنبي ان عربيتك زي الجبلايه..
طب ادي بقه
ها هو دا المكان.. ?
اة هو..
طب متتاخريش..
انت مش هتدخل معايا؟..
ادخل اعمل اي..
تدخل تعمل اي?
لا ولا اي حاجه..
نزلت حبيبه وهي بتكمل كلامها ..ال يترل يعمل اي ال
انسان متخلف..
قفلت الباب وملحظتش شنطتها اللي وقعت في العربيه
فضل حسام مستني حوالي نص ساعة وبعدين سمع صوت موبايل..
حسام: اي دا الصوت دا جي منين..
قعد يدور لحد ما شاف شنطتها وجواها التليفون ..
حسام: انا مش عارف البني ادمه دي عايشه ازاي
مفيش اي احساس بالمسؤليه كدا خالص..
فقرر يطلع ويديها شنطتها
كانت حبيبه جوا بتجرب الفستان كانت فرحانه اوي قعدت تبص علي نفسها
في المرايه وتحط اديها علي الفستان ومش مصدقه اا لابسه الفستان اللي كل بنت بتحلم بيه واللي حلمت هي بيه قبل كدا
اللي كانت بتفصلة لعرايسها وهي صغيرة بقي ليها في يوم من الايام..
زق حسام الباب عشان يدخل..
ايوا يا فندم اي خدمه..
حسام: انا كنت عايز الانسه اللي دخلت من شويا..
انسه حبيبه.. ?
ايوة..
حضرتك خطيبها.. ?
اة..
طيب هي بتقيس الفستان دلوقتي وخلاص قربت تخلص..
طب ممكن بس ادخل اديها الشنطه..
تدخل ازاي
انت متعرفش ان دا فال وحش ولا اي لازم الفستان يبقي مفجاه ليك يوم الفرح..
طب ممكن حضرتك تديهولها..
حاضر..
كانت في مراية ادام حسام بتعكس صورة الاوضه اللي جانبه فشاف البنت بتناول الموبايل لحبيبه..
حبيبه: ايوا يا ماما انا ف البروفه اهه
اة جميييل اووي اووي
اووي انا فرحانه خالص..
خرجت حبيبه برة البروفا للاوضة اللي جنب حسام وقعدت تبص للمراية اللي ادمها وهي بتتكلم في التليفون
بص حسام بالصدفه لقاها في المرايا اللي ادامه فراشة بيضه جميله
نقصلها جناحين صغيرين
اللون الفضي اللي في الفستان
مخلي شكلها وبشرا تنور
فضلت تدور بالفستان
وتدور حس ان العالم كلة وقف في اللحظه دي
حس بطفولتها سعادا ابتسامتها
اللي مشفش زيها كانت حطا علي راسها حجاا عشان تخبي شعرها
فوقع منها علي الارض
برقلها اكتر وحس ان دي الجناحات اللي كانت نقصاها
زي ما تكون فردم علي ضهرها عشان تطير ازاي في بنت تكون بالجمال دا وعرف سعتها لي ربنا بيأمرهم يدارو شعرهم
ملامحها خصيلات شعرها
الهوا وهوا بيحاول يلعب مع شعرها ابتسامتها اللي جوا عنيها قفلها ليهم وهي بتضحك وتحط اديها ادمها عشان تمنع الهوا انه يوصلها
نزلت وجابت طرحتها من علي الارض وحطتها علي شعرها
بص حسام الجهه التانيه وقال لنفسه
انه مكنش المفروض يبص للمراية دي.. دخلت حبيبه وغيرت الفستان ولبست هدومها وخرجت..
حبيبه: اي دا انت لسه هنا ممشتش؟
فقال بارتباك كدا : اة..
حبيبه وهي بتكلم صاحبة الاتيليه : الفستان حلو اووي يا مدام
هو كدا خلاص خلص صح.. ?
اة كدا مظبوط عليكي وجاهز ليوم الفرح ان شاء االله..
طب ممكن نخده النهارده ..
لو عايزاة النهارده مفيش مانع..
فبتسمت بفرحه : خلاص نخده بقه..
حسام : نخده لي يبنتي متسيبي اي حد يجي يخده قبل الفرح بيوم..
ولي نسيبه ماهو خلصان اهه..
انا مش عارف انتي بتفكري ازاي..
بفكر زي الناس عادي يعني االله..
نولتهم البنت الفستان فمسكته حبيبه بحنان كانت بتبصله وتحضنه وهي مبسوطة زي البنت الصغيرة اللي بتاخد الايس كريم من البياع
فضل حسام بصصلها جامد مش عارف هو شايف في تعابيرها كل الجمال دا ازي
وازاي بتشدة اوي كدا
..
صاحبة الاتيليه: الف مبروك يا انسه حبيبه
ربنا يتمملكو ع خير يا استاذ حسام..
حبييه: ميرسي جدا ربنا يخليكي مع السلامه..
فضلت حبيبه ماسكة شنطت الفستان والابتسامة لسه علي بوقها ..
حسام: انتي هتفضلي تضحكي زي الهبل كدا..
اي هو الضحك حرم يعني
وبعدين دا بدل ما تقولي هاتي اشيلهولك..
لي شيفاني الشيال بتاعك..
حد قالك اني هدهولك اصلا
دا فستاني انا لوحدي..
انتي انسانه غريبه..
عارفه..
نزلت حبيبه السلم وحسام ماشي جانبها معرفتش تتحكم في توازا من تقل الفستان فحولت تمسك الطرابزين اللي جمبها معرفتش
فمسكت في ايد حسام تلقائي وبقميصه فمسكها وحط ايده علي اديها والتانيه حطها علي وسطها
بصو في عيون بعض
حست ان في عنيه عالم واسع بس عجبها لون عنيه البني الفاتح ورموشها التقيله وشعرة الناعم وعضلات اديه اللي حستها لاول مرة
وقبضة ايده اللي ماسك بيها اديها
بصلها هو كمان اول مرة يشوف وسع عنيها والواا من قريب كدا
اول مرة يلاحظ الدواير الخضرة والدواير الرمادي اللي محوطه لون عنيها العسلي وبشرا وصفاءها
ونعومة اديها وقبضتها الرقيقه
لاحظو وقفتهم بعدها
فبصت حبيبه لايده فساا علطول وقفو هما الاتنين شويا وشالت حبيبه الشنطة فخدها منها
فقالتله احم لا انا هشيلها..
تشيلي اي انتي عارفه تشيلي نفسك..
ع فكرة انا اعرف اشيلها
واشيل ادها مرتين كمان..
اة ماهو كان باين وانتي بتقعي..
دا دا
دا مش وقعه ولا حاجه
انا بس معرفتش امسك ف الطربزين..
طب يلا يا ست القويه..
نزلو هما الاتنين وحط حسام الفستان في العربيه ومشيو
فضلت حبيبه تبص للفستان كل شويا ..
حسام: رقبتك موجعتكيش.. ?
نعم.. !
اصلك مبتلطيش تلويحيها ورا
من ساعت ما ركبنا..
ايه حرام افرح بفستان فرحي..
لا مش حرام بس غريبه يعني انتي مكنش عجبك الموضوع كله
ولا كنتي رضيه بيه..
ومين قالك اني رضيه بيه..
امال فرحانه اوي لي كدا..
وهو انا لازم انكد علي نفسي
هو انا هلبس كام فستان فرح
دا هو فستان واحد
ودا اللي بتحلم بيه كل البنات مش شرط اكون لبساه عشان حد يعني
ممكن اكون لبساه عشاني
وكدا كدا انا مكنتش ناويه احب حد واتجوزة او حته احبه بعد الجواز فالموضوع بالنسبالي ايزي يعني..
قالولك قبل كدا انك معندكيش دم..
لا قالولي اني متفاءله وبضحك دايما
لو انت بتسميها معنديش دم
يبقي اتقالتي كتييير..
انا مش عارف هستحملك اكتر من كدا ازاي..
عادي يعني منا كمان المفروض اخد جايزة نوبل اني مستحملاك
اة من حق متنساش تكلم الناس بتوع الحنه
عشان معدش الا كام يوم وانا كلو عندي الا الحنه..
اعمل اي يعني..
اتصل بيهم واكد عليهم عشان هما مش هيجو غير لما تاكد عليهم ..
وانا مالي..
مش انت عريس الغفله برضو!
وانتو اللي متفقين معاهم يا بني ادم انت..
طب يلا يختي انزلي وياريت اي مشاوير تانيه متتصليش بيا تاني..
لو متصلتش بالسواق بتاعي هتصل بمين يعني..
نعم..
بقولك حاضر مش هتصل..
واخذت الشنطة وقفلت العربيه وجريت..
****
حبيبه: الو..
اسماء : الو..
بابا فين بابا هنا هنا اهو..
هههههه اي الروقان دا يا ست حبيبه..
هو حد يبقي فرحه كمان كام يوم وميبقاش فرحان برضو..
غريبه يعني..
اي يا جدعان هو كلو مستغرب مني لي كدا
عادي يعني دا
الفرح دا بيجي مرة وحده ف العمر كل حاجه فيه
الفستان والحنه والقاعه والفرقه
انا مش هتجوز كل يوم
بغض النظر عن اللي هتجوزة يعني
بس انا مش هسيب الفرصه دي تضيع من ايدي ابتا..
ربنا يكملك بعقلك يختي..
ميرسي ميرسي
بقولك اوعي تتاخري يوم الخميس عايزاكي تيجي م النجمه..
حاضر مش هتاخر متقلقيش..
عايزاة يبقي يوم محصلش يا سمسم عايزة افرح واتنطط وارقص وكل حاجه..
يا سلام انت تطلب بس يا كبير هظبطك..
يخليكي ليا يا موزتي..
عارفه يا حبيبه انا لو لفيت الدنيا كلها مش هلاقي ف هبلك اة واالله مش عارفه دماغك دي ماشيه ازاي
ولا بتفكري ازاي نفسي افهمك..
يابت اذا كنت انا نفسي مش فهماني هتفهميني ازاي انتي
سبيها ع االله..
طب يعني انتي ملحظه ان خلاص فرحك اخر الاسبوع..
اة..
وعارفه مين اللي هتتحوزيه..
اة برضو..
يارب صبرني تكونيش حنيتي من ورايا..
حنيت اي يا عبيطه كل الموضوع انه كدا كدا بقه امر واقع
زعلت فرحت هيحصل فلازم افرح وبعدين انا نوياله ع نوايا سوودة بعد الجواز منها اتسلي ومنها انتقم منه
دا انا هوريه..
حبيبه دي مش لعبه انتي هتلعبيها وهيتكتبلك ف الاخر جايم اوفر دي حياه انتي لو دخلاها بالهزار بتاعك دا
يبقي اكيد بتستهبلي..
عايزاني اعمل اي يعني يا اسماء اقعد اصوت والطم
ازعل بابا وعمو وممتي وممته
ولا اقف وملقيش حد حوليا ولا اقول
لا ويجي يقنعوني وانا كالعاده معرفش اتكلم ولا اتناقش وكلهم يجيبو الكورة ف ملعبي وف الاخر برضو اطلع غلطانه اعمل اي اموت
نفسي زي الافلام
ولا اهرب يوم الفرح
اسماء انا ف الواقع يعني لازم اعمل اللي انا بعمله دا
لو علي الزفت اللي انا هتجوزة هو كدا كدا لا بيطيقني ولا انا بطيقه يعني هيبقي جواز مع وقف التنفيذ
واهو هيبقي واحد قاعده معاه وخلاص عندك حل تاني ممكن اعمله
لو عندك قولي..
معنديش بس انا حساكي بتضحكي ع نفسك وانتي كدا اللي هتتعبي..
ياستي اضحك ع نفسي النهارده ويمكن اصدق ضحكتي بكرة..
ربنا يكتبلك الخير يا قلبي
ايا كان هو اي..
تسلميلي يا اختي يا حبيبتي يلا هستناكي بقه اوعي تتاخري
وابقي اكدي ع البنات..
من عنيا سلام ..
****
بعد كام يوم..
امال: حبيبه
حبيبه قومي يا روحي يلا
الظهر اذن..
طيب يا ماما
شويا بس..
شوية اي
انتي كدا هتتاخري المفروض الفرقه تيجي الساعه كام.. ?
بيقولو المغرب..
واكتدو عليهم ؟..
انا قلت لاسمه ايه دا ياكد عليهم..
اسمه اي مين.. !
خطيبي يا ماما خطيبي..
قصدك جوزك يا عروسه انتي ناسيه انكو هتكتبو الكتاب النهارد بالليل ولا اي..
اتعدلت حبيبه ف قعدا : اة صح دا كتب الكتاب النهارده
هو احنا مينفعش ناخرة شويا يا ماما..
ناخرة امته والفرح بكرة..
اة الفرح بكرة..
انتي ابلتي يا حبيبتي ولا اي
مالك كانك بتسمعي الحاجه كدا لاول مرة..
اة بسمعها لاول مرة..
لا دا انتي اتجننتي رسمي
كل دا عشان هتتجوزي لو الجواز هيعمل فيكي كدا
يبقي بلاش منه..
بجد يا ماما؟..
انتي ماصدقتي ولا اي
قومي يلا يا بنت عشان تلحقي تجهزي نفسك والكوافيرة جيالك كمان ساعه..
ماشي يا ماما اقفلي الباب بس وهتلاقيني وراكي ..
اة عشان تنامي تاني..
لا عيب عليكي انام تاني ازاي وراكي علطول..
ماشي متتاخريش..
من عونيا ..
سمعت حبيبه صوت حد بيخبط علي الباب ..
يا ماما قلتلك صحيت اهه..
صحيتي اي يا ست حبيبه قومي يلا ف عروسه تنام لحد دلوقت..
اسمااااء حبيبي..
يلا يا ابله..
اي اللي جابك..
اي اللي جبني!
اي السؤال دا يا جزمه..
هههههه مش قصدي
بس جيتي بدري يعني..
انتي عايزة صحبتي واختي حبيبتي
يبقي فرحها بكرة وحنتها النهارده
واسبها؟..
ربنا ما يحرمني منك يا احلي واجمل اخت..
ولا منك يا احلي عروسه يلا قومي اجهزي اتاخرناااا..
طب اخطف حلم..
حلم ف عينك يلا يابت..
*********
كان حسام قاعد وماسك تليفونه : اما نشوف هتفضلي تضحكي لحد امته
يا ست حبيبه
رفع التليفون وبدأ يتكلم :ايوا مساء الخير لو سمحت احنا كنا حجزين الفرقه بتعتكو النهارده في حفلة حنه
اة معلش حصل ظروف وعايزين نلغي الحجز
لا لا مش هناخد فلوس الحجز ولا حاجه انا قلت اعرفكو عشان لو كان وراكو حفلات تانيه نبقي مضيعنهاش عليكو خلاص ان شاء
االله ميرسي جدا
مع السلامه
وريني بقه هتفرحي النهارده ازاي..
****
امال: اي يا حبيبه الفرقه اتاخرت لي..
مش عارفه يا ماما انا قيله لحسام ياكد عليهم ..
طيب اتصلي بيه..
منا اتصلت بيه تلفونه غير متاح..
وبعدين هنعمل اي..
انا كان معايا كارت ليهم هدور عليه واتصل بيهم..
طب بسرعه..
دورت حبيبه علي الكارت لحد ما لقته ..
ايوا سلام عليكم لو سمحت انا كنت حجزة حفله حنه النهارده
بأسم مين ?
بأسم حسام مجدي
اتلغت ؟؟ !
مين لغاها ؟
العريس.. اة فهمت
طيب ممكن الفرقه تيجي دلوقتي
ولا مينفعش
راحت حفله تانيه ! بسرعه كدا
طيب خلاص مفيش مشكله شكرا جدا مع السلامه..
اسماء : ف اي يا حبيبه خير..
الأستاذ زفت لغا الحجز بتاع الفرقه يا اسماء..
طب وبعدين..
واالله ما هخليه يعكر مزاجي ولا ينكد عليا ابدا
وبدل ماهو بدأ الحرب انا هوريه اللعب ع اصوله..
هتعملي اي يعني..
مش البنات كلهم تحت..
ايوة..
خلاص انا مش عايزة غير كدا
دي فلاشه فيها كل الاغاني اللي هنحتجها انزلي وحطيها وشغلي السماعات ع الاخر وخلي البنات يص ولو ع الهدوم انا مجهزة كام
طقم حلوين هغير فيهم زي الفرقه بالظبط
ورسم الحنه بقه لعبتنا دا احنا اساس الفن في عندي حنه هنا كتير
عيزاكو تبدعو وتطلعو مواهبكو فيا..
مجنونه
واالله العظيم مجنونه وبعشق روحك دي يخربيتك عقلك..
انا قلتلك انا دخلاها لعبه ولازم اكسب فيها وهكسبها ان شاء االله
يلا انزلي وعيزاكي تطفي النور كدا وانا نزله وتعمليلي جو..
دا انا هكهربلك الدنيا وربنا لعملك حفله احلي ميت مرة من الفرقه..
نزلت حبيبه وهي زي القمر ومظبطا نفسها وسايبه شعرها مغطي ضهرها كلو
قعدت ترقص وتغني وتضحك مع صحبتها تلبس طقم وتغيرة
وتلبس التاني وفننولها البنات برسم الحنه وهي مبسوطه
وخلصت الحفلة وهي في غاية السعادة لبست طرحه علي شعرها
وقالت لصحبتها: يا بنات كل وحده تيجي كدا وتستر نفسها عايزين نتصور صورة سيلفي..
ابتسمو كلهم وخرجت حبيبه لساا ف تحدي..
حبيبه: اوعو تتاخرو بكرة يا بنات بجد مش عارفه اقولكو اي
ربنا ما يحرمني منكم
كان يوم ملوش حل عقبال لما اجي اهيصلكو يوم فرحكو كدا..
صحاا : مع السلامه يا احلي عروسه..
مسكت حبيبه تليفوا وبعتت لحسام الصورة وكتبت تحتها : يارب تكون اتبسط انت كمان زي منا اتبسط النهارده
ياااه كان يوم جميل وف حياتي
لا رقصت ولا هيصت وفرحت كدا الصحاب دول برضو يغنوك عن احلي فرقه اي رايك ف الصورة نجنن صح هههههههه ..
مسك حسام التليفون بغيظ : يخربيت برودك يا بت دا انتي رخمه..
رد عليها برسالة برضو : بصراحه
اة الصورة تجنن او بالاخص صحابك
انتي متاكده ام صحابك
كل دول موزز ! يا ديني هههههه
انا بحسدك ع وقفتك معاهم
ملحوظه
مناخيرك مالها كبرت لي كدا
لازم بكرة تقولي للكوافير يصغرهالك بالميك اب انا برضو ليا برستيج ولازم عروستي تبقي حلوة ادام الناس..
مسكت حبيبه مناخرها وقالت : اسمااااء هي مناخيري كبرت بجد..
اسماء: هي ف مناخير بتكبر وتصغر الايام دي..
امال الزفت دا بيقولي كبرت لي..
انتي هتبتدي تخدي ع كلامه ولا اي..
لا اخد ع كلام مين
لا طبعا بس بجد مكبرتش..?
يارب صبرني
بت قومي يلا اجهزي مش زمان المأذون جاي..
اة صح دا يدوب ألحق البس بسرعه.
اسماء..
ايوا يا قلبي..
هو اللي انا بعمله دا غلط ؟..
ازاي..
يعني القرار والمصير اللي حطيت نفسي فيه دا
انا اللي هدفع تمنه ف الاخر؟
يا حبيبي انا مش عارفه انتو الاتنين مأزمين الامور لي
ما ياما ناس بتتجوز ومبيبقوش بيحبو بعض ومع العشرة بيحبو بعض..
احب مين بس
لا مش ممكن..
ادي لنفسك فرصه عشان انتي لو فضلتي كدا
هتبقي راحه حرب مش راحه تتجوزي..
ماهو دا اللي انا ريحاه بجد ربنا يستر..
يارب
هقوم انا بقه عشان بابا زمانه جاي وبكرة من بدري هبقي عندك ان شاء االله الف الف مبروك يا حبيبه..
االله يبارك فيكي يا احلي واجمل سمسم..
ابقي قوليلي المأزون بقه شكله عامل ازاي والنظام دا عشان
انا مشوفتش كتب كتاب قبل كدا..
هتصورلك انا وهو سيلفي وابعتهالك متقلقيش..
ههههه يا رخمه..
اهو انتي..
امال: يلا يا حبيبه اجهزي بباكي بيقول هما جمب البيت..
حاضر يا ماما انا نزله اهه.
سلام يا سمسمتي..
سلام يا بوبتي ..
جه حسام ووالدة ووالدته وشوية من قرايبه
والشيخ.. قعدت حبيبه شويا في اوضتها بعد ما خلصت توضيب نفسها
سمعتهم وهما بينادو عليها نزلت
كان بباها قاعد جنب الشيخ والجنب التاني حسام وحطين اديهم ف ادين بعض قعدت علي الكنبة اللي قبالهم وهي مكسوفة قعدت
تفكر في اللي هي ريحاله لحد ما سمعت الشيخ بيسألها :
انتي موفقه يبنتي ع جوازك من الاستاذ حسام..
حبيبه: ها.. ?
فقال والدها : الشيخ بيقولك انتي موفقه يا حبيبه ع جوازك دا..
بصت لحسام وقعدت تفكر
وهما الاتنين بيبصو لبعض ونظرت كل واحد فيهم بترجو التاني يوقف اللي هما بيعملوة دا
يقوم حد فيهم وينهي الموضوع
فنداها والدها تاني : حبيبه..
اة يابابا موفقه..
علا صوت الموسيقي
وخلص الشيخ
فضل الكل يهنوهم ابتسمت حبيبه مجامله ليهم
امال: اي يا حبيبه انتي هتفضلي قعده كدا متقومي تقعدي جمب حسام
دا خلاص بقه جوزك..
قامت وقعدت جنبه..
حسام: اي حسيتي انك خلاص وقعتي ف عش الدبابير.. ?
حبييه باستغراب: نعم..!
حسيتي بغلطتك يعني.. ?
انت حسيت بغلطتك ؟..
انا حاسس بيها من اول يوم..
انا بقه حساها من قبل مانت تيجي فعادي يعني بالنسبالي ..
انتي مش حسا باللي انتي حطيتي نفسك فيه ولا اي..
لا حسا..
وبعدين.. ?
هو اي اللي بعدين دا اسمه نصيبي واللي ربنا كتبهولي
وانا رضيه بيه حتي لو ف الاخر مش هاخد غيرك انت..
هو انتي كنتي تطولي ابصلك ف يوم م الايام..
هههههه انت مصدق نفسك انك ظابط ولا اي يبني
دا انت لو كنت اخر واحد ف الدنيا
واالله ماكنت بصتلك
لولا الظروف اللي اتحطيت فيها كنت هشيتك
من حياتي زي اي دبانه..
دبانه يا حشرة
دا انا هوريكي ايام مكنتيش تتخيليها حتي ف خيالك..
اتكلم ع ادك يا امور دا انا حبيبه ان مالعبتك ع الاحبال
مكنش انا وانت ابتديتها لعب وانا هوريك اللعب ع اصوله..
اة عجبك اول جون جبته فيكي..
يبقي مشفتش اجواني لسه
انت مفكر الهزار اللي انت هزرته دا حاجه!
هههههه يبقي بتهرج
وكمان انا ميقفش ادامي حاجه
عجبتك الصور اللي بعتهالك ؟..
منا قلتلك جامده
بس مش عشانك عشان صحابك
انتي بس حولي ومتفقديش الامل
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية وليا معاه حكاية)
