رواية زوجتي الثانية الفصل الثاني 2 بقلم أماني عنان
رواية زوجتي الثانية الجزء الثاني
رواية زوجتي الثانية البارت الثاني
رواية زوجتي الثانية الحلقة الثانية
= ممكن اعرف انتي رافضة اخويا يتجوز عليكي ليه بالظبط ؟
= دا سؤال بذمتك ماتحسي بيا شويه يازاهية مش كدا ياشيخه
اتنفست بقوة ونفخت جامد في الهوا وقالت :
بحاول بس اصل الرجالة متمسكين بحقهم في التعدد والستات رافضة تماما لمجرد الكلام في الموضوع دا
صرخت كوثر بهستيرية :
يعني اعمل ايه والله انا بتقطع من جوايا ازاي جوزي ابو ابني يبقي ملك لواحده غيري ويعمل معاها كل اللي بيعمله معايا
قربت زاهية منها وقالت :
معلش نصيبك انتي مش اول ست ولا اخر ست جوزها يتجوز عليها
كوثر ..
قصدك اتقبل واسيبه يدخل علينا ببنت الغفير بتاعنا
زاهية بتفكر بهدوء لانها عارفه اخوها وعنده .. امممم لا حاولي تفشكليها بس ربنا يستر ومايتمسكش بيها اكتر
كوثر قامت مره واحده وقالت .. لا انا مش هفضل قاعده كدا لحد ما يدخل عليا بيها أنا لازم اروح المشغل واطردها منه
زاهية مسكت تفاحة من الطبق واتكلمت :
تؤ تؤ مش كدا افرضي صياد هناك بيبلغها أنه قالك
كوثر .. ياخبر اسود
زاهية .. فكري في حل تاني
كوثر خرجت وهي بتقول : مايهمنيش اللي يحصل يحصل لازم اروح اجرسها قدام كل البنات
*******
لبست زاهية ملابس رجالية لكنها في البداية شدت حزام علي صدرها عشان تخفي معالم انوثتها حالة غريبة بتيجي لها من اول مامنعوها تخرج تلعب مع الولاد بحجة انها بنت وزادت اكتر لما شافت الرفض في عيون والدها الله يرحمه ..
بتكلم نفسها : ايوا كدا نقفل بقي القميص من فوق وابقي شاب شاب يعني
تممت لبسها ونزلت من بلكونة اوضتها خدت موتوسيكل من جراج اخواتها وخرجت بتفكر داخل عقلها :
كدا مستحيل حد يعرفني
وافتكرت اخر مره شافت مازن اخوها الصغير وهو في المزرعة ماعرفهاش وعدي عليها بعربيته من غير مايكلمها
في الطريق شافت راجل أربعيني بيعاكس بنت مراهقه اتعصبت جدا وقالت : مش من سنك ياسطي عيب كدا
الراجل .. خليك في حالك
زاهية .. بقولك عيب دي قد بنتك
نزل الراجل من عربيته ورايح علي زاهية عشان يتخانق معاها وفي نفس الوقت معدي شاب ثلاثيني قمحي اللون بعربيته راح واقف بينه وبين زاهية
الراجل .. مش تفتح
نزل الازاز وفتح الشباك وقال بطرف أيده .. خد عربيتك وامشي
الراجل ارتبك اول ماشاف وشه وعضلاته خدها من قصيرها ورجع وهو بيقول .. اسف يا مراد بيه
زاهية الناحية التانية مزنوقه بالموتوسيكل والعربية كاسره عليها لسه هتتكلم راح الموتوسيكل نازل في المية وهي مابتعرفش تعوم ..
****
في المشغل التابع لعيلة رسلان بتشتغل بنت جميلة بعيون عسلية وشعر بني باين من طحت الحجاب المرفوع عن مقدمة شعرها
جسمها رشيق مرسوم بحكمة وبراعة عارفه هي عايزه ايه بالظبط ومحدده هدفها ،وصلت كوثر المشغل دخلت علي طول اوضة التفصيل :
كوثر بتبص علي الكل لحد مالمحت فتون :
انتي ياست فتون وصلتي لهدفك وارتاحتي
قامت وقفت بتوتر :
أهلا ياست كوثر
كوثر شدتها من أيدها جامد :
اطلعي لي هنا وبطلي جو السهتنه دا اللي بلفتي بيه صياد
فتون ببراءه .. انا
كوثر بتجرها من أيدها وبكل عصبية قالت لها :
عايزا مننا ايه ؟ تخربي بيتي ليه حرام عليكي فتحتنا لك باب رزق تقومي تطمعي فينا
فتون ردت بأدب قدام البنات ومسكت نفسها عشان عارفه العصافير في كل مكان :
ابدا عمري ماكنت طمعانه في حاجة ولا عايزا أخرب عليكي
قربت من ودنها اكتر وقالت : انا بس عايزا اشوفك متشرده انتي وابنك في الشارع
كوثر اشتعلت اكتر وراحت ضاربه فتون بالقلم علي وشها وقالت بصوت عالي :
دا بعيد عن شنبك يا كلبه
فتون بصت شافت صياد جاي راحت واقعه في الأرض البنات اتلموا غمزت لصاحبتها شهد ناحية صياد بمعني هاتيه
خرجت شهد بسرعة .. صياد بيه ياصياد بيه الحق فتون
صياد .. مالها
شهد .. الست كوثر بهدلتها وضربتها جامد جدا لحد ما أغمي عليها
صياد برق وجري عليها .. هي حصلت
اول ماشاف المنظر راح شايل فتون وطالع بيها علي المكتب وسايب مراته واقفه من غير مايوجه لها ولا كلمة … حست كوثر أن البساط بيتسحب من تحت رجلها كله طلع من المشغل ورا البنت الفقيرة المظلومه وفضلت الزوجه الأولي المعتديه في المكان لحد ماجه السواق وقال :
ست كوثر صياد بيه بيقولك روحي واستنيه في القصر
بلعت ريقها بالعافية وقالت في سرها : شكلها هتبقي ليلة سوده عليا وعلي اللي جايبيني جيت اكحلها عميتها وركبت ودلدلت بنت الكلاب الداهية دي ..
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الثانية)
