رواية زوجتي الثانية الفصل الثالث 3 بقلم أماني عنان
رواية زوجتي الثانية الجزء الثالث
رواية زوجتي الثانية البارت الثالث
رواية زوجتي الثانية الحلقة الثالثة
مراد اسقط الموتوسيكل وزاهية كانت سنداه في الترعه بالغلط من غير ما يقصد نزل ازاز العربية وشاف شاب بيقع ماقلقش فكر:
دلوقتي هيعوم ويطلع
بص شويه لقي ايد عماله تترفع وصوت استغاثه مكتوم جدا من كتر ماشرب ميه نزل بسرعة ورمي النضاره قلع الجاكت الجلد ونط في الميه بطريقة مثالية للسباحه كأنه بطل أولمبي متمرس ،عام اتنين متر لحد ماقدر يسحبها من الميه لانها كانت ماشيه مع الموج ومستسلمه تماما سأل مراد بسخرية :
في راجل طينه كدا مش تتعلم السباحة احسن لك دا حتي سنة عن سيدنا محمد صل الله عليه وسلم
زاهية بتفتح عينها ثانية وتغمض تاني
مراد .. مالك كدا مسخسخ والله انا بدأت اقلق لتكون من اياهم
ماخطرش علي باله أنها بنت ابدا كل تفكيره راح لانه ولد من * سون طالعين في موضة تقليد البنات في الدلع واللبس والتصرفات
****
داخل عقل زاهية
طول عمري بسمع عن طلوع الروح اول مره احس بيه واعيشه في صور كتير اوي بتعدي علي راسي كأنها شريط حياتي ،انا وحيدة وضعيفه اوي ،انا شخصية مرفوضة من أهم ناس في حياتي بكره نفسي جسمي وانوثتي ..
ليه كدا يابابا ليه ؟
ماما تعالي هاتي ايدك
مامتها: لسه يا بنتي لم يحن الوقت
زاهية .. تعبت خديني في حضنك
سمع مراد تمتمه خديني في حضنك راح زاقق زاهية علي الجسر وقايل :
استغفر الله العظيم ،ماتفوق يا بني بدل ماضربك قلمين
البنت دخلت في حالة اغماء مع خوفها وحالتها النفسية ماقدرتش تفتح عيونها قام مراد ينفض هدومه ويهندمها وسايبها مرميه فكر يمشي :
انا كدا عملت اللي عليا دلوقتي يفوق
بكبرياء دور العربية واتحرك ولما بص في المراية صعب عليه يسيبه من قبل مايطمن عليه رجع تاني وخد زاهية علي الاستراحه بتاعته .. مراد ابن رجل اعمال كبير بيشتغل مورد مكن رش المبيدات ماسك توكيل لشركة صينية شغله بين مصر والمحافظة ونازل مصر كام شهر إجازة عشان عنده إصابة في رجله أثرت في حركته وقدرته علي مداومة العمل ..
شالها وحطها في الكرسي اللي جانبه ومش باين خالص ملامحها لابسه بروكه شبابيه بشعر قصير جدا ملزوقه بحرفية فوق شعرها الاصلي اللي هو اصلا مقصوص كاريه..!
تأليف #أماني_عنان
زاهية وقعت يوم الاربع قبل فرح صياد بيوم واحد …
_-_-_-_-_-_-__-_-_-_–_-_-_
في المشغل فتون صاحيه وبتعيط لصياد بمسكنه فقال باهتمام :
ماتزعليش
فتون بهدوء : بس كده
صياد .. انا هعوضك عن اللي حصل
فتون بغضب .. طب وكرامتي اللي اتبعترت قدام كل البنات مين يردها
وقف صياد بعيد عن الكنبه اللي قاعده عليها فتون وقال بحكمة : ماقدرتش اعمل لكوثر حاجة هنا دي مهما كان ام ابني وشكلها من شكلي
فتون .. امال هتعمل فين أن شاء الله
صياد .. لازم تتحاسب ع خروجها من غير اذني وتصرفها الاهوج اللي حصل
فتون ابتسمت وقامت لحد عنده وقالت :
ربنا يخليك ليا يا بعد ابويا وامي
صياد … ربنا يرحمهم انا هكون لك اب واخ هعوضك عن كل حاجة
فتون .. دا عشمي برضو
صياد لفت نظرها فجأة وقال :
صحيح ايه اللي جابك مش قولت لك أننا هنتجوز يوم الخميس
ضحكت فتون بشدة وقالت .. بصراحه ماصدقتش وفكرتك بتهزر معايا بقي معقول صياد بيه بجلالة قدره يبص لحتة بت يتيمة وفقيرة زيي
لمس أيدها وقال برومانسية … ومالك دا انتي زينة البنته كلهم
فتون بتتنفس براحه وتسبل له عيونها : وايه كمان
صياد رد عليها بابتسامة وغمزه .. ايه كمان دي تتشاف ماتتقالش
فتون بلهفه.. وريني
صياد بعقل .. تؤتؤ مش هنا دا محل اكل عيش بكره في القصر باذن الله يالا انتي دلوقتي علي البيت طوالي وهتلاقي الكوافيرة جايه تعملك اللازم الليلة وبكره وقبل ماتوصلي هتكون كافة شئ تحتاجه العروسة جاهز حتي الفستان والخياطة هناك
فتون بتختبره .. ولازمته ايه الاستعجال طيب
صياد بتماسك .. انا شايف كدا عايزك الليلة قبل بكره
فتون طايره في السما خرجت من عنده سعيدة جدا ومش مستوعبه أنه فعلا خلاص هتترحم من الفقر والشغل في المصنع ..
*******
شهد واقفه في اخر الممر بتشاور لها
بس بس
التفتت فتون
شهد بهمه .. ايوا انتي تعالي
جريت فتون وقالت … اسكتي يابت ياشهد دا طلع بجد هيتجوزني بكره
شهد بخضه .. لا ياشيخه طب وعرفه
فتون فكرت لحظة في ذكرياتها وحبها لعرفه وقالت : بلا عرفه بلا فقر اش جاب لجاب
شهد .. ماهو مش هيسكت يافالحه
فتون بعنجهية .. ولا هيقدر يعمل حاجة ايه كان فيه وخلص هو الجواز بالعافية
شهد .. امممم مش عارفه عموما انا مبسوطة وقلقانه في نفس الوقت قلبي مش مطمن لا لصياد بيه ولا لأهله وخايفه اوي ليكون بيستغلك أو بيتسلي بيكي
فتون بدهاء … عيب عليكي دا انا اتسلي بيه هو وبلده هههههه
شهد بادلتها الضحك واكدت علي جبروتها وذكائها .. فتون خدتها معاها وقالت لريس الشغل يستأذن من صياد بيه محتاجة صاحبتها في تجهيزات الفرح
_-_-_-__-_-_-_-_-_-_
رجعت فتون بيتها فعلا وبدأت تجهز نفسها زي اي عروسة فضلوا معاها البنات لحد وقت متاخر جدا من الليل واول مامشيوا ودعتهم علي الباب وشاورت بايدها لشهد وقالت :
هستناكي بكره ماتتاخريش
شهد بابتسامه .. هكون عندك من النجمة
فتون بكسل.. هههه لا مش اوي كدا ممكن نبدا من حداشر مثلا هنلحق نخلص الحمام المغربي كمان مره والميك اب
شهد .. ماشي خليها علي ١١ كدا كدا اجاازة
فتون حطت أيدها في وسطها وقالت : اكيد ياماما مش صاحبت مرات صاحب المشغل
عيب عليكي
صقفت شهد وقالت بحماس .. ايوا بقي
يالا باي
فتون .. باي
قبل ماتقفل الباب للآخر بصت لقت رجل بتزق الباب رجعت لورا بخضه وقالت :
ايه ايه مين ؟
بص لها بعيونه الواسعه وقال بدهشة :
انا عرفه مالك مخضوضه كدا
فتون .. أهلا ياعرفه جاي ليه دلوقتي الوقت اتاخر
عرفه .. استنيتك بعد الشغل مالقتكيش فسألت عنك سمعت كلام غريب كدا ماصدقتوش فجيت افهم
بلعت ريقها بخوف وسالت : كلام ايه ؟
عرفه باستنكار.. قال صياد بيه هيكتب عليكي بكره هههههه شوفي الكلام الفارغ
فتون هتموت من الخوف هي لوحدها ودا مهما كان شاب وعصبي جدا مش هيتقبل فكرة رفضه وتخليها عنه بسهوله كدا فقالت بهدوء .. روح دلوقتي وبعدين نتكلم
بتفقل الباب راح دافعه جامد وسأل وهو بيبرق: يعني صحيح
فتون .. بقولك امشي دلوقتي بدل ما اصوت والم عليك الناس
عرفه بعنف زقها لجوه وقفل الباب :
صوتي وهو تتزفي النهاردة بدل بكره يا حلوة …
يتبع…
لقراءة الفصل التالي : اضغط هنا
لقراءة الرواية كاملة اضغط على : (رواية زوجتي الثانية)
2 تعليقات