رواية توأمان وقلب واحد الحلقة التاسعة 9 بقلم إيمان المهدي

 رواية توأمان وقلب واحد الحلقة التاسعة 9 بقلم إيمان المهدي 

رواية توأمان وقلب واحد الحلقة التاسعة 9 بقلم إيمان المهدي

رواية توأمان وقلب واحد الحلقة التاسعة 9 بقلم إيمان المهدي 

خبر زواج حمزة من رنا مش هيمر مر الكرام بالأخص على شاكر وابن أخوه 

شاكر بغضب إزاى يعنى تتجوز بنتى من غير موافقتى 

حمزة انا دخلت البيت وطلبت بنتك منك مرة واتنين وعملت زى ما الأصول بتقول 

شاكر. بصوت مرتفع. وهى يابن  الأصول جوازك من بنتى من غير رغبة أهلها يصح بردوا وانت عارف انها هتتجوز ابن عمها

حمزة.  لو عارف ان رنا لها رغبه ف الجوازة دى مكنتش هعمل كدا. انت غلطت لما فكرت تجوز بنتك إجبارى عنها

ناصر. إياك تفكر أنك انتصرت لما اتجوزتها لا دا أنا اقتلها قبل ما تفكر تاخدها من هنا.

 ويقترب من رنا والغضب مسيطر عليه ولكن حمزة كان الأسرع ووقف حاجز بينه وبين رنا. ايدك هقطعها قبل ما تفكر تلمس مراتى 

لكمه قويه نزلت على وجه حمزة. انت الظاهر مش عارف مين هو  ناصر الغامرى.

  الغضب والغل اصبح مسيطر على حمزة وناصر

 ولكمات متتاليه من الإثنين  مع محاوله الجميع فض الإشتباك بينهم 

محمود بعصبية حمزة قلتلك خلاص 

شاكر. لا والله عرفت تربى يامحمود. مكنش العشم يا صديق عمرى  

محمود. ابنى غلط لما اتجوز بنتك. من غير موافقتك ..

بس انت كمان غلطت لما فكرت تبعدهم عن بعض. وابن أخوك دا عمره ما كان هيصون بنتك. لسبب بسيط اوووى ان متجوزها عشان فلوسك. بعكس ابنى شاري بنتك ومستغنى عن فلوسها ولا طمعان فيها 

شاكر. ماشى. يا محمود. وأنا من النهاردة ماليش بنات ونظر لرنا بقهر. خسرتى أبوكى لما بعتيه واشتريتى غيره

رنا ببكاء. بابا والله أنا …..

شاكر ولا كلمه امشى من قدامى مش طايقك اشوفك اخفى من وشى بدل ما اخلص عليكى 

حمزة بألم  من كثرة اللكمات يالا رنا 

خرجت رنا مع حمزة وهى تبكى لخسارتها محبه والدها

ناصر على جثتى لو خرجت من هنا 

شاكر بزعيق. ناصر سيبها تمشى أنا قولت ماليش بنات

واتفضلوا كلكم  بالسلامه برا بيتى 

خرجت عائله محمود من فيلا الغامرى بحسرة تملأ القلب. محمود خسر صديق عمره.  ورنا خسرت والدها. وحمزة ال مؤكد. ال حصل هيأثر على علاقته بأبوه  مع انه كان يعلم بعواقب ما سيحدث ولكنه فضل زواجه من رنا فوق كل شئ. فكل شئ يهون إلا خسارته لرنا 

كان الجميع متجه الى الفيلا المجاورة (فيلا محمود الهاشمى).الا خالد وأمير  إستوقفته حبيبه  لوسمحت يا أمير عايزة اتكلم معاك

أمير انت شايفه دا وقته

حبيبه هو فعلا مش وقته أنا بس عايزة اقعد واتكلم معاك  وقت ما تحب 

أمير. ……

حبيبه ارجوك وحياة حور بنتك عندك 

أمير.   هقبلك بكرة. ف …….

حبيبه.  تمام 

خالد. أمير 

أمير بنفاذ صبر.  نعم 

خالد. أمير. احنا اصحاب من سنين من قبل سفرك كنت اكبر منى انا وحمزة بس كنت قادر تحتوينا وتهتم بأمورنا ولوضايقناك بقصد كنت بتسامحنا. … فمابالك ان ضايقتك بدون قصد منى  انا اتقدم لحبيبه لإن شفتها بنت مناسبة ليا. مشاعرى لحبيبه صداقه 

بلاش نخسر صداقتا حبيبه مراتك. وحاليا هى أخت ليا مش أكتر. 

أمير أنا مش زعلان منك ياخالد انا بس كنت خايف على بنتى تخسر اهتمام حبيبه وحبها ليها 

اما أنا حبيبه بالنسبالى ولا حاجة… ولولا قلق حور عليها الله يرحمها مكنتش نزلت وهي حامل ولا حصل كل دا وبعدت عنى

خالد انت بجد مصدق كلامك دا

 انت ليه بتظلمها. ليه فاكر ان حبيبه ممكن تكون سبب ف موت اختها دا قدر يا امير لازم تؤمن بيه. 

حبيبه  شافت العذاب وكانت بتموت كل يوم وبالرغم من كدا كانت خايفه من دعوة ان نلاقى قلب ليها

 وبتقول حرام يموت حد واهله يتعذبوا على فراقه كانت بتقول كدا على شخص غريب فما بالك بتوأمها.

حبيبه لو هيا ال عملت الحادثه مكنتش اترددت لثواتى تتبرع بقلبها لأختها  

أمير. وعشان كدا حزنت عليها وقررت تاخد مكان أختها ف قلبى بعد أقل من سنه  من موت حور 

خالد. لا حبيبه مش كدا. بالعكس انت عارفها كويس ولا نسيت ان طول عمرها بتظهر عكس ال جواها. بترسم الضحكة حتى لو بتتوجع

. من وقت موت حور وحبيبه لسه صامده بس قريب اوووى طاقتها هتخلص وهتنهار.

 لحد دلوقتى بتبان قوية وهى الضعف مسيطر عليها 

 تقدر تقولى لو حبيبه عايزة تاخد مكان أختها كانت فين طول الأسابيع ال فاتت محاولتش تتقرب منك ليه

سيب الأيام تنسيكم ال حصل هى كمان مالهاش ذنب وموجوعه اكتر منك 

أمير. بتفكير. ماشى ياخالد هفكر ف كلامك. 

محمود بعصبيه غير معتادة حبيبه تاخدى رنا واطلعوا فوق 

حبيبه. حاضر يابابا. يالا يارنا 

محمود. بغضب يصفع حمزة على وجهه أمام يسرا وهاله

القلم دا محبتش يكون قدامها واصغرك اكتر من كدا. بس انت تستحق اكتر من كدا 

حمزة بابا. مكنتش عارف أعمل ايه خفت تضيع من إيدى 

محمود مش كدا. ال عملته غلط.  تقدر تفهمنى. فين الصح.    أنها تتحرم من أبوها باقى حياتها ويتبرى منها 

حمزة يابابا عنده هو ال وصلنى كدا 

محمود. وافرض يا سيدى. لو انا وعملت كدا يجى حد يتجوز اختك من ورانا من غير موافقتنا 

حمزة. لا طبعا لأنك عمرك ما هتبقى زى شاكر. وتجبر ولادك على الزواج 

محمود  إمشى يا حمزة من قدامى  وسابه ودخل مكتبه 

حمزة. عاجبك كدا يا ماما 

يسرا والله انا احترت ف أمركم مش عارفه هلاقيها منك ولا من أختك وحظها

هاله مش وقته الكلام يا يسرا.  اطلع يابنى لمراتك شوفها هديها مبطلتش عياط 

حبيبه. خلاص يا رنا. عشان خاطرى كفايه بطلى عياط 

رنا. مكنش قصدى ازعله  كان نفسي يوافق على حمزة ويعرف أن ابن أخوه كل ال يهمه الفلوس وبس

حبيبه والله كل حاجة هتتحل بس انتى سيبيها على الله 

رنا. ونعم بالله بس بابا. مش سهل يسامحنى 

حمزة. وانا بقا هفضل وراه لحد مايسامحنا ويوافق على جوازنا  ومن هنا لوقتها. انا وانتى هنعيش ف غرف منفردة لحد ما يجى ويسلمك ليا بنفسه ويكون راضى عن جوازنا 

رنا. حضنت حمزة بحب / شكرا ياحمزة. كنت عارفه أن اختيارى صح بحبك اووووى يازووومى 

حمزة بضحكة.  وانا بحبك أكتر يا قلب زوووومى

حبيبه. هو فيه ايه هيا دى البت ال كانت بتعيط من ثوانى اتحولتى بتريقه بحبك اووووى يازووومى 

حمزة  عيب اوووى لما ترمى ودنك معانا 

حبيبه لا والله انت جاى تحب فيها ف اوضتى ومش عجبك كمان 

حمزة اه صح طيب تعالى نروح اوضتى 

حبيبه  تروح فين يا اخ انت مش لسه قايل أن مينفعش ولا كلام عيال 

حمزة بضحكة بصراحة القمر ال قدامى دا ميتسبش. واه يتسنى انا عيل. 

حبيبه. طيب احسلك إمشى بدل ما اناديلك الحاج محمود وهو مش طايقك اصلا 

حمزة وعلى ايه. أمشى يكرامتى احسن  … بس خالى بالك من قلبى 

حبيبه. هعضها واكل حته. منها

حمزة مفجوعه وتعمليها وخرج سريعا تحت ضحكات رنا وحبيبه. 

فى اليوم التالى. 

حبيبه آسفه يا أمير  اتأخرت عليك 

أمير بإقتضاب مع انك أن طلبتى تقابلينى كان المفروض تبقى قبلى هنا 

تجاهلت حبيبه كلامه. انت عامل ايه مرتاح

أمير  بإستغراب عايزة تقولى ايه يا حبيبه

حبيبه مش مشتاق لحور 

أمير.  عايزة ايه يا حبيبه 

حبيبه. عايزة راحتك انت وحور. احنا وافقنا نتجوز عشان حور. تبقى حياتها مستقرة وتعيش ف جو أسرى أم وأب  مش نفترق بالشكل دا 

أمير. قولتلك رأيى ف جوازنا انت عمرك ما هتاخدى مكان حور 

حبيبه مكان حور فين بالظبط ف قلبك ولا حياتك 

أمير كل حاجة 

حبيبه لأ غلط. ممكن اصحح فكرتك.  قلبك انت حر فيه  تدخل ال يعجبك غرفه. ويسكنه أما حياتك آسفه لأنها مرتبطه ببنتى ومش هسمح أنها تعيش وسط اب وأم مش طايقين بعض تعالا على نفسك واتحمل معايا عشانها  .. انا مش عايزة مكان حور ولا بأى شكل 

حور كانت توأمى وأختى وعمرى مافكرت أكون مكانها حور مينفعش حد يعوض مكانتها ف قلوبنا 

أمير. وعشان كدا عايزة تعيشى معايا ونكون طبعين 

حبيبه. لا عايزة نعيش كدا على الأقل ف وجود بنتك نقلل من التوتر ال بنعيشه ونتقبل الواقع. حتى لو هنكون اصدقاء  بنتك محتاجة لوجودك. حرام تحرمها منك بقالها قد إيه مش شافتك ارجع عشانها. 

أمير. بشرط. واحد 

حبيبه إيه هو 

أمير. ترجعى لشخصيتك  وبلاش تعيشى بشخصيه حور مش عايز كل ما اشوفك احس ان مراتى ال قدامى  

حبيبه بإبتسامه. بس كدا حاضر 

أمير. بتضحك على إيه 

حبيبه اصل طبيعتى مستفزة وكانت بتعصبك كتير 

أمير. اه وانت بتحبى تستفزينى بطريقتك 

حبيبه والله دى ضريبه التغير واستحمل يا أمور 

أمير بعصبيه. قولتلك الف مرة بلاش تقوليلى كدا 

حبيبه بضحكه ههههه والله دى طبيعتى وان كان عاجبك 

أمير بقا كدا انا هعرف اخليكى تغيريها ازاى 

حبيبه يا عم فكك منى بقا  … وريح نفسك. مش هتغير. 

أمير كان مستغرب نفسه وضحكه مع حبيبه مع أن عارف ان دى كان طبيعتهم قبل كل الأحداث ال مروا بيها 

أمير بسيطه يا ست حبيبه اما نشوف انا ولا انتى  

يتبع..

لقراءة الحلقة العاشرة : اضغط هنا

لقراءة باقي حلقات الرواية : اضغط هنا

نرشح لك أيضاً رواية القوية إذا أحبت للكاتبة ندى الشريف.