رواية وفاء البارت السابع 7 بقلم آية عبده

خلاص بقي حرام عليكي يامنال

حرام بردو عليا انا

انتي لو كنتي مكاني كنتي هتعمل اكتر من كده

لا حاسبي انا مش مكانك انا كنت في ظروف مايعلم بها الا ربنا ومع ذلك معملتش حاجه حرام 

وانتي تعرفي ايه عن ظروفي

من غير مااعرف ومش عايزه اعرف ظروفك كانت شكلها ايه

انا بس عايزه اعرف مين مامت وفاء عشرين سنه ممشياني سكته ومش بنطق علشان خاطر مسكاني من ايدي ال بتوجعني ،انتي لو عندك ذره ضمير اعترفي مين امها

ظلت صامته تنظر للارض

عارفه يامدام ساميه انتي الموت فيكي حلال عارفه ليه لانك جبانه

صرخت ساميه في وجه منال بس بقي حرام عليكي انا بقالي عشرين سنه بتعذب وبحاول اكفر عن غلطتي بالفلوس ال بصرفها علي وفاء

كل ده مش كافي ردي انتي امها

مسكت راسها وظلت تصرخ انااااا تعبت حرااااااام

سكتت منال وانصرفت من امامها

*************

في الحجز 

ايه ياباشا شكلك كده ابن ناس ايه ال رماك هنا 

يرد خالد ،اسمع ابعد عني ومتقربش

بس بس يابيشه من غير ذق براحه علي نفسيتك في الاول والاخر احنا زمايل زنزانه واحده احنا بردك ناس نضيفه

ينظر له خالد باشمئزاز ويبتعد 

ابتعد خالد وجلس في ركن 

ايه ال انا فيه ده ومين ال مصور الفيديو ووفاء ياترا حالتها عامله ايه ياااااارب خرجني من هنا يارب ????

*************

في المستشفي

ازيك ياماما منال

ازيك ياعماد 

ازي وفاء 

اهو الحمدلله ادعيلها

بدعيلها والله ياماما 

انا عارف ان الوقت مش مناسب بس كنت عايز اتكلم معاكي 

اتكلم ياعماد

الموضوع بخصوصي انا وريم

نظرت منال الي الارض ثم رفعت راسها قائله

اسمع ياعماد ريم بتحبك وال بيحب حد بيبقي عايز يشوفه سعيد ومبسوط

انا مشتكتش

بس هي حاسه نظره مامتك واخواتك انها مبتخلفش مأثره عليها 

انا مالي بيهم هما حرين برايهم انا يهمني هيا وبس

ياابني ماهو من حقك يبقالك طفل متجوزين من 15سنه ومفيش اولاد

هيا عندي بالدنيا

مش كفايه

انا مش عارف اعيش من غيرها 

بص ياعماد انا قلتلك ال يريح ضميري اما هيا هتكلم معاها تاني

ايوه والنبي كلميها انا مش عارف اعيش من غيرها 

طيب ياعماد نفوق بس شويه من ال احنا فيه

عارف ربنا معاكم انا هفضل قاعد مع رامي لو احتاجتي اي حاجه رني هتلاقيني عندك

حاضر ياعماد كتر خيرك

*************

ذهبت منال لتطمئن علي وفاء 

جلست بجوارها تتحسس وجهها ،وحشتيني يافوفه ،ايه موحشكش تحضنيني ، موحشكش تحكيلي وتفضفضيلي 

فاكره لما كنتي في ابتدائي

فلاش باااااااك

ماااااما

جريت عليكي لانك كنتي بتعيطي ،في ايه ياوفاء مالك 

انتي مش امي

عارفه انتي لما سئلتيني السؤال ده اتسمرت مكاني حاسيت كأني اتكرهبت اتخرست معرفتش اقولك إيه

وفاء 

نعم ياماما دا لوكنتي ماما اصلا

تعالي بس ليه سئلتي السؤال ده

اصحابي في المدرسه بيقولو دي مش مامتك 

اصحاب مين دول 

نسمه بنت طنط فريده وحكت لكل ال في المدرسه وبيضحكو عليا انا مش هروح المدرسه دي تاني 

بلعت ريقها منال وقالت في نفسها فريده الحيوانه 

ظلت تبكي وفاء بحرقه انتي مش امي وريم ومنه مش اخواتي صح ياماما طب انا ابقي بنت ماما

حضنتها منال بشده لا ياحبيبتي انتي بنتي 

طب ازاي انا اسمي وفاء يوسف وريم ومنه اسمهم بعده محمد

هاا ظلت صامته منال ماذا ستقول لوفاء 

وفاء ببكاء هستيري يبقي الكلام ده صح ماتردي ياماما

اهدي بس ياقلب ماما تعالي انتي عايزه تعرفي ايه

عايزه اعرف انتي ماما

بعد تردد ردت منال مفيش مفر من الحقيقه ايوه مش مامتك

صعقت وفاء وظلت واقفه صامته يعني ملياش ماما وبابا

لا عندك 

اومال هما فين ليه سابوني هما مش بيحبوني

لااااا لا هما ماتوا الله يرحمهم 

انتي مش قولتي ان ال بيكدب بيروح النار

ايوه????

طيب ليه بتكدبي انتي مش كبيره

اخذتها منال بين يدها ولمست وجهها وقبلتها من وجنتها ،بصي يا وفاء انا مش بكدب انتي عندك مامام وبابا 

طب ليه سابوني 

هما ماسابوكيش مامتك كانت صحبتي ولما ولدتك هي وباباكي عملو حادثه وماتو 

انتي مش بتكدبي 

لا مش بكدب طيب هيا كان شكلها إيه

هاا هي انتي شبها كتير

طيب وانتي بتحبيني وانا مش بنتك

اخذتها منال في حضنها بشده ،انتي بنتي انا الام ال بتربي وانا ال ربيتك يبقي انتي بنتي انا 

انا زعلانه منك ومن بابا وماما ومش هروح المدرسه دي تاني وجرت وفاء علي غرفتها وظلت تبكي 

ظلت منال صامته وحزينه علي كذبها ،،مفيش في ايدي حاجه يارب سامحني علشان كذبت ،حالت البنت ياترا هعدي الموقف ده عليها ازاي

نرجع من الفلاش باك

عارفه كنت يومها محتقره نفسي بس انا كنت قدرك وانتي قدري عارفه ريم ومنه انا خلفتهم وانا عندي 14 سنه محستش انهم ولادي كنت لسه طفله وامي ال ربتهم والست ال خيرها عليا ال كانت بتساعدني محستش بمعني الامومه غير منك انتي ???? صحيح انتي مش بنت بطني بس الام ال بتربي وتكبر اجمل لحظات حياتي وانتي بتكبري حبه حبه واشوفك قدام عيني بتكبري وبتبقي عروسه ،انتي بنتي انا فوقي ياوفاء فوقي علشان خاطري????

ضغطت وفاء،علي يد منال

وفاء انتي حاسه وسمعاني  ،ياااااارب نجيها ياااارب ارحم قلبي ????

بعد شويه تدخل ريم علي منال 

ماما

ايوه ياريم 

الدكتور ال لسه راجع من المانيا هيوصل كمان ساعه وهو ال هيباشر علي حاله وفاء 

ربنا يجعل في ايده الشفا

يارب ياماما دكتور اسماعيل بيشكر فيه وبيقول عليه جراح ممتاز

يااااااارب يبقي في ايده الشفا

***********

في قسم الشرطه

خالد عمار

نعم 

تعالي زياره

قام خالد  وذهب معه

عمتي 

خالد انت كويس 

انا كويس طمنيني وفاء اخبارها ايه

اهو بتتحسن

نسفرها بره

للاسف خطر علي حياتها ،في دكتور راجع من المانيا وهيباشر عمله النهارده وهيشوف حالتها

اعملي المستحيل ياعمتي وفاء لازم تعيش ، انا محولتش اقتلها وانتي اكتر حد عارف كده 

عارفه ومتأكدة انك استحاله تعمل فيها كده

دخل عليهم المجند الزياره انتهت

بلغي محمد صاحبي ياعمتي وهو هيتصرف 

 حاضر

وطمنيني علي وفاء

حاضر ياخالد خلي بالك انت بس علي نفسك 

*************

في المستشفي 

ياابله منال

نعم يادكتور اسماعيل

الدكتور وهيجي دلوقت يشوف وفاء 

بقلق وتوتر ربنا يستر 

بعد شويه 

جاء الدكتور ودخل غرفه العنايه ليكشف علي حاله وفاء وهو الدكتور اسماعيل ومعهم ريم لانها ممرضه في المستشفي

تفقد وفاء وكشف عليها 

زي ماقلت يادكتور اسماعيل لازم تدخل جراجي علشان نوقف النزيف الداخلي 

رد الدكتور اسماعيل فعلا ده كان رأيي وكاتبه في التقرير بس للاسف النبض ضعيف وتحسنه ضعيف

احنا دلوقت بنبص لاضعف الاحتمالات انا عارف ان الحاله خطر ولازم من تدخل فوري ونوقف النزيف لانه خطر علي حياتها

طالما ده رايك انا موافق انا كنت مستبعد التدخل مؤقتا لحين استقرار الحاله بس فعلا النزيف هيسبب جوانب تانيه 

*********

خارج غرفه العنايه جاءت ساميه

خير يامنال طمنيني الدكتور قال ايه

لسه جوه وانا لسه مستنياهم

خرج الدكتور اسماعيل بصحبه الدكتور عمر

جرت منال وساميه عليهم 

خير يادكتور 

خير. ان شاء الله اطمنو كمان ساعتين وفاء هتخضع لعمليه جراحيه 

منال صرخت بنتي وساميه كتمت انفاسهابيدها

رد الدكتور عمر النزيف الداخلي لازم يقف احنا خلاص مش ادامنا غير كده وده اخر الاحتمالات ال وصلنا لها

ردت منال وقالت يعني في امل 

رد عمر احنا هنعمل ال علينا

رد الدكتور اسماعيل ياابله منال متخافيش الدكتور عمر ايده تتلف في حرير 

رد عمر  متشكر يادكتور دا حضرتك استاذنا وبنتعلم منك

لا مش مجامله الدكتور عمر سليم عز كل الناس بتشكر فيه سواء في المانيا او في اي مكان بتروحه

استوقف منال اسم عمر بالكامل

اقتربت منه وقالت ،هو حضرتك ابن الدكتور سليم عز دكتور الاطفال 

رد عمر ايوه انا ابنه حضرتك تعرفيه

نظرت منال له بصدمه ثم نظرت الي ساميه 

ساميه واقفه مصدومه قائله عمرررررر ووقعت مغمي عليها