رواية حبيبتي منذ الصغر الحلقة السابعة 7 بقلم نيرة وائل
 |
| رواية حبيبتي منذ الصغر الحلقة السابعة 7 بقلم نيرة وائل |
رواية حبيبتي منذ الصغر الحلقة السابعة 7 بقلم نيرة وائل
سامر واسيل فى صوت واحد مستحيل
????
شهاب: دا شغل ولازم تروحوا انسوا الخلافات دى دلوقتي الصفقه لازم تتم
اسيل: بس انا مش هسافر امريكا مع سامر
سامر: ولا انا
ياسين: دا شغل مش لعب عيال لازم الصفقه دى تتم فى اسرع وقت والا الشركه هتخسر كتير
اسيل: خلى حمزه يروح
شهاب: مينفعش حمزه اتعارك مع الوفد اخر مره…
ياسين: هتروحوا ولازم تخلوهم يمضوا العقد
و الا الشركه هتنهار انتوا فاهمين…
وبعدين عايزين نشوف شطارتكم فى الشغل..
شهاب: يلا عشان حجزت التذاكر و طيارتكم بليل
اسيل و سامر بصوت واحد: بلييييل
ياسين:يلا مفيش وقت
حمزه كان متضايق جدا بس حاول انه يكون هادى اسيل حست انه اتضايق..
اسيل: حمزه انا اسفه بس غصبن عني عشان الشركه
حمزه بابتسامة رقيقه: مش محتاجه تبررى روحي وخلى بالك من نفسك واكسبى الصفقه املنا فيكي ياقلبي
Nairawael
طبعا روحوا وكل واحد كان بيجهز شنطته
جه معاد الطياره وراحو سوا المطار كانو بيتعملوا ببرود شديد….
اول ما ركبوا الطياره…اسيل بدأت دقات قلبها تزيد ونفسها يعلى ( مش عشان سامر جنبها لا عشان عندها فوبيا من المرتفعات)
سامر لاحظ بس متكلمش اول ما الطياره بدأت تتحرك اسيل مسكت في سامر وغمضت عنيها زى الاطفال سامر قلبه حن وقال بصوت رقيق لسه بتخافى من الاماكن العاليه… اسيل حست باللى عملته وبعدت عنه بسرعه … عدى وقت اسيل نامت وميلت براسها على كتف سامر…. سامر قلبه دق وفضل يبصلها.. قد ايه كانت وحشاه لدرجه انو كان بيتمنى الوقت يقف عند اللحظه دى وتفضل فى حضنه علطول…. عدى وقت واسيل نايمه على كتف سامر وسامر منزلش عينه من عليها
كان بيقول فى نفسه وهو باصص على وشها الملائكى ازاى الملاك دا يخون ويجرح ازاى قدرتى تعملي فيا كدا… فجأه فاقت اسيل ولقت سامر بيبص عليها بعدت عنه بسرعه وقالتله اسفه انا مش عارفه نمت ازاى…
رد سامر ببرود مصطنع: كنت لسه هصحيكى واقولك اتعدلى ياريت تخلى بالك من حركتك يا انسه..
اسيل بعصبيه: لو مفكر انى برمى نفسي عليك تبقى غلطان يا استاذ…..انا قلتلك انى كنت نايمه و محستش بنفسي
Naira Wael
فضلوا بقيه الرحله يتعاملوا ببرود….لحد ما جه وقت هبوط الطياره اسيل بدأت تخاف ونفسها يعلى والتوتر بدأ يبان على شكلها كانت عايزه تمسك ايد حد بس كانت بتحاول تتمالك نفسها عشان متكررش اللى عملته و هما رايحين… سامر حس بيها ومسك ايدها جامد اسيل شدت على ايده بقوه وفضلت ماسكاها لحد ما الطياره وصلت ارض المطار بعدها اسيل شالت ايدها بسرعه من ايد سامر ومتكلموش هما الاتنين….. نزلوا وراحو فندق حجزوا اوضتين وطلعوا يرتاحوا… الاوضتين كانوا في وش بعض…. اسيل اترمت على السرير وهى بتفتكر اللى حصل ودمعت بس مسحت دموعها بسرعه وقالت: لأ يا سامر مش هنهار
سامر دخل اوضته فتح موبايله لقى رسايل كتير من داليا وكانت متعصبه لأن سامر مقلهاش انو مسافر
رن عليها وردت بعصبيه:
سافرت معاها ليه سامر
سامر اتعصب وقال: دا شغل يا داليا دماغك متروحش لبعيد.. كلها يومين وهنرجع
داليا: يعنى الشغل خلاص واقف عليكم انتوا الاتنين ليه مروحتش انت وحمزه
سامر: يا داليا افهمى حمزه كان متخانق مع الوفد لما كانو هناك اخر مره…مينفعش يروح.
داليا: وانت ازاى تمشي من غير ما تقولى
سامر: كنت مستعجل ملحقتش اكلمك …. سلام دلوقتي عشان بجد تعبان وعايز انام
وقفل السكه في وشها…
ـــ عند حمزه ــــ
كان ماسك صوره اسيل وهو بيقول انا بحبك اوى يا اسيل بس طول عمرك مكنتيش شايفانى طول عمرك بتحبى سامر غاب عنك 10 سنين وفضلتى مستنياه وقافله على قلبك….كل يوم كنت بتعذب وانتي بتحكيلى عنه انا تعبان يا اسيل… تعبان وانا كل يوم بشوفه فى عينك… بتبقى قاعده معايا بس قلبك و روحك معاه ….. وفضل يعيط ????
ــــــ عند اسيل ـــــــ
اسيل كانت بتبص من البلكونه بتاعه اوضتها وبتقول: هى دى امريكا اللى خدتك منى يا سامر
البلد دي غيرتك اوى….
وفجأة الباب خبط
فتحت اسيل
لقت سامر فى وشها
سامر: اعملي حسابك الاجتماع بكره
اسيل: انت حدت معاهم من غير ما تاخد رأيي
سامر: هو ايه اللى اخد رأيك…
اسيل بعصبيه: مش كل حاجه هتمشي على مزاجك يا استاذ سامر
سامر اتعصب وقالها: احنا مش بنتنافس هنا وضع الشركه فى خطر ولازم الصفقه تتم فى اسرع وقت
اسيل حست انها اڤورت شويه فحاولت تصلح كلامها وقالت:مش قصدي انا قصدي انى اتعاملت معاهم اكتر من مره والمفروض انا اللى كنت كلمتهم وكدا..
سامر:مش هتفرق مين اللي يكلمهم
اسيل: تمام.. وكانت عايزه تقفل الباب
سامر ببرود : هاتى رقمك
اسيل ببرود اكبر: ليه
سامر: هو ايه اللي ليه … اخلصي هاتى رقمك… ومتنزليش من اوضتك غير لما ابقى معاكي
اسيل: ليه انشاءالله…..
سامر اتعصب جدا وقالها :طول ما احنا هنا انتى مسئوليتى… ولازم اخلى بالى منك
اسيل: بس انا مش صغيره.. اسيل الصغيره اللى انت سبتها زمان..اتغيرت اوى يا سامر وكبرت زى ما انت شايف فبلاش تتعامل معاها على انها لسه طفله
بصلها و ابتسم بوجع: فعلا اتغيرت اوى… وسابها ومشى
ــــ جه الليل ــــ
اسيل نزلت مطعم الفندق عشان تتعشى سامر كان على الترابيزه اللى قدامها..بصتله وبعدها نادت على الجرسون وطلبت اكل
سامر كان بيبص عليها وهى بتاكل…وافتكر ايام زمان لما كانو مع بعض..كان حاسس ان اللى قدامه دى اسيل الطفله اللى يعرفها بس افتكر كلامها وهى بتقوله( انا مش اسيل الطفله اللى انت تعرفها انا اتغيرت اوى يا سامر) و اتنهد بحزن….فجأه واحده جت سلمت وحضنته وسامر سلم عليها و بادلها الحضن وقعدت معاه على الترابيزه وفضلو يتكلمو……
اسيل شافتهم واتعصبت اوى كانت عايزة تعرف مين دى و سامر يعرفها منين…سامر لاحظ ان اسيل بتبص عليه…فضل يتكلم مع البنت اللي معاه ويضحك وكان متعمد يغيظ اسيل…
اسيل كانت بتشرب مره واحده شرقت وفضلت تكح جامد سامر لما شافها جرى عليها
سامر بقلق: اسيل انتى كويسه
اسيل زادت فى الكحه سامر شربها مايه وفضل قاعد جنبها ونسى البنت اللي كانت معاه
اسيل: جاى تعمل ايه روح لصحبتك
سامر: قلتلك طول ما انتى هنا انتي مسئوله منى…
البنت اللي كانت معاه جت وقعدت على الترابيزه معاهم…اسيل بصتلها بقرف
سامر: اسف يا رولا..
رولا: عادى يا سامر بس مش تعرفنى
سامر: دى اسيل شريكتي في الشغل
رولا: اهلا انا رولا صديقه سامر من ايام الجامعه
اسيل ببرود: اهلا
اسيل استأذنت وقامت طلعت اوضتها وهى متعصبه وبتقول لنفسها: عايزاه يفتكرك ازاى يا ست اسيل دا البيه طلع عنده صحاب كمان وبعدين انتى مالك اصلا يصاحب اللى يصاحبه ملكيش دعوه..
رولا بعد ما مشيت من عند سامر كلمت داليا
رولا: الو
داليا: ايوه مين
رولا: نسيتينى يابت
داليا:رولا وحشتيني
رولا: انتى كمان والله يا دودو وحشتيني اوى..
داليا: اعملي حسابك هتيجي فرحى انا وسامر الشهر الجاي
رولا: فرحك انتى وسامر انا افتكرت سامر رجع لأسيل
داليا: اييه… اسيل
NairaWael
ـــــــــــــ يوم جديد ـــــــــــ
اسيل خبطت على سامر….
سامر فتح الباب وقالها ادخلي اوضتك تاني الوفد اعتذر عندهم شغل في كندا وسافروا
اسيل بعصبيه: ايه قله الذوق دي ازاى يمشوا واحنا متفقين معاهم على معاد الاجتماع…وليه محدش كلمنى منهم اصلا
سامر: احنا جايين هنا نتحايل عليهم…وكلو بسبب الاستاذ حمزه لما اتخانق معاهم المره اللى فاتت…. لازم نستحمل شويه عشان منخسرش الصفقه..
اسيل بعصبيه: حمزه معملش حاجه غلط هو كان عايز مصلحه الشركه..
سامر: ومالك بتدافعى عنه اوى كدا ليه
اسيل ارتبكت وقالت: عشان شايفه اللى عمله صح
سامر: بتحبيه
اسيل بصتله بوجع وجت تمشي..مسك ايدها وشدها عليه وقالها بوجع: بتحبيه يا اسيل
اسيل زقته وجرت على اوضتها وقفلت الباب
وفضلت تعيط وتقول: لا يا سامر مش بحبه…مش بحبه انا بحبك انت ..بحبك ومش قادره انساك
مش قادره… ليه عملت فيا كده ليه
هديت شويه ومسحت دموعها وقالت لنفسها هو ليه كان بيسأل السؤال دا و ايه الوجع اللي شفته فى عنيه دا معقول يكون بيحبنى سؤاله ونظرته بتقول انه لسه بيحبنى…بعدها خبطت على دماغها وقالت لا لالا اسيل متتهبليش مفيش الكلام ده فوقى يا اسيل فوقي متخليهوش يأثر عليكى
سامر دخل اوضته و قعد فى الارض وفضل يقول لنفسه.. طيب هى ليه مقلتش انها بتحبه ليه اتلخبطت و مقلتهاش ومشيت وايه نظره الوجع اللي كانت في عنيها دى… انا احترت فيكي يا اسيل..بس لا انتى خنتينى وكسرتينى مستحيل تكونى لسه بتحبينى مستحيل…
قطع تفكيره صوت الموبايل داليا كانت بترن
رد عليها: ازيك يا داليا
داليا: انا تمام يا قلبي انت عامل ايه
سامر: انا تمام الحمدلله… صحتك عامله ايه والبيبي
داليا: الحمدلله يا عمرى انا وابننا تمام
(طبعا انتوا مستغربين هدوء داليا..????)
Nairawael
عدى يومين وكل يوم سامر كان بينزل يخرج واسيل كان عندها فضول تعرف بيروح فين
………..
اسيل كانت في جنينة الفندق وكانت لابسه جيبه قصيره وبلوزه
نزل سامر من اوضته وخرج من الفندق … اسيل طلعت وراه وعندها فضول تعرف بيروح فين.. فضلت ماشيه وراه.. لحد ما دخل بار كبير
اسيل دخلت وراه ومكنش شايفاها … فضل يشرب كتير وفى واحده راحت عنده وفضلت تتدلع عليه
اسيل اتعصبت لما لقت سامر بيتكلم معاها و بيقرب منها …. وكانت بتقول لنفسها ازاى سامر اتغير أوى كدا… اسيل كانت متعصبه وطالعه من البار فجأة حد مسك ايدها و……..
يتبع..
لقراءة الحلقة الثامنة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ملاكي للكاتبة منه حسن.
