اسكريبت حتى النهاية الفصل السابع 7 بقلم بسملة محمد
 |
| اسكريبت حتى النهاية الفصل السابع 7 بقلم بسملة محمد |
اسكريبت حتى النهاية الفصل السابع 7 بقلم بسملة محمد
يوسف:انتي متعرفيش انتي بتتكلمي مع مين ولا ايه انا المقدم يوسف محمد الشرقاوي وتتعدلي كدة وانتي بتتكلمي
ملك بصدمة:نعععععم
انت لو فاكر كدة هصدقك يعني واخاف تبقى عبيط
يوسف:بقولك ايه انتي صدعتيني.. ياريت متخرجيش من البيت خالص الفترة دي
ملك:ده ليه أن شاء الله هتحبسني في البيت بصفتك ايه
يوسف بأستفزاز:بصفتي اخوكي
ملك:ولااا بقولك ايه اطلع برا
يوسف:نعم
ملك بزعيق:اطلع برا يا نصاب يا حرامي يالي بتتاجر في السلاح يا بتاع سيلينا يا مهزق
يوسف بغضب:بت انا ساكتلك بس عشان مقدر حالتك بس كلمة كمان وهتشوفي مني وش مش هيعجبك
ملك:مالها حالتي ايه شايفني مجنونة ولا بشد في شعري… وبعدين خد تعالي اتنيل اقعد وفهمني كل حاجة من الاول وبعدين هسيبك تمشي مش هبلغ عنك عشان انا طيبة
يوسف:على فكرة يا ناصحة لو روحتي بلغتي او حد عرف اني مش اخوكي وظابط هيحبسوكي انتي عشان هتبقى خطر ع المهمة
ملك:يعني انت بجد مش بتكذب عليا
يوسف:لا مش بكذب عليكي بس انا دلوقتي مضطر اوضحلك شوية حاجات بس متحاوليش تدوري ورايا كتير عشان مصلحتك وممكن تتأذي يا ملك
ملك بتفكير:تمام موافقة بس بشرط
يوسف:ايه هو
ملك:هتقولي الحقيقة ومش هتكذب وتجاوب على كل اسألتي بصراحة
يوسف:تمام بس لازم تعرفي اني مش هقدر اجاوب على كل اسألتك
ملك:تمام.. نسأل الاسألة المهمة بقي مين سيلينا دي
يوسف:سيلينا دي تبقي واحدة هي اللي بتوصلي المعلومات اللي محتاجها كلها في المهمة بتاعتي
ملك:يعني جاسوسة زيك كدة
يوسف:انا مش جاسوس والله الطم على وشي.. وبعدين هي متعرفش حاجة عن المهمة خالص ولسة هتوصل مصر كمان يومين واحتمال تيجي تقعد هنا
ملك:تقعد فين يا عنيا بس عشان مسمعتش.. هو حد قالك اني فاتحة فندق يابا
يوسف:اومال اروح بيها فين دي وبعدين يرضيكي المهمة بتاعتي تبوظ عشان خلافات صغيرة زي دي
ملك:لا لا بطل تسبل بعينك العسلي يالا لا لا انا لا أقبل ولا استسلم
يوسف بخبث:طب خلاص أخدها ونروح نحجز انا وهي في اوضة في اي فندق وخلاص
ملك:اااه ده انت ما صدقت بقي يا مهزق انت.. هتتنيلوا تقعدوا هنا انت فاهم
يوسف:خلاص ياسطا فاهم اهدي يا شبح… كملي أسألة بقي عشان نخلص
ملك:قولي بقى اخويا الحقيقي فين
يوسف بأسف:اخوكي الحقيقي اتقتل من ٣ سنين
ملك بصدمة:اتقتل!!! ازاي اومال بابا قالي حادثة ليه
يوسف بصدمة:ايييه انتي ابوكي كلمك
ملك بحزن:بابا اتصل بيا من ثلاث ايام وقالي انه محتاجني ابقى جنبه وعايزين اسافر ليه اعيش معاه وقالي ان مالك مات في حادثة من ٣ سنين
يوسف:طب مقالكيش اي حاجة تانية
ملك:لا انا قفلت معاه على طول وملحقش يقول حاجة تانية
يوسف:طب تمام
ملك:طب هو انت تعرف مين اللي قتل اخويا
يوسف:اخوكي كان بيشتغل مع ناس خطيرة ومش بيتفاهموا غير بالقتل وهو خانهم مع شخص أخطر عشان كدة قتلوه
ملك بأستهزاء:هه ليه يعني كان بيشتغل مع تجار مخدرات ولا سلاح
يوسف بجدية:الاتنين يا ملك
ملك بصدمة:انت بتقول ايه……
يتبع…..
لقراءة الفصل الثامن : اضغط هنا
لقراءة باقي فصول الاسكريبت : اضغط هنا
نرشح لك أيضاً رواية حين التقينا للكاتبة شيماء جمعة
