رواية كانسر الفصل السادس 6 بقلم آية السيد
 |
| رواية كانسر الفصل السادس 6 بقلم آية السيد |
رواية كانسر الفصل السادس 6 بقلم آية السيد
وفجاه حور صرخت جامد /اههههه
حور الموبايل وقع منها وحطت ايدها علي عيونها بعد ما غمضتهم جامد وصرخت
وفجأه العربيه وقفت قبل ما تخبط حور بثواني واللي بيفصلها عن حور بضع سنتيمترات
انجي بصراخ /حورررررر
حور من صدمتها مقدرتش تفضل واقفه وقعدت علي الارض وجسمها بيرتعش جامد وبتعيط اكتر والناس اتلمت حواليها
___________
في العربيه
محمود /يا نهار اسود روحنا في داهيه روحنا في داهيه مكنش يومك يا حوده
يس/بس بقا أخرس وبطل ندب شوفت يا غبي أدي آخره سواقتك المتهوره
محمود/ يا عم بطل تقطيم فيا بقا وتعالي ننزل نشوف البنت دي وايه اللي حصلها بدل ما نبات في الحجز النهارده وبعدين ما هي اللي مش شايفه الاشاره انا مالي بقا يا لمبي
يس/ لسه بتهزر يا خفيف انزل يلا وانت بارد كده
محمود /يلا
نزلوا الاتنين ووقفوا قدام حور اللي كانت بتعيط ولسه حاطه ايدها علي وشها
شخص /لا حول ولا قوة الا بالله مش تحاسبوا هي أرواح الناس لعبه
يس /اتفضلوا يا جماعه واحنا هنشوف الانسه مالها
شخص 2/ نمشي ازاي احنا هنبلغ عنكم
محمود /يا عم البنت بخير واحنا بردوا هنشوفها وهنعمل اللازم بس اتفضلوا انتوا بقا
الناس /مستحيل نمشي غير ما نطمن عليها
يس قعد جنبها واتكلم بهدوء/انتي كويسه يا انسه
محمود/يا انسه ردي وحياه خالتك والا هنتنفخ
يس بصله بغضب وهو سكت
حور حاشت ايدها من علي وشها وبدأت تفتح عينها بالراحه
يس اتصدم لما لقاها نفس البنت اللي قابلها قبل كده وفضل متنح
محمود /يا انسه انتي كويسه ولا تحبي نروح المستشفى
حور بصتلهم ولقت الناس ملمومه حواليها ويس اللي بيبصلها ومتنح
حور بخفوت وهي بتمسح دموعها /ااا… انا.. ك… كويسه
الراجل /انتي كويسه يا بنتي ولا تحبي نعمل محضر
حور هزت راسها بمعني اه
الراجل /متأكده
محمود /يا عم الحاج مهي قالتلك انها كويسه انت عاوز تحبسنا وخلاص وبعدين هي اللي مكنتش واخده بالها من الاشاره
حور بخفوت/انا اسفه وسابتهم ومشيت
محمود بص للناس واتكلم /اهوه يا عم الحاج البنت كويسه ومحصلهاش حاجه يلا بقا كل واحد علي شغله
الناس مشت ومحمود بص علي يس لقاه لسه متنح زي ما هو وباصص علي البنت لغايه ما بعدت
محمود هزه في كتفه /فيه ايه يا عم انت مالك متنح كده ليه
يس بعدم انتباه /هي
محمود باستغراب /هي!! هي مين يا بني انت
يس /هي يا زفت البنت اللي قولتلك عليها
محمود بتذكر /اهه فهمت…. واكمل بغمزة /والله شكلك وقعت يا شق
يس /شق!!!
محمود بفخر /ايوة يعني اخويا
يس /ابو ملافظك يا اخي بقا دا منظر دكتور
محمود بثقه مصطنعه/اه و مش اي دكتور لا اشطر دكتور قلب كمان
يس /ماشي يا عم المتواضع يلا بقا يا اخويا نمشي ولا هنفضل واقفين كده
محمود /لا يا اخويا
وركبوا العربيه
محمود بتذكر /اه صحيح الدكتورة نورهان كلمتني وقالتلي انها رنت عليك كتير موبايلك مغلق
يس /اوبس كان وقتها موبايلي مغلق ولما فتحته نسيت خالص اكلمها… ثم اكمل بتساؤل /قالتلك عاوزه ايه
محمود /كانت بتسأل عليك وبتشوف عملت ايه في المؤتمر
يس /تمام
محمود /يلا انت بارد
يس /لسانك طول اوي
محمود /اعملك ايه البت ناقص تيجي تقولك بحبك
يس /واظن ان انا قولتلك قبل كده انها زي اختي وزميلتي مش اكتر
محمود /تصدق يلا والله ان كلمه بارد قليله عليك
يس /طاب بطل طوله لسان وياريت تخلص بقا ونمشي ولا ناوي تفضل واقف في الشارع والمدير كده كده مستحلفلك يعني
محمود /عيل فصيل
يس /شكرا اخلص بقا
محمود /طيب يا اخويا طلعنا
*يس العمري /احد افضل دكاتره الأورام شاب يبلغ من العمر 27 عاما عيونه زرقاء وشعره اشقر وعنده دقن خفيفه وعنده غمازة عايش مع صاحبه محمود اللي بيعتبره اخوه بعد وفات اهله في حادثه
*محمود الكيلاني /دكتور قلب ومن افضل الدكاتره عنده 27 سنه وعيونه سوداء وبشرته قمحيه وشعره اسود شاب مرح وبيحب صاحبه جدا وهما الاتنين عايشين في شقه سوا
_________________________
حور بعد ما سابتهم ومشت قررت انها هترجع البيت وبعدين سمعت صوت تليفونها
حور بصت علي الاسم لقيتها انجي ففتحت الخط
حور /الو
انجي بلهفه/حور انتي… انتي كويسه
ابتسمت حور رغم كل شئ من لهفه صديقتها عليها
انجي بقلق /حور ردي عليا
حور /هشش اهدي انا كويسه متقلقيش
انجي /امال ليه صرختي وليه الخط قفل فجاه
حور /كان فيه عربيه هتخبطني بس الحمد لله متقلقيش ولو انها كانت هتريحني من حاجات كتيره
انجي /حور بالله عليكي بطلي تقولي كده عشان خاطري
حور /مش هتفرق
انجي بشك /انتي…. انتي اتكلمتي مع مالك
حور بتنهيده قويه /ايوة
انجي /طيب ايه اللي حصل
حور ودموعها نزلت بدون اراده منها /فسخت الخطوبه
انجي /ومقولتليش حاجه
حور /لا
انجي /حور انتي كويسه
حور /هقفل دلوقتي يا انجي لاني والله ما قادره اتكلم وهكلمك تاني سلام
انجي /سلام
حور قفلت مع انجي وكملت طريقها للبيت
حور وصلت البيت ومسحت دموعها وخبطت ووالدتها اللي فتحت
ايمان /انتي كويسه يا بنتي
حور /ايوة يا ماما انا داخله انام عن اذنكم
أحمد /ادخلي يا بنتي
ايمان /بس…
أحمد بصلها بمعني تسكت وحور سابتهم ودخلت الاوضه ورمت نفسها علي السرير وفضلت تعيط افتكرت ايام زمان لما كانت هي كانت في اعدادي ومالك في ثانوي
______________فلااااش باااااك
حور كانت بتعيط ومالك شافها وراح ليها
مالك بقلق /مالك يا حور
حور بعياط /مش عارفه اذاكر وورايا امتحان بكره وهسقط
مالك بهدوء /طيب اهدي بس وقولي لي ايه هي الماده دي وانا هساعدك
حور /بجد يا مالك
مالك /بجد يا حور ها يا ستي ايه هي الماده
حور بعبوس/الرياضه الرخمه
مالك بضحك /ههههه يا بنتي دي ماده سهله اصلا
حور /لا انا بكرهها
مالك /بتكرهيها مره واحده وبعدين فيه حد يكره الرياضه
حور /اه انا اصلا مش عارفه انت بتحبها علي ايه
مالك /يا بنتي دي دماغ لوحدها اصلا
حور /طاب يلا يا ابو دماغ
مالك /ههههه ماشي يا لمضه يلا وانا هساعدك
بعد مده
مالك بابتسامه /ها يا ست حور فهمتي
حور /ايوة انت بتشرح أحسن من الاستاذ كمان
مالك /ههههه ماشي يا لمضه يلا بقا عشان اروحك
حور /ماشي
______________&بااااااك
حور ببكاء /سامحني يا مالك… سامحني بس انا مقدرش اكون انانيه اللي عملته هو الصح انت تستاهل حد احسن مني انت ملكش ذنب تعيش مع واحده كلها ايام وتموت ورجعت تعيط تاني وراحت في سبات عميق
__________________________
في احد الكافيهات
مالك كان قاعد ولسه مش قادر يستوعب كلام حور ولا انها خلاص قررت تسيبه وفضل قاعد ومش حاسس باي حاجه من اللي حواليه وحاسس انه بيحلم بكابوس ومستني يصحي
مالك محدث نفسه /لا لا حور بتحبني اكيد ومستحيل تسيبني اكيد فيه حاجه غلط ياربي
مالك اخد حاجته وروح بيته وهو لسه مش قادر يستوعب اي حاجه وحاسس ان دماغه هتنفجر من التفكير
مالك دخل البيت وراح علي اوضته وانجي اول ما سمعت صوت الباب عرفت انه اكيد مالك وراحت علي اوضته ولقيته ساند دماغه علي ايده وحاطط وشه في الارض ومحسش بيها
انجي راحت قعدت جنبه وحطت ايدها علي كتفه
انجي بهدوء /مالك
مالك /لا رد
انجي /مالك رد عليا بالله عليك وقول اي حاجه
وفي اقل من الثانيه مالك حط راسه علي رجل انجي ودموعها خانته ونزلت
انجي اتفاجات من تصرفه بس حطت ايدها علي شعره وبدأت تمشيها بهدوء ودموعها بتخونها علي حاله اخوها وصاحبه عمرها
مالك بدموع وحزن /سابنتي يا انجي حور سابتني
انجي بتحاول تتحكم في دموعها بس مش عارفه
مالك بالم /انا مش عارف ايه اللي حصل احنا كنا كويسين وكل حاجه تمام وخلاص فاضل ايام علي الفرح
مالك قام من علي رجل انجي وبصلها /قوليلي يا انجي بالله عليكي ليه عملت كده انا غلطت معاها في حاجه انتي صحبتها واكيد قالتلك حاجه
انجي دموعها بتنزل اكتر علي حاله اخوها ومش قادره تتكلم
مالك /ردي عليا يا انجي بالله عليكي وريحيني
انجي بدموع /لا رد
مالك قام ومشي ايده في شعره بغضب وخبط المرايه بغضب والمرايه اتكسرت وأيده اتعورت جامد
انجي اتفزعت من اللي حصل وبصت لايد مالك اللي كلها دم بخضه
انجي وهي تحاول لمس يده /مالك ايدك بت….
مالك بغضب /بره
ريهام جت من بره علي صوت التكسير واتفزعت من ايد مالك
ريهام بخوف /ايدك يا مالك
مالك بغضب اكبر /قولت بره وسبوني لوحدي برررررره
ريهام دموعها نزلت علي ابنها وخرجت هي وانجي وقفلوا الباب.
أما مالك فقعد في الارض وبدأ يبكي وكان حاسس بالم في قلبه
____________________________
في منزل عائله النجار
وفي إحدي الغرف ذات الطابع الانثوي
تجلس علي حافه السرير وتبكي بشده من معامله من تحب وقطع تفكيرها صوت خبط علي الباب
فايزة مسحت دموعها وحاولت تتكلم طبيعي /ادخل
تدخل امرائه في ال70 من عمرها وتجلس بجوار فايزة وتضع يدها علي كتفها
حسناء (جده فايزة) /مالك يا بنتي بتعيطي من الصبح لما عينك ورمت ايه اللي حصل يا ضنايا احكيلي
فايزة حضنتها ببكاء /انا تعبانه اوي يا تيتيه كل حاجه بتحصل معايا بالعكس انا عملت ايه يعني لكل دا ابويا يموت وانا صغيره وامي تتخلي عني وتسيبني عشان تتجوز وحتي الشخص اللي بحبه هو كمان بيتعصب عليا انا تعبت
حسناء بحنيه /استغفري ربك يا بنتي واحمديه انتي احسن من غيرك
فايزة /الحمد لله بس…
قطع كلامها صوت جرس الباب
حسناء /هشوف مين واجيلك
فايزة هزت راسها باه
حسناء فتحت وابتسمت لما لقيته أسر
حسناء بابتسامه /كنت متأكده انها مش هتهون عليك
أسر يحاول رسم ابتسامه /اكيد عمرها ما تهون عليا عشان كده انا عاوزها ونخرج شويه ممكن
حسناء /ماشي يا بني هقولها تجهز
حسناء دخلت قالت لفايزة وفايزة من جواها مبسوطه بس بردوا لسه زعلانه من طريقه أسر
*****في كافيه علي البحر
أسر /هتفضلي ساكته كده طيب
فايزة /خايفه اتكلم
أسر بتفاجا /خايفه!!! … خايفه من ايه
فايزة /عشان متتعصبش عليا
أسر /يا فايزة افهميني وحاولي تقدري اللي بمر بيه
فايزة /شاركني يا أسر همومك يمكن اقدر اخفف عنك
أسر /حاضر يا فايزة عاوزه تعرفي
فايزة هزت راسها بايوه
أسر /حور عندها كانسر يا فايزة
فايزة بصدمه /……………
أسر بصلها واتصدم من اللي شافه…..
يتبع…..
لقراءة الفصل السابع : اضغط هنا
لقراءة باقي فصول الرواية : اضغط هنا
نرشح لك أيضاً رواية جوازة غصب للكاتب عمرو خالد
