رواية أزهار الصبار الفصل الثاني 2 بقلم ولائيات
رواية أزهار الصبار البارت الثاني
رواية أزهار الصبار الجزء الثاني
رواية أزهار الصبار الحلقة الثانية
كانت تسير في الجامعه تبكي بشده
يقابلها شخص وو
تقي : يا انسه يا انسه استني انتي مالك في ايه
بعيون حزينه يملؤها سيل من الدموع
مفيش من فضلك سيبيني
تقي : بصي انا معرفكيش بس انتي في حاله مش ممكن اسيبك فيها انا تقي اولي طب
الفتاه : انا خديجة تانيه صيدله
تقي : طيب يا خديجه تعالي احكيلي مالك
خديجة : دكتور طردني وهزقني في السيكشن وقال اني فاشله
تقي : الله ليه ايه حصل
لورا : محصلش حاجه انا مركزتش في المعمل وحصل مشكله بس والله غصب عني ماما كانت تعبانه طول ليل وانا كنت سهرانه جنبها ومنمتش و دي اول مره ليا
وانهارت في البكاء لتحتضنها تقي بشده وتؤبط عليها
تقي : اسكتي اهدي انا حاسه بيكي
خديجة : انا غصب عني انا اصلا غريبه ونقلت انا وماما هنا علشان الكليه وعملت تقليل اغتراب واترفض وانا مليش غيرها اعمل ايه مقدرش اسيبها والسيكشن كان دكتور قال الي هيغيب هيشيل السنه اضطريت اجي
تقي: طيب تعالي معايا اهدي مش هينفع مامتك تشوفك كدا انتي خلصتي محاضرات
خديجه : ايوه خلصت وماما في المستشفي هنا ولازم اروح لها
تقي : طيب تعالي نشرب ليمون تهدي علشان لو شافتك كدا هتتعب
واخذتها تقي وذهبت لكافتريا الي ان هدات خديجه واصبحتا صديقتان وذهبت تقي معها لتطمئن علي والدتها
وفي المستشفي
مصطفي: انسه تقي اذيك ايه خير هنا ليه
تقي: بشمهندس مصطفي انا هنا هنزور مامة دكتورة خديجه صحبتي بس للاسف رفضو دخولها
مصطفي : هي في اي قسم
خجيجة : الكلي دخلت طوارئ الفجر
مصطفي : طيب انتظروني هنا وانا هتصرف اقفو بس في جنب
تقي: انا بكارنيه الكليه هدخل عادي انما خديجة مش عارفه تدخل
مصطفي : خلاص تمام هاتي اسمها وانا هتصرف
خديجة : دا قريبك
تقي : يعني اخوه شريك جوز اختي هو هندسه كمبيوتر اكيد بيعمل شغل هنا
بعد قليل عاد مصطفي اليهم ومعه طبيب
مصطفي: دكتور امجد سمعان هيدخلك
دي دكتوره معلش اسمك ايه
خديجة: خديجه
امجد: اهلا خديجة تعالي معايا
تقي ممكن اجي انا كمان
امجد: معلش دا مش وقت زياره وانا هدخلها تطمن علي مامتها علشان خاطر مصطفي فياريت بلاش زحمه
مصطفي : تمام يا امجد تسلم
تقي : خلاص يا ديجا هستناكي هنا
ورحلت خديجة مع امجد للاطمئنان علي والدتها
مصطفي : انا حظي حلو اني شفتك انهارده
تقي: ايه
مصطفي بحرج : اقصد اني بالفعل لقيتك عروض اللاب الي عاوزاه وكنت هديها ل مهندسه غاده
تقي: بجد طيب ممكن اشوف لقيت ايه
مصطفي : طيب ممكن نقعد لغاية ما صحبتك تيجي
تقي : اه طبعا اتفضل
بدا يعرض عليها ما وجد وهي سعيده
وبدا يتحدث معاها وظلوا هكذا لمده طويله في انتظار خديجة
…………………
مراد: عزت انا عاوز اتجوز نور ومش عارف افاتحها ازاي
عزت : عادي تروح تقولها نور تتجوزيني
مراد: انا اقلق انها ترفض وتسيب المكتب وبعدين المكتب محتاجها
عزت : امم عندك حق هي بصراحة ممتازه في شغلها
طيب انا هخلي غادة تجس نبضها
مراد : بجد يا عزت انا مش عارف اشكرك انت وغادة ازاي
دخلت غادة : انا سامعه اسمي بتنمو عليا في ايه
عزت: مراد يا ستي مش عاجبه شغلك
مراد : انا اقدر جر ايه يا عزت
عزت بيضحك عليه مالك اتخضيت ليه
غادة : عموما يا عزت انا حافظة مقالبك
عزت : ادا عيب بقي ان مراتك حبيبتك تكون فهماك اكتر من نفسك
مراد: طيب ايه احسد ولا اقر
عزت : لا احكي يا سيدي
غاده شكلكم رايقين وعندنا مشكله في الموقع
مراد : مشكله ايه انا لسه جاي من هناك والدنيا تمام
غادة : لاء يا مراد الموفه الالكتروني بتاعنا حد حاول يخترقه
عزت : ازاي دا مصطفي مامنه
مراد : هتصل بيه يجي يشوف في ايه
غاده للاسف موبايله مغلق حاولت اكلمه
عزت : طيب ابعتيلي له رساله بالي بيحصل اول ما يفتح موبايله يرد يمكن في محاضره
مراد : اه فعلا موبايله مغلق
غادة تمام هبعت له قولولي بقي جايبين في سيرتي ليه
عزت : مراد يا ستي عاوز يخطب نور وعاوزك تعرفي مرتبطه او لاء او ايه الظروف
غادة : لاء دا انت تلحق بقي تخطفها لان مامتها بتزن عليها وعاوزة تجوزها وهي مفيش حد في حياتها وعموما انا هتكلم معاها
مراد : ربنا يخليكم ليا والله انتي وعزت اخواتي بجد
عزت : عيب يا مراد احنا عشره عمر ودايما كنت بتقول غادة زي نهال اختك
مراد: والله يا عزت حتي الوالد والوالده بيعتبروها كدا وبيحسو لما بيشوفوها انها بتعوضهم سفر نهال
عزت : ربنا يديم بنا الموده يا سيدي
………………………
خديجة : انا متشكره ليك يا دكتور امجد اوي
امجد : لا شكر علي واجد وخدي دا رقمي لو عاوزة تيجي اي وقت اتصلي بيا وانا هتصرف
خديجة : بتعب حضرتك معايا
امجد : انتي بتقولي ايه احنا هنبقي زمايل مش انتي طب برضه يا دكتورة
خديجة : لاء انا تانيه صيدله
امجد : وانا بقول طب ومدخلتيش بالكارنيه ليه علي فكرة اخويا دكتور عندك اسمه احمد سمعان
خديجة : انفجرت في البكاء
امجد: ايه في ايه يا الي زعلك
خديجة : ال دكتور هيسقطني
انجد : اهدي واحكي لي الي حصل
………………………………………
محمود : الو يا غادة اذيك
غادة : اذيك يا بابا يا حبيبي
محمود : بكلمك اقولك انا جبت نورين البيت
غادة : الله ليه حصل حاجه دا لسه بدري اوي علي معاد خروجها
محمود : المدرسةكلمتنا وقالت ان في حالة عدوي في فصول كي جي 2 كلها وهيعقموها
غاده : يا خبر يا بابا مكلمتنيش ليه اروح اجيبها انا
محمود: خليكي في شغلك يا حبيبتي وهي مع داجا متقلقيش
غادة ربنا يخليك ليا يا بابا
……………….
خديجة : شكرا يا تقي شكرا يا بشمهندس تعبتكم
مصطفي : لا ابدا مفيش تعب خالص
تقي : طنط عامله ايه
خديجة : هتقعد هنا لسه تعبانه
مصطفي خلاص متقلقيش انا بنفسي هطمن عليها
تقي : شكرا يا مصطفي يلا يا خديجة علشان المحاضرات
………………
يدا الماضي يمر في ذاكرتها وهي تنظر اليه هل هذا هو من عشقته الي حد الجنون ؟من كان احن عليها من ايامها ؟ من كان يحتويها هل هو ذلك الامان الذي تاه بين ثنايا الايام ؟هل كان هكذا وكانت عيناها لا تري الحقيقه ام انه تاه بين ذكريات الماضي ليقف ذلك الشخص الباهت الذي تراه ؟
لتفيق علي سقوط والدته وتبدا بعلاجه وتجلس بجوارها
مصلح: ايه يا تقي يا بنتي هي عامله ايه
تقي : الحمد لله يا عمي المحلول قرب يخلص وهي هتنام
مصلح : عارفه يا تقي انتي خساره فيه معرفش طالع لمين بس نهال الي دلعته
تقي : عمي نهال ملهاش ذنب هو الي بقي جاحد بس مش وقته
مصلح : لاء يا تقي نهال مامتها ماتت قبل ما اتجوز سوسن مامة مراد ومصطفي وخالتها ربتها ولما بدات تكبر جابتها لينا من يوم ما جت وهي تولت مصطفي وام مصطفي كانت بتخاف تزعلها احسن يقولو مرات اب وبتزعلها بالرغم انه مكنش صح كانت كل احلامه مش طلباته مجابه
تقي : مش مبرر يا عمي لخيانته عموما نطمن علي طنط وارجوك يا عمي مش هسمح بتدخل في قراري زي كل مره انا ومصطفي بقالنا 10 سنين متجوزين غير الخطوبه والحب دا انا مشفتش غيره من وانا بنت 18 سنه وعلي اد عمق الحب عمق الجرح
مصلح : طيب يا بنتي انا مش هتكلم لما تهدي
تقي : بانهيار اهدي يا عمي اهدي بعد ايه تعرف اني كنت بشوفه بيهزر ويضحك مع دي ودي واقول متخربيش بيتك جوزك بيحبك وميقدرش يستغني عنك
كنت اواجهه يجي بين اديا ويتاسف ويوعدني انه مش هيتكرر ويحلفني بحياة حبنا
كنت بغمض واعمل نفسي مش شايفه
لغايه ما تمادي في غلطه
انما هو مش غلطان الغلط غلطي انا يا عمي من اول موقف لو كنت وقفت وكنت اخدت موقف كان هيتراجع انا الي حبه خلاني اضعف حتي مع نفسي
مصلح : احكي خرجي الي جواكي بس متعيطيش يا تقي ومش هقولك اننا مكناش السبب في قهرتك دي لاء انا عارف ان امه كانت بتضغط عليكي علشان متسيبهاش انتي البنت الي حلمت تخلفها حتي هي ونهال عمرهم ما كانو زيك انتي وهيا بس معلش ملحوقه يا بنتي امسكي
تقي : ايه دا يا عمي
مصلح : انا جبت نجار وغيرت كوالين باب شقتك ودا المفتاح
تقي : تفتكر اني هقدر اطلع اسجن نفسي في ذكرياتي معاه كل ركن في الشقه فيها ملامحه
عمي انا قررت خلاص وانت لازم تساعدني
مصلح : خير يا بنتي
تقي : انا قررت اطلق منه وهتعافي من مرض حبه حتي لو وصلت اني هسيب مصر واسافر
مصلح : ايه طيب اهدي ونتكلم بعدين
تقي : طنط بدات تفوق لما تخف هنفذ قراري
مصلح : طيب ادخلي ارتاحي جوا
………………
مصطفي : نهال ايه هتدخليني ولا امشي
نهال : يا خبر يا مصطفي انت ابني مش اخويا مش هدخلك ليه
مصطفي دخل والقي بنفسه علي اقرب اريكه
نهال : بس انت عملت ايه خلي بابا يتصل انك متدخلش عندنا
مصطفي : قهوة يا نهال لو سمحتي
نهال : حاضر هعملها واجيبلك العشا واجيلك
وضع راسه بين يديه واغمض عينيه ليتذكر
……………….
مصطفي: عزت انا ممكن اتكلم معاك
مراد :ك ايوه طبعا خير يا مصطفي
مصطفي : انا بحب تقي وعاوز ارتبط بيها
مراد : تقي بتاعتنا اخت غادة
مصطفي : ايوة في مشكله
مراد : مصطفي تقي مش حمل جرح هي تبان قويه بس هي رقيقه غير ان لسه مشوار تعليمها طويل معتقدش ان غاده هتسمح لها تتجوز وهي لسه في الكليه لان تجربه غاده كانت صعبه
مصطفي : هستناها العمر كله هي حلم بحلمه من يوم ما شفتها
مراد انت بتحب نور وهتحس بيا انا مقدرش ابعد عن تقي
مراد : انت متاكد من مشاعرك العلاقه بيني وبينهم علاقه اخوة مش هقدر
يقاطعه مصطفي: انت ليه شايفني مش اد مسؤليه حبها ليه فاكر اني هخدعها انا بجد بحبها يا عزت
مراد: وهي عارفه
مصطفي :هي مبشوفهاش لوحدها خالص حتي لو في برامج هنزلهالها بتكون معاها غاده اختها او خديجه صحبتها بس اعتقد انها حاسه بيا مهو مش معقول كل الحب دا ومش هتحس بيا
مراد : طيب انا هساعدك بس توعدني متكسرهاش يوم والا انا الي هقف لك
مصطفي : بجد يا مراد انا اوعدك انت اجدع اخ في الدنيا ربنا يخليك ليا ويخلي لك نور و
مراد : طيب خلاص انت هتشحت
……………………
نهال : القهوة يا مصطفي
مصطفي : شكرا يا نهال
نهال : اقعد واحكي بقي زي زمان
مصطفي : مش وقته انا هدخل ارتاح هو جوزك هنا ولا فين
نهال : لاء يا سيدي جوزي مسافر شغل والولاد معاه انت عارف انه واخدهم معاه في شغله من يوم ما اتخرجو
مصطفي : طيب هنام وياريت محدش يعرف اني هنا
نهال : متقلقش ارتاح وعندك لبس غير هدومك
……………………………….
تتذكر وهي بالسنه الثانيه في كليه الطب
غاده : ايه دا الدكتورة عندي في مكتبي مش معقول
تقي: انا كنت قريبه ووحشتيني قولت اجي اتكلم معاكي علشان مش عارفه اتلم عليكي
غاده : اممم يبقي موضوع مهم استني هخلص شغل ونتكلم
الباب خبط
غاده اتفضل
-: بشمهندسه غاده متاسف افتكرتك فاضيه لان في مشكله في الموقع
غاده : اتفضل يا كمال دي تقي اختي
كمال : وهو ينظر اليها اهلا يا بشمهندسه تقي
تقي : لاء انا في كليه طب
كمال : يعني دكتوره تقي معلش اتعودنا بحكم المهنه ان اي حد هنا مهندس
غاده : مهندس كمال يا تقي دفعه السنه دي بس ممتاز عارفه مشروع المستشفي الذكيه الي كنا بنتكلم عنه
تقي : ايوه دا ابيه عزت كان بيتكلم عنه مع بابا وهو متحمس اوي
غاده : اهو فكره وتنفيذ كمال
كمال : بتوجيهات حضرتك يا بشمهندسه
غاده : اقعد يا كمال وقولي ايه الموضوع
كمال : التوريد للحديد متاخر ومفروض البامب هتيجي علشان هنصب القواعد بعد 4 ايام وكدا هنعطل علي الحديد
غاده : والتاخير منين
كمال : بيقولو ان مهندس مراد سحب اغلب الحديد في المشروع التاني
غاده : لاء مراد صرف النسبه المقرره كدا المشكله في المخازن اديني ساعه وهضبط الدنيا
كمال : والبامب
غاده : متقلقش كل حاجه هتكون تمام ان شاء الله
طيب هستاذن انا فرصه سعيده يا دكتورة
تقي: ميرسي يا بشمهندس
طيب يا غاده شكلك مشغوله هاجي وقت تاني
غاده : لو فاضيه خليكي هخلص وافضي لك
تقي : طيب هروح اسلم علي نور
غاده : طيب تمام وانا هخلص علطول وافضي ليكي يا حبي
……………………
مراد : الله وانا اقول الشركة منوه اتاري دكتورتنا الحلوه هنا
تقي: ميرسي يا ابيه مراد : بس مفيش احلي من نور ولا ايه وتضحك
مراد: نور دي هي نور حياتي
نور : مراد وبعدين
مراد: الله يا نور مش مراتي وبحب فيها
تقي: احم احم نحن هنا
مراد: انا هخلص شغل مع غاده و ارجع لكم نتغدا سوا
تقي: لاء محبش ابقي عزول انا هسيبلك نور واتغدا انا ابيه عزت وغاده هو وعدني بعزومه
نور: خلاص وبكره معايا يا توتو
تقي: طيب هشوف
مراد: لاء مفيش اعذار وانا هستاذن من عمي كمان يا ستي
نور : كدا بقي رسمي معايا
تقي : طيب خلاص
…………………………..
تمر الايام وتقترب تقي من مصطفي تحت انظار العائله التي ترحب به واسرته
مع خوف مراد من اخوه المدلل ولكنه يعرف انه بالفعل يحب تقي
وفي يوم
كمال : دكتورة تقي انتي هنا
تقي : اهلا يابشمهندس
كمال : تقي انا بحب الوضوح والصراحه وبصراحه انا معجب بيكي من اول مره شوفتك فيها هنا وكل مره بشوفك اعجابي بيزيد
وعاوز اتقدم بس حبيت اديكي فكره علشان تفكري
مصطفي : تقي انتي واقفه هنا ليه
تقي : مصطفي اذيك انا كنت داخله ل غاده كلمتني وقالت عاوزاني
مصطفي : طيب يلا مينفعش الوقفه دي اهلا يا بشمهندس كمال
كمال : اهلا بشمهندس مصطفي
مصطفي : عن اذنك هاخد خطيبتي منك لو تسمح
كمال : بحزن يظهر علي ملامحه اه اتفضل عن اذنك يا دكتورة
تقي : مصطفي انت ايه الي قولته دا
مصطفي : عاجبك واقفته معاكي ونظراته ليكي ولا ايه
تقي : لا طبعا هو مهذب اولا ثنيا انا مش بسمح باي تجاوز بس كمان احنا لسه متخطبناش رسمي كدا ناس تقول ايه
مصطفي: ولا يهمك انا انهارده هحدد مع عمي معاد الخطوبه رسمي هو انا مقولتلكيش
تقي: قولت ايه يا مصطفي خير
مصطفي: بابا حدد معاد مع عمي محمود انهارده نقرا الفاتحه ونلبس دبل ونحدد كل حاجه
تقي: بجد يا مصطفي بتتكلم جد
مصطفي : اه طبعا ان كان عليا عاوزك في بيتي بس غاده ليها راي تاني
تقي: لاء بعد الكليه
مصطفي : هستني 5 سنين يا عالم يا هو حرررام ارحموني
تقي: 4سنين ونص بس يا مصطفي
مصطفي : لاء فرقت اوي معاكي طيب يلا قدامي علشان ناخد غاده ونشتري الدبل وانا قتيل عمي لغاية ما اكتب الكتاب
………………………..
نرجع للحاضر
تقي: ماما انتي كويسه
سوسن : انا كويسه طول ما انتي جنبي
تقي: طيب لازم تاخدي بالك من نفسك ونضبط الضغط كدا مينفعش
سوسن: تقي اوعي تسيبيني
تقي : نتكلم بعد ما تتعافي بامر الله
مراد: ايه يا بابا مالها ماما
مصلح : لولا تقي كانت راحت مننا
مراد : هو ايه الي حصل
نور :سلامتك يا طنط
سوسن : الله يسلمك يا بنتي
نور : انا هخليني معاكم انهارده
مصلح : لا يا بنتي ارجعي انتي وجوزك بيتكم
مراد: تقي ممكن دقيقه
تقي : حاضر اتفضل
بالخارج
مراد: تقي مش هقولك انك تهميني وانك اختي الصغيره علشان دا بديهي بس عاوز اعرف ايه حصل
تقي : مصطفي اتجوز عليا وانفجرت في البكاء
مراد: الحيو ااان انا حذرته لو يوم اذاكي انا همسحه من علي وش الارض
تقي: ارجوك يا ابيه مراد عاوزاه يطلقني ارجةك
مراد: اهدي انتي بس وانا هكون جنبك هو عزت وغاده عرفو حاجه
تقي: نورين ثانويه عامه وانا مش هقدر اشغل غاده وابيه عزت
مراد: انا كنت معارض الجوازه دي علشان عارف انه متدلع
فلاش باك
غاده : اخوك المجنون عاوز كتب كتاب لما شاف كمال بيكلمها
مراد: لو بايدي اجوزها ل كمال
عزت: ايه يا مراد مصطفي كويس وبيحبها
مراد : اخويا في جزء منه مستهتر واناني وتقي اختي الصغيره
غاده : خلاص يا مراد احنا نطول حبه في الخطوبه والي ربنا كاتبه هيكون
مراد : المهم مهما حصل انا مش هقدر اخسركم
عزت : ايه يا ابني الدراما دي لو مكنتش متجوز كنت قولت بترسم علي البنت دا انت حتي عريس
مراد: تقي اختي اتربت قصاد عيني وعمي بعتبره عمي انا كمان يا عزت وانت وغادة اخواتي بجد مش كل الاخوه دم انت عشره عمري
عزت : ربنا يكتب لهم الخير واوعدك اني مهما حصل مش هنتغير سوا يا ملك الدراما انت
غادة : طيب يلا هنتاخر
…………………………
في بيت نهال
مصطفي اصحي موبايلك مبطلش رن
مصطفي : بنوم انا فين
نهال : انت في بيت اختك ايه فينك
مصطفي : تقي الي بترن
نهال: لاء رقم عليه علامه
مصطفي: الو ايوه اقفلي ومش فاضي
:. : ………….
مصطفي : اسمعي يا صافيه الي عرف تقي بجوازنا مسؤليتك
صافيه: ……………
مصطفي : اسمعي مش عاوز كلام لما ابقي اهدي ابقي اجيلك
نهال: دي مين ونظرت له ب شك : انت اتجوزت علي تقي يا مصطفي
مصطفي : نهال مش عاوز كلام ارجوكي مش ناقص
نهال: تمام بس الكلام مخلصش
……………………..تجلس وتتذكر
تقي : ايوه يا خديجة انا لازم امشي بسرعه علشان مصطفي جاي من السفر
خديجة: متقلقيش هنشتري بس حاجة بسرعه من هنا ونمشي
تقي : الله الطقم دا حلو اوي تعالي شوفيه كدا
خديجة : ياااه انا تعبت كفايه كدا تعالي نشرب قهوة
تقي: لا انا مش فاضيه عاوزة امشي
خديجة: يا بنتي نشرب قهوة ونمشي علطول انا صدعت
تقي : مين سمعك طيب هاتيها تيك اواي
خديجه : عارفه بالبندق وكريمه
تقي بتضحك : ياااه حفظتي
خديجة: تقي تقي انتي مالك في ايه
تقي : شايفه الي شيفاه مش مصدقة نفسي
خديجة: ايه يا بنتي
تنظر علي ما تنظر له تقي
خديجة: دا مصطفي خطيبك
تقي : ومين دي الي معاه
خديجه : يمكن شغل
تقي: انا هروح له
خديجة : بلاش تحرجيه يلا بينا نمشي وهو اكيد هيحكي
مر يوم واتنين
ولم يتحدث وفي احد زياراته لهم
مصطفي : تقي انا مضطر امشي
تقي : مصطفي انت في ايه
مصطفي : مفيش خارج مع اصحابي اصل حد فيهم عنده مشكله
تقي : الحد دا بقي راجل ولا ست
مصطفي : وانتي هيفرق معاكي ايه
تقي : هيفرق يا محترم ان انا خطيبتك ولولا غادة اعترضت علي كتب الكتاب كان وماني مراتك واني شوفتك مع بنت في المول
مصطفي : دي صديقه عادي
تقي : يا حرام اسمع يا مصطفي الوضع دا مش مريح ليا
وبعد شد وجدب
مصطفي : ماشي يا تقي مكنتش اتخيلك كدا ابدا
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أزهار الصبار)
