رواية أزهار الصبار الفصل الثالث 3 بقلم ولائيات
رواية أزهار الصبار البارت الثالث
رواية أزهار الصبار الجزء الثالث
رواية أزهار الصبار الحلقة الثالثة
مصطفي : تقي انا مضطر امشي
تقي : مصطفي انت في ايه
مصطفي : مفيش خارج مع اصحابي اصل حد فيهم عنده مشكله
تقي : الحد دا بقي راجل ولا ست
مصطفي : وانتي هيفرق معاكي ايه
تقي : هيفرق يا محترم ان انا خطيبتك ولولا غادة اعترضت علي كتب الكتاب كان وماني مراتك واني شوفتك مع بنت في المول
مصطفي : دي صديقه عادي
تقي : يا حرام اسمع يا مصطفي الوضع دا مش مريح ليا
وبعد شد وجدب
مصطفي : ماشي يا تقي مكنتش اتخيلك كدا ابدا ولولا اني بحبك وشاريكي كان هيكون ليا تصرف تاني
تقي : وعلي ايه اتفضل يا مصطفي دبلتك اهي ولا تزعلنفسك
مصطفي : معقول يا تقي بسهوله قدرتي تقلعيها
تقي : انا مش هقبل يا مصطفي ان يكون في ست تانيه في حياتك ولا هي امك او اختك او بنتك دا حرام وعموما دي فرصه تراجع نفسك ودي مش اول مشكله بينا علي نفس الاسباب عن اذنك
مصطفي : تقي استني هوصلك
تقي : مفيش داعي متتعبش نفسك
مصطفي: تقي متفريش الناس علينا ثم ان الي بينا مش دبله ولا نسيتي انك مراتي يلا بينا
وركب كل منهم في صمت خارجي تام وداخلة ثورة عارمه من الغضب تشغل بلاد باكملها لولا ذلك الحب الذي يبقيهم سويا
…………………………..
عودة من الفلاش باك
بص يا عزت انا بحكيلك علشان انت مش صاحبي انت اخويا وربنا عالم غادة وتقي اخواتي واحيانا بحس ان تقي بنتي
عزت بغضب: انا من الاول شايف ان اخوك دا انسان متدلع وميستاهلش واحده زي تقي
عزت : وهو يضع راسه بين يديه طيب اعمل ايه حالة عمي الصحيه مش كويسه اقوله ايه
مراد: علشان كدا والدي طرد مصطفي واصر علي ان تقي تقع معاه وهي مصره علي الطلاق
غاة ودخلت : ايه دا مين الي مصره علي الطلاق مالكم في ايه اوعي يا مرا تكون زعلت نور
مراد: بتوتر ابدا يا غادة نور دي نور حياتي
عزت : اقعدي يا غادة لازم تعرفي الموضوع ونفكر بهدوء
غادة : خير يا عزت انت قلقتني حد حصله حاجه
عزت : تقي طالبه الطلاق
غادة : ايه مش معقول تقي دي روحها في مصطفي دا حب اكتر من 15 سنه ايه حصل انا هروح لهم
مراد: اقعدي بس لازم تعرفي ونتعامل بحكمة
عزت : مراد صح يا غادة صحة والدك مش حمل صدمات في حالته دي
غادة : طيب انا هسكت بس لازم اعرف اختي مالها
مراد: والله هجيب لها حقها منه بس اهدو بس وانا هتصرف
غادة: يوووة انتو ليه مش بتحكو الي حصل
عزت: مصطفي اتجوز عليها
غادة : يا نهاره اسود يتجوز علي تقي بعد الي اتحملته عشانه بعد
مراد : يا غادة صدقيني احنا في صفها هي حتي لو مكنتش اتحملت حاجه
غادة : الواطي الحيوان دي ضحت بامومتها علشان خاطره دي
عزت : خلاص يا غادة راعي انه اخو مراد
مراد: سيبها يا عزت هو اكتر من كدا بكتير هي عندها حق
غادة : قوم يا عزت نروح نجيبها انا استحاله اخليها مع الحيوان دا دقيقه واحده
مراد: هي قاعده في بيتها يا غادة وبابا طرده بره البيت
عزت : طيب احنا هنقول ايه لوالدك
غادة : ونقول ليه هي تيجي تقعد معانا في البيت لغاية بابا ما صحته تتحسن
عزت : طيب يلا بينا
مراد: طيب استنو انا هسلم الملف دا وجاي معاكم
عزت : لاء خليك في الشركة انت يا مراد وهنكون علي تواصل معاك
……………………..
تقي : ماما سوسو انتي بقيتي كويسه اهو انا هستاذن انا اروح العياده
سوسن: يا نور عيني انا كويسه طول ما انتي في حضني
تقي : مهما حصل هتفضلي احلي ماما سوسو
تبكي سوسن
مصلح: الله يا سوسن مالك في ايه
تقي: لاء كدا الضغط هيعلي تاني وهنضطر بقي نروح المستشفي ياريت تهدي نفسك
سوسن : اهدي نفسي ازاي وانا شايفه الي بيحصل
تقي: ماما هو اختار طريقه
سوسن : دا بيحبك يا بنتي انتي حب حياته هو شيطان دخل بينكم
تقي: من فضلك يا ماما لو بتحبيني تسيبيني اختار حياتي براحتي
مصلح: تقي عندها حق يا سوسن هتكون انانية مننا اننا نضغط عليها وابنك كل ما نصلح وراه كل ما يزيد لازم يعرف انه يكون مسؤل عن قراراته
مش ناجح في شغله وفاشل في بيته
سوسن : بس يا مصلح لو نهال كانت في مكان تقي كنت
قاطعها : الي هعمله ل تقي هو الي هعمله لنهال وابنك دا مش داخل البيت دا تاني والشقه هتتكتب مني ل تقي
تقي لاء يا عمي ارجوك انا مش هقدر افضل في البيت الي شوفت فيه كل ذكريات مصطفي
مصلح : خلاص يبقي شقة الي قصاد العياده بتاعتك بكره هيكون عقدها باسمك انا اعرف انها معروضه للبيع
تقي : يا عمي
مصلح: يا بنتي دا اقل حاجه لبنتي
………………………
مصطفي : انا نازل يا نهال
نهال : مصطفي مفيش نزول الا لما افهم
مصطفي : ايوه اتجوزت يا نهال وللاسف تقي عرفت وطالبه الطلاق
نهال : يا نهارك اسود تقي تتجوز علي تقي يا مصطفي انت اكيد مش في وعيك اكيد الدنيا حصل فيها حاجه غلط
مصطفي: الي حصل يا نهال بقي اعمل ايه
نهال: انا دايما في صفك بس مش تقي الست الي تستاهل تعمل فيها كدا
تقي حب عمرك دا انت كنت بتحبها في صمت من وهي صغيره فاكر انا الوحيده الي عارفه
تقي الي لما خسرت شغلك باعت ورث امها وبدات بيه شركتك
تقي الي لما عرفت انك استحاله تخلف اصرت تلغي امومتها تف=قي الي كل ما حد في العيله يقع تسنده بالرغم انها اصغرنا
مصطفي: الي حصل ثم ان ورثها انا رجعته ليها الضعف وانا لسه بحيها
نهال: بتحبها تكسرها الي بيحب بجد من قلبه بيخاف علي الي بيحبه مش يكسره
مصطفي : شرع ربنا يا نهال ثم اني مستحيل اكسرها هي هتصفي انا عارف ولو وصل اني اطلق صافيه انما تقي لاء
نهال : لو جيت للحق بقي عدل ربنا ان نص املاكك من حقها دا لو اعتبرنا يا بشمهندس انكم دخلتو شركه هي براس المال وانت بالمجهود فكدا ماديا انت ميون لها
اما بقي معنويا تفتكر تقي الي كانت بتعمل مشكله لو انت كلمت بنت هتقبل تكمل بعد عملتك السودا دي تعرف ايه انت عن الشرع الشرع قال تبلغها وهي من حقها تختار الشرع قال لو هي عندها مشكله وهي ست الستات كلهم دا ماما سوسو بتحبها اكتر من ما بتحبنا كلنا
مصطفي: نتي ضدي يا نهال
نهال : انا معاك بفوقك انت ابني مش اخويا وانا للاسف دلعتك يا مصطفي روح اقعد تحت رجليها يمكن يكون في امل لانك ل خسرتها مش هتعوضها
مصطفي قافله تليفونها وابوكي طردني و
نهال : اتصرف اقلب قرد لغايه ما تقابلها روح يا مصطفي واعمل حسابك مش هتدخل بيتي الا لما تقابل تقي
مصطفي : حتي انتي يا نهال
نهال : انا ايه يا بشمهندس دي تقي افهم بقي دي بنت الاصول واحنا بنعمل كدا لمصلحتك
…………………………..
اهلا يا عزت اهلا يا غادة
عزت اهلا يا عمي من فضلك في امانه لينا عندكم عاوزنها
مصلح: ادخل يا عزت نتكلم
غادة : هي تقي فين يا عمي
سوسن : اهلا يا غاده تقي في شقتها بتغيير قبل ما تروح العيادة
غادة : اذيك يا طنط صحتك عامله ايه
سوسن : مش كويسه طول ما تقي زعلانه
غادة : معلش يا طنط كل شئ مكتوب عن اذن حضرتك انا هطلع لها
عزت : اطلعي انتي وانا هقعد شويه مع عمي
………………………….
تقي : غادة اذيك تعالي ادخلي
غاده : جهزي شنطتك ويلا بينا من هنا
تقي: انتي عرفتي
غاده : حسابي معاكي بعدين يا تقي علشان اعرف من مراد
تقي: يا غادة انا
غاده وتضمها : انتي بنتي يا تقي ملناش غير بعض يلا بس
تقي : وبابا
غادة انتي هتيجي تقعدي معانا لغاية ما بابا صحته تتحسن
يلا بس علشان تلمي حاجاتك الضروريه والباقي هنرجع ناخده بعدين
تقي : حاضر
وبعد وقت
غادة : ها خلصتي
تقي: اه لميت اوراقي ولبسي الله ايه دوشة الي تحت دي
غادة : دا صوت عزت معقول يكون بيزعق ل عمي
تقي : لاء ابيه عزت ميعملهاش تعالي بسرعه نشوف في ايه
…………………………………..
صافيه: والله يا ناديه مش عارفه ايه حصل
ناديه : مش عملتي الي قولت لك عليه
صافيه: ايوه بعتلها في المستشفي صورة القسيمه وشايله بياناتي مخليها مغلوشه
نادية: بس اقعدي بقي وحطي رجل علي رجل واتفرجي
صافيه: انا خايفه يسيبني انتي متعرفيش دا زي ما تكون ساحرة لاهله
ناديه : اه مش دكتورة وليها اسمها اكيد مستفدين من وراها بس العز دا انتي وولادك اولي بيه
افيه: هو بصراحة مش مخلي ولادي ناقصهم حاجه
نادية : خيبه عليا انا ياريت كنت الاقي حد كويس كا زيه مش النيله جوزي الي كله مفيش مفيش
صافيه : الله يا ناديه انتي هتقري
ناديه: اقر ايه يا بت دا انتي اختي وبرضه اتمرمطي في جوازتك الولانيه هو نصيب يلا بقي همشي علشان راحة اجيب طلبات البيت
صافيه: طيب متتاخريش عليا
نادية : لو في اي جديد ابعتيلي علطول يلا بقي سلام
…………………………………..
تقي حبيبتي ارجوكي
عزت: كلامك معايا يا مصطفي ملكش دعوة بتقي خالص
مصلح: انا مش قايلك مش عاوز اشوف وشك
غادة : هي دي الامانه يا مصطفي
مصطفي : انا اسف هطلقها والله انما تقي لاء ارجوكي يا تقي متبعديش عني نسيتي حبنا
تقي: حبنا هو فين حبنا دا يا مصطفي الحب دا بيكون زي الطفل الصغير عاوز اهتمام من الطرفين علشان يكبر وهو سليم انما انت كبرته مريض ضعيف وخلاص مات
مصطفي: لاء يا تقي متقوليش كدا طيب تعالي نقعد نتكلم بالعقل وهدوء وصدقيني هعمل الي انتي عاوزاه
تقيك انا عاوزة حاجه واحده يا مصطفي تطلقني وكل واحد مننا يروح لحاله
عزت: سمعت يا مصطفي اهي قالت لك المفيد
سوسن ادخلو جدا من علي السلم متفرجوش علينا الناس ربنا يسامحك يا ابني علي الي بتعمله فينا دا
غاده : عزت ابعت السواق ياخد الشنط من فوق وانتي يا تقي هتدخلي ولا نمشي
نظرت تقي ل سوسن التي تترجاها بعيونها
تقي: هدخل مع ماما سوسو علشان خاطرها بس دا مش هيغير قراري في حاجة
مصطفي : ارجوكي يا تقي متسيبيش البيت وانا
مصلح : ادخل جوا نتكلم
تقي : خير يا بشمهندس
مصطفي : طيب نقعد لوحدنا
تقي : مفيش داعي لان من لحظة دي مفتكرش هينفع يتقفل علينا باب تاني
مصطفي: تقي انا اسف انا بحبك
تقي: اسف علي ايه انت كنت دوست علي رجلي ولا اتعصبت ك عادتك لما تعمل عمله وخايف تنكشف ولا بوظت حاجة عندي اسمع يا مصطفي انا حفظاك وعارفه كل اخطاءك وكنت بعدي وافوت
الست يا مصطفي حتي لو مش بتحب جوزها بالعشره بيكون عندها ترموتر بيقيس تغيرات جوزها وبتعرفها
عارف من اول ما بطلبك وتفتح الخط بعرف انت حالتك النفسيه ازاي
عارف من قاعدتك وتغميضه عينك وتنهيدتك في قاعدتك بقدر اقري فيك ايه
طيب تعرف بقي اعديك عرفت كان ست وكلمت كام ست
مصطفي:ك تقي والله عمري ما اغضبت ربنا وانتي عارفه
انا بحبك
تقي : تعرف انت ايه جوايه اعتقد لاء لو بتحبني كنت عرفت ايه جوايا عرفت ايه يزعلني ايه يسعدني ايه يضايقني ايه يرجعني طفله برقص وافرح انما انت بكل غباء كسرتني وللاسف الي انكسر عمره ما بيتصلح
مصطفي : انتي قولتي اهو بغباء انا
تقي: انت هتطلقني يا مصطفي
مصطفي: بعد العمر والعشره والحب دا يا تقي
تقي : ياااه يا مصطفي : انت الي بعت وانا اغلي من اني اكون سلعه تشتريها بالرخيص بعد ما بعتها يا مصطفي انا هروح مع ابيه عزت وياريت ورقتي توصلي بهدوء وعلي الاقل نسيب بعض بالمعروف وربنا يكرمك مع مراتك
مصطفي: صدقيني هي ملهاش مكان في قلبي
سوسن : ولما هو كدا اتجوزتها ليه يا ابن بطني وضيعت حب عمرك بنت الاصول
مصطفي: يا امي انا كان نفسي ابقي اب اتجوزتها علشان ولادها احس معاهم باحساس الاب
تقي: ياااه يا مصطفي مكنتش اتخيل انك اناني اوي كدا عاوز كل حاجه طب وانا مهو انا نفسي اكون ام يا مصطفي ياتري فكرت انا ضحيت بايه علشانك ضحيت بامومتي ضحيت بانس وحدتي لما اكبر
انما انت الي عندك مشكله روحت اتصرفت وحلتها واشبعت كل احتياجاتك الي ناقصاك زوجه عندها اولاد علي الجاهز تكون انت ابوهم وزوجة مخدوعه بتحبك
مصطفي : بتعايريني يا تقي بعجزي
تقي: اعايرك خلاص يا مصطفي ممنوش فايده الكلام
ابيه عزت يلا بينا
عزت : احنا سكتنا خالص وسيبنالكم الحريه الكاملة للكلام وياريت بهدوء تراعي العشره وتحدد معاد نروح للماذون تطلع طلاق بون رجعه
مصطفي: بشمهندس عزت ارجوك
غادة : ارجوك انت تسكت لان كل ما بتتكلم بحس اني قرفانه اكتر منك ومعرفش انت ازاي اخو مراد وابن ماما سوسو صحيح البطن قلابه
سوسن : عندك حق يا غادة والله
مصلح: اعمل حسابك ملكش عيش هنا تاني
مصطفي: بابا ارجوك
مصلح: بلا بابا بلا زفت انت خليت فيها بابا
تقي : سلام يا ماما سلام يا عمي
سوسن : تقي هتفضلي بنتي
تقي : اكيد طبعا احنا علاقتنا غير يا قلب بنتك
غاده: يلا بينا سلام يا طنط
…………………….
مراد : الواطي الزباله دا مش طبيعي بجد
عزت: هم يضحك وهم يبكي
مراد: عزت انا
عزت : اسكت يا مراد متتكلمش مفيش حاجة بينا
…………………………………………..
مصطفي يعود الي مكتبه يغلق عليه ويجلس
ويتذكر
مصطفي : لاء عيال ايه انا مش عاوز اجيب عيال تتشغلي عني بيهم
تقي : الله يا مصطفي يعني انت مش هتكون نفسك تبقي اب
مصطفي : ايوه نفسي بس ل تقي بنتي وحبيبتي ومراتي وكل حاجه
تقي: طيب اسكت بقي علشان انا بخاف تتغيير
مصطفي : اتغيير انتي بتهزري انتي مالكه كياني يا توتو
تقي : يعني عمرك ما هتعرف ست غيري
مصطفي : انا الستات في الدنيا دي تتلخص في تقي غير كدا الباقي غفر يا ماما ايه انتو مفيش مرايه في بيتكم
تقي : يا خبر انا اتاخرت عندي سيكشن تشريح
مصطفي : اعتبر دا تهديد
تقي : بعد الشر عليك يا قلب تقي انا يوم ما تعرف واحده غيري مش هعملك حاجة
مصطفي: الله للدرجة دي مش هفرق معاكي
تقي : لاء يا تيفا اكبر عقاب ليك اني احرمك مني ويلا بقي هتاخر سلام
مصطفي: لنفسه فعلا يا تقي اكبر عقاب اني اتحرم منك انا بحبك يا تقي اوي ويجلس في الارض وهو يرفع صوته بزعيق انا فعلا اسف يا تقي يارب خليها تسامحني
يدخل عليه سامح زميله
سامح مالك يا عبقري في ايه
مصطفي: سامح ايه دخلت مش منبه تخبط
سامح: خبطت بس انت مسمعتش مالك في ايه
مصطفي: تقي عرفت اني اتجوزت ومصره علي الطلاق
سامح: يا خبر وبعدين ناوي علي ايه
مصطفي : مش عارف يا سامح انت عارف تقي دي حياتي
سامح : متزعلش مني يا صاحبي انت الي عملت كدا دا الجامعه كلها كانت بتحكي وتتحاكي عن تقي ومصطفي
مصطفي : انا افتكرت مش هتعرف وافتكرت انها هتزعل وتعدي بس الظاهر لاء
سامح: سيبها تعيش حياتها
مصطفي: حياتها معايا انا يا سامح ولو سمحت تخرس خالص متجبش السيره دي
سامح: انت حر بس احنا عندنا اجتماعات مهمه متنساش
مصطفي: معلش اجل كل حاجة ولا اقولك احضر انت انا مش قادر
سامح: حالتك كدا مطمنش دا انت مهما حصل الشغل عندك بتفصله وتفضي له
مصطفي: مهما حصل حاجة وبعد تقي حاجة تانيه روح يا سامح انا همشي مش قادر اقعد
سامح: انت رايح بس فين
مصطفي : مش عارف مخنوق مش قادر اقعد
………………………
عزت : مراد انت عرفت اخوك اتجوز مين
مراد: مش هيفرق معايا ان متبري منه
عزت : بس هتفرق لو تقي عرفت هتدمر
مراد: ليه هي مين
عزت : ………………
مراد: يا نهاره اسود
يتبع….
لقراءة الفصل التالي : اضغط هنا
لقراءة الرواية كاملة اضغط على : (رواية أزهار الصبار)
