رواية نزوه الفصل الأول 1 بقلم ريهام زيدان

رواية نزوه الجزء الأول

رواية نزوه البارت الأول

رواية نزوه الحلقة الأولى

_اوعي تفتكر ي علي بيه اني محطه هتنزل منها وقت ماتحب هه لا دا انا هقلب القطر عليك كله
قالتها وهي حاطه رجل ع رجل وبتبصلي وبتضحك بشماته
بلعت ريقي بتوتر*رانيا الموضوع مش مستاهل اللي انتي بتعمليه دا انا مغصبتكيش ع حاجه
قامت وقفت قصادي وهي بتبصلي بقوه _الموضوع دلوقتي بقا في ابنك اللي ف بطني ي علي بيه
برقت عنيا *انتي مجنونه اذاى دا يحصل دانا هطربقها على دماغك ي ”””
_هدي اعضائك انا اللي هطربقها دماغك انت والسنيو..ره اللي عاوز تبعني عشانها اللي مبتخلفش
محستش بنفسي غير وانا بضربها بالقلم بكل قوتي
*اخرسي دي ضفر..ها برقبتك ي حقي..ره
سيبتها وخرجت والدنيا بتلف بيا انا اي اللي عملته ف نفسي دا ركبت عربيتي بس مقدرتش اسوق شريط حياتي مر ادامي وجت صورة “نور” ادامي انضف حاجه قابلتها ف حياتي
“ايه دا ي علي
حاولت استجمع قوتي وانا بتكلم *دول دول حبوب منع الحمل ي نور
كشرت والدموع لمعت ف عيونها “ليه ي علي انت مش عايز تخلف مني ؟
مسكت أكتافها بحنيه *لا طبعا دا انا مُنى عيني ف طفل منك بس انا لسا ببدأ مشروعي وي صابت ي خابت مش عايز نزنق نفسنا ف طفل منعرفش نتكفل بمصاريفه
عيطت “بس انا ..
قاطعتها *سنتين بس وهنملى البيت دا عيال بس انتي لاحقي عليهم ومتسبيلناش البيت ومحدش يعرفلك طريق
ضحكت ودموعها لسا بتنزل ضميتها وانا بطبطب عليها وببوس رأسها
فوقت من ذكرياتي ع صوت خبط ع ازاز العربيه
\لو سمحت اتحرك عشان مش عارف ادخل بعربيتي للجراچ
شغلت العربيه ومشيت وانا بفتكر كلامها وحبها ليا
“علي مش هتقعدمعاياشويه
*مش فاضي ي نور لازم اسافر شرم الشيخ كمان ساعتين
مسكت ايدي بلطف”طب انا عايز اتكلم معاك ضروري
اتنهدت بضيق *ي الله منك اتفضلي قولي
فركت أيدها بتوتر ” انا كنت عاوزه اتكلم معاك ف موضوع البيبي و..
كنت بلم الورق اللي محتاجه *هو مفيش غير ام السيره دي ارحمي سلام
اخدت حاجتي وخرجت بسرعه
فضلت اخبط بايدي ع دريكسيون العربيه بضيق
روحت البيت لقيت النور هادي ومفيش صوت استنتجت أن نور نايمه افتكرت أما كانت بتستناني
فلاش باك
كانت لابسه فستان ابيض بسيط وفيه ورد أحمر صغير
“كل سنه وانت طيب ي علي
*وانتي طيبه ي نور تصبحي ع خير
مسكت ايدي “تنام اي دانا عملتلك تورته ولازم نحتفل
تحت إصرارها وافقت وقعدت معاها بس مكنتش مركز معاه ولا مُتقبل القاعده كلها
“مالك ي علي حساك مش مبسوط
بصتلها بضيق *بصراحه مش فاهمه دا فستان واحده تقابل بيه زوجها
بصت ع نفسها باحراج وصوتها خرج مهزوز “احم ماله ي علي
*ي شيخه بقا شوفي اللي حواليكي واتعلمي دي بقت عيشه تقر..ف
سيبتها وقومت دخلت اوضتي ورزعت الباب ورايا
باك
فضلت الوم ف نفسي بس بعد اي بقا قومت غسلت وشي ونمت جمبها
صحيت تاني يوم ع صوت نور
“يالا ي علي انت اتاخرت اوى ع الشغل
قومت بوست أيدها *لا انا انهارده مش رايح الشغل
ضيقت بين حواجبها “طب وشغلك دا فونك مبطلش رن
*سيبيه يكش يو..لع
حطت أيدها ع وشي “انت عيان ولا حاجه ؟
ابتسمت *لا بس اتخنقت من الشغل وعايز اقعد معاكي فيها حاجه
ابتسمت وحركت رأسها ب لا
“بس رانيا اتصلت بيا أما انت مردتش عليا
اتوترت بس حاولت اغير الموضوع *بقولك مش عايز اسمع سيرة الشغل انهارده
انهارده علي ونور بس ،عايز أفطر
شاورت ع عيونها “هجهزلك الفطار ثواني
مسكت الفون شوفت رسايل كتير من رانيا أغلبها تهديد ومكالمات اكتر
شيطانه دخلت حياتي دمرتها ولسا عيزاني ارتبط بيها عمري
افتكرت اول مره شوفتها
“دي بقا ي سيدي رانيا جارة خالتى بكالوريوس اداره اعمال يعني انسب حد للسكرتاريه
بصتلها بتقييم لبسها محترم ومفيش ميكب ودا كان عامل مهم عندي عشان تشتغل معايا بصيت ف السي ڤي بتاعها وكان مش بطال وافقت واشتغلت معايا
شهر واحد وكل دا اتغير الميكب بقا أساسي والهدوم بقت ضيقه اوڤر
كنت بشتغل و رانيا دخلت المكتب وهي بتتمشي بد..لع _ كدا كل المواعيد خلصت ي فندم تؤمر بحاجه تاني ؟
*لا دا وقت الانصراف تقدري تتفضلي
برقه_انا ممكن افضل من حضرتك ع ماتخلص شغلك
رميت القلم بعنف *قولتلك اتفضلي انا مطلبتش منك تستني معايا
مشيت بسرعه وانا فضلت استغفر
روحت البيت
“مالك ي حبيبي شكلك متضايق
*ي نور البنت اللي جبتيها تشتغل دي زودتها اوى
“اذاى يعني
*ميكب ولبس ضيق واخر قلة ادب
ضحكت “ي حبيبي دي بنت اغلب من الغلب تلاقيها بس عاوزه توقع عريس من عندكم من الشركه ولا حاجه
اتكلمت ف سري*دي عايزه توقعني انا
“بتقول حاجه ي علي
*ها لا سلامتك
ضغطت ع ايدي بشده :انا اللي فتحت باب للشيطانه ولازم اقفله حتي لو هيكلفني اي المهم مخسرش نور عشان مجرد نز..وه