رواية جحيم عاشق الفصل الرابع 4 بقلم الكاتبة الصغيرة

بس المفجأه في حد ذاتها شلتنا عن الحركة ….. 

علي فيييييييين …؟!!!!!!! 

وقفنا ومقدرناش نتكلم وأنا جسمي بدأ يرتعش من الخوف وبدأت اتحرك وأنا بعيط وببص لماما …. 

آآآ . أنا أ . مليش دعوه والله ماعملت حاجة والنبي يا ماما باللله عليكي خرجيني من هنا متخلهوش ياخدني والله مظلومة …. 

بدأ خالد يقرب مننا وأنا كل خطوه أنا ببعد وماما وراسيل بيحاولوا أنهم يمسكوني .. ولكني جرحي وكل عقلي متوقف علي أنه خلاص هيقتلني وأنه مش هايسبني أعيش ولو للحظة تانية .. بدأ يقرب ومافيش علي وشه أي تعابير … خالد بالله عليك والله ما عملت حاجة ماتقتلنيش أنا مش عاوزه أموت دلوقتي  .. والله والله ماليا ذنب والواطي  حمزه والله كذاب وانا ماعملتش أي حاجة خالص وسأل راسيل هي هتقولك علي كل حاجة بس صدقني والنبي والنبي  ……. بدأ يقرب أكتر وأنا من الرعب رجلي ماعدتش شيلاني خلاص وقعت علي الأرض وأنا ببكي أستسلمت خلاص الحقنة التانية اللي خلاص هتقدي علي حياتي خلاص …بدأت أعيد بهستريه وأنا بقول … يااااااارب يااااااااارب أنت العالم بيا وبحالي يارب أنصرني وبين الحقيقة .. يارب أنا عارفه أن دا ابتلاء بس أرحمني واغفر لي يارب يارب … 

قرب خالد مني أكتر ونزل ومسكيني ولكني تلقائي ..صرخت .. 

عااااااااااااااااااااا … لاااااء بالله عليك ….

ولكن حصل اللي ماكنتش متوقعاه .أنه أخدني في حضنه وبدأ يطبطب عليا بحنان أبوي معرفتش أعمل إيه غير أني أمسك في حضنة يمكن ألاقي الراحة والأمان اللي معتوش موجودين عندي …..!!! 

خالد ….. هشششش هششش خلاص ما تعيطيش أنا جمبك ومعاكي وعمري ماهسيبك أنا عارف أنك مظلومة وملكيش داعوه بأي حاجة حصلت .. بس سامحيني سامحيني علي الغلط اللي حصل مني كان لازم أعمل كدا عشان أخلصك من إيد أبوكي وإلا كان قتلك .. كان لازم أبان أني في صفه عشان أقدر أحافظ علي حياتك سامحيني يا جميلة أرجوكي  أنا كنت مصدقك حتي من غير أنتي ماتحكيلي ….. يابت أنتي بنتي يابت يعني حته مني عوزاني  أشك فيكي ..  ( بدأت دموعه تنزل بغزاره ) 

مقدرتش أرد ب أي كلمة ولا أي حاجة غير أني ماسكة في قميصه وقاعده أعيط وأقول … الحمد الله الحمد الله لك الحمد يارب الحمد الله  الحمد الله .. أنا فضلت أدعي ربنا كتير يا خالد أنه يحنن قلبك عليا. وأنه يبين الحقيقة ولكن ربنا استجابلي دعوتي  لك الحمد يارب …. 

قربت راسيل مننا وقالت بتوتر … استاذ خالد أحنا لازم نمشي بسرعة من هنا  قبل والدك مايجي ويلاحظ كل حاجة … 

خالد طلعني من حضنه ومسح دموعي والدم اللي كان علي وشي وقرب مني وباس راسي وقالي … يالا لازم تمشي مع راسيل دلوقتي عقبال ما لاقي حل للمشكلة دي  … ودايما خليكي واثقه أني في ضهرك وعمري ماهسيبك حتي لو الكون دا كله سابك انتي فاهمه …. 

انا ببكاء …  لاء ماتسبنيش بالله عليك يا خالد انا خايفه ومش قادرة أوثق حتي في نفسي .. بالله عليك أرجوك متسبنيش انا خايفه من بابا هيلاقيني وهيقتلني صدقني والله والله انا بتكلم بجد …. !!! 

خالد وهو يحاول يهديني …. جميلة !! جمييلة أهدي كدا .. أهدي كدا بس وركزي معايا. .. ( بص لراسيل) راسيل حكتلي علي كل حاجة وهي مجهزه كل حاجة لهربك من هنا هتاخدك علي مكان محدش يعرفه غير أنا وهي وبس أرجومي روحي عشان أقدر أتصرف هنا انتي طول مانتي هنا وانا متقيد ومش عارف أتحرك خايف عليكي وغير كدا موضوع الحقنة دا أبوكي ماسك فيه جامد ولو المفعول ما عملش لبكره هتكوني نهايتك رصاصه ياحزينة …. اسمعي الكلام وامشي …. !!! 

جميلة ….. !!! لاء .. لاء انا خايفه من بابا ومن حمزه هيلاقوني وحمزه هايتجوزتي غصب عني لاء. .. أرجوك لاء ماتسبنيش. … 

خالد بزعيق … انتي هبله .. انتي وجودك هنا يبقا بيقضي عليكي ياغبيه وجودك في الحاره كلها اصلا خطر أهربي يالاااا (زقهااا جامد ) 

نادية  (والدة جميلة ) وهي سانده جميلة عشان متقعش  … يالااا ياجميل أهربي ومتوجعيش قلبي أكتب ماهو موجوع يابنتي. … !!! أهربي بقا … أبوكي عمك وعمتك بيلعبوا في دماغه علي قتلك .. وغير كدا بينوي لحمزه علي نيه سوده يعني أهربي يابنتي أهربي عشان اللي جاي بعد كدا سواد سواد يابنتي …..!!! 

راسيل …. يالاا يا جميلة  خلينا نمشي قبل ماجد يشوفنا يالااااا بقاا …… 

اتحركت وانا مغيبه عن العالم كله .. أزااي في يوم وليله يحصل كل دا ازاي أبقا متهمه في أبشع الجرايم والكبائر عند ربنا سبحانه وتعالي … بقيت في عين الناس كلها زانية وبت شمال وجبت لأهلي العار .. بس مين يصدق أني مش كدا  وكل دا فيك وكذب … يارب ببا يارب …. 

ركبت التاكسي وركبت راسيل وكنا حوالي الساعة 12بليل  ونشر التاكسي ووصلنا عند شقة راسيل طلعتني الشقة وساعدتني أني اقعد علي السرير والحسن حظي أن محدش من أهلها موجود عشان هي من الصعيد  بس هي وأخوها عايشين هنا عشان شغل أخوها وجامعتها وأخوها حاليا في مأمورية في الداخلية لأنه  ظابط داخلية كبير … ساعدتني أني أخد شاور ساخن وعالجتلي جروحي وبعديها نمت حتي مقدرتش أتكلم استسلمت لظلامي يمكن أقدر أنسي اللي حصل …. 

                            صلي علي رسول الله ♥️

عند حمزه .. قاعد في مكان كله قذاره ومعاصي مكان يسكنه فقط الشياطين   بيحتفل بذبح فتاة لا حول لها ولا قوة … هو دا فعلا هو دا اللي ربنا قال عليه هو دا اللي ربنا سبحانه وتعالي قال عليه أننا مفتري علي خلق الله ودا اللي رسول قال عليه استوصوا بالنساء خيراً … ولكن هذا قد لهاهه ماله وعدم تربيته عن ذكر الله ومعرفة دينة …. ومع أنه فرحان بأنه قدر ياخد بتاره إلا أن فيه حاجة جواه بتوجعه …. طلعه من شروده دا أتصال  أول ما شافه ضحك  ضحكة سخرية … وكأنه كان متأكد  من إن بقيت خطته هاتمشي زي ماخطتلها قبل كدا  وإن خلاص نهاية جميلة قربت ….. عشان متبقاش وتحدي اللي أكبر منها … رفع التلفون وفتحه وبكل ثقة ….. 

حمزة …. ألو 

راسيل …… !!!!!!