رواية أحببت منفصم الفصل الرابع 4 بقلم رنا طارق
 |
| رواية أحببت منفصم الفصل الرابع 4 بقلم رنا طارق |
رواية أحببت منفصم الفصل الرابع 4 بقلم رنا طارق
مازن: انتي صاحيه
رنا: ايوه يدلعدي صاحيه انا ياض تستغفلني انا ياض ( بصوت بوحه)
مازن: هفهمك يكبير اهدي بس احياه عيالك
رنا: هتفعمني اي يبن الوارمه انت
مازن: بت اتعدلي مش عشان سيبتك تشتمي مره تسوقي فيها
رنا: نعااااام يروح امك
مازن: خلاص هتنزل المرادي اشتمي براحتك
رنا: احكيلي بقي غفلتني ازاي يبن اللذينه انت
مازن: مش ملاحظه انك بتشتمي كتير ولا اي
رنا: هنسيب الموضوع وهنمسك ف ام الشتيمه متتشتم وانت ساكت
مازن: هعدهالك المره دي المره الجايه هقتلك يروحي
رنا: قولي اي الحوار وبعد كده اقتلني اتس سو ايزي ياعزيزي
مازن: الشك رخيص ع فكرة
رنا: كلمه كمان وهدب ف كرشك
مازن: بصي يستي انا طول حياتي مليش ف جو الحب والارتباط والجواز والكلام ده من بعد ما امي ماتت وانا اتعقدت من الستات كلهم لكن وانا جاي ف مره من عند ماما ف الترب عديت ع بيتكم وبالصدفه لمحتك وانتي قاعده تطلعي راسك من البلكونه عشان تشوفي القمر قولت عليكي مجنونه لكن عيني مردتش تتشال من عليكي فضلت ابصلك وانا بضحك حركاتك خلتني اضحك وانا كنت جاي اساسا حزين مش هعمل زي المسلسلات واقولك حبيتك من اول نظره وبتاع بس انا فعلا قلبي اتشدلك من ساعه ما شوفتك لقيت نفسي بعدها بسال الجيران عليكي قالولي قد اي انت محترمه وكلهم بلا استثناء شكرو فيكي بس قالولي انك لاسعه شويه
رنا: جيران مش جدعه
مازن: وعرفت من جاركم وصاحب ابوكي انك بترفضي عرسان عشان رافضه الجواز دلوقتي زعلت اوي بس صممت انك هتكوني ليا حتي لو هخطفك بقيت بروح كل يوم قدام الجامعه بتاعتك عشان استناكي وانتي راحه واشوفك كنت بملي عيني منك كل شويه عشان بتوحشيني بمجرد ما اروح البيت ومشوفكيش قعدت اتابعك شهر لحد اما زهقت وناويت اتقدملك لاني عايزك جمبي
رنا: يراجل بجد شهر ده انا محدش بيطيق يعد معايا ساعه
مازن: هما بقي مش انا سبيني اكمل كلامي
رنا: كمل يخويا انا كلمتك
مازن: البت بريئه يعيني وبعدها قولت لبابا عليكي قالي ان ممكن متوافقيش عليا قعدنا نفكر لحد اما بابا قالي اني امثل عليكي اني عندي انفصام الشخصية عشان تساعديني وبالفعل بابا قالك يومها وانتي وافقتي
رنا: طب افرض مكنتش وافقت كنت هتعمل اي
مازن: كنت هخطفك ومش بهزر والله انا فعلا حبيتك وعشقتك كمان بس الحمد لله القدر وقف ف صفي المره دي وخلاكي معايا وملكي
رنا: اما قصه بصحيح
مازن: منك لله يرنا الكلب يعني انا قاعد اقولك بحبك وسيكا كمان هقوم اعمل كاتينج ناو عشانك
رنا: انت نرم يلا وحياه ربنا لو طلعت نرم لخلعك مش بعيد تبعتلي صوره ع الواتس فيها ورد وتقولي انا بحبك اوعي تكون نرم يمازن
مازن: لا مش نرم
رنا: طب عندكو شامبوووووووو
مازن: ايه
رنا: عندكو شامبوووووووو
مازن: لا معندناش
رنا: اومال عندكم اي دباتشييييييب
مازن: اه دباتشيييييب
رنا: الحمد لله جوزي مش نرم هعهعهعهع
مازن: بقولك اي بم اني مطلعتش نرم ما تجيبي بوسه
رنا: اه يقذر يمشمحترم
مازن: مشمحترم كمان نامي يرنا بدل ما اضربك
رنا ومسكته من لياقة قميصه : تضرب مين ياض
مازن: انتي قد المسكه دي
رنا ؛ انا مش هقولك اه عشان بقولها لاخويا وبيعلقني ف السقف بعدها
مازن: طب يلا نامي
رنا: تصبح ع خير يقره عيني اخيرا قولتها لحد مش كل شويه امسك صوره الممثلين الاتراك واقولهم يقره عيني ع الفاضي هيييح الواحد بقي ليه قره عين بجد هيعهيع
ودخلو ف ثبات عميق
_____________________________
الصبح
رنا قامت الصبح ملقتش مازن موجوده قعدت تنادي لكن مفيش رد
رنت عليه وبعد شويه رد
رنا: انت يا مهزءق يواطي يوسخ ازاي تنزل من غير ما تقوليي
شخص: اهدي يمدام انا مش جوزك
رنا: انت مين وفين مازن
الشخص: صاحب الفون ده عمل حادثه وموجود ف مستشفي *******
رنا بصدمه: انت بتقول اي طب….. طب هو كويس
الشخص: معرفش يبنتي والله هما خدوه ع اوضه العمليات ولسه منعرفش حاجه عنه
خرجت رنا وهي بتبكي ف صمت ووصلت المستشفى ومن جواها بتدعي ربنا يحفظه ليها فهي حبته هي كمان
رنا ببكاء: لو سمحتي ف واحد كان عامل حادثه دلوقتي وجابوه ع هنا
موظفه الاستقبال: ف الغرفه 239
رنا: شكرا
وصلت قدام الاوضه وبعدها الدكتور خرج
رنا: لو سمحت يدكتور هو المريض عامل اي هو هيبقي كويس صح
الدكتور بحزن: احنا عملنا كل اللي بايدنا لكن ده قدر ربنا
البقاء لله….
يتبع……
لقراءة الفصل الخامس : اضغط هنا
لقراءة باقي فصول الرواية : اضغط هنا
نرشح لك أيضاً رواية العودة إلى الوراء للكاتبة روان ريحان
تم
تم
تم
فين بقي الحلقات
تم
حلوه????
????????????????
????????????????????????
????????????????????????????
????????????????????????????
????????????????????????????
.
.
.
.
.
.
حلوة بس ياريت تكملوها وماتتأخروش علينا
تم
تم
تم