رواية ملكة قلبي الحلقة الرابعة 4 بقلم ندى شعبان
 |
| رواية ملكة قلبي الحلقة الرابعة 4 بقلم ندى شعبان |
رواية ملكة قلبي الحلقة الرابعة 4 بقلم ندى شعبان
– جاسر مسك ندي من أيدها جامد وهي بتتوجع من المسكة وبصلها فعينها ” انتي مين ؟؟؟
– ندي مصدومة وبصتله باستغراب ” ا..ا قصدك اية
– جاسر ساب ايد ندي وسط استغرابها ومشي وقعد علي مكتبة وحط رجل علي رجل وولع سيجارة
– تعالي !
– اجي فين !
– قربي هنا
– قربت من المكتب ووقفت
– اقعدي ! بصتله باستغراب وهي مخضوضة
– بنبرة حادة ” بقولك اقعدي
– قعدت من الخضة وبصتله باستغراب
– بصي بقا انا عايز اعرف انتي مين ، ما اللي يدخل بيت جاسر العطار لازم قصه حياته كلها تبقا متسجله هنا ” وشاور علي مخه ”
– حضرتك ..ا..ا انا قلت
– قطعها بنبرة حادة ” قبل ما تنطقي بأي كلمة لازم تعرفي حاجتين أنا مبحبش حاجاتين فحياتي الكدب والخيانة واللي يفكر يعمل حاجة منهم معايا بيبقا نهايتة الموت ” ندا بصتله بخوف واتوترت ” والحاجة التانية انا عارف انك هربانه
– ندي سمعت الكلمة دية ” وتوترها زاد وفضلت بصاله بخوف واستغراب وعرقت جامد ”
– اهدي ! ويلا بقا احكيلي قصتك اية
– ندي باصة علي الارض وهي توترها بيزيد والعرق بيزيد
– مد ايدة بكوباية ماية ” اشربي ”
– مسكت الميه وشربت وهدت شوية ” انا هحكيلك ”
– احكي !
– انا فعلا هربانه من بيت اهلي ، كانوا عايزين ..ا..ا يجوزوني غصب عني وانا كنت رافضة وطبعا انا ممرضة يعني وا..ا علي كد حالنا وهما ..كانوا عايزين يجوزوني بالغضب عشان يخلصوا مني وغير أن الشخص دة غني ملقتش حل غير أني اهرب وجيت هنا ومعرفش اي حد هنا وطبعا انت عارف لحد ما طلعوا عليا ناس عايزين يخطفوني
– طب مين الناس دول
– معرفش انت مشفتش أنهم كانو مقنعين
– وانا لية اصدقك مش يمكن مزقوقه عليا !
– عشان هو دة الصراحة
– جاسر طفي السيجارة وقام وبيقرب من ندي وهي مرعوبة وقرب منها جامد وهي غمضت عينها وبعدين فتحت عينها ” انا مش بوثق فاي حد مهما كان يكون مين بس أنا هصدقك عشان مش فاضي الفترة دي اشوف كلامك دة صح ولا لا بس لو فالايام اللي انتي موجودة فيه هنا اكتشفت انك بتضحكي عليا …بنبرة تهديد ” هقتلك ”
– ندي بصتله بصدمة وهو بعد عنها وفتح الباب ” يلا علي اوضتك !
– هزت رأسها بخوف وماشية وقفها بنبرة حادة ” لازم تعرفي أن البيت دة ماشي بنظام محدش بيعمل حاجة من غير ما يرجعلي اللي يطلع من البيت اكون عارف هو رايح وجاي من فين ، اتاخرتي علي الفطار أو الغداء اعتبري نفسك انك مش هتاكلي اليوم كله وهبعتلك نعمه تقولك علي نظام البيت دة ” هزت براسها بخوف ومشيت علي اوضتها وهو بيراقبها بعينيه
– ندي دخلت الاوضة وقفلت الباب بالمفتاح وجريت علي السرير وقعدت وهي مخضوضة وخايفه ” انا اية اللي رماني الرمية دية اشمعنا جاسر الزفت دة اللي أوقع فطريقه ، جاسر دة واحد مستفز ومش غبي يعني ممكن يعرف اني بكدب عليه فكل دة بس أنا مينفعش احكيله عن حياتي حاجة مش عارفة ممكن رده فعله اية دة شخص غريب وشكله رئيس عصابة اصلا وفاكر اني مزقوقه عليه الغبي دة وانا اصلا معرفهوش وانا لو رجعت هيقتلوني لا لا مش هقول لحد حاجة خليني مريم البت الغلبان الممرضة غير كدة لا وهحاول امشي من البيت دة فاقرب وقت قريب ” وقطع تفكيرها صوت خبط علي الباب
– قربت علي الباب ” مين ..مين
– انا نعمه ي ست مريم
– اتفضلي ي نعمه
– انتي كويسة !
– ايوة ..أيوة كويسة
– بصي بقا ي ابله مريم انا عايزاكي تعرفي أن جاسر بية طبعه صعب اوي لو حد غلط معاه أو عمل حاجة مش علي هواء بيزعل الشخص دة جامد كل البيت بيتلاشي عصبيته وفالبيت كل حاجة بمواعيد هنا فياريت تحاولي انك متعصبهوش هيدو طيب بس مبيحبش الغلط
– ماشي ي نعمه
– ماشي ي ابله مريم استأذن انا
– استغفر الله العظيم يارب يعني أنا دة ذنب عليا ولا اية مش فاهمة بجد ، هحاول بليل أني اهرب أيوة ههرب زي ما هربت من هناك ههرب من هنا مش حوار يعني
” من جهة أخري ”
– ي عزة
– ايوة ي ماما
– افتحي الباب
– ماشي
– بخضة ” نصار بيه
– ابوكي فين
– ا..جوا
– طب ابعدي كدة وزقها
– ” اية الراجل اللي غبي اللي معندوش دم دة ”
– ي عزت ي عزززززت
-بارتباك ” نصاار بية أيوة ي نصار بية اتفضل اتفضل
-ما انا اتفضلت لسة هتفضل وقعد علي الانترية وقعد قصادة عزت وعزة ومرات عزت
-بعصبية ” طبعا انت حاطط فبطنك بطيخة واية صيفي يعزززت صيفي
-انا ا..ا لا والله
-هووووش ، لا وكمان علي قلبك مراوح مراوح اية ي راجل دة تكيف دة
-والله ي نصار بية انا بحاول اوصل لندي بس
-بتحاول توصل بتحاول اية يعزززت البت بقالها تلات ايام لحد دلوقتي مختفية محدش عارف راحت فين وانت نطع قاعد قصادي
-والله ي نصار بية انا بدور عليها ومش ساكت
-وقف وقرب منه البت هربت من بيتك انت ي عزت عارف معني الكلام دة اية فيها قتلك بس أنا سايبك ومديكي فرصة لحد ما ترجعها ونشوف حسابنا بقا لو مرجعتش متزعلش ي عزت
– ندي بت ال… طول عمرها جايبالي المشاكل
– اصلا البت الشوم دية انا من زمان قلت مشيها من البيت لو مشيت زمان مكناش وصلنا لهنا
– اسكتي انتي كمان اسكتي لو كنا مشناها انتي عارفه كان هيحصل اية فينا ، بس أنا لازم أوصلها لازم
” – من جهة أخري فبيت جاسر ”
– ندي موجودة فالاوضة وبعد تفكير قامت وراحت علي اوضة دلال لقيتها نايمة ونزلت تحت عشان تشوف نعمه لقيتها مش قاعده
– ” يعني حتي مفيش بني ادمين احكي معاهم هنا هي وماشية لقت جاسر فاتح باب المكتب اتسحبت وبصت عليه لقيته قاعد وماسك صورة ومركز مع الصورة وبيتكلم مع الصورة وفجأة بصوت مسموع مليان حقد وكره ” تستاهلي القتل بأبشع الطرق اللي فالعالم ” وفجأة بص لقي ندي واقفه برا بتبص عليه
– ندي شافت جاسر شافها ركبها بدأت تخبط فبعض
– ويدوب هتجري
-بصوت عالي وهو متعصب ” تعالي !
-ا..ا ..ا انا رايحة علي اوضتي
-بنبرة حادة وعصبية ” بقولك ادخلي ”
-مالك ونعمه وشرين جريوا بسبب الصوت العالي وجريوا علي جاسر
-شاور بايديه وبنبرة عالية ” محدش يدخل انا عايزها هي وحدها وشاوير علي ندي
-الكل رجع بخوف وبيبصوا علي ندي
-شرين بتبص علي ندي من فوق لتحت بشماته ” اكيد هببت حاجة أنا قلت من الاول دية شكلها بنت من الشارع ومش مستريحالها اصلا
-مالك وقف باصص علي شرين بلامبالاه وبعدين بص علي ندي وهي خايفه وقرب من شرين ” شكل البت دية مش هتطلع من جوا انهاردة سليمة
-احسن ، عشان هي اللي لعبت بالنار
-ندي ركبها بتخبط فبعض وافتكرت كلام نعمه لما قلتلها أن متعصبهوش وكلام دلال لما قلتلها احنا بنتلاشي عصبيته ودخلت
-بعصبية ” اقفلي الباب وراكي
-قفلته وهي ايدها بترتعش من الخوف ووقفت قصاد مكتبه
-بنبرة حادة وعينه حمرا ” اقعدي !
-قعدت وهي متوترة وهتموت من الخوف
-قام وهي بترتجف من الخوف وقرب منها وبيجز علي سنانه ” انتي كنتي واقفه بتعملي اية وبتبصي علي اية ”
-هي وخايفه والدموع نازلة منها ا..ا…ا انا كنت معدية وكنت رايحة علي اوضتي ومشفتش حاجة خالص
-بعصبية اكتر ” ومسكها من أيدها الاتنين وفضل يرج فيها ” قلتلك مبحبش الكدب وقلتلك بردو اطلعي علي اوضتك يبقا تتطلعي علي اوضتك ومتتحركيش منه غير لما اقولك صح ولا غلط
-ا..ا..انا
-انتي مبتسمعيش الكلام ومعرفتيش بردو قوانين البيت صح يبقا اللي متعلمتهوش بالزوق تتعلمية بالعافية ومسكها من أيدها اجمد وهي بتتوجع ” أنا مبحبش حد يدخل فاي حاجة فحياتي فاهمة فاهمة
-بعصبية ودموع سبني سبني متمسكنيش كدة انت ازاي تعمل كدة سبني انا مش شغاله عندك ومدخلتش فحياتك
-لا شغاله عندي شغاله عندي فاهمة
-اه سبني سبني
-عايزك تعرفي انك لو عدتي دة تاني هقتلك والله هقتلك ومحدش هيسال فيكي وانا مش بهدد انا بنفذ بس فاهمة
-هزت براسها بخوف وهي بتعيط
-قومي يلا غوري علي الاوضة
-جريت وفتحت الباب وطلعت علي الأوضه وقفلت الباب وانهارت من البكاء وهي بتفتكر الضرب اللي كانت بتتعرضلو فحياتها
-” لاااا لااااا هو مين دة عشان يمد أيده عليا انا مش هقعد فالبيت دة دقيقه بعد كدة هو جيبني شغاله عنده والله همشي هو مين عشان يمد ايدة عليا ونامت علي الارض وهي بتبكي ومنهارة محدش فالدنيا دية لية حق يمد ايدة لا انا بكرهم كلهم بكرهم
– جاسر قاعد علي المكتب ومشغل سيجارة وبيفتكر اللي عمله في ندي ” مصره من يوم ما شفتها وهي تعصيني وتطلعني عن شعوري ، غبية غبية وبيخبط علي المكتب كلهم اغبياء ومسك الصورة تاني كلكم صنف واحد كلكم ”
” بليل ”
– الو أيوة ي باشا
– ايوة ي جاسر ، اية جاهز للعملية انهاردة
– جاهز باذن الله متقلقش كله تمام
– ماشي ي جاسر سلام
” جاسر قفل وفضل باصص عالموبايل اول مرة احس بأن في حاجة غلط هتحصل استر يارب “
– ي إبله مريم ي إبله مريم وبتخبط جامد
– ندا قامت وهي منهارة وبتمسح دموعها وفتحت الباب
-نعمه بصتلها بحنية ” انتي كويسة ”
-هزت براسها والدموع فعينها
-انا قلتلك جاسر بية لما بيتعصب مبيشفش قصادة
-خلاص ي نعمة مفيش داعي لكل دة
-طب معاد علاج ست دلال
-ماشي ي نعمه هغسل وشي واجي وراكي
-ماشي ي ابله مريم وهدي نفسك وبتطبطب علي أيدها
-هزت براسها بضحكه
– الو أيوة ي جو حضر نفسك العملية هتحصل انهاردة ، تمام جاي فالسكة ، ي جو قلبي مش مستريح عايزين نفتح عنينا تمام انهاردة ، تمام انا هطلع اهو
– ندي كانت ماشية رايحة عند دلال ولقت جاسر بيتكلم فالصاله وهي بتحاول تتلاشي الكلام ولكن سمعته وعملت نفسها مش سمعاه وقفت عند باب الاوضة وبتفكر فالكلام ” ياترا رئيس العصابة دة رايح فين وعملية اية وبتاع اية وانا مالي اصلا كفاية اللي حصل لحد هنا كويس أن هو ماشي عشان امشي انا كمان وشكله مشغول يعني مشي هيبقا بسهولة “
– طنط دلال ممكن ادخل
– تعالي ي مريم
– انتي عاملة اية دلوقتي
– احسن من الاول بكتير
– طب الحمد لله جيت عشان اديكي علاجك
– يابنتي فيكي الخير والله
– طب مش عايزة حاجة
– خليكي شوية نحكي ولا وراكي حاجه
– لا مش ورايا حاجة
– مالك انتي كنتي بتعيطي
– ا..ا لا بس كنت مصدعه شوية
– لا اسمالله عليكي ، اوعي يكون حد بيضايقك عشان أنا قاعدة فالاوضة هنا مش بعرف اية بيحصل برا
– ضحكت لدلال ومسكت أيدها ” عارفه ي طنط انتي حنينة اوي ومتقلقيش عليا محدش ضيقني وعينها بدأت تدمع ومسحتة قبل ما دلال تحس ”
– والله وانتي ي بنتي حنينة اوي عشان كدة حبيتك وحابة افضفض معاكي
– اتكلمي
– عارفه ي بنتي انا خايفه علي جاسر خالص
– ندي مش طايقه سيرته بس بتمثل قصادها وهي قرفانه منه اصلا ” لية ي طنط “
– يابنتي جاسر حياته كلها باظت بسبب موضوع كدة ومن ساعتها حياته ماشيه فسكة غلط معرفش اخرتها اية
– فتفكيرها ” دة بني ادم زباله اصلا
” بتسال ” في سؤال من ساعت ما جيت هنا نفسي اعرفه
– اية !
– هو استاذ جاسر بيشتغل اية !
– هو بيشتغل وفضلت تكح و تتوجع ” اهدي ي طنط اهدي كدة خلاص كفاية كلام انا هروح اعملك حاجة سخنة تهدي الدنيا معاكي
– ماشي ي مريم
– ماشي ومتقلقيش من اي حاجة ولا تزعلي نفسك استاذ جاسر عاقل وعارف بيعمل اية
– هزت براسها ” وهي من جواها مش راضية ”
– ” استاذ فعينه دة حيوان مش استاذ يارب مشفهوش قصادي تاني لحد ما امشي من هنا وهي وطالعه سمعت صوت الباب بيتقفل ” احسن راس الافعي دة مشي احسن ”
– ندي فالمطبخ وبتعمل حاجة سخنة وطلعت عند دلال وادتهالها واستنيت لحد ما نامت وباستها من جبيهتها ” سامحيني بقا انا لازم امشي ” ومشيت علي اوضتها
– ” انا لازم امشي ، مش هينفع اقعد اكتر من كدة هنا انا مش هقبل اهانه اكتر من كدة دة إنسان زباله معندوش بربع جنية دم شايفني الخدامه بتاعته وبيمد أيده عليا كمان بس والله انا همشي ونشوف هيعمل اية يعني كدة كدة انا هربانه اصلا
– مسكت شنطتها وفضلت تلم فحاجاتها وسابت الشنطة ونزلت تشوف لو الباب مفتوح ولا لا نزلت لقيته أنه قفلها من برا ، شوف كمان بيقفل عليا الباب من برا ” طلعت الأوضه بعصبية “حتي محدش قاعد فالبيت عشان اخد منه المفتاح بتاعه اعمل اية انا هستنا اي حد فيهم ياجي من برا واخد المفتاح منه حتي لو اضطريت اني اسرقه ، انا معرفش اشمعنا دة اللي أوقع فطريقه ملقيتش غير الشخص اللي معندوش دم ولا قلب دة ، انسان معقد ”
– ندي قاعدة وعينها بتغمض من التعب فجأة سمعت صوت فتح باب تحت اتسحبت وفجأة بصت ووقفت مصدومة لقت جاسر داخل ومش قادر يصلب طولة وغرقان فالدم ووقفت بخضة وعينها مبرقه هو بصه لقاها واقفه شاور بايدة عليها ووقع من طولة و ….
••••••••••••••••••••
يتبع..
لقراءة الحلقة الخامسة : اضغط هنا
لقراءة باقي حلقات الرواية : اضغط هنا
نرشح لك أيضاً رواية ملكة الزين للكاتبة نانسي محمد.
