رواية في قلبي أنت الحلقة الأولى 1 بقلم محمد تامر
 |
| رواية في قلبي أنت الحلقة الأولى 1 بقلم محمد تامر |
رواية في قلبي أنت الحلقة الأولى 1 بقلم محمد تامر
سما : ايه يا جوو ببتفرج علي ايه
يوسف : ……..
سما : اهااا بس الفلم ده مش من نوعك المفضل ده كلو إكتئاب
يوسف : ……..
سما : يوسف يوسف عرفت انا عملت ايه انهارده
يوسف : …….
سما : هقولك خلصت الرسمه بتاعتي عارف رسمت مين
يوسف : ……..
سما : رسماك يا قلبي
يوسف : …….
سما : يوسف انت ليه مش بترد عليا ومش باصصلي
يوسف : عشان …..
صمت يوسف قبل ان يأخذ نفس عميق ويردف مره اخري : عشان انتي ميته
” خبط علي الباب “
يوسف : ادخل
سميره : ايه يا يوسف يا حبيبي قاعد لوحدك ليه
يوسف : عادي يا ماما
سميره : ايوه بس الدكتور قال مينفعش تقعد لوحدك
يوسف بغضب : الدكتور .. الدكتور هو انا ماشي علي مزاج الدكتور ولا ايه
سميره : يا حبيبي إهدي , انا مقصدش كده .. انا اقصد انا و بباك واختك قاعدين بره تعاله إقعد معانا
يوسف : معلش يا أمي سبيني أقعد لوحدي شويه , وهاتلي الدواء بتاعي
سميره بحزن :اللي يريحك يبني
سميره اخدت الدواء من علي السفره وبصت فيه بصدمه قبل ما تتوجه بعصبيه لأوضة يوسف
سميره بغضب : ايه ده يا يوسف ده مش الدواء اللي بتاخده
يوسف بعدم اهتمام : عارف
سميره : وعارف انه ممنوع
يوسف أخد منها الدواء وحطه قدام عينها وشاور بصباعه قائلا : ده بيرحيني
سميره أخدت منه الدواء وحطته قدام عينه بعصبيه : لا … ده بيإذيك
يوسف خبط إيدي في إزاز الاوضه : انتي مش عااااارفه بيحصلي اييييييه ونا
لوحدددددددي مش عاااارفه كمية الوجع اللي فيا ” سكت ”
المره دي ضرب ايده في الزجاج كسره خالص وفتح إيده : هاااااتي الدواء
سميره بخوف علي إبنها : خد اهو .. أهدي يا حبيبي إهدي .. يا صابر إلحقنا يا صابر يوسف إتعور
صابر جه جري علي الاوضه اول ما شوف نزيف يوسف قال بصدمه : ايه اللي حصل
سميره بهمس للصابر : إتصل بالدكتور خليه يجي حالا
صابر بإستغراب : حاضر حاضر
يوسف بعصبيه : انتو عاوزين تتصلو بمين …! بالدكتور انتوووو فاكريييين اني بستريح مع كلام الدكتور
انا …. ” سكت حتي يشهق وتنزل دموع من عينه ليردف مره اخري : انا عاوز اكون لوحدي .
” خرج يوسف من الاوضه ولبس جاكت جلد ولسه هيخرج من باب الشقه منعه ابوه
صابر بهدوء : يوسف انا مقدر اللي انت مريت بيه , بس عشان خاطري يبني سيبني اساعدك
” نظر يوسف الي أبيه نظره تحمل عتاب ودموع , حتي اندفع خارج الشقه ”
صابر : يووووسف … استني يبني جاي معاك
________
مشهد اخر علي الكورنيش
مريم للنرمين : بس يا ستي وفضلنا نضحك طول الفرح علي منظر نهي وهي بتقع في البسين .
نرمين بضحك : فصلااااااان اقسم بالله يا بت .
مريم بضحك : لا وايه طالعه من البسين بقا ايه …! بدل ما تروح البيت او تغير هدومها لا اول كمله قالتها
لما طلعت من البسين ” اخدت مريم نفس عميق وقالت بتقليد : ” المكياااااج باااظ يا حسييييييييين ”
نرمين بضحك : يا عيني عليك يا حسيييييين .
مريم : كانت عاوزه تتصور
نرمين : اومااال
مريم : بقولك يا نونو هروح اجيب اتنين أيس كريم من عم محمود واجيلك
نرمين : أشي يا قلبي
_____
مريم : اتنين ايس كريم يا عم محمود يا عظمه
عم محمود بإبتسامه : حاضر يا ست هانم
مريم : تسلملي يا عم محمود
” طلعت مريم الفلوس واديتها لعم محمود , لكنها اخدت بالها من حاجه غريبه اوي علي بعد حوالي خمسه
متر منها كان واقف شاب علي الكرونيش بيبص للبحر كأنه هيرمي نفسه فضلت مركزه معاه لحد ما قطع
سرحانه عم محمود ”
عم محمود : اتفضلي يا بنتي
مريم : شكرا
______
نرمين بإستغراب : الله مالك يبنتي من ساعة ما جيتي ونتي في عالم تاني
مريم : بصي كده
نرمين : ابص فين
مريم شاورت بإديها : هناك اهو واقف واحد بيبص علي البحر كأنه هيرمي نفسه والله
نرمين : يابنتي انتي عبطيه .. انتي كمان واحد بيبص للبحر يبقا هيرمي نفسه طيب ما إحنا باصين اهو للبحر
مريم : يبنتي احنا قاعدين علي كرسي وبعيد اصلا عن سور الكورنيش … احنا بنتأمل بس مش اكتر
نرمين : ممممممم طيب ايه
مريم : تيجي نروح نشوفه
نرمين بصدمه : العبط اشتغل …. افرد طلع واقف عادي ساعتيها بقا هيكسفك بكلمتين يخلوكي تنتحري انتي
مريم : مش عارفه بس خايفه عليه
نرمين بضحك : هوووبا … هي الصناره غمزت يسطا ولا انا بيتهيالي
مريم : ولا غمزت ولا اصتادة خلينا نروج نعقله بدل ما ينتحر وناخد فيه صواب ….. إلحقي بصي بصي .
نرمين وهي تنظر عليه : الموضوع شكله بجد ده بيحط رجله علي ساق الحديد
” قامت مريم من مكانها بتوتر وخوف متجه للشخص ده ”
نرمين : احيه استني يا بت يا مريم الكوتشي اتخلع
____
مريم : إنت يا عم
يوسف بدون مبالاه : مهما كنت مين إمشي
مريم بخوف : إحم …. , انا بنت علي فكره هو مش واضح علي صوتي
يوسف : مش عاوز ابص ومش اتكلم ممكن تسبيني في حالي ياسمك ايه
مريم بتكبر : اسمي مريم … ونتا ؟
يوسف : ……..
مريم : عشت الاسامي
يوسف : إنتي عايزه ايه
مريم : عاوزك تعقل يا عم إنت وتسيبك من الهبل اللي انت كنت عاوز تعمله ده مش مستهله
يوسف : مش مستهله ايه
مريم : طيب ما تبصلي طيب يا عم يالي ملكش اسم انت وخلينا نتفاهم
” نرمين وصلت ”
نرمين وهي بتنهج بهمس : ها وصلتي لإيه
مريم بهمس : إسكتي دلوقتي
مريم : دي … دي نرمين صحبتي , تحب تتعرف عليها
يوسف : هو فيه كام واحد وقف ورايا …؟
مريم : ما تبص بنفسك يا عم إنت
” لف يوسف ضهره وبص عليهم الاتنين وانصدم …..! ”
نرمين بهمس : هو شاف عفريت ولا ايه
مريم بهمس : مش عارفه بس تصدقي مز الولا ده
نرمين بهمس : بس يسمعك
” فضل يوسف باصص علي مريم بعيون مفتوحه علي أخرها وقرب وبدأ يقرب منها بخطوات بطيئه ”
يوسف في نفسه : لا مش هي …! ده وهم ده مش حقيقي …! انت بتتخيل عادي …! اهدي اهدي تمالك
اعصابك .. استني متروحش خد الدواء بتاعك بسرعه ..! ”
مريم : إحم … , هو انت مدمن ولا ايه
يوسف بعد ما أخدت الحبايه بص للمريم وقال : أ … أنتي شبها
مريم : هي مين ؟
” يوسف إغمي عليه ”
مريم : انت ياعم انت اصحي يلهوي هيلبوسنا تهمة اغتصاب واحد مز
يتبع..
لقراءة الحلقة الثانية : اضغط هنا
لقراءة باقي حلقات الرواية : اضغط هنا
نرشح لك أيضاً رواية قسوة جاسر للكاتبة ملك ابراهيم.
