رواية عشق الآسر الفصل الرابع 4 بقلم ملك مختار
 |
| رواية عشق الآسر الفصل الرابع 4 بقلم ملك مختار |
رواية عشق الآسر الفصل الرابع 4 بقلم ملك مختار
ندي: انتي ي بنتي الموبايل بيرن اخلصي ردي
ملك: تليفوني انا؟
ندي: ااه اخلصي مش عارفه اتفرج علي البرنامج والبطل بيموت
ملك:لا لا…البطل مينفعش يموت دلوقتي
عشق:ردي ع التليفون الاول ي بنت الناس المحترمه
ملك:السلام عليكم
ساره:وعليكم السلام انسه ملك حسنين النجعاوي معايا
ملك:ايوه مع حضرتك
ساره:طيب انا ساره من شركه الجارحي جروب حضرتك اتقبلتي في الوظيفه وتقدري تبدأي من بكره
ملك بفرحه:بجد اتقبلت في الوظيفه….يااااي طب هو اصحابي اللي كانوا معايا
ساره: بيتهيألي دقيقه كده… الانسه عشق والانسه ندي وكمان الانسه ليان كده ده طقم السكرتاريه اللي اتقبلواا
ملك:طيب انا هقول لعشق وندي
ساره:تمام يا ملك سلام
ملك:سلام
“اغلقت ملك الهاتف وذهبت اليهم في الصالون”
ملك بفرحه وصوت عالي:عندي ليكوااا خبر كويس اوووي….ايه ده انتوا بتعيطوا ليه؟
عشق:الب…. البطل
ملك:لا..لا متقوليش…البطل مات؟
ندي:ااه مااات ماااات
ـــــــــــــــــ بعد نصف ساعه ــــــــــــــــــــــ
ندي:طب واحنا هنعمل ايه ي جماعه في موضوع الشغل ده
عشق:طالما متصلووش يبقي متقبلنااش اكيد
ملك بلا مبالاه: لا ماهما رنوا…وقالوا ان احناا اتقبلناا وهنبدأ شغل من بكره والمفروض نبقي هناك من سبعه قبل المدراء التنفيذين علشان نستلم الشغل
عشق:يعني هما رنوا عليكي وقالوا كل ده وانتي مقولتلناش لحد دلوقتي
ندي:ااه يا قادره
ملك:اللاه وانا مالي يا لمبي ماكنت بعيط علي البطل ايه معيطش
عشق:لا وجه نظر تحترم الصراحه
ندي:انا هقوم انام علشان لو قعدت اكتر من كده فيه احتمال اخبطهاا بالسكينه ده واريح البشريه
تركوها وذهبوا للنوم
ملك:مالهم دول زعلوا والا ايه ــــــــــ في فيلا الجارحي ـــــــــ
“اسر ينام في السرير ويفكر كثيرا في عشق ويتذكر ايام الطفوله حينما كان يتحدث كثيرا مع عشق وكيف كانت تجعله مثل مراهق وتمرح كثيرا ابتسم وهو يتذكر كيف كانت في كل مره في الصباح تكون حزينه وفي نهايه اليوم تشترط ان يشتري لها المثلجات كتعويض عن هذا اليوم المتعب”
اسر:طب اقولك ايه…اقول شغلتيني من وانتي عيله صغيره…والا اقول الطفله الكبيره…والا اخد حق القلم اللي نزل علي وشي..مش قادر اعمل حاجه…كل الي قادر اقوله اني مش عارف ابطل تفكير فيكي
“وظل هكذا الي الصبااح ولم ينم “
ـــــــــــــــــ في بيت عمر الصياد ــــــــــــــــــ
عمر.: ايه ي سليم
سليم:جداا ايه ي عم مش يلا علشان نلحق اليوم
عمر: لا انا النهارده اجازه….
سليم:ليه مامتك مرضيتش تديك مصروف
عمر:لا قالتلي اغسل سنانك ونام بدري
سليم:والله اتوقع طنط سحر تعمل كده
عمر:ماتلم نفسك ياعم…ماما بس تعبانه شويه وهفضل معاها….تمام سلاام
“اغلق الهاتف وذهب للاطمئنان علي والدته وذهب لينام وفي حين كان يحاول النووم تذكر ملك وضحكتها وتلك الغمازه التي تظهر عندما تبتسم فابتسم تلقائي واحس بنبض قلبه سريعا لكنه نفض تلك الافكار سريعا وذهب للنوم “
ـــــــــــــــــــ في منزل عشق ـــــــــــــــــــــــــ
“في الصباح استيقظت الفتيات وارتدوا الملابس سريعا حتي يذهبوا للشركه “
عشق ارتدي دريس باللون الكاشميري الذي اوضح بشده بياضها الناصع وارتدت طرحه بيضاء وكوتشي سبورت ابيض وحقيبه بنفس اللون
ملك ارتدت دريس باللون الموف وطرحه اوفويت وكوتشي اوفويت وحقيبه بنفس اللون
ندي ارتدت دريس باللون الرصاصي وطرحه سوداء ويتوسطه حزام اسود وكوتشي اسود وحقيبه سمراء بها خطوط بسيطه سوداء
“ذهبوا الي الشركه واخبرتهم علي مكانهم والتقوا بليان وذهبت ايضا الي عملها في مكتب المحاسبه والذي يديره احمد هي من اصرت علي العمل هناك “
عشق:السلام عليكم
السكرتيره:وعليكم السلام انتي عشق صح
عشق:صح يا قمر
السكرتيره؛.انا السكرتيره.اسمي مني وهعرفك الشغل وامشي علي طوول تمم يا قمر
عشق:ااه طبعا…بس هو انا ممكن اسال سوال
مني:قولي يرووحي…
عشق:هو انتي ليه هتمشي..قصدي هو بيتعامل بعصبيه يعني وانتي مستقيله بسببه
مني:لا لا انا مستقيله لاني هتجوز وجوزي مش عاوزني اشتغل خالص مش هكدب عليكي هو عصبي جدا ودقيق في كل حاجه بس هتتعودي
عشق:الله يطمنك
مني:.ههههه خلاص يلا نبدا
“مرت ساعتين وتعرفت عشق علي العمل وودعتهااا مني وجلست عشق تنهي بعض الاوراق بينما ملك وندي استلموا العمل من ساره لانها من كانت تدير اعمالهم وليان تجلس في غرفه المحاسبه تمسك بعض الاوراق وتدقق بها جيدا “
“دخلوا الي الشركه الاربعه بهيبتهم القاتله وجمالهم المعهود تحت همهمات الموظفات عليهم ويمدحون وساتهم بينما هم يسيرون بكل غرور ببدلاتهم الرسميه التي ماذادتهم الا جمالا وهيبتاً”
سليم:بقولكوا ايه لو مسهرناش النهارده هنتحر
عمر: انا جااي عادي جدا،شوف اللي شبه المطلقين اللي بقالوا يجي اربع ايام مش بيرضي يخرج ويقول اصلي تعبان شويه
اسر:يلا يالا انت وهو علي شغلكوا
سليم:ايوه يعني انت هتسهر والا لا
اسر:معرفش لسه مليش مزاج ليهم..هبقي اشوف كده في نهايه اليوم
احمد:طب سلاموز انا بقي
سليم:والله عيل فقري ده لو جه معانا ده هينبسط
اسر:خلصتوا اتفضلوا بقي قرفتوني.
عمر:تسلم يا رجوله
ــــــــــــــ وذهبوا الي مكاتبهم ـــــــــــــــــــــ
سليم:ايه ده هما جابوا موظفه جديده
… احم..احم
ندي:اسفه ي فن….هو انت؟
سليم:اهلا اهلا بالحراميه الصغيره
ندي بعصبيه:بقولك ايه يا كابتن انا مش حراميه انا اعتذرتلك وقولتلك مخدتش بالي كنت مستعجله
سليم:طيب بس ابقي خدي بالك بقي المره ده انا مكتبي فيه حاجات غاليه
ندي:لا وعلي اي اسيبهالك احسن
سليم:اهدي ي انسه..انا كنت بهزر معاكي مش اكتر ده انتي قفوشه اووي
ندي: انا بعتذر لحضرتك مره تانيه
سليم:يبنتي متكبريش الموضوع…اقولك تعالي نتعرف من الاول اهلا انا سليم المدير التنفيذي الاول للشركه ده وانتي
ندي:اسمي ندي وانا السكرتيره الخاصه للمدير التنفيذي الاول للشركه ده
سليم بضحك: طيب ياستي حقكك والله نرجع بقي للشغل اعمليلي قهوه وهاتي مشروع فندق الغردقه علشان نشوفه ونعمل عليه تعديل
ندي بعمليه:تمام يافندم حاجه تانيه؟
سليم:لا شكرا
“ذهب هو وذهبت ندي للقيام بالعمل بينما دول هو الي المكتب وتذكر كيف تعرفوا “
فلاااااااش
“كانت تقف ندي عند الكاشير في السوبر ماركت ويقف سليم ورائها”
الكاشير: كده خلاص يغندم حسابك ١٥٩ جنيه
ندي: طب اتفضل حضرتك… اه نسيت حاجه تانيه هجيبهاا واجي
“سليم ترك الهاتف ووقف يحاسب الكاشير الاخر ”
ندي:كده تمام عن اذنك..شكرا
“وذهبت الي الخارج وهي تحمل هاتف سليم علي انه هاتفهاا”
سليم:تمام كده…لو سمحتي كان فيه تليفون هنااا لونه ازرق كده راح فين
الكاشير:الانسه الي كانت هنا خدته وهي خارجه يفندم
سليم:متاكده؟
الكاشير:اكيد يفندم
“ذهب سليم يجري خلفهاا وينادي عليهاا”
سليم:يانسه يا قمر….يابنتي…يالهوي
ندي:جراا ايه ي استاذ ماتلم نفسك عيب اللي حضرتك بتعمله ده
سليم:عيب ايه انا كن
ندي بمقاطعه: اه طبعا عيب ايه مانت اللي زيك كل حاجه عندهم عادي عالم زبالة مجتمع ذكوري متعفن
سليم:بااااس بااااس ايه بكابورت اتفتح في وشي ايش حال انتي اللي سرقتيني
ندي بصدمه:سرقتك
سليم:ااه سرقتي تليفوني اللي في ايدك ده
“ندي نظرت الي الهاتف وهذا ليس هاتفها يالا الاحراج كم تمنت ان تنشق الارض وتبتلعها الان مدت يدها بالهاتف الي سليم وهيي تقول باحراج بالغ “
ندي:انا اسفه ماخدتش بالي فكرته موبايلي
سليم:تعرفي بعد التهزيق ده انا ممكن اوديكي الحبس سرقتي موبايلي وفيه ناس تشهد
ندي:حبس؟حبس ايه انا قولت انا اسفه ماخدتش بالي وبعدين ماهو محدش برده بينادي علي حد يقوله ياقمر عاوزني اقولك ايه يعني
سليم:وانا اعرف اسمك يعني…طب خلاص اسمك ايه
ندي:وانت مالك
سليم:يينتي علشان لما اجي انادي عليكي بعد كده ابقي عارف اسمك
ندي:مش هيبقي فيه تاني…ويلا بقي علشان مستعجله سلام
باااااااااك
سليم بابتسامه:انتي سرقتي فعلاا بس مش التليفون سرقتي حاجه اكبر من كده…. بس للاسف مينفعش الستات كلهم خاينين كلهم صنف واحد لا لا مينفعش تدق لاااا مينفعش
ـــــــــــــــــــ في مكتب عمر ـــــــــــــــــــــــــ
عمر:صباح الخير يا ساره هات….
ملك:صباح الخير يفندم
عمر: مين حضرتك
ملك بهمس:ااه غباء بقي وانا علي اخري اصلاا….انا السكرتيره الجديده يفندم واسمي ملك
عمر بابتسامه:وانا المدير تشرفناا يقمر
ملك:ملك…اسمي ملك
عمر:احلي ملك ده والا ايه هاتيلي قهوه وجيبي ملف شركه***
وتركها وذهب
ملك بأستغراب: هو عبيط؟هل هو عبيط؟
مش عارفه بس اللي عارفاه انه قليل الادب بدايه غير مبشره بالمره
ــــــــــــــــــــ في مكتب اسر ــــــــــــــــــــــــ
“اسر كان يمر من امام مكتبهاا ورأها منغمسه في عملهاا وقف ينظر لها قليلا كان يريد ان يسمع صوتهاا لكنه هل هو من سيبدا الكلام كيف وهو جاذب البنات جميعاا بنظره “
اسر:احم احم…..
لم يجد منها ردا فحمحم بصوت اعلي
اسر:احم احححححم…
عشق بخضه:فيه ايه….هو انت؟
اسر:هاتيلي ملف المشروع الجديد بتاع الغردقه وتعالي علي مكتبي
عشق:حاضر يفندم
“بعد ذهابه الي مكتبه “
عشق:احيه احيه…يعني الشخص اللي ايدي سلمت علي وشه هو بنفسه مديري…شايفين الهنا اللي انا فيه….بس بس يا عشق اهدي ي حبيبتي لو كان هيطردك كان طردك من بدري اكيد مش فاكرني يعني
“خبطت علي الباب وهي تمسك يالملف سمعت صوته يأذن لها بالدخول فدخلت”
عشق بعمليه:الملف اهوه يفندم
اسر:طيب سيبيه هنا…وعاوزك تاخدي الملف ده وقدامك ساعتين بالظبط ويكون خالص واكتبي ايميل لشركه ***بان احنا محتاجين موارد خاصه لمشروع مهم وحددي ميعاد مع شركه ***علشان نشتري الاسهم باي طريقه وباي سعر…وفيه جدول ايه النهارده
عشق كانت تكتب كل شئ وراءه وتنظر بعمليه بينما هو اصر ان يعطيهاا الكثير من الاعمال حتي تتعب لكنه صدم عندما وجدها تحادثه بعمليه كبيره وتملي عليه الجدول بكل الهدوء “
عشق:وفيه اجتماع بعد ساعه بالظبط يفندم مع شركه ***وهنناقش العقد ونشوف الشروط فيه شرط هنا يغندم مش هيبقي كويس بالنسبالنا لان كده هيبقي الربح بالنسبالنا 35%بس وهما هياخدوا الباقي بما انهم قالوا ان الموارد هتبقي من عندهم لكن كاتبين بطريقه غير مباشره اننا هنشارك في دفع نص تمن الموارد كامله ولان المصنع خاص بيهم فيقدروا يتحكموا بالسعر براحتهم وده هيحملنا احنا فلوس كتير يعني هنخسر حوالي 7مليون جنيه في الشرط ده بس
“كانت ينظر اليها وهي تمسك بالملف باعجاب كبير ونظره فخر ويحدث نفسه اتلك هي نفس الفتاه التي كانت تبكي كثيرا عندما تستيقظ للذهاب للمدرسه وكانت تقول انا اكره المدرسه اتلك هي طفلته التي لم تحب المدرسه يوماً”
اسر باعجاب واضح: بس الشرط ده غير مباشر ازاي قدرتي تتعرفي عليه
عشق بخجل:اتعلمت يفندم وكانوا بيعملوا زي محاضره بيتكلموا فيها رجال الاعمال ومن ضمن الكلام اتعلمت طريقه افحص بيها الشروط وفيه مره رجل اعمال قال ان اعم حاجه في فحص العقد فحص شروطه
اسر بضيق: ومين بقي رجل الاعمال الشاطر ده
عشق بلمعه:ده فهد حسين المهدي شخص ناجح جدا حقيقي هو قدوتي
اسر:لا واللهي…طب اتفضلي علي مكتبك يلااا اتفضلي
“خرجت عشق بسرعه بعدما رأت تلك العيون الرصاصيه اصبحت سوداء”
اسر: ادخل
سليم:فيه ايه ي عم العصبي مين دايقك
اسر:سليم انا مش فاضيلك قول عاوز ايه واخلص
سليم:عاوز اعرف مالك بقالك فتره مش طبيعي مش بتسهر وكمان يوم ماسهرت طردت البنت من الشقه ومبقتش بتنام واغلب الوقت في اوضه الجيم مالك يصاحبي
اسر:مش عارف حاسس اني تايه
سليم:مالك يصاحبي اخر مره شوفتك فيها بالحاله ده كان قبل ماتسافر المانياا
اسر:وشوف القدر انا تايه المره ده كمان لنفس السبب
سليم: ازاي نفس السبب مش المره اللي فاتت كان بسبب بنت طب والمره ده… لا لا متقولش انت حبيت بعد عشق
اسر: هي هي نفس البنت…عشق تبقي السكرتيره اللي بره ي سليم
سليم بصدمه: احلف…. يعني الموزه اللي بره ده تبقي عشق
اسر: قوم ي سليم من قدامي علشان لو قومتلك هخرجك علي نقاله..انا ناقصك انت كمان مش كفايه الهانم
سليم: ليه هي عملت ايه
اسر: الهانم عماله تمدح في ذكاء فهد حسين المهدي وتقول ده قدوتي
سليم: فهد المهدي؟ فهد اللي جاي يمضي العقد كمان نص ساعه
اسر: هو بشحمه بلحمه….
سليم: طب انا بقول بلاش تحضر النهارده واحنا نبقي نقولك الي هيحصل
اسر بشر:لا ازاي ده انا لازم احضر
سليم:الله يرحمك يفهد كان طيب
ــــــــــــــــ في غرفه الاجتماعات ــــــــــــــــــ
“بعد ان القوا التحيه وسلمواعلي بعضهم جميعا حتي يوقعوا العقود “
“فهد حسين المهدي 27عاما يدير شركات الفهد لموارد البناء شاب مرح قليلا لكنه عصبي ولا يحب اسر لانه متفوق في تجارته اكثر ويحب النساء جميعا لكنه ليس مثل اسر، شاب بشرته بيضاء عينيه سوداء وشعر بني ليس لديه لحيه طويل ورفيع قليلا”
فهد: طب نمضي بقي العقود
اسر ببرود: لا طبعا مش قبل مانشوف الشروط
فهد:ليه مالها الشروط
اسر:الشروط اللي حضرتك مغفلناا فيهاا…انسه عشق هتشرح
“عشق بعمليه وسردت كل شئ متعلق بتلك الشروط بعد انتهائها وجد ان فهد ينظر لعشق بنظرات اعجاب كبيره فغضب كثيرا “
اسر: واحنا مش هنسمح لوجود الشرط ده ابدا
فهد:والمطلوب
عشق:حاجه من التلاته ي فندم..الاول ان حضرتك تتكفل بالتشتطيبات كمان بعد الانتهاء من البنا اي ان احنا هيبقي علينا العمال والتخطيط بس
والتاني ان احنا بنفسنا نختار الشركه اللي حضرتك تجيب منها الموارد
والتالت ان حضرتك تغير الشرط ده خالص وتعوض الشركه عن كل الفلوس
فهد:انتي باين عليكي ذكيه اوووي…
عشق بخجل:ميرسي
اسر:ماتركز مع اللي خلفوني انااا
فهد:ماشي يا اسر بيه وانا موافق علي الاختيار التاني وهنظبط العقد علي كده ونبعتهولكوا ونحدد ميعاد تاني ان شاءالله
اسر:ان شاءالله
فهد:عن اذنكوا..ثم اقترب من عشق وهمس في اذنها
تشرفت بمعرفتك يا قطتي
عشق:افندم؟
فهد:معلش ماهو العيون ده برضو عيون قطط اوووي باي يا قطتي
“عشق اكتفت بالسكوت ووجهها احمر بشده “
اسر بغضب:هتفضلي واقفه كتير هاتيلي الملف علشان نراجعه اخلصي
عشق بخوف:حاضر يا فندم
“بعد زهابه ذهبت عشق الي مكتبها لتاتي له بالملف”
ــــــــــــــــــــ في مكتب سليم ـــــــــــــــــــــ
ندي:وكده نبقي خلصنا يا فندم ونحدد الموقع بس والتغطيه
سليم:طيب…ابعتي ايميل الشركه واطلبي منهم يشوفوا ميعاد مناسب
ندي:تمام يا فندم
“كانوا يجلسون علي كنبه وهي في الكرسي المقابل ويستندون علي الطاوله رفع عيونه ليجد تلك العيون تنظر له تاه في عيونهاا وظل يقترب ويقترب حتي افاق عليهاا عندما نهضت سريعا وقالت “
ندي:ده ميعاد الغداا يا فندم بعد اذنك
سليم:استني…ايه رايك نتغدي سواا
ندي:اسفه يفندم بس
سليم:انا مش قصدي حاجه انا بس قصدي علشان نشوف التغطيه والعمال تقدري اعتبريه غدا عمل
ندي:اذا كان كده تمام يافندم هجيب حاجتي واسبق حضرتك علي تحت
سليم:لا هاتي حاجتك واستنيني بره
ندي: تمام يافندم
“وذهبوا لتناول الغداء وظلوا يتحدثوا في العمل قليلا وفي حياتهم قليلا اخري واصبحوا اصدقاء “
ــــــــــــــــــــــ في مكتب عمر ــــــــــــــــــــــ
“كانت ملك شارده وتشعر بالملل فالبرغم من انها تحب العمل كثيرا الا انها تعشق المرح ايضا ولقد جاعت كثيرا، اما عمر فهو مرح جدا لكنه في وقت العمل لا يروح ابدا وكانه اله للعمل”
ملك في نفسها: ياربي علي الملل اللي انا فيه فين البيت، فين السرير، فين الاكل يجدعان هو مفيش هنا استراحه غدا
عمر: ملك… ملك ملااااااك
ملك بفزع: فيه اي فيييه اييي
عمر: اي يبنتي سرحتي
ملك: لا يفندم انا معاك بس كنت بحسب ليه الموقع ده بالذات ماالغردقه كبيره وبعدين هنا فيه اوتيلات كتير
عمر: لان الاجئين هنا اكتر وكمان السياح وده مكان قريب جدا من البحر والناس بتحب الاماكن القريبه من البحر
ملك: ااه كده فهمت. ….. هو اح
تررررررن ترررررن
ملك بفرحه:ههيييييييييييه استراحه الغداا مش مصدقه افرااج
عمر بصدمه: افراج؟ للدرجه ده الشغل ممل
ملك:بصراحه حضرتك اللي ممل
عمر:انا ممل؟ده انا كله بيحلف بخفه دمي
ملك بسخريه:ايوه ايوه زي امبارح كده كله بيحلف بحلاوتك وفي الاخر العصفوره علمت عليك
عمر.:طب احترميني انا في مقام مديرك في الشغل
ملك: طب ياعم المدير ممكن امشي بقي بااي
“كانت تلف نفسها للذهاب وبينما خطت علي شئ وخذلتهاا قدمها كانت ستقع لولا ذلك الذي امسك بيدها ليضمها اليه سريعا وبحركه تلقائيه منها وضعت يديهاعلي صدره وهي مغمضه العينين تنتظر ان تقع وتسحق دماغها لكن لم يحدث بينما هو كان ينظر عليها بهذا الشكل الطفولي فهي بريئه للغايه ولكن ما هذا الشعور الذي بداخله الذي يجعله يتمني لو يتوقف العالم ليظل هكذا ولما قلبه يدق هكذا فتحت عيونها لتجد نفسها في هذا الوضع فابتعدت عن سريعا وهي تتاسف كثيرا وتركته وذهبت فهي شعرت بنبضات قلبه التي تكاد تجذم بانها ليست مؤشرات طبيعيه بالمره “
عمر:فيه ايه يا عمر اشمعنا هي مانا قابلت ستات من كل انحاء العالم وشوفت ولمست ورقصت مع ستات كتير اشمعنا ده اشمعنا ده اللي كل اما اقرب منها بحس ان رووحي هي البي نفسها تضمها اكيد فيه حاجه غلط ممكن اكون عاوز اعمل زي ما بعمل مع كل الستات
لا انا من ساعه ماقابلتها مفكرتش فيها بالطريقه ده فيه ايه يا عمر ماالك فوق كده وصحصح اكيد سهره النهارده هتفوقني
“وانتهت استراحه الغداء للجميع واتي وقت انتهاء الدوام ”
“دخلت سيده ترتدي ملابس تكشف اكثر مما تستر وقالت”
الفتاه:هاي يا انتي عمر باشا موجود
ملك بتقزز:اه فيه ميعاد مسبق
الفتاه بدلع:.انا مش محتاجه ميعاد قوليله بس دينا بره او دودو هيهيهيهي والا اقولك انا هدخل
ملك:مينفعش يا مدام كده
“دخلت الفتاه وعمر يجلس علي المكتب وقالت الفتاه بدلع وهي تسير تجاهه باغراء واضح”
دينا:جرا ايه ي موري ماتخلي السكرتيره ده تفهم
ملك:يامستر عمر حاولت امنعها وهي مرضيتش وك
عمر.:مش مشكله يا ملك تقدري اتفضلي دلوقتي وابقي قوليلي قبل ماتمشي
ملك.: تمام يافندم
ــــــــــــــــــــــــــــــــــــــــــــــــــ
جمعت ملك اشيائها ووضعت كل شئ بمكانه وكانت تريد ان ترحل لكنها تذكرت ان تخبره اولا فطرقت الباب لكنه لا رد ففتحت الباب لتنصدم مما رأت
