رواية كانسر الفصل الثالث 3 بقلم آية السيد
 |
| رواية كانسر الفصل الثالث 3 بقلم آية السيد |
رواية كانسر الفصل الثالث 3 بقلم آية السيد
انجي بعصبيه /انتي مجنونه يا حور ايه اللي انتي بتقوليه دا
حور ببرود عكس ما بداخلها /ايوة يا انجي هو دا الصح
انجي بعصبيه من برودها /حور انتي اكيد مجنونه عشان تفكري كده
حور /انا خلاص خدت قراري يا انجي ومش هرجع فيه مهما حصل
انجي بعصبيه /انتي عارفه انتي بتقولي ايه انتي مش عاوزة تتعالجي ليه
حور بعصبيه ودموع /واتعالج ليه وانا عارفه النهايه…. ليه اتعب جسمي واستنزف روحي ….. وكملت بالم /…. انتي عارفه يعني ايه كيماوي يعني شعري هيقع و وحوالين عيني هيبقا اسود وجسمي مش هيبقا باين ملامحه اذا كان بنت ولا ولد…. يعني هتعب أعصاب اهلي وقبلهم هتعب اعصابي انا… واحط امل مش موجود… هفضل عايشه علي امل اني ابقا كويسه رغم اني عارفه انه مش هيحصل يبقا ليه بقا اتوجع ليه
انجي /عشانك يا حور لازم تواجهي عشانك وعشان اللي بيحبوكي وهيتوجعوا في بعدك عشان اهلك وعشاني وعشان مالك
حور بدموع وقلبها وجعها /مالك!!
انجي بدموع وحنيه /ايوة يا حور مالك حبيبك مش دا اللي انتي طول عمرك انتي وهو بتحبوا بعض واللي خلاص كلها كام يوم وتبقي مراته وتبقي معاه طول العمر
حور بسخريه والم /طول العمر…. ما خلاص بقا انا مش هينفع اكمل مع مالك يا انجي مبقتش انفعه
انجي بصدمه /ايه اللي انتي بتقوليه دا يا حور
حور بالم /ايوة…. هيعمل ايه بمريضه سرطان…. عارفه يعني ايه مريضه سرطان يعني واحده عايشه ومش ضامنه اذا النفس اللي داخل هيخرج ولا لا… يعني واحده خلاص كلها ساعات او ايام بالكتير وتموت ويتمحي اثرها ذنبوا ايه انه يعيش مع واحده بالمنظر دا مالك طيب ويستاهل واحده احسن مني بكتير….. يستاهل واحده سليمه
انجي بعصبيه /حور بطلي كلامك دا ومالك بيحبك وانتي عارفه كده كويسه وحتي لو مش هتتعالجي عشان مالك فعلي الاقل عشان ربنا..ربنا اللي قال “ولا تلقوا بايديكم الي التهلكه”
حور بدموع /بس انا خايفه اوي ومعدش عندي طاقه اعافر عشان حاجه عارفه نهايتها
انجي بدموع وهي تحتضنها /خلي عندك امل في ربنا وان شاء كله هيبقا تمام بس بالله عليكي اهدي ووافقي علي العلاج عشان خاطري فكري
حور بدموع /ماشي يا انجي هفكر
انجي بحنيه /والله هتبقي كويسه وهفرح بيكي انتي والواد مالك كمان و…
حور بمقاطعه وجمود /لا يا انجي مالك مش هيعرف حاجه وانتي مش هتقوليله مهما حصل
انجي /ايه معني كلامك دا يا حور
حور بالم /مالك يستاهل حد احسن مني… انا ومالك مننفعش لبعض ولا نصيبنا مع بعض
انجي /بس…
حور /من غير بس… اوعديني يا انجي انك مش هتقوليله حاجه
انجي /لا رد…
حور /اوعديني يا انجي… عشان خاطري اوعديني
انجي بحزن و رائفه بحاله صديقتها /اوعدك… اوعدك يا حور
حور بدموع /انجي انتي وعدتيني
انجي حضنتها /حاضر والله بس اهدي
___________________
في منزل عائله الصواف
والد حور /يا ايمان… يا ايمان
ايمان (والده حور) /ايوة يا احمد
احمد/هي حور لسه مرجعتش من بره
ايمان /لا لسه هي قالت هتروح تجيب التحاليل بتاعتها من المستشفى وجايه
احمد /طيب رني عليها شوفيها فين كده
ايمان /حاضر
ايمان رنت علي حور
_____________________
علي البحر
حور كانت بتعيط و انجي حضناها وفجأه سمعت صوت تليفونها بيرن
حور بعدت عن انجي وبصت في التليفون لقت والدتها هي اللي بتتصل
حور بدموع /ماما
انجي /طيب أمسحي دموعك وردي عليها عشان متقلقش
حور بايماءه /حاضر
حور مسحت دموعها وفتحت الموبايل
حور بصوت حاولت تخليه طبيعي /الو
ايمان /ايوة يا حور انتي فين
حور /انا علي البحر مع انجي يا ماما
ايمان /طيب جبتي التحالبل
حور عيونها دمعت /ايوة
ايمان بقلق /طب طمنيني يا حبيبتي
حور /اما اجي يا ماما هحكيلك انا جايه دلوقتي
ايمان /ماشي يا بنتي وسلميلي علي انجي…. ابعتلك أسر؟؟
حور /لا يا انا جايه … سلام
ايمان /سلام يا حبيبتي وخدي بالك من نفسك
حور /ماشي
انجي /هتروحي؟؟
حور /ايوة
انجي /حور لازم تعرفي اهلك علي الاقل
حور /ان شاء الله… انا همشي
انجي /اجي معاكي
حور /لا يا حبيبتي انا كويسه متقلقيش
انجي بقلق /بجد
حور بايماءه بمعني ايوه
انجي حضنت حور وهي كمان حضنتها /خدي بالك من نفسك وأما تروحي كلميني
حور /حاضر
حور سابت انجي ومشت وبحاول تتحكم في دموعها
حور بصت للسماء بدعاء /يا رب انت القادر علي كل شيئ يا رب
وبعدين نزلت عيونها تاني وفجأه خبطت في حد معدي و شويه قهوه اتدلقت عليه
الشخص بعصبيه /مش تحاسبي
حور بدموع /اسفه
الشخص هدي شويه واستغرب من عياطها /طب اهدي والله مش قصدي ازعلك… انا اسف
حور /عن اذنك
الشخص باستغراب /مالها دي ومعقول عيطت بسببي ولا فيه حاجه تانيه وليه عيونها حزينه اوي كده
صاحبه جه /ايه يا عم مالك مبلم كده ليه وبتكلم نفسك ليه
الشخص بانتباه /هه
صاحبه /هي وصلت ل هه.. لا دانت حالتك صعبه خالص وبعدين ايه اللي وقع القهوة عليك كده
الشخص /بطل تريقه يا ظريف ويلا بينا عشان اتاخرنا وهحكيلك بعدين
صاحبه /دا علي الأساس ان انا اللي كنت واقف متنح كده واكمل بغمزة /هي الصناره غمزت ولا ايه
الشخص /يلا وبطل استظرافك وعشان عاوز اغير القميص دا لان شكلي مسخره اوي
صاحبه بضحك /ههههه بصراحه اه
الشخص /ههه خفه يلا
صاحبه /يلا يا اخويا اما نشوف اخرتها
واكمل الاتنين طريقهم
________________________
في منزل عائله الصواف
احمد /كلمتيها يا ايمان
ايمان بايماءه /ايوة
أحمد /طب هي فين وسالتيها علي التحاليل ولا لا
ايمان /هي علي البحر مع انجي وسألتها قالت اما تيجي
أحمد /هي هتيجي امته
ايمان /قالت الوقتي
أحمد /طيب ابعتيلها اسر
ايمان /قولتلها قالت هتيجي لوحدها
أحمد /ماشي انا في الاوضه لغايه ما تيجي
ايمان بايماءه /ماشي
_____________________
عند حور
حور وصلت تحت العماره وبتحاول تمسح دموعها و بعد عشر دقايق طلعت
حور خبطت علي الباب وحاسه انها مش قادره تقف علي رجليها
ايمان فتحت الباب ولقت حور
ايمان بقلق من منظر حور /حور مالك يا حبيبتي
حور دموعها نزلت تاني واترمت في حضن والدتها
ايمان بقلق علي بنتها /مالك يا بنتي…. حور
وفجأه حست بتقل جسم حور بعدتها عنها
ايمان بصدمه وصريخ /حورررررررررر و………
يتبع…..
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية جوازة غصب للكاتب عمرو خالد
