رواية يوميات زوجة كوميدية الفصل الثالث 3 بقلم لمياء علاء
 |
| رواية يوميات زوجة كوميدية الفصل الثالث 3 بقلم لمياء علاء |
رواية يوميات زوجة كوميدية الفصل الثالث 3 بقلم لمياء علاء
ورد / يزن، يزن، يزن
يزن بصوت عالٍ/ يخربيت يزن اللي كررتيها ميت مرة، نعم يا ست ورد
ورد ببراءة/ حبيبي إنتَ عارف أنا بحبك قد أيه…؟!
يزن بنظرة مترقبة/ لا مش عارف
ورد ببراءة / قد البحر وسمكاته
يزن/ لا والله، يعني مش قد البحر بس.
ورد/ تؤتؤ البحر وسمكاته????
يزن/ قوليلي عايزة أيه، إشجيني
ورد/ على طول كدة تفهمني غلط
يزن/ على طول فاهمك صح للأسف????
ورد/ هو أنا عشان بقولك بحبك قد البحر وسمكاته يبقى عايزة حاجة، إنت ظالم.????
يزن/ أنا ظالم، ومفتري فعلا إنتِ عندك حق، عمومًا وأنا بحبك يا وردتي.
ورد وقد صمتت عن الكلام لمدة دقيقة ثم قالت/ يزن…!????
يزن/ إمممم، بتفكري هتقوليها ازاي صح بعد ما كشفتك…؟!????????
ورد بابتسامة/ بص بقى من غير لف ودوران????
يزن / أيوة بالظبط كدة تعالي دوغري زي الشطورة، عايزة ايه بقى..؟!
ورد / عايزة أتبنى نونو
يزن بصدمة/ تتبني أيه يا أختي؟!????
ورد وقد أغمضت عينيها وفتحتها عدة مرات/ نونو
يزن/ ورد إحنا لسه متجوزين بقالنا شهرين يعني لحقتي تقولي عايزة أتبنى نونو
ورد / لا ما أنا مش عايزة نونو اللي هو طفل إنسان يعني????
يزن باستغراب/ ليه هو فيه نونو حيوان وأنا معنديش علم????
ورد/ أه ????
يزن / ورد…!
ورد / بص أنا هفهمك أنا عايزة نونو قطة صغنونة كدة
يزن بصدمة/ قطة….!!، وتتبنيها…!!، ليه هي قطط الشارع قصرت معاكِ في حاجة، أنزل اجيبلك قطة????
ورد / لا أنا عايزة قطة من ملجأ للقطط
يزن/ لا والله هي القطط لها ملجأ وانا معرفش????
ورد / يزن الله بقى
يزن/ نفسي اعرف دماغك فيها أيه، معندكيش نفس لكلب نتبناه بالمرة ????
ورد/ هي كانت فكرة الكلب في دماغي بس عرفت إنه نَجِس وكدة فمرضتش، لكن القطط مش كدة
يزن / الكلب نجس…!!، إمممم وجهة نظر برضوا، طب وهنسمي القطة أيه؟! ما انا هبقى بابا القطة وانتِ ماما بقى..????????
ورد / نسميها كورتي البعبع????????
يزن/ مش ده اسم أبو عين محول اللي بييجي في شركة المرعوبين ????
ورد وهي ترفع سبابتها أمام يزن/ مسموش أبو عين محول لو سمحت????
يزن/ والله، دا انتِ بتحترمي الكرتون أكتر مني ????
ورد/ يزن هنجيب القطة ولا لا؟!
يزن/ فاكرة يا ورد لما اتجوزتك????
ورد/ وايه اللي جاب سيرة جوازنا بقى دلوقت، قول انك بتضحك عليا ومش هتجيب القطة ????
يزن مستطردًا كلامه/ ساعتها أنا شوفت باباكِ بيعيط جامد
ورد/ يا حبيبي يا بابا، كان عارف إنك هتبهدلني ومش هتجيبلي القطة????
يزن/ لا دلوقت انا عرفت كان بيعيط ليه؟!، بيعيط على خيبتي إن ادبست في واحدة هبلة زيك، يالا من هنا يا به بدل ما زعلك، قال قطة وكلب قال!!????????
ورد / يعني مش هتجيب القطة؟!
يزن/ لا ويالا ادخلي نامي بقى ولا أقولك كملي مسلسل مرعشلي بتاعك، خُدي التابلت اهو
ورد/ لا ما أنا خلصت المسلسل????
يزن/ ما شاء الله عندك أداء سريع في سماع المسلسلات????????
ورد/ ماشي، ماشي، بس مش هنام ومتتكلمش معايا تاني لو سمحت، و أكل مش هعمل، وغسيل مش هغسل، وترتيب مش هرتب، فاهم…!!
يزن/ اللي يشوفك وإنتِ بتتكلمي يقول البت مقطعة السمكة وديلها في الشقة وعاملة زي النحلة، وإنتِ فاشلة في الطبخ والغسيل…!، يالا يا فاشلة????????
ورد/ يزن…!!????
يزن/ يا فاشلة????
ورد بصوت عالٍ/ يزاااااااااااان
……………………………..
يزن / ورد
ورد مش راضية تتكلم/ ……
يزن/ ورد أنا بكلمك على فكرة
ورد / وأنا مش بكلمك على فكرة
يزن وهو بيضحك/ بس إنتِ رديتِ أهو????????
ورد بعصبية/ اطلع برة، برررررررة
يزن/ طب مش عايزة شوكولاتة
ورد / أه لا ????
يزن/ أه ولا لا ????
ورد/ مش هرد
يزن/ طب تشربي بيبسي؟!، أنا جيبت بيبسي وشوكولاتة أنواع كتيرة جدا وجيبت شيبسي.
ووضع إحدى أصابعه على رأسه علامة على التذكر وقال/ وأيه تاني يا يزن، جيبت أيه تاني، أه وجيبت مارشميلو طعمه تحفة وكيمو كو……
ورد / خلصت كلام؟!
يزن/ لس….
ورد / برة
يزن/ بقى كدة، ماشي بس أنا مش بيصعب عليا حد خصوصا في الأكل، ماشي????
ورد وهي تنظر له بغيظ/ طفس????
…………………………
بعد ساعة وورد قاعدة في أوضتها ويزن في الصالة
يزن ماشي يغني في الشقة/ بحبك موت يا مجنونة، بحبك موت يا مجنونة وحلو الحب حلو الحب في جنانك، وبتحدى اللي عاتبونا، أنا بتحدى اللي عاتبونا وأخاصم الكل، أخاصم الكل علشانك.
ورد خرجت وقالت/ ممكن متغنيش
يزن بغيظ/ أنا حر أغني مغنيش
ورد/ لا إنت مش حر وأنا كيفي بقى إنك متغنيش
يزن/ والله
ورد/ وبعدين صوتك مش حلو، مصطفى قمر صوته أحلى
يزن/ تصدقي خسارة فيكِ الأغنية
ورد وهي بتطلع لسانها/ نينينيي…????
يزن/ بقى كدة
ورد / أه
يزن/ ماشي
ورد/ أنا عايزة أكل????????
يزن وهو متجاهل ورد / ما تاكلي هو أنا منعتك
ورد/ لا عايزة من الحاجات اللي جبتها
يزن/ مش سامعك من الدي جي
ورد / قهوة ونسكافيه، ما تخلص وديت الحاجات فين ياض بدل ما والله أغزك????????????
يزن باستغراب/ ت….أيه…؟!، تغزيني، وربنا إنتِ باين مولودة في سجن النسا.????
ورد/ اتريق براحتك، بس هتقول برضوا فين الحاجة
يزن/ عندك في المطبخ
ورد وقد همت لتناول الأكل
يزن وهو ينظر لها/ وربنا هتموتني في يوم من عمايلها، هو مين دعى عليا ياارب
ورد / سامعاك واتقي شر الحليم إذا غضب، أنا بقولك أهو
يزن/ شر الحليم…!????
ورد بضحك/ آيس كريم في جليم????
يتبع ……
لقراءة الفصل الرابع : اضغط هنا
لقراءة باقي فصول الرواية : اضغط هنا
نرشح لك أيضاً رواية العودة إلى الوراء للكاتبة روان ريحان
